رواية مهمة مشفرة الفصل السابع عشر 17 بقلم ملكه حسن
#الفصل٠السابع٠عشر
#مهمه٠مشفره
#بقلم٠ملكه٠حسن
سمعت صوت شهقات جايه من اوضه ابنها قربت من الأوضه براحه واتصدمت من اللي شافته قدامها كانت
ملكه قاعده علي الأرض وماسكه تيشرت امجد وحضنه
وبتبكي بقهر وحزن
كانت أم امجد مش فاهمه حاجه بس صعب عليها
المنظر حضنتها وفضلت تعيط معها بصوت عالي
انصدمت ملكه لانها محستش بدخولها للاوضه
وكان باين علي الارتباك
بصت ليها ام امجد وقالت من بين دموعها انتي كنتي
تعرفي امجد يا بنتي حاسه انو في رابط بينكم حتي
وقت العزاء كله كان ملاحظ حزنك الشديد عليه
بصت ليها ملكه بحيره وارتباك وقالت ايوه كان في
ولسه موجود في قلبي لغيت ما اروح عنده ونتقابل
بصت ليها ام امجد نظرات كلها استغراب بمعني حصل
امته بينكم الحب
اتنهدت ملكه و بدأت تحكي ليها عن أول لقاء بينهم
في سجن ماتيو. في ايطاليا وفراقها عنه اربع
سنين ولقائهم لما كانت بتحري من العصابه وكمان
لقاء شرم بكت بحرقه وقالت هو قالي هخلص كل
حاجه يا ملكه ونتجوز وكملت بتعثلم وشهقات عاليه
وقالت بس شوفته بيموت قدامي وصرخت بقهر
حضنتها امنيه وبصت ليها ومسحت دموعها بايديها
وقالت خلاص اهدي يا بنتي اكيد هو مكان احسن
واكيد لو موجود كان هينفذ وعده ليكي انا كنت
اتمني بس يكون بيتنفس قدامي وكنت عملت ليه
اللي هو عايزه بس اشوفه قدامي
بصت لملكه بحنيه وكملت انا مكنتش هالقي احسن
منك عروسه لابني ياريت يا بنتي بس الفراق كان
صعب قوي وبيدبح بصمت
ام في مكان تاني كان واقف وليد قدام لاب توب بيعيط
من شكل امنيه وملكه علي الكاميرات قدامه
كان ظاهر ظهر شخص واقف بيبص من قزاز البيت
سامع شهقات وليد وهو بيبكي
قرب منه وليد اتكلم بغضب وقال والله انت قلبك
حجر يا اخي مش بتحس ولا يتناثر شايف نتيجه
خطتك المجنونه
فجاءه لف الشاب ظهر امجد اللي كان واقف وقال
غصب عني يا وليد انا قلبي وجعني عليهم بس لازم
أضحي شويه عشان نكمل حياتنا بسلام وسط
عالم مش بيرحم
قرب امجد قعد قدام وليد وقال لازم نركز في
المهمه شويه لانه ماتيو ممكن يعمل اي خطوه مجنونه
واحنا ازم نسبقه بالف خطوه مش وحده بس ماتيو
دي مجنون وانا عارفه كويس
بص وليد ليه بتساؤل وقال بس ليه ماتيو عايز يقتلها
مفكرش لحظه انا ممكن متكنش معها اي معلومه
بص ليه امجد كان واضح الغضب علي ملامحه وقال
بصوت عالي عشان غبي طول عمره غبي ماشي
بيتحما في الكلاب اللي بيشتغل معهم في بلاد بره
ام هو بدونهم ولا حاجه عامل زي اللعبه بتتخرك
بامر منهم
وكمل وقال بنفس الغضب انا لما قبلت ملكه في ايطاليا وهربت معايا هو فكر أنها شريكتي في المهمه
بص للاب قدامه وكمل مفكر الغبي انه بعد موتي
هي معها الادله لسه موجوده
بص ليه وليد وقال بمكر وانت ازي يا باشا عرفت
انه عايز يقتلك
واقف امجد وبص تاني للشارع وقال أنا لسه سايب
ليه حبايب بتراقبه هناك وببلغوني اخباره وعايزين
يخلصو منه في اقرب وقت
سعت حادث شرم انا كنت عارف انه ناوي يقتلني بس
مكنتش اعرف انه هيعمل كده وويولع في الموتمر عشان
يقتلني كويس انو الدكتور اقنع الكل اني ميت
قرب امجد من وليد وبص ليه بحده وكمل انا كان
لازم أطلعه من جحره واجيبه هنابالطريقه دي يا وليد
ابتسم ليه وليد قال عارفك مش سهل يا صاحبي وانك
خطير من يومك محدش يتوقع دماغك يا ميجو
ضحك امجد بصوت عالي وقال بلاش الاسم ده ارجوك
مش ناقصك
ضحك وليد وقال ماشي هسكت عشان العشره اللي بينا
بس وكمل بصوت جاد وقال انت مقولتش حصل
اي في القاهره لما عملت السواق ووصلتها لغيت الحاره
بص ليه امجد وقال بحزن تصدق يا وليد من كتر خوفها
علي ابوها ملحظتش وجودي حتي ولا شكت فيا
وأبوها استغل طيبه قلبها ونزلها القاهره علي مالي
