رواية من اول نظرة الفصل الرابع 4 بقلم ياسمين رضا

رواية من اول نظرة الفصل الرابع 4 بقلم ياسمين رضا

انتى لازم تتجوزي ابن عمك علشان هو اللي هيحافظ عليكي واعملى حسابك الخطوبه إلاسبوع الجاى  علشان كل واحد يقف عند حده 

وبص لحمزه وكمل :

 وما يفكرش انى انتى حد سهل عشان خاطر   انتى لوحدك وان كده ما لكيش حد لا يا حبيبتي اعملي حسابك

 انا عندى الحساب بقى بالسيف والسكين..

خالتي كانت واقفة ساكته ومس عارفه تقول ايه

انا كنت ببص لعمي وانا مصدومه ورحت بصيت لخالتي وفضلت ساكته وحطيت وشي في الارض وقولت فنفسى :

 انتوا بتقولوا ايه انتم مش حاسين بكم المصيبه اللي انا فيها انا فقدت اعز ناس عندي في حياتي فجأه من غير اي مقدمات يعني هما ما كانوش تعبانين عشان خاطر اعمل حسابي فهقول هيموت ولا كده انما ده فجأه..

عمى لاحظ ان انا ساكته وحاطه وشى في الارض فافتكر ان انا كده موافقه ورد وقال:

  كده السكوت علامه الرضا..

بصيتله وانا مصدومه ورجعت حطيت وشي تاني في الارض لاني مش عارفه اعمل ايه ولا اقول ايه

كمل كلامه وقال :

 بصي يا بنتي انا  ما عنديش حاجه اسمها حريه الرفض او الرد وانتى غصب عنك انتى سواء رديتي او ما رضيتيش هتتجوزي ابن عمك 

عشان ما حدش يطمع فيك او يفكرك سهله وعمال يبص لخالتي وليهم كلهم..

خالتي اخيرا اتكلمت :

 انت ايه شغل التلقيح اللي انت عمال بتقوله ده تبص لنا وتقول ان احنا طمعانين فيها من امتى

 اولاً دي بنت اختي وانا اكثر واحده حافظ عليها وهخاف عليها وعلى مصلحتها و والا كده ما كانتش اختي هتجيبها عندي وهتخليها عندي  تكمل جماعتها..

 = اختك بقى

 مش انا وهي خلاص اختك راحت لحالها انماً دلوقتي ما عادش ينفع الكلام

 انا مش عاوزه اقول ان هي كمان ما تكملش جمعتها بس يلا عشان ما اظلمهاش

  او بمعنى اصح ان انا هسيبها عشان خاطر تخرج من حاله الحزن اللى هى فيها  بالمذاكره والكلام الفاضي ده

واعملي حسابك ان الخطوبه يوم الخميس الجاي وقبل ما تمشي من هنا لازم تكوني لابسه دبله  ابني 

وبعد الاربعين يبقى كتب الكتاب..

~~~~~~~~~~~~~~~~~~~~~~~~

صلى على محمد ⁦✿

~~~~~~~~~~~

 قال كده بعد ما حرق دمنا كلنا ومشي الحمد لله

بعد ما  مشي خالتي قالت :

في داهيه ده انت راجل سم..

اترميت في حضن خالتي وقعدت اعيط وقلت :

 لي يا رب كده انا ما عادش ليا حد ابويا وامي ماتوا وسابونى  ملطشه في ايد عمي اللى عمال يبيع ويشتري فيا..

بصيت اول مره لحمزه وكان نفسي يبقى ليا اخ كبير او هو او يبقى ليه دور في حياتي او اي رده فعل بس للاسف بصلى  وسابني ومشي 

خالتى :

ربنا على القوى وهيقف مع الضعيف شوفى انتى هتعملي ايه انا معاكي ومش هسيبك.. 

_ انا عارفه يا خالتي ان هو طمعان فورثى  علشان كده عاوز يجوزنى ابنه ده احنا كلنا عارفين ان هو ابنه فاشل وبعدين من امتى وهو بيخاف عليا انا عمرى ماشفته عندنا ولا بيسأل علينا الحنيه ديه ظهرت فجأة ليه..

حمزه :

انا كدا همشى انا دورى كدا معاكم خلص علشان انا عندى شغل.. 

 عمى محمود : 

 وانا كمان يابنى خدنى معاك..

بصيت لخالتي عشان مستنيه تقولي  كمان هتعمل ايه

 قالت:

 ما تقلقيش يا حبيبتي انا مش هسيبك لوحدك انا هفضل انا معاكي هنا وهم يروحوا عشان يشوفوا اشغلهم 

حمزه ما كنتش متوقعه يكون ده رد فعله بس صح واصلا كده كده ما فيش حاجه ما بيني وما بينه فانا مستنيه منه ايه  يقف جنبى..

