رواية من اول نظرة الفصل الثالث 3 بقلم ياسمين رضا

رواية من اول نظرة الفصل الثالث 3 بقلم ياسمين رضا

طلعت واول ما دخلت كنت فحاله صدمه.. 

لقيت خالتي محضره شنطتها وشنطه كمان جنبها ولابسه هدوم سمراء وعينها منفوخه كانها معيطه 

  واول ما شفتها كده قلتلها :

في ايه يا خالتي مالك انتِ كويسه 

انتِ ليه لابسه كده ليه وانت عينك ليه منفخوه كأنك بتعيطى..

بصتلى نظره كلها وجع وبصت في الارض وما كنتش عارفه تقول ايه

_ في ايه يا خالتي طمنيني انت ليه مش بتردى نا قلقانه طمنيني عليكى

طب يا خالتي الشنط وعرفت ان احنا هنروح نقعد كام يوم هناك مع ماما وبابا 

طب عينك مالها وشكلك حزينه ومش فرحانه.. =غيري هدومك يلا يا مليكه

ويلا عشان نمشي..

_أغير هدومي ليه ما انا لابسه هدوم حلوه 

في ايه يا خالتي طمنيني انتى قلقتيني وبعدين اغير هدومي ليه.. 

=غيري هدومك يا بنتي والبسي هدوم سمرا 

بصي يا مليكه انت كبيره دلوقتي وبعدين انا عايزه اعرفك حاجه انت لازماً تتماسكي عشان اللي جاي صعب..

_هو ايه اللي صعب يا خالتي انتى بتقلقيني اكتر طمنيني ارجوكي ماما وبابا جرى لهم حاجه..

= طبعا انتى عارفه ان بابا وماما كانوا في مكان كويس وان شاء الله ذنوبهم ربنا غفرها باذن 

الله... 

_اه طبعا انا عارفه ان شاء الله بس انتى ليه بتقولي كده انتى ليه بتقلقيني ما تقولي على طول يا خالتي وطمنيني انا فاهمه ان انا كبيره واتقبل الموقف

بس طمنيني لان انا قلبي وجعني من كتر 

القلق...

_باباك و ومامتك توفاهم الله في افضل مكان عنده الحمدلله واندفنوا هناك..

=انت بتقولي ايه يا خالتي انتى متاكده من اللى انتى بتقوليه ده يعني حتى ما جوش هنا عشان حتى اشوفهم طب حتى اودعهم..

= لا يا بنتي ما ينفعش تقولي كده هم في مكان افضل ومدفونين في افضل مكان البقاء لله يا حبيبتي البقاء لله..

~~~~~~~~~~~~~~~~~~~~~~~

صلى على محمد⁦⁦✿ 

~~~~~~~~~~~~~~~

فجاه من الصدمه أغمى عليا بس مش عارفه عدا وقت قد ايه بس صحيت لقيت نفسي على السرير وخالتي جنبي ماسكه ايدي وعماله تطبطب عليها ولقيت حمزه واقف جنبها هو وجوز خالتي 

_ مين جابني هنا..

ردت خالتي :

ده حمزه اللي شالك وجابك هنا..

=ايه يعني هو اللي شلنى ازاي يعمل كده..

لقيت نفسي عماله اضربه في صدره  

_ انت ازاي تحط ايدك عليا وتشلني انت مالك بيا..

مسك ايدى وحاول يعدى الموقف لانه عارف ان انا دلوقتي فى موقف صعب ومكنش ليه اى ردت فعل بالعكس سابنى اطلع عليه كل اللى جوايا وقال :

اهدي....اهدي يا مليكه وتماسكى مينفعش كدا طاقتك هتخلص وانتى لسه هنا اهدى عشان تقدري تتخطي الموقف وتفكرى هتعملى ايه..

= موقف موقف ايه..

موقف ايه اللي الكل عمال يقول عليه هما ليه بيقلقونى بيخوفونى اكثر ما انا خايفه مش عارفه هعمل ايه

انتو بتقولوا ايه والمرحله اللى انا داخله عليها 

 ما حدش حاسس باللي انا فيه يعني ايه بابا وماما ماتوا يعني ايه مش قادره اتخيل حياتي من غيرهم ازاي اكمل ازاي حياتي من غيرهم..

