روايه حبي الوحيد الفصل السابع بقلم هاجر عفيفي
هذه الرواية متوفرة فقط علي
قد يعجبك ايضا
شكرا على التفاعل يابنات❤️ البارت السابع
نيرمين برعب : إياد افهمني انا
قلم شديد نزل علي وشها من إياد وقال بغضب : بقا عايزه تق"تليني وكمان خلتينى أشك فى مريم واتهمها فى شرفها
نيرمين بدموع : والله مليش دعوه صدقني ال عمل كده هو هو
إياد بعصبيه : انطقى يا.....* مين ال مسلطك عليا بدل ماق"تلك واد"فنك مكانك
نيرمين بانهيار : مروان مروان والله هو ال قالي اعمل كده وهو ال قالي اتجوزك واروح اعمل تحاليل مزيفه وأقولك انك مبتخلفش علشان تطرد مريم من حياتك وميكونش ليك وريث خالص
إياد مكانش قادر يقف من الصدمه فى صديق عمر وطفولته وقال بعدم استيعاب : انتي كدابه مروان ميعملش كده ابدا ده صاحب عمرى ده انا كل الأسرار بتاعتى معاه
نيرمين بدموع : والله هو السبب فى ده كله انا معملتش حاجه غير أن بنفذ أوامر بس والله إنما معملتش حاجه من دماغي خالص
إياد بغضب زقها وقال : بس بس بقا بطلى قر"ف وكذ"ب انتي ايه شيطا"نه حسبي الله ونعم الوكيل فيكي يا شيخه خلتيني اشك فى أطهر بنت عرفتها فى حياتي بنت خالتى وام ابني
نيرمين برجاء : علشان خاطرى سامحني والله ماهعمل كده تاني وهبعد عنك خالص
إياد ضر"بها بالق"لم مره أخرى وقال : انطقى يابت كنتي هتق"تليني ازاى
نيرمين برعب : س"م بطئ دلوقتي ماشى فى جسمك ومفعوله هيشتغل خلال يومين بالكتير اوى
إياد بصدمه : هو فى ايه بجد هو أنا كنت عايش معاكي ازاى وازاى مكنتش شايف كمية الغل والحقد ال جواكي دي ياما أمي ومريم حذروني منك وانا دوست على قلبي ومشيت وراكي وقولت انك بتحبيني بجد طلعتي خبيثه بس صدقيني يانيرمين مش هرحمك ولا هخليكي تشوفى يوم هنا من النهارده
نيرمين بخوف : ه هتعمل ايه
إياد مسكها من شعر"ها ودخلها الأوضه زقها على الأرض ور"بطها بقوه فى السرير وقال بغضب أعمى : اخررررسي هروح اشوف بس الزفت التاني علشان حسابكم هيكون مع بعض وقدام بعض
قال كلامه وخرج قفل باب الأوضه عليها وقفل الشقه بإحكام ومشي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
كريمه بحزن : اجمدي يامريم يابنتي وخلى عندك ثقه بالله وانا مش هسيبك ياحبيبة قلبى
مريم بخوف : انا خايفه اوى ياخالتى أن مخرجش تاني منها
كريمه بدموع : متقوليش كده وتق"طعي قلبي انا مش مستحمله والله كلمه كمان انا واثقه أن ربنا هيقومك منها بالسلامه فى حفظ الله ياحبيبتى
دخلوها اوضة العمليات وكريمه انهارت من البكاء
كريمه بانهيار : يارب ملناش غيرك قومها بالسلامه علشان خاطرى يارب يارب يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
مروان : مالك يابني بقالك يومين غايب كده
إياد بتريقه : الدنيا مش نصفاني خالص ياصحبي كل يوم تصدمنى فى حد شكل معرفش العيب فيكم ولا فى نفسي
مروان بتوتر : ف فينا ازاى يعني هو انت شوفت مني حاجه كده ولا كده يعني
إياد بسخريه : لاء هو أنا جبت سيرتك انا بقول عموما يعني
مروان بارتياح : لاء انا بس مش عارف مين زعلك للدرجه دي ولا علشان موضوع مريم ياعم انساها خلاص صفحه واتقطعت عيش حياتك بقا مع نيرمين ال بتحبك بجد هى دى ال هتنفعك
إياد بسخريه : ياااااه بتحبني جدا مش عارف أوصلك بتحبني قد ايه لدرجة أنها كانت عايزه تق"تلنى
مروان بصدمه وتوتر : ايه !!!!! انت بتقول ايه نيرمين تعمل كده ازاى
إياد : تخيل ياصحبي طلعت واطيه ازاى
مروان بخوف : وانت عملت معاها ايه