 دخلت خالتى  على حمزه وهو بيحضر الشنطه وقالت له :

ممكن اعرف ايه رأيك في الموضوع ده..

 = ده قرارها وهى حره هى حياتها لو متقبلها تواقف مينفعش حدا يشاركها قرارها وقفل الشنطه وخرج وسابها 

حمزه وعمى محمود كانوا ماشيين بس جالى ووقف قدامى  وقال :

 انا مش عارف اقولك ايه اعزيكى ولا اقول لك مبروك على العموم ربنا يعمل الصالح ليكى..

باس مامته وقال:

 السلام عليكم انا همشى انا ياامى علشان شغلى 

دخلت اوضتى و انا مصدومه من كل اللي بيحصل كل الناس خذلتني مش عارفه اعمل ايه مش عارفه اخد قرار وانا عارفه ان انا كده كده مش هينفع ما اتجوزش ابن عمي

 انا مش بحبه ما فيش اي مشاعر بتجمعنا مع بعض ولا حتى فى قبول وما شاء الله بتاع بنات ومدلع وحيد ابوه وامه.. 

----------------------------------------------------------

استغفر الله وأتوب اليه ⁦♡

---------------------------------

دخلت عليا خالتى وقالت :

 قومى يالا اتوضى واصلى وادعى ربنا لا مفر ولا ملجأ من الله إلا إليه

ربنا بابه مفتوح دايما متقلقيش خلى عندك ثقة في ربنا سبحانه وتعالي..

 واخدتنى فى حضنها اللى اول مره فعلا احس انا مش قادره وفضلت اعيط بحرقه جامد مش عارفه اعمل ايه.. 

 خالتى : دايما بصى للسماء وقولى يارب مش معنى كدا ان ربنا مش سامع او شايف لا بالعكس حاشه وكلا  

ربنا عالم بيكى وهو اقرب ليكى من حبل الوريد بس بحس  انك لما بتبصى في السما بتحسى سبحان الله بإطمنان غريب ان ربنا اللى رفع السما بغير عمد مش قادر على أنه يصلح حالى ويعملى اللى نفسى فيه وعايزاه

بس خلى بالك كل قدر الله لعباده دايما خير بس خلى عندك يقين فالله سبحانه وتعالى دايما

 اطلبى دايما العون من الله استعينى بالله سلمى امرك لله..

كلامها سبحان الله حسيت انه دخل قلبى وأثلج صدرى 

الكلام على الله تعالى مش محتاج دراسة بالعكس المواقف هى اللى بتخلينا نعرف حقيقة الناس اللى حوالينا 

مسحت دموعى وقلت :

يااارب..

وكانت يارب بحرقه هزت قلبى 

قومت علشان اتوضى واصلى زى ما قالتلى  خالتى ودعيت ربنا انه يعمل لى الصالح وقولت

 يارب طمن قلبى انا تيها ومش عارفه اعمل ايه يارب

القرار صعب ده مصير حياتى.. 

خلصت وطلعت لخالتى وقولتلها :

 ماشي يا خالتي انا هسلم امرى الى الله وان شاء الله خير..

***************************************

 ﴿حَسْبُنَا اللَّهُ سَيَؤْتِينَا اللَّهُ مِنْ فَضْلِهِ وَرَسُولُهُ إِنَّا إِلَى اللَّهِ رَاغِبُونَ﴾ 

"يوم الخميس " 

اليوم المنتظر بالنسبة لعمى 

على العصر دخلت مرات عمي تزغرطت

 خرجت ليها بسرعه انا وخالتى ولسه هزعق راحت خالتى مسكت ايدى وقالت :

 ممكن تراعى مشاعرنا وتلاحظى الموقف اللى احنا فيه..

مرات عمي :

 ما  انا مراعيه اهو هو انا عملت حاجه دى زعروطه بس ده الفرحه الكبيره..

خالتى : افرحى وعبرى عن فرحتك برحتك بس فى بيتك بعد إذنك..

انا وخالتى دخلنا البيت ومرات عمى دخلت وقالت :

 يلا يا عروسه روحى البسى  علشان نروح  نجيب الدهب.. 

_ يلا ما انا لبسه اهو.. 

خبطت مرات عمي على صدرها وقالت :

يا مصبتيى هو انتى كده لابسه لابسالى فستان اسود وكانك رايحه عزاء وانتى كده تقوليلى  لابسه

  يا ريتك حاطه احمر ولا اخضر ولا اي حاجه زيَّ البنات ايه ده

 ده يدل  على انك فرحانه ده الله يعينك يا ابني..

دخل عمى وقال :

يلا بينا لسه..

