رواية جريمة الاسماعيلية الفصل الثاني 2 بقلم ملك ابراهيم
_قعدت تتريق عليا لحد ما إنتَ كنت سايـ.ـح في دمـ.ـك وإتبطحت علىٰ راسك!.
_إتاخدت علىٰ خوانه يا نورسين.. كنت قاعد في أمان الله بتفرج علىٰ التيلفزيون وباكل لب فجأة سمعت صوت غريب جاي من الباب.. قومت أمشي واحدة واحدة لحد ما لقيت حرامـ.ـي كان بيحاول يفتح الباب، وفتحت أنا ليه قام ضـ.ـاربني علىٰ راسي وهـ.ـرب...
بيسكت خالد لـ لحظة وهو بيبصلها وبيتكلم من تاني وبيقول بمنتهىٰ التأثر:-
_هـ.ـرب حتىٰ قبل ما يسـ.ـرق ويعمل بلقمته ويحلل البطحه إللي أتا أخدتها..
_بس متتخيلش خضتـ.ـي عليك لما شوفتك بالشكل دا..
بيبتسم ليها خالد وهو بيقول:-
_كنتي خايفه عليا؟!.
_لا كنت بفكر بعد كدة أنا هجيب جلـ.ـطه لمين؟!.
بيتنهد خالد وبياخد نفس عميق علشان يقدر يتكلم ويقول:-
_القضيـ.ـه وصلت لفين يا نورسين؟!!.
بتبدأ نورسين تتكلم وهي بتتاوب من قلة النوم وبتقول:-
_أنا من ساعة ما جبتك هنا من كام ساعة ومنمتش طبعًا معرفش حاجه، لكن حد من القسم كلمني وقالولي إنهم إستدعوا الشخص إللي عمل محضـ.ـر التغيـ.ـب بتاع الست القتـ.ـيله، وتقرير الطب الشرعي خلص، يعني الدنيا هتبدأ توضح قصادنا بشكل شبه كامل..
_طب تمام، روحي إنتي كملي وأنا هريح شويه علشان الجـ.ـرح عميق!.
_واللهِ، أنا إتغـ.ـزيت في جنبي وقومت عادي! قوم يا خالد بدل ما واللهِ أبلغ عنك إنك إنتَ إللي عملت كدة في نفسك وهلبسك محضـ.ـر إزعـ.ـاج!.
_الطيب أحسن دا إنتِ لزقه!.
____________________
_أنا أبو كارما إللي عملت محضـ.ـر بإختفائها.. إنتم لقيتوا بنتي!.
_بنتك كانت لابسه إيه ياحج قبل ما تختفي؟!.
بيبدأ والد كارما يوصف هي كانت لابسه إيه لحد ما بتحس نورسين إنها هي من أوصافها!..
بتتنهد نورسين وهي بتتكلم وبتقول:-
_لقينا جُثـ.ـه في الترعه مقاربه لمواصفات بنت حضرتك، علشان كدة بعد ما تخرج من هنا حد من العساكر هيوديك علىٰ المشـ.ـرحه تتعرف عليها.. ولكن...
بتطلع نورسين سلسلة من جيبها وهي بتحطها قصادهم وبتقول:-
_دي بتاعت بنتك؟!.
_أيوه، دي بتاعت بنتي! يعني بنتي ماتـ.ـت!!.
كانت والدة كارما موجودة، وفجأة قامت وهي بتبص لوالدها وبتقوله بغضـ.ـب:-
_إنتَ السبب، بنتي راحت بسببك، لو هي إللي حصلها كدة أنا مش هعيش معاك يوم واحد، منك لله، منك لله..
بتكون نورسين منتبهه للكلام بتاعها.. وبتقول:-
_إحكيلي واحدة واحدة الموضوع، وبمنتهىٰ الصراحه..
_كارما بنتي طول عمرها بتحب الحياة وتجري وتتنطط، كانت بتحب زميلها في الجامعه وإتقدم ليها لكن والدها المبجل موافقش علشان مش معاه فلوس، علشان لسه في بداية حياته.. وبعد فتره جوزها لواحد أكبر منها بخمسه وعشرين سنه! واحد يقارب لعمره هو كل دا علشان الفلوس.. بنتي أكيد عملت في نفسها حاجه... وهي نفس إللي لقيتوها، أنا هطالب بإعـ.ـدامه..بنتي ماتـ.ـت!.
