رواية من اول نظرة الفصل الخامس 5 بقلم ياسمين رضا

رواية من اول نظرة الفصل الخامس 5 بقلم ياسمين رضا

لحد ما جت مكالمه لعمي غيرت تعابير وشه وكان فحاله صدمه..

كلنا كنا موجودين حمزه وعم محمود وخالتى ومرات عمى وعمى والمأذون ومستنين العريس اللي يعتبر إتأخر شويه بس مش كتير 

عمى :

انت بتقول ايه إزاى ده حصل كدا وأمته طيب شوف هتعمل ايه وبسرعه واتصل بيا تانى بس من غير شوشره أنا مش عاوز حد يعرف علشان منصبى ومتقلقش اى حاجه انت عاوزاها أنا هعملهالك..

مرات عمى :

فى ايه ياخويا وغوشتنى ابنى فين رد عليا ابنى مجاش لحد دلوقتي ليه..

الكل واقف مزهول ومش عارف فى ايه وعمى مش بيرد ولا قادر حتى يتكلم ومصدوم 

مرات عمى :

ياحج رد عليا..

وعماله تهز فيه وتقول :

رد عليَّا طمنى فى ايه ليه مش بترد..

عمى بصلى بنظره غريبه مش عارفه افسرها

لحد ما سمعت منه ان ابنه مات

فهمت ساعتها 

ان نظرته دى تفسر لحاجات كتير 

وشردت وسرحت بفكرى  كانت ان ازاى حق الغلبان ومالوش حد في الدنيا غير خالتى وهى لا حول لها ولا قوه ومش قادره ترد عليه حتى علشان مفكر انها هتضحك عليَّا وتاخد الفلوس علشان هما حالتهم الماديه متوسطه مش مبسوطين زى بابا وعمى فكان عمى مفكر ان الفلوس ومنصبه هما كل حاجه مايعرفوش انه فى حاجات كتير اهم من الفلوس 

انك تلاقي حد فعلا خايف عليك حتى من نفسه وانه عايز بس يشوفك مبسوط وكميه الرضا اللى شفتها في خالتى على حالها وهى كمان مش بتخلف وراضيه على كل حاجه فى حياتها سبحان الله 

فوقت من شرودي على صوت مرات عمي وهي بتصوت وبتقول :

ازاي ...!؟.ازاي حصل ده..

قالها :

  ابنك كان بايت فين امبارح يا هانم سألتك عليه الصبح قولتى انه راح لواحد صاحبه علشان يجهزوا لكتب الكتاب وللأسف صدقتك كل مره كدا يعمل العمله وانتى تدارى عليه علشان معرفش ومفكره كدا انك بتحميه منى وتحافظى عليه دلعك الزياده فيه خلاه عيل مدمن وتافه وفى الاخر بسبك ضيعتيه وضيعتى احلامى وكل حاجه راحت

منك لله انتى السبب

 ذنب ابنى فى رقبتك..

خالتى قالت :

اهدى ياحج وفهمنا ايه اللي حصل..

سبحان الله حسيت بفرحه وانتصار من ربنا سبحانه وتعالي وكان نفسي اسجد شكرلله انه فعلا مش بيسيب حد وفعلا بابه مفتوح دايما فى اى وقت بس مش قادره ابين علشان عمى  ميفكرش انى فرحانه فى مصيبته

ومرات عمى اللى كانت جايه تزغرط وانا بابا وماما ميتين وماحستش بالوجع والحزن والقهر اللى كنت فيه..

رحت لعمى وقلتله :

حصل ايه ياعمى طمنى عليه قول ايه اللي حصل..

لسه هيتكلم رن التليفون بتاعه وكان الظابط بيقول :

تعالى هو في المستشفى علشان تاخدوا الجثه قبل ما تتشرح ويتعمل ليكم محضر انتو كمان..

وطبعا الموضوع ده هيكلف عمى مبلغ كبير لانه كمان عضو في البرلمان  وهيخاف على منصبه..

عمى قاله :

خلاص خلص كل حاجه وتصريح الدفن وانا هدفع كل اللى انت عايزه بس اهم حاجه بلاش فضايح علشان منصبى وسمعتى وشكلى ادام الناس..

~~~~~~~~~~~~~~~~~~~~~~~

صلى على محمد ⁦♡

~~~~~~~~~~~~

قفل التليفون وقلتله :

ايه اللي حصل يا عمى.. 

عمى : البيه كان بيتعاطى مخدرات واخذ جرعه زياده وكان كمان بيجرب توْليفة جديده وحاطط فيها بودره واحد صاحبه عمالها وحب يجرب

 فحد وطبعا ابنى ما يتواصاش دايس فى اى حاجه شمال 

وطبعا اسببت في وفاته في الحال ووجع قلبى وخلاص وانا كم مره قولتله بلاش بلاش يابنى يإما هتجيلى ميت او ممسوك بالمخدرات وهتتحبس

واهو فى الاخر مات وحرق قلبى عليه 

وامتى يوم كتب كتابه ودى اخره الدلع من الحريم للصبيان.. مرات عمى :

وقالت لا انا ابنى ما ماتش دى عريس فى الجنه متقولش كدا على ابنى هو قال انه بطل يشرب الارف ده.. 

_ يعنى ياعمى كنت عايز تجوزنى ابنك وتبلينى بيه وهو مدمن ويدمر حياتى علشان ايه يا عمى 

انا ذنبى ايه ليه مخلتش بالك منه..

عمى : مين قال كدا دا اناوديته كم مره للمصحه علشان يتعالج مش كدا ولا ايه..

 وبيبص لمراته

تهتهت في الكلام وقالت :

م..ا..اااا..ماااا..

