رواية جريمة السويس (كاملة جميع الفصول) بقلم ملك ابراهيم
_شِوال مرمي في الزبـ.ـالة لقاه واحد زبـ.ـال كان بينبش فيها، ولما لقاه وفتحه إتفاجئ إن جواه سبع أجنـ.ـه مشوهـ.ـين بالكامل والغريب إن كان مدلوق عليهم مـ.ـادة حارقـ.ـه "ماية نـ.ـار"!.
كانت نورسين واقفه ومربعه إيديها وهي بتسمع الظابط إللي كان بيتكلم قصادها وأول ما سكت بتبدأ تتكلم وبتقول:-
_ليه تصبحوني بخبر زي دا؟! فين الإنسانيه، فين الضمير، فين المكان إللي إترمىٰ فيه الشِوال؟!.
بيشاور ليها الظابط بإيديه علىٰ المكان، بتبص نورسين لـ خالد وبتقوله:-
_هروح أباشر أعمالي، جتكـ.ـم نيـ.ـله مسيبتونيش أستمتع بالأجازة بتاعتي!.
بيبصلها خالد وهو بيقولها بسُخرية:-
_هتاخدي أجازة يا نورسين!.
بتبصله نورسين وهي بتقول بلهفه:-
_بجد، إمتىٰ!.
_لما نمـ.ـوت، في الجنة يا صديقتي!.
بتتغير ملامحها وهيَ بتبصله وبتقوله بقـ.ـرف:-
_خسئـ.ـت يا خالد، خسئـ.ـت!.
وبتمشي من قصاده وهي على ملامحها الغيـ.ـظ، وبيقف خالد يتكلم مع نفسه ويقول:-
_كل شويه تقولي خسيت خسيت! بس عندها حق بقالي كتير مش باكل من إيد أُمي!.
بتقف نورسين قصاد الشِوال وبتبدأ تفتحه وتبص جواه وبتتكلم مع نفسها وهي بتقول:-
_سبع أجنه ميتيـ.ـن وباين عليهم بداية مراحل التعفـ.ـن، الغريبه إن فيه خمسه غير مكتملين، وإتنين مكتملين، الحبـ.ـل السُري لسه متوصل بيهم ولكن باين إنه مقطـ.ـوع بعُنـ.ـف شديد! مشوهيـ.ـن بالكامل ودا باين من وجود أزايز مايـ.ـة النـ.ـار في الشِوال معاهم، والمظهر الخارجي!.
بتسكت شويه وبتتنهد وبترجع تتكلم من تاني وبتقول بتفكير:-
_مين ممكِن يكون فاقِد لإنسانيته ويعمِل كِدة وبمُنتهىٰ السهولة!، خلاص كِدة بقينا عايشين في غابه؟!.
بتلاقي خالد بيجي من وراه وهو بيتكلم وبيقول:-
_الموضوع وراه شيء غير مشروع، وعمومًا دي أول جريمـ.ـة تحصل جوا السويس وبالشكل دا!.
_فعلًا، والفِكرة إن مفيش حتىٰ دليل ملموس، يعني التحقيق معانا هيكون للصبح!.
بتسكت وبترجع تتكلم من جديد بتساؤل:-
_الموضوع مُريب، يعني إي شِوال يترمي كدة والجيران ميلمحوش مين إللي رماه!.
بيرد عليها خالد وهو بيقول بتفكير:-
_مؤكد كان بالليل وهتلاقيه غريب عن المنطقه كمان!، يعني هي الناس هتفضل قاعدة للصبح علشان تراقب مين رايح ومين جاي؟!.
_أنا فهمه معنىٰ كلامك، لكن شايفه إن مش معانا وقت يا خالد! كل دقيقه بتمُر علينا ممكن يحصل حاجه أبـ.ـشع مِنها!!.
وقبل ما خالد يتكلم بيجي الظابط وهو بيقف قصادهم وبيقول:-
_فيه بـ.ـلاغ وصلني من القسم إللي جنبنا، فيه بنت ووالدتها وصلوا القسم علشان يقدموا أقوالهم لـ قضية الأجنه!.
بتبصله نورسين وهي بتتكلم وبتقول بإستغراب:-
_ياااه هتتحل بالسُرعة دي! طب يالا بينا؟!.
____________________
_أنا جيت أنا وبنتي يا باشا علشان تشهد بحق ربنا وتقول الحقيقه!.
بتبصلها نورسين وهي قاعدة علىٰ المكتب قصادها وبتقولها:-
_إيه يا حجه بنتك كانت بتجيب الستات الحوامـ.ـل وتشقـ.ـهم؟!.
_لا يا باشا، بنتي بتتعرض للتهـ.ـديد كُل يوم من الشبـ.ـح.
_يعني فيه شبـ.ـح بيهـ.ـددها؟! يا حجه نعقل الكلام ما شبـ.ـح إلا إنسان!.
_لا مش قصدي كدة، قصدي سيد الشبـ.ـح يا باشا!.
_طالما علىٰ إسم أبويا طبيعي يكون غِتـ.ـت!، طب ودا إيه علاقته بالقضية بتاعت الأجنـ.ـه؟!.
_ما هقولك يا باشا أصـ..
بتقاطع كلامها سميرة بنتها وهي بتقولها بترجي:-
_يالا ياما نمشي من هِنا بالله عليكِ، خلينا نيجي ونقولها بكره.
_إستني يا سميره علشان الحكومـ.ـه هي إللي هتحمينا منهم!!.
بتقوم سميره من علىٰ الكرسي وهي بتمشي تجاه الباب وبتقول بصوت عالي:-
_أنا مش هستنى هِنا لدقيقه واحده!!.
بتقوم والدتها وراها وهي بتحاول تلحقها، بتبص عليهم نورسين وهي مش فهمه حاجه وبتقوم تحاول تلحقهم يمكن تطلع بأي معلومة..
وأثناء ما كانت بتمشي وراهم لحد ما قدرت توقفهم على باب القسم وبتتكلم وبتقول:-
_يا حجه إستني وأحكيلي، جايز كلامك يكون حل لينا!.
بتبصلها سميرة وملامحها مش باين عليها غير الرُعب، وبتتكلم وبتقول:-
_إحـ... إحـ... إحنا منعرفش حاجه!!.
بتبصلها نورسين وقبل ما تتكلم بيتفاجئوا بـ عربية جايه من علىٰ بُعد مسافة وبتقف قصاد القسم وبيطلع من ورا الشباك بُنـ.ـدقية وضـ.ـرب النـ.ـار بيشتغل وبعد أقل من دقيقه العربيه بتمشي بسُرعة كبيره..
لحظات بسيطة كانت كفيله إنها تقلب موازين القضية كلها، صمت غريب فجأة وفوضى قصاد القسم، وصوت الصـ.ـريخ من الناس إللي كانت ماشيه..
كانت نورسين مغمضه عينيها أول ما شافت إللي بيحصل، حست إن الدنيا بقت أهدىٰ وقتها بدأت تفتح عينيها بهدوء وهي بتبدأ تشوف إللي حصل وبتلاقي جنبها الست وبنتها واقعين علىٰ الارض ومقتـ.ـولين، والعساكر إللي كانت واقفه علىٰ باب القِسم مقتـ.ـولين برضو!..
بتحط إيديها علىٰ راسها وبتبص عليهم وبتقول بصدمة:-
_يا نهار مطلعش ليه شمس!! كُل دي جُثـ.ـث! أنا داخله علىٰ أيام عِنب!!..
يُتبع..
ڪ/ملك إبراهيم.