وبتخلص كلامها وهي بتشاور عليها ودموعها بتنزل من الحسـ.ـره....
بتمسك نورسين تقرير الطب الشرعي إللي كان قصادها من أول ما وصلت المكتب، وبتبدأ تقرأه بصوت عالي نسبيًا وهي بتقول:-
_ بناءًا على قرار النيابة العامة، تم توقيع الكشف الطبي الشرعي على جثـ.ـمان "مجهولة الهوية – أنثىٰ"، وذلك لبيان سبب الوفـ.ـاة وظروفها.
_وبالفحص الظاهري، تبين أن الجثـ.ـمان في حالة تحـ.ـلل رمي متقدم، يُرجح معه بقاؤها بالمياه لمدة تقارب الأسبوعين، مع وجود انـ.ـتفاخ بالجسم وتسـ.ـلخ بالجلد وتغيرات لونية مميزة للتحـ.ـلل.
_كما تبين عدم وجود آثار إصـ.ـابات ظاهرية تشير إلىٰ وجود مقاومـ.ـة، فلا توجد سحجات أو كدمـ.ـات دفاعية أو جـ.ـروح بأماكن متفرقة من الجسم.
_وبفحص منطقة العنق، يُلاحظ وجود أثر وخز دقيق يُرجح كونه ناتج عن إدخال إبرة طبية، ويصعب الجزم بتفاصيله الدقيقة نظرًا لحالة التحـ.ـلل.
_وبالفحص الداخلي، تبين وجود تغيرات تحلليـ.ـة بالأعضاء الداخلية، مع احتمالية وجود هواء داخل تجاويـ.ـف القلب والأوعية الدموية، مع ضرورة التفرقة بينه وبين الغازات الناتجة عن التحلل الرمي.
_ولا توجد إصابـ.ـات جوهرية ظاهرة بالأعضاء الداخلية الأخرى يمكن أن تُعزى إليها الوفاة.
_الرأي النهائي للطب الشرعي، تُعزى الوفـ.ـاة إلى إشتباه حدوث انسداد هوائي بالدورة الدموية "Air Embolism" نتيجة حقن هواء بالجسم، ويرجح أن موضع الحقن بمنطقة العنق.
وطبيعة الإصابـ.ـات وعدم وجود آثار مقاومة تشير إلىٰ أن المجـ.ـني عليها كانت علىٰ الأرجح فاقدة الوعي أو غير قادرة على المقاومة وقت حدوث الواقعة، مما يُرجح وجود شبهة جنائـ.ـية.
_كما يُرجح أن إلقاء الجثمان بالمياه قد تم عقب الوفاة بقصد إخفاء معالم الجريمـ.ـة.
_ وبالنهاية يوصى بإجراء الفحوصات المعملية اللازمة، بما في ذلك تحليل السـ.ـموم، لبيان ما إذا كان قد تم استخدام مواد مخـ.ـدرة أو مؤثرة قبل الوفـ.ـاة.
بتنتهي نورسين من قراءة التقرير وهيَ بتقفله من تاني، بتبص لأهل البنت إللي قاعدين قصادها وبتتنهد وهي بتحرك عينيها تجاه خالد، وكإنها بتقوله إنها في حيره ومش عارفه تعمل إيه..
وفجأة نورسين عقلها بيراجع حاجه معينه، بتمسك التقرير من تاني وهي بتعيد قرأته.. بتركز مع كل كلمه لحد ما عينيها بتتجمد من الصدمه..
وبتقف فجأة وهي بتقول:-
_أنا عرفت حصل ايه وإتقـ.ـتلت إزاي!!.
ولكن قبل ما تكمل كلامها بتلاقي باب المكتب بيخبط وبيدخل العسكري وهو بيقولها:-
_إلحقي يا نورسين باشا، فيه واحد لقىٰ جثـ.ـه تانيه مرميـ.ـه في ترعة الإسماعيليه...
بتبص نورسين لخالد وبتروح تسحب السـ.ـلاح بتاعها وهيَ بتقول بصوت عالي نسبيًا:-
_الموضوع خطـ.ـر ولازم يوقف، حالات القتـ.ـل هتزيد!!.. انا عرفت مين بيعمل كدة..
يُتبع!...
ڪ/ملك إبراهيم