وشها وخبط أيده علي الكرسي بغضب
بص ليه وليد وقال بصوت جاد اهدي يا صاحبي
مينفعش العصبيه مع الناس دي لازم نخطط ليهم ببال
رايق وكمل بتساؤل وقال
اكيد أنت كنت عارف خطه ماتيو يا امجد
بص ليه امجد وقال بصوت جاد انا كنت مراقبه من
وقت ما حط رجله علي أرض مصر ولما رح اتقدم
لملكه كنت شايفه
وكمل بعيون حمرا وقال الحيوان كان بيكلم حد وبيخطط
لموتها
قرب منه وليد وحط ايده علي كتفه وقال اهدي
يا صاحبي مش كده عشان نعرف نفكر كويس مع
الناس دي
طلع وليد اكل من المطبخ وقعد قدام امجد وضحك فجاءه
وقال
انت عرفت انها ههترب ازي يا باشا لما كلمتني
وطلبت مني انزل القاهره وطلبت إقناعه وسلاح
وعربيه كبيره انصدمت منك والله وهي اصلا كانت بتعد
النجوم في بلكونه بيتهم
ضحك امجد بصوت عالي وقال وهو بيضحك
انا كنت متاكد انها هتهرب عشان كده لما هربت كنت
وراها في كل خطوه عشان احمها من اي حد
بص ليه وليد بسخريه وقال برضه نفس السؤال
انت يا باشا كنت عارف انها هتهرب ازي بتشم علي قفا ايدك
ضحك امجد وقال كنت عارف انك هتسال لازم تحشر
مناخيرك في كل حاجه وقعد جمبه امجد وكمل بضحك
وقال
مش عارف يا اخي انت ضابط ازي بص ليه امجد
واتكلم بصوت جاد وقال
هي كانت بتخرج بالليل في بلكونه اوضتها كل يوم
تشوف الحاره بتقفل امته والمحلات كمان تكون
الحاره فاضيه عشان تعرف تهرب من غير ما حد يحس
وخبطه علي كتفه بقوه وقال فهمت يا حضره الضابط
وليد
قام وليد منقوض وقال بنزعاج دراعي يا اخي
وحط ايده مكان الخبطه وقال دي ايد ولا مرزبه
ضحك امجد علي حنان وليد وكمل وقال ولما هجمو عليها
في الشاحنه كانت عصابه ماتيو وكان لازم اتوقع
منه حركه زي دي لانه عايز يخلص منها باي طريقه
و كان لازم أتدخل وانقذها
بس من حظي اغمي عليها قبل ما تشوفني اكيد كانت
هتعرف صوتي لو كلمت
بص من الشباك وكمل بحزن تصدق يا وليد انا قلبي
كان بيتقطع لما اغمي عليها انا مكنتش عايز اسيبها
وامشي بس مينفعش أظهر قدام اي حد غير بابا هو
اللي بيساعدنا من وقت ما عرف
قرب منه وليد وقال بحنيه متزعليش يا صاحبي هي
كانت مساله وقت عشان تخلص من قصه ماتيو
كان لازم تضحي عشان ترتاح واهو كله قرب
ينتهي وتكمل حياتك بشكل طبيعي
بص امجد في ساعته وقال يلا نبدا المرحله التانيه يا
وليد مستعد ابتسم وليد وقال مستعد يا باشا
خلينا نخلص عايز اشوف اجمل كلبشات في ايد ماتيو
ضحك امجد وطلع تلفونه وقال بصوت جاد
اهلا يا بابا عايز منك وبعد ما خلص امجد كلامه
رد محمود قال حاضر يا بني بس اتمني ميكنش في حظر عليها اتكلم امجد بلهفه وقال
متقلقش بس ادعلينا يا بابا
اتكلم محمود بحنيه وقال بدعيلك دائما يا بني انك تخلص
من اي حد يفكر يقرب منك ولا من سعادتك ولا يفكر
يقرب من وطنك
حس امجد بفخر من كلام أبوه وأنه دائما واقف في ظهره
وقال يارب يا بابا
بعد اسبوع من اللي حصل كانت ملكه راجعه من شغلها
مركزه في الاب توب قدامها بتخلص شغل
وفجاءه ظهرت مجموعه عربيات حواليها فضلو ماشين
جمبهم حست برعب وخوف شديد كانت بتصرخ
من الرعب نزلوا مجموعه من العصابه وضربو
السواق وخدوها في العربيه ومشيو بسرعه
كان في عربيه ماشيه وراهم بتراقبهم من بعيد
طلع الحارس تلفونه وقال بلهفه
الحق يا باشا البنت اختطفت وانا ماشي وراهم بالعربيه
كان امجد واقف مع مجموعه ضابط لبسين لبس
الشرطه وكان وليد جمبه بص وليد علي امجد شاف
قلق في عيونه
مسك ايده وقال أنا مش متعود اشوفك كده يا صاحبي
دائما انت اللي بتحمسنا لاي مهمه سوء هنا ولا بره
مسك امجد سلاحه بدا يعمره وقال عندك حق جي الوقت
عشان اقابل ماتيو وانهي اللعبه دي اللي ملكه اتورطت فيها
بسببي وكل يوم بتدفع التمن ……….
تتوقعو امجد ناوي يعمل اي مع ماتيو شكلها هتكون
حرب فعلا 😱
#ملكه٠حسن ✍️