رواية لانك قدري الفصل التاسع 9 بقلم حور حمدان

رواية لانك قدري الفصل التاسع 9 بقلم حور حمدان

هو انتي اي يا شيخة مبتتهديش ولا اي نظامك، يعني خارجة من السجن والمفروض تشكريهم

قاطعتة اعتماد بزعيق اشكر مين هما عملو اي اصلا عشان اشكرهم دول اتبلو عليا هو انا يعني هيكون قصدي اسقط مرات ابني

قال معتز بخنقة اه يا ماما قاصدة وعلى فكرة انتي متحبستيش ظلم كدا لا يا حبيبتي في تسجيل فديو وحضرتك بتدلقي زيت على السلم وبتنادي ريم بعدها

ماما ارجوكي اقفلي السيرة دي عشان حقيقي بتخنقني

رجعت بصت اعتماد لصلاح وهي بتقوله بقا بتضربني قدام مراتات عيالك وعيالك وبعدين انا عايزة اعرف حاجة دلوقتي دهبب خدوة في السجن راح فين

بص ادم باستغراب وقال دهبك؟

بصله صلاح وبرق بمعنى انه يسكت خالص سكت وادم قال في نفسه باستغراب

هما ازاي دخلوها الحبس بدون ما ياخدو اي متعلقات شخصية ليها الاول والمفروض وهي خارجة تاخدها

بس سكت عشان نظرات صلاح ليه

بس صلاح رد على اعتماد وهو بيشاور لادم وبيقوله خد الولية دي روحها على البيت

واخوك كدا كدا هيخرج بكرا من المستشفى هو وريم هنبقا اول ما يخرجو نجيبهم ونيجي

اعتماد بزعيق لا يا صلاح وعلى فكرة مش هعديلك القلم الي انت ادتهولي دا بالساهل و

لقت قلم تاني نزل على وشها من صلاح وهو بيقول لادم خد امك يا ادم عشان اقسم بالله جبت اخري منها وخلاص على تكة وهدخل فيها السجن

فعلا ادهم خد اعتماد وهي بتندب وبتزعق

اما صلاح قرب منه نوح وادهم وسمر قال نوح يا بابا مينفعش الي عملتة دا قدامنا كدا ميصحش على فكرة

بصله صلاح بعصبية وهو بيكمل زعيق وبيقول اخرس انت كمان وانت شبه امك كدا دا اي القرف الي في العيلة دي

وانتي يا ريم يلا روحي على اوضتك كفاية قاعدة لحد كدا ويلا يا ملك انتي وسمر وقمر وسيليا معاها يلا

طبعا البنات كل دا كانو ساكتين ومش بيتكلمو

فعلا نقلو ريم على اوضها

والحمدلله عدى اليوم وتاني يوم كمان لحد وقت ما كانو راجعين البيت

قال معتز لصلاح

مش عايز ارجع البيت يا حاج والله مش قادر ولا طايق البيت دا

طبطب عليه صلاح وهو بيكمل كلام وبيقول هترجع يا معتز انت ومراتك وتنورو بيتكم وربنا يعدي الفترة دي بس لحد ما تخف على خير عشان في حاجات كتير جدا هتتغير ان شاء الله

واولها الولية امك

رد عليه معتز باستغراب ازاي يعني هتعملها استبدال ولا اي

بصله صلاح بقرف وهو بيقول اكتم اكتم يلا انت كمان دا انتم عيلة تشل والله العظيم

بعد وقت كانو رجعو كلهم البيت وصلاح كلم ادم يقفل على اعتماد عشان متخرجش من الشقة واليوم يعدي

وفعلا كل واحد دخل بيته عشان يرتاح

في شقة ملك الباب خبط

راحت تفتح بتعجب اصلها لسا داخلة البيت

لقيت قدامها ادم كانت هتقفل الباب في وشه بس هو مسك الباب بترجي وهو بيحاول يستعطفها

عشان خاطري يا ملك اسمعيني اديني فرصة بس اتكلم

زعقت ملك بخنقة امشي يا ادم ملكش كلام معايا حقيقي كلامك خلص معايا لحد كدا

قالها بترجي بالله يا ملك اديني فرصة واحدة بس فرصة واحدة حقيقي وبعدها مش هطلب اي حاجة تاني

نفخت ملك بضيق ووسعت شوية عشان يدخل وفعلا دخل من باب الشقة وهو بيتنهد وكان لسا جاي يقعد وقفته ملك وهي بتقول اه هتقعد دلوقتي شويتين وشوية تجيب شوية والاقيك داخل تنام وفضينا الموضوع على كدا لا بقولك اي يا حبيبي اقف كدا وكلمني وقول الكلمتين الي جواك خلينا نخلص من الفيلم الهندي الرخيص دا عشان الواحد مل

قالها ادم بصدمة فيلم هندي رخيص؟ انتي بتتكلمي كدا لي يا ملك دا مكنش اسلوبك الاول اي الي حصلك

ابتسمت بخنقة وهي بتقول الي حصل اني قدمت كل حاجة حرفيا كل حاجة وولا مرة لقيت تقدير ولا شكر لا منك ولا من اهلك وفي الاخر جزاتي هي انك تتجوز عليا واحدة متسواش

قالها ادم بزعل اولا حقك عليا انا عارف اني غلطان

ثانيا انا طلقتها

قالت ملك بصدمة طلقتها! طب وابنك!