= انتى بتقولي ايه يا بنتي ما انا عايشه معاكى اهو وانا مش زي مامتك انا قصرت معاكي في حاجه وبعدين انتى عارفه ان ربنا ما رزقنيش بعيال وانتى بالنسبالي طول عمري كانك بنتي وانا بحبك وانت عارفه كده كويس.. 

_بس مش امي..

= ليه بتقولي كده يا مليكه انا قصرت معاكي في حاجه..

قاطعنا صوت عمي محمود وهو بيقول :

يلا يا جماعه عشان نلحق الوقت..

_ انتو بتتكلموا بجد انتم ليه بتقهروني كده قولولى الحقيقه قولولى ان انتو بتكذبوا عليا..

=اهدي يا بنتي اهدي يا بنتي عشان خاطري ما توجعيش قلبي اكثر اما انا قلبي واجعني.. 

حمزه :

انا هنزل انا يا بابا عشان خاطر احضر العربيه وانزل الشنط..

_شنط ايه انتوا بتتكلموا فعلا بجد حد يقولى ان انتو بتكذبوا عليا انا مش قادره اصدق انا كنت مستنياهم بفارغ الصبر ان هما يرجعوا بالسلامه ليه بتصدموني..

محمود : يلا يا مليكه يلا يا حبيبتي عشان نلحق الوقت ..

سندتني خالتي لان انا حاسه ان رجلي مش شايلاني من كتر الصدمه اللي انا فيها مش عارفه اعمل ايه ولا حتى عارفه ايه اللي هيحصل في الموقف ده ولا ايه الكلام اللي يتقال.. 

انا حاسه ان احلامي كلها ضاعت في لحظه يا ترى ايه اللي مستخبي ربنا يستر 

طبطبت عليا يا خالتي وقالت :

يلا يا حبيبتي يلا ربنا يعينك على اللي جاي.. 

---------------------------------------------------------

استغفر الله وأتوب اليه ⁦♡

-------------------------------

نزلت انا وخالتي وركبنا العربيه كلنا وخلاص اتجهنا ان احنا نروح عند بيتنا

اول ما وصلنا لقيت ناس كتير متجمعه كانوا مستني علشان يعزونى..

لقيت عمي قرب عليا وقال :

تعالي تعالي يا بنتي في حضنى يا بنت أخويا

انتى ملكيش غير عمك حبيبك ربنا يِعِنْىِّ على انى اعوضك عن اللى راحو..

انا وخالتي بصنا لبعض نظره استغراب 

 ان من امتى يعني الحنيه بس طبعا عشان الموقف مش مناسب ما حبناش نتكلم في اي حاجه من دي بس طبعا انا كنت فاهمه كل حاجه عشان في ناس موجوده 

دخلت في حضنه عادي ومثلت عليه زي ما هو ما بيمثل علي 

بص لخالتيى بنظره معناها

 ان خلاص كدا دورك انتهى 

بس طبعاً أنا فاهمه 

 خرجت من حضنه وبصيت لخالتى وقلت :

 يلا ياخالتى تعالى علشان ندخل البيت.. 

اول ما دخلت البيت افتكرت كل حاجه وكل ذكرى حلوه مع ماما وبابا في البيت بدور على كل حاجه على كل ذكرى في البيت 

حسيت ان انا منهاره وعماله اعيط وخالتي تطبطب عليا وقالت :

 كفايه يا بنتي انا لله وانا اليه راجعون افتكرى 

ربنا سبحانه وتعالى ورحمته بينا

وبعدين يا بنتي الدموع ما بترجعش اللي راح وحدى الله..

_لا اله الا الله سيبيني يا خالتي هقعد في اوضه بابا وماما شويه..

= ما ينفعش اسيبك لوحدك ما ينفعش يا حبيبتي انتى لسه صغيره وانا خايفه يجرالك حاجه..

_ما تقلقيش يا خالتي انا هبقى كويسه ان شاء الله بس سيبيني لوحدي شويه ارجوكى انتى عاوزاني انسى ايه انسى روحي اللي راحت مني ولا هم اللي سابوني وانا لسه صغيره..

