رواية جريمة مدينة نصر الفصل الثاني 2 بقلم ملك ابراهيم

رواية جريمة مدينة نصر الفصل الثاني 2 بقلم ملك ابراهيم

_دلوقتي أنا قصاد طفله رمـ.ـت نفسها من الدور العاشر وأب قطـ.ـع شرايينـ.ـه ومـ.ـات.. 

_قلبي مقهـ.ـور عليهم والله يا باشا.. من وقت ما فوقت وأنا مش عارفه أصدق إن جوزي وبنتي ماتـ.ـوا.. يعني خلاص مش هشوفهم تاني.. حتىٰ كارم مـ.ـات من سنتين أنا مكنتش بعتبرهم ولاد جوزي.. كنت بعتبرهم ولادي أنا... واللهِ من وقت ما إتجوزت محسن من ست سنين وأنا مخليه بالي منهم.. أولهم كارم إللي وقع من البلكونه وهو بيركب اللمبه واخرهم ريتاچ حبيبة قلبي إللي إنتحـ.ـرت... 

_ست جميله.. من إمبارح الجرايد ملهاش سيرة غير إن فيه طفله عندها عشر سنين إنتـ.ـحرت.. طفله إزاي تفكر في الإنتحـ.ـار وإزاي تقوم وتدخل البلكونه وترمي نفسها ومفيش حد يحس غير جارتك الست خديجه.. يعني جارتك سمعت الوقعـ.ـه وإنتم لا؟! دا حتىٰ إللي حصل كان في إنصاص الليالي... يعني مفيش قطة بالشارع.. بالتالي الصوت مسموع ودا الدور العاشر يعني أي حد هيقع هيعمل صوت.. 

_كنا نايمين انا ومُحسن في الاوضه اللي جوا... ودي معزوله عن البيت كله... هي إنتـ.ـحرت لإنها مكنتش بتحبني.. كانت ديمًا بتقول إنها هتروح عند مامتها.. الله يرحمها ويرحم محسن ويرحم كارم وكل امـ.ـوات المسلمـ.ـين جميعًا. 

_بارك الله فيكي يا ست جميله!.. تمام هسيبك ترتاحي شويه وهجيلك تاني متقلقيش.. 

_تمام يا خالد باشا... 

وبيقوم خالد وبيخرج من الاوضه وبيقابل في وشه أكرم... بيوقفه وهو بيقول:-

_التقرير خلص؟!... 

بيمد أكرم إيده بالتقرير وهو بيقوله:-

_التقرير أهو كنت لسه هبعته مع العسكري.. بس دي مش حالة إنتحـ.ـار يا خالد... 

_طب وأستاذ محسن؟!.. 

_لا أستاذ محسن حالة إنتحـ.ـار لإن مفيش شبـ.ـهه جنائيـ.ـة... أنا عاوزك تقرأ التقرير دا براحة وتركز فيه وهتفهم معنىٰ كلامي... 

_تمام يا أكرم... سلام دلوقتي.. ولكن بقولك.. 

_نعم يا خالد؟!... 

_تعالىٰ عاوزك تعمل حاجه كدة.. 

____________________

_منمتش من إمبارح تقريبًا.. أول مره ميغمضش ليا جِفن بالشكل دا..

_ممكن تروح ترتاح عادي وأنا هكمل مكانك.. 

_الجرايد مش ساكته يا زينب.. كلها بتتكلم عن الحـ.ـادثه.. إزاي طفله عندها عشر سنين تنتحـ.ـر الموضوع مش داخل عقلي بربع جنيه واللهِ..  

_طب ما التقرير معاك... بتقدر تشوف تفاصيل الحـ.ـادثه.. خلي بالك التقرير دا كامل بعد تشـ.ـريح الجثـ.ـه والحمدلله قدرنا قبلها نجيب إذن بالتشـ.ـريح لإن مفيش شبـ.ـهه جنائيـ.ـه... 

_تفتكري هلاقي حاجه تفيدنا.. ولا بالأخر هتطلع مجرد حادثـ.ـة إنتحار؟!... 

_حاسه إنك هتلاقي دليل جديد وملموس.. وحتىٰ لو مش ملموس علىٰ الاقل طرف للخيط.. علشان نجيب اللي حصل كله مش ربطة الخيط بس!... 

_عندك حق... تمام.. 

وبيبدأ خالد يفتح التقرير وهو بيقرأه بصوت عالي علشان زينب تسمعه وهو بيقول:-

_بناءًا علىٰ قرار النيابة العامة، تم توقيع الكشف الطبي الشرعي على جثمان المدعوة:- ريتاچ محسن، أنثى، وذلك لبيان سبب الوفاة والظروف التي أحاطت بها.

_وبالمعاينة الظاهرية، تبين أن الجثـ.ـمان في حالة تيبـ.ـس رمي جزئي، مع وجود إصـ.ـابات متعددة متفرقة بالجسم، وتهتـ.ـكات بالملابس، تتفق في مجملها مع السقـ.ـوط من علو شاهق "الدور العاشر".