مطلعتش حامل اصلا كانت بتعمل كل دا عشان تاخد مكانك يا ملك

ضحكت ملك بحزن وهي بتقول اه مهو واضح لا يا حبيبي اخدت واحدة اكتر من مكاني كمان تعرف يا ادم انك بجد انسان ضعيف اوي

اوي حرفيا لدرجة لا تتوصف ويلا اطلع برا بقا

كان لسا هيتكلم زقته بعصبية وقفلت الباب في وشه وهي بتقول براحة

واخيرا بدأت اخد حقي منك ولسا دا الي انا وسيليا وريم وقمر مخططين ليه انت وامك هيطلع من نفوخكم

جري عليها ايوب ابنها وهو بيشد هدومها وبيقول ماما ماما هو بابا انتي ليه طردتيه

قالت بحنان مش طردته يا حبيب ماما

بس بابا نزل عشان هو بيحبك وراح يشتغل عشان يجبلك حاجة حلوة

قالها ايوب بفرحة بجد يا ماما يعني بابا بيحبني طبطبت عليه ملك وهي بتقول بيحبك جدا يا نور عين ماما يلا بقا عشان تنام

اما عند سيليا ونوح كانو مشغلين اغاني وبيرقصو عليها سلو وفي نص الرقصة قالت سيليا بضحك

دا الحمدلله ان اعتماد محضرتش فرحنا والا كان بقا جنازة

قالها بابتسامة اه والله دا حقيقة كانت هتعمل فينا عمايل سودة

ضحكو الاتنين وهما مبسوطين بالوقت البسيط الي بيقضوه سوا

كملت سيليا كلامها وهي بتقول بضيق كنت هموت واعرف ليه مامتك بتكره ريم للدرجة دي

ابتسم نوح وهو بيقعد وبيقول امي بتكرهكم كلكم اصلا

بس سيليا كملت بتجنب لكلامه بس بتكره اكتر ريم يا نوح وعرفت السبب

قعد نوح بانتباه وهو بيسألها باستغراب اي السبب

قالتله بحزن

اما عند ريم ومعتز كانو الاتنين نايمين بس ريم كانت مفتحة عيونها ودموعها نازلة بصمت وحزن كبير وهي حاطة ايدها على بطنها وبتدعي في سرها وبتقول يارب يارب عوضني خير يارب يارب عوض صبري ووجع قلبي وحرقتة

دا خير يارب بسمع طول عمري عن جبرك وعوضك بس نفسي اجربه اوي والله يارب ونامت بعد اخر جملة قالتها دي ودموعها على خدها

اما في شقة قمر وادهم كان ادهم ماسك جويرية بنته وعمال يلاعبها وهو بيضحك معاها وبيقولها يا خراشي الي كانت وحشاني قد الدنيا كلها وحشتيني يا بنوتي يا صغنن انتي

قمر بزعل يعني هي بنتك وصغننتك وانا اي ان شاء الله

بصلها ادهم من فوق لتحت وكمل وهو بيقول لجوري

عارفة يا جوري اني بحبك قد الدنيا دي كلها كلها حرفيا

حطت جوري ايدها على وش ادهم وهي بتقوله طب وماما ضحك وهو بيقولها في ودنها ماما دي بنتي الكبيرة

قالتله جوري يعني كدا انا وماما اخوات يا بابا ابتسمت قمر عشان فهمت كلام ادهم وسكتت

رد عليها ادهم وهو بيقول لا يا حبيبي هي بنتي بس انتي بنتها مش مهم تفهمي انتي يلا قومي نامي

عند صلاح كان بيتكلم في التليفون وهو بيزعق وبيقول نعم يا حلتها مهر مين الي يبقا 250 الف انت بتحلم ولا اي الظاهر انك بتحلم اسمع بقا يا ولا انت لو متعدلتش اقسم بربي ما هيكون فيه ربع جوازة حتى ووو يتبع

#يتبع

#الجزء_التاسع

#لانك_قدري

#حكاوي_كاتبة

#حور_حمدان

       الفصل العاشر من هنا

لمتابعة باقي الرواية زوروا قناتنا على التليجرام من هنا