دخلت اوضه بابا وماما وقعدت وافتكرت ذكرياتي معاهم وعيطت حسيت ان روحى بتتسحب منى شهقت بصوت عالى يمكن قلبى يخف الوجع وعقلى يبطل تفكير ومن كتر الوجع والعياط محستش بنفسى ونمت

ورحت فثبات عميق  

لاقيت بابا ماما قاعدين قدامى ولبسيين ابيض وشكلهم كان جميل اجمل من شكلهم في الحقيقه وكانى اول مره اشوفهم لقيت ماما قربت منى ومسحت دموعى من على خدى وبابا بيبصلى وهو فرحان وماما قالتلى :

 كدا ياملوكه مش عايزه اشوفك بتعيطى تانى يرضيكى كدا ربنا هيزعل مننا بسبب دموعك وبعدين إحنا في مكان افضل من الدنيا دى بكتير..

وبابا قرب منى وخدنى فحضنه وقال :

احنا مش عايزينك تعيطى دموعك غاليه علينا وصدقينى احنا فمكان احسن..

اتكلمت وقلت : 

لا بس انا مش عايزاكو تبعدو عنى انا مش هقدر..

= هتقدرى صدقينى..

 وفجأة لقيتهم بيبعدوا عنى وانا عماله امشى وراهم واعلى صوتى وقول لا متسبنيش يا بابا لا ياماما..

 لفو وبتسمولى وشورولى بايدهم وبعدها اختفو..

صحيت على صوت خبط الباب..

  خالتى دخلت :

 مساء الخير يا قلبى عامله ايه دلوقت..

_ الحمدلله 

تعرفى يا خالتى ان ربنا لطيف بعباده وخلانى شوفت ماما وبابا..

= اكيد يا حببتى ربنا لطيف جدا بعباده وقبل ما ينزل البلاء بينزل الرحمه معاه بس لما بيكون الواحد صابر ويحتسب ويستسلم لأمر الله

 قومى يالا يا حببتى علشان تسلمى على الناس اللى جايه تعزيكى بره دى..

اتهندت بوجع وقلت :

حاضر يا خالتو..

ساعدتني خالتي عشان اقوم ورحت وقعدت مع الناس

************************************

صلى على محمد ★★★

*******************

"بعد ٣ايام " 

 عدت اصعب ثلاث ايام في حياتى

كنا قاعدين بنفطر لحد ما الباب خبط قام حمزه يفتح 

  لقيت عمي داخل علينا هو والمحامى علشان الميراث 

لقيت عمى فرحان اوى 

فين الحزن اللى كان بيمثلو وقلت فنفسى :

هو انت مصدقت ولا ايه 

المحامى قعد وكان موجود عمى وخالتى وجوزها وحمزه علشان احنا كنا متأكدين ان ممكن يحصل حاجه من عمى..

 المحامى بدا يتكلم وقال :

  ان ليا نصف التركه شرعا بس بابا عامل وصيه مخصص جزء من فلوسه للايتام والبنات اللى عايزه تتجوز واهلها غير مقتدرين علشان دى تبقى صدقه جاريه على روحه

واول ما عمى سمع الكلام دا اتجنن وقال : 

 انت بتقول ايه انت اكيد بتكذب ايتام ايه وبتاع 

انا مالى بالكلام ده امال انا هورث ايه الفتفيت اللى هتفضل انا مليش دعوه الوصيه دى لا يمكن تتنفذ على جثتى..

المحامى : لازم ننفذ الوصيه والبنت ليها نصف التركه لانها بنتهم الوحيده..

قال كدا المحامى وسابنا ومشى وانا قعدت مصدومه من اللى بيحصل ده ومش مستوعبه اللى عمو بيعملو اه انا عارفه انو مش بيحب بابا ومراته بتكره ماما بس ما توقعتش الجحود اللى فيه علشان الورث قاطع كل دا صوته وهو بيقول :

سيبك من موضوع الورث انتى لازم تتجوزي ابن عمك علشان هو اللي يحافظ عليكى..

يتبع...

--------------------------------------------------------------

ايه رايكم في البارت ﴿ ٣ ﴾ 

ياترى هيكون رد فعل مليكه ايه على كلام عمها..

#من_أول_نظره.

        الفصل الرابع من هنا 

لمتابعة باقي الرواية زوروا قناتنا على التليجرام من هنا