 ليه مرات عمى هتتكلم قال :

 الفرحه مش باللبس يلا بينا..

عمل فيها عاقل..

اركبى جمب عريسك يلا ياعروسه رديت وقلت : ياعمى بعد اذنك بلاش الشكليات الاوفر دى خلينا نخلص علشان نلحق نسافر..

دخلنا محل الدهب والجواهرجى جاب حاجات كتير بس انا قولتله :

كفايه دبله دلوقتى وبعدين نجيب الباقي.. 

بصلى بصدمه وقال :

 ازاى يعنى دى اللحظة اللى بتتمناها اى بنت.. 

ورد ابن عمى  اللى اسمه على وقال :

ما تجيبى اللى نفسك فيه يا عروسه..

طريقته كانت مستفزه فرديت بضيق وقلت :

ممكن متتكلمش خالص..

وقلت لعمى :

_ معلش ريحنى يا عمى لو سمحت..

 وفعلا جبت دبله وابن عمى لسه هياخدها يلبسهانى وهيعملى  فيها دور الحبيب 

رحت أخدتها ولبستها لوحدى وقلت لخالتى :

 يلا علسان نلحق نسافر ضاع وقت كبير علشان ألحق اذاكر الامتحانات كمان اسبوعين..

«««««««««««««««««««««««««««««««««««

سبحان الله ⁦๑⁠˙⁠❥⁠˙⁠๑

»»»»»»»»»»»»»»»»»» 

سافرت انا وخالتى ولقيت حمزه بيفتح الباب وعينى جات فى عينه راح قال :

 لو احتجتى حاجه في المذاكره قوليلى وانا هساعدك فيها..

وسابنى ومشى وسلم على امه وقالها

 حمد الله على السلامه..

دخلت الشقه وجاتلى صاحبتى ملك ومعاها الملخصات علشان نذاكر

كان وقتى كله ما بين المذاكره ومابين انى ادعى ربنا انه ينور بصرتى ويعملى الصالح 

الحمد لله الامتحانات عدت على خير واخر يوم جه حمزه قرب منى وقال :

 عملتى ايه..

مبصتش ناحيته وقولت لملك :

 يلا بينا وسبناه ومشينا..

روحت لقيت عمى فى البيت وقال :

 يلا يا مليكه علشان نسافر علشان تلحقى تستريحى شويه علشان اخر الاسبوع كتب الكتاب..

ما ردتش عليه ورحت جهزت شنطتي..

واحنا خارجين انا وخالتي من باب الشقه  دخل حمزه وقال  لخالتي :

هو انتم رايحين فين يا ماما..

وبصلى..

خالتي وهى بتبصله بضيق :

 رايحين علشان نجهز كتب كتاب مليكه..

حمزه بصدمه :

 كتب كتاب مليكه

 مش كنتُ تعزموني هو انتو  هتمشو من غير ما تعرفوني طب كنتو قولولى  عشان احضر وابارك.. بصيتله خالتي ومشيت وسابته..

راح نده علي خالتى  بصينا احنا الاثنين  باهتام بنحسب فى حاجه مهمه : 

هو انتوا مش هتعملوا اكل طيب انتى هتمشي ما تعملي اي حاجه طب ناكلها..

بصيت له خالتي من فوق لتحت وسابته ومشيت..

ــــــــــــــــــــــــــــــــــــــــــــــــــــــــــــــــــــــ

اللهم لك الحمد ๑

ـــــــــــــــــــــــــــ

قبل يوم كتب الكتاب قمت اصلي قيام الليل وقعدت ادعي ربنا واعيط ما بين ايدين ربنا

 وقلت

 يا رب انا ما ليش غيرك اقف جنبي يا رب خليك جنبي انا لوحدي ساعدني يا رب خرجني من اللي انا داخله عليه

"  يوم كتب الكتاب "  

كنا قاعدين مستنيين العريس اللي هو ابن عمى احنا والماذون 

لحد ما جت مكالمه لعمي غيرت تعابير وشه وكان فحاله صدمه.......

يتبع....

~~~~~~~~~~~~~~~~~~~~~~~~~~

ايه رايكم في البارت ﴿ ٤ ﴾ 

يا ترى ايه الحصل بعد كده وهل الجوازه هتم زى ما عمها مخطط ولا القدر لى راى تانى ✿⁠ 

لما دخلت خاله مليكه على حمزه وسالته ايه رايك فموضوع مليكه كان نفسها يعترض ويقول انو عندو استعداد يتجوز مليكه بس هى كدا اتاكدت ان هما مش هيكونو لبعض 

#من_اول_نظره.

        الفصل الخامس من هنا 

لمتابعة باقي الرواية زوروا قناتنا على التليجرام من هنا