.jpg)
اليوم المنتظر وهو يوم زفاف ملك وعمر. يوم جديد بأحداث جديدة في فيلا الجرحى. في غرفة فهد وندى. فهد صحى لقى ندى نايمة على صدره العاري. ابتسم وقام أخد شور ولبس بنطلون أسود وتيشيرت أبيض بنص كم وكوتش أبيض وواقف قدام المراية بكل جاذبية. فهد راح جنب ندى: ندى ندى. ندى بنوم: اممم. فهد: إيه مش ناويين ننزل؟ زمان عمر وملك الدنيا مقلوبة معاهم. أنا نازل وإنتي خلصي وانزلي تمام. ندى بحب: تمام. فهد قبل شفتيها بقبلة رقيقة ونزل.
نور نزلت هي ومراد. قعدوا على السفرة. نور: بس مين اللي مسؤول عن الزينة؟ فهد رد: مهندسة ديكور. مراد إنت تعرفها اللي كانت بتشتغل في الشركة عندنا. مراد: أيوه المهندسة سلمى. أوعى تكون هيفاء. فهد بخبث: والنبي هيفاء. مراد: طيب كويس. نور: إيه الكويس يا مراد بيه. مراد بخوف: حبيبتي أنا بتكلم عن حاجة. أنا أقدر حد يكون معاه النور ويبص للضلمة. نور: أيوه اتعدل كدا. وقامت وبدأ الكل يشتغل.
نزلت ندى كانت لابسة ميني دريس وسايبة شعرها وكانت جميلة جداً. نزلت هي وملك ونور وراحوا على المطبخ. في الجنينة. سلمى بدلع: فهد قصدي فهد بيه. إنتوا عايزين ألعاب نارية؟ فهد: أيوه طبعاً. عايز يكون فرح ما حصلش تمام. عمر: أيوه بقى. فهد بضيق: خير؟ فهد لسلمى: العريس. وفضلوا يتكلموا. في المطبخ. ندى: دادة سميحة عايزين يكون الوجبات متغلفة ماشي. سميحة: ماشي. نور بغيظ: قال سلمى قال. يا ترى مين دي.
ملك: مالك يا نور بتتكلمي نفسك ليه. ندى بضحك: الهرمونات اشتغلت يا عيني يا مراد. نور: بس اسكتي إنتي وهي. في واحدة اسمها سلمى مهندسة الديكور تبع الحفلة ومراد وفهد إيه معجبين أوي. ندى بضيق: مين دي إن شاء الله وفهد معجب. نور: ما شفتوش وهو بيتكلم عليها. ندى بعصبية: أوعي كدا إنتي وهي. هو فهد فين. ملك: يا حرام أخويا والله كان ابن حلال. ندى طلعت الحنينة لقت سلمى بتضحك مع فهد وفهد بيضحك.
ندى بعصبية: الله يكون. جيت في وقت مش مناسب يا فهد بيه ولا حاجة. فهد بتوتر: ن ندى حياتي في إيه. إنتي كويسة. ندى لسلمى: إنتي ندى الجرحى مراته يا حلوة. فهد بيكتم الضحك. سلمى: اتشرفت يا مدام. ندى: لو سمحت يا فهد بيه ممكن أهدك شوية. دا لو وافقت يعني. فهد بسرعة: طبعاً طبعاً. عمر: الحق يلا يا مراد. مراد: يلا يا مراد. في إيه. عمر: فهد انمسك. ندى شفتيه. مراد: الله يرحمه كان عينه زيغة. في غرفة فهد وندى.
فهد: يعني إنتي بتعيطي ليه دلوقتي. أنا مش فاهم. ندى بعياط: يعني إنت واقف مع البت دي ليه ها. كنت بتقولها إيه. أيوه إنت معجب صح. فهد بعصبية: معجب بمين بس. مين اللي قالك كدا. ندى: أيوه ما أنا خلاص مبقتش أحبني صح. فهد خدها في حضنه وبيمسح دموعها: يعني يا ندى أنا يكون عندي ملاك وأبص لحد تاني. ندى: يعني إنت لسه بتحبني. فهد قعد وقعدها على رجله. فهد: أنا بموت فيكي. إنتي روحي ودنيتي. إزاي مش هحبك يعني. ندى: بحبك يا فهد.