إياد ببرود : قت"لتها
مروان فتح عيونه بصدمه وقال : قت"لتها !!!! انت مجنون عملت كده فعلا
إياد وقف وقال : وانت بقا خايف عليا ولا خايف مني
مروان بتوتر : وانا هخاف منك ليه يعني ؟؟
إياد بشر : مش يمكن أقت"لك زي ماقت"لتها
مروان وقف وقال بخوف : إياد إنت اتجننت ولا ايه ؟ ايه الهبل ال بتقوله ده
إياد ضربه بوكس فى وشه لدرجة وقع على الأرض من قوته وقال بغضب : بقا انت يا........* تعمل فيا كده طب ممكن اتوقع كده من نيرمين علشان هي واطيه إنما انت ياصاحب عمرى يال عمرى مافكرت فى أن أضرك تعمل فيا كده تدمر حياتي وكمان عايز تق"تلني عملتلك ايه ياجب"ان
مروان بغضب : انت هتصدق كلام ال اسمها نيرمين بقا بت زي دي هتوقع بيني وبينك يا إياد
إياد بعصبيه : انت تخرس خالص أنا هعلمك انت لعبت مع مين كويس
مسكه بغضب من هدومه وفضل يضر"ب فيه بقوه لدرجة وشه بقا ينز"ف وابتدا يفقد الوعى
وسحبه فى الارض وركبه العربيه ودخلوا فيها وطلع على بيته عند نيرمين
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
كريمه كانت بتصلى وتعيط بشده وتستغفر ربنا كتير ونزلت طلعت صدقات كتير بنية شفاء مريم ومر حوالى أربع ساعات ومفيش حد خرج وطمنها وهي كانت هتمو"ت من الرعب عليها وفجأه لقت التمريض خارجين يجروا من العمليات وحصل توتر فى المكان وحاولت تكلمهم محدش رد عليها وكانت هتمو"ت من الرعب والخوف على مريم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفر وا
إياد كان واقف فى الأوضه ونيرمين ومروان مربوطين قدامه ومرعوبين من شكله ال اتغير 180 درجه
إياد ضحك سخريه وقال : انا فعلا غبي ومغفل واستاهل ال يحصل فيا روحت دوست على قلب مريم واتجوزت واحده زيك وهي حذرتني منك بس انا كنت غبي غبببببى بعد لما سيبتينى وروحتي اتخطبتي لواحد تاني ورجعتي اعتذرتي قبلتك معرفش ليييييه أو كان عقلى فين شككتيني فى شرف مريم ال كانت محتجاني فى كل لحظه فى حياتها اتهمتها وطلقتها وخسرتها علشانك وياعالم دلوقتي هي عامله ايه ولا فيها ايه ده كله علشاااااانك
وصاحب عمرى ال ياماااا أمي تقولى بلاش مروان يابني ده مش صاحب الخير ده بيكر"هك بس اقولها الا مروان يا أمي لو شكيت فى الناس كلها مروان مستحييل وبرضوا عصيت كلام أمي علشان واحد ميستاهلش زيك انا عملت ليكم ايه علشان تعملوا فيا كده عايزين فلوس خدوا كل الفلوس بس ليه تاخدوا اعز ناس على قلبي ليييييييه
الاتنين كانوا بيسمعوا وساكتين بس الرعب متملك منهم ومش عارفين يتحركوا
إياد فتح الدرج ومسك مسد"سه ورفعه فى وشهم
نيرمين بصراخ : لاء لاء أنا معملتش حاجه مروان السبب بلاش يا إياد انا مليش دعوه والله بلاااااش
مروان بخوف : إياد طب نتفاهم صدقني انا عارف ان غلطان بس
إياد قاطعهم بعصبيه وقال : مسمعش صووووت منكم انتو الاتنين ده وقت الحساب وكل واحد هياخد جزاته فيكم
رفع أيده وصوب ناحيتهم المسدس وفجأه صوت ضر"ب النا"ر الجيران سمعته
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
كريمه كانت قلقانه كده لان محدش عايز يطمنها خالص من الدكاتره وفضلت تدعي كتير وقلبها مقبوض جدا ومش مطمنه وبعدين خرجت الدكتوره ال متابعه حالة مريم
كريمه بدموع : خير يابنتي بالله عليكي طمنيني
الدكتوره بحزن : للأسف ...........
يتبع
معلش النت كان قاطع ومعرفتش انزل البارت امبارح هنزل ليكم فصل كمان بليل توقعاتكم فى ال جاى لأن هيكون دمار🔥
#حبى_الوحيد
#هاجر_العفيفى
دمتم بخير
