روايه سر المقبرة الفصل الاول بقلم سيد مصطفى
هذه الرواية متوفرة فقط على 👇
لمتابعه روايه سر المقبرة كامله اضغط هنا 👇
سر المقبرة
انا جاي احكيلك قصة حقيقية وربنا عالم اني مش بكذب في ولا حرف من اللي هحكيه ده.. بس قبل ما احكي انا غيرت اسماء اصحاب القصة حفاظًا على خصوصيتهم ..يلا نبدأ
انا يحيي ٢٤ سنة من أسيوط وقصتي بدأت من حوالي ٤ سنين تقريبا انا على قد حالي بأكل لقمتي بالحلال، شاب بسيط زي أي حد، عندي واحد صاحبي اسمه محمود.. محمود صاحبي عنده اخت من وقت للتاني بيقولي إنها تعبانة وبتعمل تصرفات غريبة ومش طايقه تقعد في البيت، وبتحلم احلام غريبة، المهم.. أنا مش متطفل فكنت بقوله ربنا يشفيها من غير ما أقترح عليه أي حل، الأمر ده استمر مع اخت صاحبي فترة لدرجة ان والد صاحبي عرض البيت للبيع، عشان يخرجوا من الجحيم اللي هما فيه، لان أوقات كتير البنت كنت بتقعد تصوت وتبقى مش طايقه اخوها وشيفاه مرة بشكل شيطان ومرة بشكل قرد، المهم.. ناس من الجيران قالوا لوالد البنت اعرضها على شيخ واحنا نعرف شيخ كويس من بلد جنبنا، نفد الوالد كلام الجيران وجاب الشيخ واللي كان اسمه فوزي دخل على البنت وقرأ عليها وقالهم بنتكم بتحلم بعرايس وبيلفوا حواليها
رد الاب والام في نفس واحد :ايوا بتحلم الحلم ده كتير
الشيخ فوزي قالهم..
- العرايس اللي بتحلم بيهم بنتكم دول عرايس دهب من مقبرة فرعونية والمقبرة دي تحت البيت وعمار المكان بيبعتوا رسايل عن طريق البنت عشان تخرجوا المقبرة والعرايس الدهب
الأب والام ومحمود اللي هو صاحبي في حالة ذهول وقاطع كلام الشيخ فوزي وقال...
-مقبره ايه يا عم انت بتقول اي كلام وخلاص ؟!
الشيخ فوزي رد عليه بهدوء…
- انا شايف كل حاجة في المقبرة بعيني دلوقتي، وانتوا براحتكم ولو حبيتوا بنتكم ترجع طبيعية لازم المقبرة دي تتفتح، وعموما انا مستعد لكل تكاليف الحفر لحد لما نطلع الخير اللي في المقبرة، هسيبكوا يومين تفكروا ..مستني قراركم
يتبع
#سر_المقبرة
#بقلم_سيد_مصطفى