فهد بتوهان حط جبينه على جبينها وقبلها قبلة طالت لدقائق. ندى بكسوف: فهد الباب. فهد بتوهان: ماله. ندى: بيخبط. روح شوف مين. فهد بضيق: مين الرخم دا. تمام. أه. لو لقيته عمر. راح فتح له: أسفين على الإزعاج بس عايزين الميكب آرتست مراتك يا فهد بيه. فهد بضحك: يعني مراتى بقت ميكب آرتست. ندى: باي يا فهد. ورايا شغل. فهد بغيظ: تمام روحي. واتجهت إلى غرفة ملك وبدأ الكل يجهز نفسه. في الليل عند البنات.
ندى لبست وبقت في قمة الشياكة. ونور كمان بقت في قمة الجمال. وملك اللي لبست فستان عروسة اوف شولدر وبقت زي الملكة فيه مع ميكب ندى الرقيق. بعد وقت. ندى: أنا مش مصدقة يا لوكا. إنتي جميلة جداً. ألف مبروك يا روحي. ملك بتوتر: الله يبارك فيكي يا نودي. نور: مالك متوترة ليه. ملك بتوتر: مش عارفة بس أنا متوترة خايفة وكل حاجة. ندى: مفيش حاجة تستاهل التوتر. الباب خبط.
ندى: العريس وصل. وراحت فتحت كان فهد ومراد اللي في قمة من الجمال والجاذبية. فهد: أوبا إيه الجمال دا. أنا مراتى حلوة كدا. ندى: بجد الفستان حلو. فهد: الفستان واللي لابسه. مراد: إيه القمر دا. نور: شكراً يا حبيبي. مراد: إيه مش يلا يا فهد ولا إيه. فهد دخل شاف ملك. فهد باس رأسها وحضنها: ألف مليون مبروك يا ملوكتي. ملك: الله يبارك فيك يا فهد. مراد: أبوه الواد عمر دا واقع وقعه حلوة واللهم. مراد مسك إيد نور ونزلوا.
فهد مسك إيد ملك وندى ماسكة فستان ملك ونزل. أول ما فهد وملك نزلوا الألعاب النارية بدأت تشتغل والصفير. فهد سلم على عمر وأداله ملك: حافظ عليها يا صاحبي. عمر حضنه: في قلبي قبل عيني. عمر راح باس إيد شريف وعلي وأخد ملك راح على الكوشة والألعاب النارية بدأت تشتغل في الجو تاني. ندى بخوف: فهد. فهد لاحظ خوفها: عمري. في إيه مالك. ندى بخوف: أنا بخاف من الألعاب النارية. فهد بضحك: أنا فعلاً اتأكدت إني متجوز طفلة.
ندى مسكت إيده: بس أنا مش طفلة. فهد: إنتي طفلة الفهد يا روحي. وراحوا قعدوا على الطربيزة والإعلام عينه على فهد الجرحي ومراد الألفي. في الكوشة. عمر: إنتي نورتي حياتي ودنيتي يا ملكة قلبي. ملك بكسوف: بحبك يا عمري. عمر: وأنا بعشقك. وخد إيدها وراقصوا على أغنية أنا بعشقك. فهد قام بكل كبرياء ومد إيده لندى. فهد بكبرياء: تقبلي بالرقصة دي. ندى قامت بكل حب: طبعاً. وراحوا رقصوا. مراد ونور بيرقصوا.
مراد: عمري ما كنت أتوقع إني هتجوزك يا نور. نور: ولا أنا. معقول أنا أكون مدام مراد الألفي. مراد: إنتي فرحتي يا نور. نور: وإنت حلم كان بعيد عليا وبقى بين إيديا خلاص. عند ندى وفهد. فهد: أنا عمري ما كنت أتوقع إني في يوم هرقص مع بنت قدام الصحافة والإعلام لأني مكنتش بعترف بأي بنت. ندى: ودلوقتي بتعترف يا فهد.
فهد: إنتي جيتي غيرتي فهد الجرحي اللي الكل بيخاف يكلمه يا ندوشتي. وقبلها قبلة من شفتيها في وسط كسوف ندى وتصوير الإعلام والصحافة واستغراب المعازيم. وبعد عنها. ندى بكسوف دفنت وشها في رقبة فهد: إيه دا يا فهد كسفتني. فهد: ارفعي راسك لفوق يا ندى. إنتي مراتي. ندى سمعت كلامه ورفعت راسها والكل صفق ليهم على الرقصة والقبلة.
تابع الفصل التالى من هنا