عمى : فى ايه اتكلمى

مرات عمي :

ما كان بيصعب عليا انى اشوفه وهو بيتعذب هناك وكدا فكنت بزوره واحطه فى رغيف ومش بيبان..

عمى بصدمه : 

ازاى والتفتيش..

مرات عمي :

ما كان بيظبط الدنيا بالفلوس.. 

عمى وهو فحاله زهول :

 وكنتى بتجيبى المخدرات من فين..

مرات عمي :

 طبعاً من اصحابه..

عمى : انتى بتقولى ايه يعني كلامى صح ان انتى سبب فى موت ابنى منك لله وكمان كنت راجل مقطف..

_ لا ياعمى انا آسفه وحضرتك كمان كان فين دور حضرتك فى البيت.. 

اعمل ايه يعنى ما انا كنت بعمله اسم وثروه علشان يعيش مستريح طول عمره هو وولاده..

مليكه : لا ياعمى وجهه نظر حضرتك انا آسفه غلط طبعا

ليه الراجل يرمى الحمل على الست في تربيه الاولاد بحجه انه بيشتغل وبيحاول يوفر ليهم عيشه افضل وكل احتياجتهم 

وسايب اهم شيء وهو الحوار انى احسسه 

انى معاك انا شايف كل حاجه بتعملها 

طبعا مش تقليل للراجل ولا لتعبه فى الشغل وضواغط الحياه 

بس احيانا الاولاد لازم تدخل الاب ساعتها ودوره فى حياه اولاده مش فلوس بس فين الاحتواء 

انا آسفه ياعمى حضرتك السبب مش مراتك وللاسف كنت عايز تخلينى اعيش تعيسه انا وابنك وبتقول انك بتحافظ عليا وانت اصلا معرفتش تربى ابنك

وجالك ميت بسبب شمه وانت اصلا كنت طمعان فيا وفلوسى..

قام عمى وقرب منى علشان يضربنى بلقلم ورفع ايده ولسه هيضرب لاقيت ايد مسكته وكانت ايد حمزه 

للأسف أخيرا اتحرك واتدخل 

فضل ماسك ايده وعمي برقله وقالة:

انت ازاي تمسك ايدي كده انت ما تعرفش انا مين يالا ولا ايه 

دا انا ممكن احبسك واخلي امك وابوك ما يعرفُلَكش طريق ودمر مستقبلك انت ناسى انا مين ياض.. 

حمزه : انت مين يعنى مفكر علشان معاك فلوس يبقى خلاص  بقى مالك الدنيا كلها 

انت راجل ما عرفتش تربى ابنك  وعايز تستقوى على وليه ومفكر ان ملهاش حد يدافع عنها ولا يقفلك 

اقسم  بالله لو قربت ليها تانى انا اللي هقف ليك وهفضحك 

ان ابنك مات بسبب جرعة مخدرات زياده وشوف شكلك هيبقى عامل ايه لان طبعا يهمك منصبك وشكلك الاجتماعي.. 

خالتى :

كفايه كدا  خلاص الحمد لله على كدا 

يلا يا مليكه يابنتى..

دخلت في حضنها وطبطبت عليا وانا وهى قولنا : الحمدلله.. 

حمزه قال لعمى :

 بعد اذنك اتفضل من هنا  علشان تشوف ابنك والمصيبه اللى انت فيها..

دخلت اوضتى اتوضيت وصليت وفضلت اعيط واحمد ربنا سبحانه وتعالي على فضله عليا انه نجانى من الجوازه السوداء دي 

خالتى :

 تعالى يا بنتى جمبى..

 واخدتنى في حضنها وطبطبت عليا حسيت بأمان ودعم نفسي جامد الحمد لله على قد ما حزنت انى امى توفاها الله على قد ما حمدت ربنا انه عوضنى بخالتى 

فعلا الحمدلله حتى يبلغ الحمد منتهاه

~~~~~~~~~~~~~~~~~~~~~~~~~~

استغفر الله وأتوب اليه ⁦✿⁠ 

~~~~~~~~~~~~~~

خالتى :

 بصي بقى..

 لقيت حمزه قعد جمب خالتى قلتلها :

فى ايه..

 خالتى : احنا هنقفل بيت ابوكى هنا وهنروح للمحامى علشان نشوف حد يباشر ارضك وحجاتك اللى هتورثيها

وهتيجى تعيشى معايا قولتى ايه..

حمزه : هتقول ايه يعنى اللى انتى شايفاه احنا ماعندناش بنات ليها رأى.. 

مليكه : وانت مالك بتدخل ليه انا مأخدتش رأيك على فكره..

حمزه : ياسلام طيب براحتك..

فضلنا ننكش فى بعض قدام خالتى ونتخانق 

خالتى : 

 كفايه انتو عمليين زى ناقر  ونقير كدا ليه..

حمزه حضن خالتي جامد وقالها :

 تعرفى انى عمرى ما حسيت غير انك امى وانك انتى اللى ولدتينى علشان كده انا عندى مفجأة هتفرحك وهى..

انا وخالتى بصينا لبعض 

خالتى قالت بفرحه ولهفه :

 خير قول هه قول يلا..

حمزه : انا هناقش رساله الدكتوراه بكره..

خالتى : بجد مبروك  يا حبيبي يا قلبى.. 

خالتى : بس.......

يتبع..

--------------------------------------------------------------

ايه رايكم في البارت ﴿ ٥ ﴾ 

يا ترى دى المفجأه الوحيده اللى عملها حمزه ولا فى مفاجأة تانيه

تفتكرو

#من_اول_نظره.

         الفصل السادس من هنا 

لمتابعة باقي الرواية زوروا قناتنا على التليجرام من هنا