_كما لوحظ وجود كـ.ـدمات وسحجات منتشرة، خاصةً بمنطقة الرأس والأطراف، مع إصـ.ـابات شديدة بالرأس تشير إلى ارتـ.ـطام عنيف بسطح صلـ.ـب.

_٠وبفحص الجثمـ.ـان بدقة، تبين وجود إصـ.ـابات لا تتفق بالكامل مع نمط السـ.ـقوط الحر، حيث وُجدت كدمـ.ـات متفرقة بالذراعين، يُحتمل كونها ناتجة عن مسك أو جذب قبل السقوط، بالإضافة إلىٰ سحجات غير منتظمة لا تتماشى مع اتجاه الارتطام.

_كما تبين وجود آثار عالقة أسفل الأظافر، وبفحصها ظاهريًا يُرجح كونها بقايا جلـ.ـد بشري، مما يشير إلىٰ حدوث احـ.ـتكاك عنيـ.ـف أو محاولة مقاومة قبل الواقعة.

_وبالفحص الداخلي، تبين وجود كسـ.ـر مضاعف بعظام الجمجمة، ونـ.ـزيف حـ.ـاد بالمخ، إلى جانب كسـ.ـور متعددة بالأضلاع وتهتـ.ـك بالرئتين، مع نزيف داخلي غـ.ـزير بالتجويف الصدري والبطن، وتمـ.ـزق بالكبد.

_وتوجد بعض الإصـ.ـابات الدفاعية المحدودة بالأطراف، بما يدعم احتمال محاولة المجـ.ـني عليها المقاومة قبل الـ.ـسقوط.

_الرأي النهائي للطب الشرعي..

تُعزى الوفـ.ـاة إلى إصـ.ـابات جسيمة متعددة بالجسم نتيجة السقـ.ـوط من علو شاهق" الدور العاشر"، وما أحدثه ذلك من نـ.ـزيف داخلي حـ.ـاد وتهتـ.ـك بالأعضاء الحيوية.

_إلا أن وجود إصـ.ـابات غير متوافقة مع نمط السـ.ـقوط الحر، إلى جانب العثور على بقايا يُرجح كونها جلدًا بشريًا أسفل أظافر المجـ.ـني عليها، يثير شبهة جـ.ـنائية قوية، ويُرجح تعرضها لاعتـ.ـداء من الغير قبل السقـ.ـوط مباشرةً.

_وتشير تلك المعطيات إلىٰ احتمال حدوث اشتبـ.ـاك أو مقاومة بين المجـ.ـني عليها وشخص آخر مجهول!، قد يكون قد دفعها أو تسبب في سـ.ـقوطها.

_وعليه، يوصى برفع وتحليل العينات العالقة بالأظافر "DNA"، ومقارنتها بالمشتبه بهم، إلى جانب استكمال التحريات، وفحص موقع الحـ.ـادث، ومراجعة كاميرات المراقبة "إن وجدت"، لكشف ملابسات الواقعة بأكملها..

_يعني كلامي كان صح! دي مش مجرد حادثـ.ـه دي جريمـ.ـه بفعل فاعل!!. 

_طب وبعدين يا خالد.. مين هيفكر يقتـ.ـل طفله زي دي وهي عملت إيه من الاساس علشان يحصلها كدة!!. 

_أنا عملت حاجه كدة ويا رب تصيب بس الفكره بحاجه... 

_إيه هي؟!.. 

_تفتكري أبوها القاتـ.ـل؟! خصوصًا إنه إنتحـ.ـر بعد إللي حصل علىٰ طول.. يعني أكيد ليه يد.. 

_وليه متقولش حس بالذنب وإنه السبب لما عرف إن ريتاچ إنتحـ.ـرت.. 

_لا حاسس إنه الجانـ.ـي قرر يتخلـ.ـص منها علشان معاملتها السيئة لمرات أبوها وليه.. خصوصًا بعد مـ.ـوت إبنه كارم... 

_شعوري مش كدة خالص... بس عمومًا نتيجة عينة الجلـ.ـد البشري هي إللي هتبين كل حاجه... 

_ربنا يستر معرفش إحنا رايحين علىٰ فين يا زينب.. 

وقبل ما يكمل كلامه بيلاقي فجأة باب المكتب بيتفتح وبيدخل منه العسكري وهو بيقف قصادهم وبيقول:-

_الست خديجه واقفه برا عاوزة تقابل سعاتك... 

_دخلها.. 

بيدخل العسكري الست خديجه وبيخرج تاني وهو بيقفل الباب وراه... بتقف الست خديجه قصاده وهي بتقول:-

_أنا جايه لحضرتك لإني عارفه إي إللي حصل لريتاچ... 

_إتفضلي يا ست خديجه.. 

_ريتاچ إتقتـ.ـلت.. ومش بس هي.. كارم كمان مـ.ـات مقتـ.ـول مش مجرد وقـ.ـع وخلاص.. 

_نعم!!!... 

يتبع!.. 

ڪ/ملك إبراهيم

         الفصل الثالث من هنا 

لمتابعة باقي الرواية زوروا قناتنا على التليجرام من هنا