رواية احتكار قلب الفصل الثاني
عرب اتنهد بخنقه من كلامها... ووالدة شاكر زغرطت وقالت... وادي العروسه موافقه اهي
عرب قال بغضب.... مواقفه على ايه دي عيله ومش فاهمه مصلحتها ادخلي جوه دلوقتي يا بسمه وهنتفاهم بعدين
بسمه قالت بغضب... مش هدخل وانا مش عيله عارفه كويس بقول ايه
عرب اتقدم عليها بغضب وقال... يا بسمه قولت ادخلي جوه وعدي يومك على خير
بسمه لسه هترد امه قالت بسرعه ...عرب خلاص كده ما تضايقش البنت اكتر... تعالى معايا عايزاك
عرب قال بس يا امي...
امه قالت بسرعه..... بقول لك عايزاك يا عرب يلا
واخذته ودخلت بيه جوه وبصيت له بضيق و قالت... فيه ايه يا عرب ايه لازمه المشاكل اللي بتعملها دي يا ابني... عايز ايه من البنت ..ما هي لازم هتتجوز
عرب لسه هيتكلم قاطعتو وقالت... اسمع يا عرب انا مقدره انك متعود على بسمه ومربيها ١٠ سنين ولازم ما تقدرش تبعد عنها بس يا ابني دي مبقتش طفلة دلوقتي و الناس بدات تتكلم على قعدتها معانا هنا ...وهي موافقه على شاكر وهو كمان بيحبها جه الوقت اللي لو فعلا بتحبها تثبت كده وتساعدها مش تقف في طريقها لمجرد انها ملهاش حد غيرك
عرب اتنهد وقال... يا ماما انتي عارفه المشاكل اللي مع بسمه هيه محتاجه حد كويس يحميها لو اتعرضت للخطر في اي وقت.... بقى بزمتك البقف اللي بره ده هيقدر يحميها لو حصلت اي حاجه ده هيسيبها ويجري
امه ضحكت وقالت ....انت بس قلقان على الفاضي او يمكن بتدي لنفسك مبررات عشان مش عايزها تبعد عنك... لو في حاجه عايز تقولها انا والدتك
عرب بصلها بزهول وقال... انتي بتقولي ايه لا طبعا انا كل الحكايه زي ما قلت لك اني خايف عليها ومدام ده اللي هتفهموه وانتم كلكم موافقين خلاص على راحتكم تتجوز
وطلع بسرعه وقال ....ماشي... انا اتكلمت انا وماما وشفت اننا نعمل فترة خطوبه عشان اشوف اذا كنت هتناسبها ولا لا يا شاكر
شاكر حضن والدته بفرحه وهيه زغرطت تاني
اما بسمه كانت بتبص له بصدمه ودموع وقربت منه خطوات وقالت..... يعني انت ....انت موافق اني اتجوزه
عرب حاول يبعد عيونه عنها وقال... انا يهمني سعادتك وبس
بسمه ابتسمت بسخريه وقالت....ههه سعادتي... طيب شكرا شكرا يا ابيه... قصدي يا عرب ...و راحت على اوضتها جري ودموعها على خدها
عرب اتنهد بحزن واخد موبايله ونزل بسرعه وهو مخنوق حرفيا
بعد شويه كان قاعد مع واحد صاحبه على القهوه ومخنوق جدا صاحبه قال بضيق ....يا ابني انت هتشلني ايه الكلام اللي سمعته ..ده ما فيش نص ساعه وعمتك وملت الحاره كلها ان ابنها هيتجوز بسمه
عرب اخذ نفس من سيجارته بضيق شديد وقال.... ما تملى ولا تفضي ...مهو هيتجوزها فعلا
صاحبه قال بغضب... انت عايز تشلني ازاي هتسيبها تتجوز هو انت مش كنت...
