رواية احتكار قلب الفصل الاول
روحي يا اما خليها تفتح الباب بدل ما هكسره على دماغها وانتي عرفاني
امه قالت بتوتر...يا عرب يا ابني البنت معملنش حاجه غلط الشاب عايزها وطالبها بالحلال و
عرب قاطعها بغضب شديد وقال يعني ايه يتجوزها مين ده اللي يتجوزها شاكر...ده عيل
امه قالت بضيق... عيل ازاي بس ده بيدرس في اخر سنه وعمتك منال عايزه تجوزو بدري وبسمه مش صغيره كمان مش يمكن بيحبو بعض
عرب قال بغضب اشد بيحبو بعض ده ايه...ازاي يعني
لسه هترد خرجت بنت جميله وقربت منو وقالت بانفعال هو ايه اللي نحب بعض ازاي..زي الناس..طب ايه رايك بقى علشان الفضايح اللي عملتها تحت دي انا اتجوز شاكر وبحبو ها
عرب قرب منها ومسكها من دراعها بغضب وقال...بقى نازله تتحنجلي في الفرح معاه ولما اناديلك تطلعي تجري مني بتستهبلي ده انا هنفخك انهارده
بسمه قالت بخوف منة.... ما انت اللي عصبي يا عرب وخوفتني فيها ايه لما انزل مع ابن عمتي في فرح جرانا معملتش حاجه غلط يعني و
بس عرب قاطعها بانفعال وقال...مين هو اللي ابت عمتك انتي هتعيشي في الدور هو انتي قريبتنا اصلا انا جايبك كن الشترع و
بس قطع جملتو لما خد بالو للي بيقوله
بسمه اتسعت عنيها بزهول واتجمعت الدموع في عيونها وجريت على اوضتها وهيه مش مصدفه اللي قالو
بقلم....زهرة الربيع
امه بصتله.... بزهول وحزن وقالت..ايه اللي عملتو ده يا عرب...ازاي تقولها جمله زي دي يا ابني
عرب اتنهد بحزن وندم على جملتو وقال...اكيد مقصدتش اقول كده حبيت افهمها انو ميقربلهاش علشان تنزل معاه كده
امه بصتلو بضيق وقالت..لو كده انت كمان متقربلهاش واديك عامل وصي عليها ...اسمع بقى بسمه دي في غلاوة بنتي ..او بمعني اصح بنتي مش هسمحلك تزعلها كده يلا روح صالحها حالا
عرب اتنهد وقال..ماشي يا امي اكيد هصالحها و
بس قطع كلامو لما الباب خبط راح فتح ودخلت ست في الاربعينات وهيه بتزغرط ومعاها شاب في العشرينات
عرب بصلهم بضيق والست قالت بفرحه...ايه يا عرب مش تقول اتفضلو
عرب بصلها بضيق وقال بسخريه..هو انا مقولتش ودخلوو الصاله يا عمتي امال لو قلت اتفضلو هلاقيكم في دولابي
عمته بصتلو بضيق ...وامه قالت بغيظ.. عرب وبعدين
عرب اتنهد بخنقه وبص للشاب اللي معاها ومسكو من هدومه وقال بغضب..ولااا انا مش قولتلك مش عايز المح خلقة امك قدامي
الشاب قال برعب ...يا عرب انا داخل البيت من بابو وطالب حلال
عرب هزه بعنف وقال بغضب..مالازم تدخل من بابو امال عايز تنط من الشباك يا روح خالتك
امه قالت بغضب.... سيب الواد انت حاطط نقرك من نقره ليه هو عمل ايه يعني ...ده طالب حلال وعايز يتجوز بسمه على سنة الله ورسوله
عرب قال بسرعه وغضب...و انا مش موافق
شاكر لسه هيتكلم بس طلعت بسمه وقالت بغضب...بس انا موافقه...وانا مش قريبتك اصلا علشان تتدخل ووووو