عرب بص له بحده وقال.... ناصر ما تستفزنيش... الف مره قلت لك بسمه زي اختي انا اكبر منها بعمر ما فيش حاجه من اللي جايه في دماغك دي
ناصر بصلو بسخريه وقال....ولما هو ما فيش طلقت مراتك بسببها ليه
عرب قال بعصبيه.....انا طلقتها علشان كدابه ومفتريه فوق انها مجنونه وبيتهيألها حاجات محصلتش كمان افترت على البنت وشهرت بسمعتها علشان كده طلقتها ولو عملت اللي عملتو مع اي واحده غير بسمه كنت هطلقها برضو
ناصر اتنهد وقال.... ماشي هيه غلطت جدا بس هيه عملت كده ليه..لانها حست اللي كلنا حاسينو
بقلم...زهرة الربيع
عرب بصلو بضيق وناصر قال بسرعه...خلاص خلاص على راحتك قاوح وكابر قد ما انت عايز واظلم نفسك واظلمها معاك و
ناصر لسه هيكمل بس عرب جالو تليفون من والدته وقف وقال ...نعم يا امي
بس اتسعت عنيه بدهشه وقال .... ايه ...تمشي يعني ايه الكلام ده انا جاي اهو اوعي تتحرك من عندك
وطلع جري بسرعه من غير ما يكلم اي حد او يرد على ناصر اللي كان بينادي عليه
عند بسمه كانت ماسكه شنطه هدوم وعايزه تطلع من البيت ووالده عرب بتمنعها وبتقول.... يا بنتي استهدي بالله ما كانتش كلمه قالها عرب ما انت عارفاه عصبي ومش بياخد باله من كلامه تمشي تروحي فين بس
بسمه قالت بغضب وهي بتبكي.... سيبيني يا عمتي بقول لك انا مش عايزه افضل هنا انا هنزل اقعد عند طنط ام شاكر
امه قالت تقعدي عند طنط ام شاكر ازاي بقى انتي اصلا مش بتحبي تروحي هناك..وبعدين يا حبيبتي يعني معقوله تعملي عقلك بعقل عرب
دخل عرب في الوقت ده وقال بضيق... ومتعملض عقلها بعقلي ليه خارج من العباسيه ...على العموم شكرا يا نبع الحنان
امه حمحت وقالت..... يا ابني بحايلها يعني
..على العموم كويس انك جيت اهيه قدامك اهي عشان انا تعبت وهادخل اريح
ومشيت على اوضتها بسرعه وسابتهم يتكلموا مع بعض
بسمه بصت له بضيق ولسه هتتقدم وقف قدام الباب وقال بحزم.... رايحه فين
بسمه قالت بدموع ...هانزل الدور الثاني عند عمتي ام شاكر
عرب ابتسم بسخريه وقال..... ايه ده بجد عند حماتك المستقبليه يعني....طب هو في واحده برده تقعد عند حماتها قبل الجواز مش خايفه من كلام الناس
بسمه نفخت بغيظ من بروده وقالت بعصبيه.... الناس كده او كده بتتكلم ما انتاش اخويا في الرضاعه يعني علشان ينفع اقعد معاك هنا..و زي ما انت قلت ما فيش حاجه بتجمعنا احنا مش قرايب
عرب ابتسم على شكلها و وهي متضايقه وحب ينرفزها اكتر وقال ....طب ما دام احنا مش قرايب وعايزه تسيبي البيت وتمشي واخده هدومي معاكي ليه... الهدوم دي مش انا اللي اشتريتها لك كلها ...انا عايز كل هدومي
بسمه بصتلو بزهول من كلامه واحتدت ملامحها بغضب شديد وضربت الشنطه على الارض وهيه بتقول بغضب....خد هدومك اهيه مش عايزه منك حاجه و
و لسه هتكمل لقيته باصص على الهدوم وبصفر بوقاحه وقال ...اه يا قلبي ..ياريتو فضل متخبي
بسمه بصت لقت الشنطه بتاعتها اتفتحت واهدومها الخاصه باينه منها شهقت بكسوف وجريت عليها بقت تلم الهدوم بسرعه وتقفل في الشنطه وهي بتقول بارتباك.... اما وقح صحيح... انت بتبص على ايه..احترم نفسك بلاش قلة ادب انا اصلا هتبرع بالهدوم دي مش هلبسهم تاني و
بس قطعت كلامها وووووو