روايات حديثة

روايه عهدي الفصل الثالث بقلم نشوه عادل

 روايه عهدي الفصل الثالث بقلم نشوه عادل



- بنت اخوك مش لقيها شكلك هربت يا فتحى وفضحيتنا هتبقى ع كل لسان 
فتحى بغضب: هربت! يعنى ايه هربت وازاى وامتى؟
نرجس: وانا هعرف منين يا اخويا انا دخلت اوضتها والحمام ملقتهاش رن عليها كده 
اخرج فتحى هاتفه ورن ع فون عهد وسمع صوته جاى من جوة الاوضة نزلوا تحت فى الجنينة وقلبوا الفيلا رأساً ع عقب لكن بدون فايدة رن فتحى ع قاسم وقاله: تجيب بعضك وتجيلى ع البيت حالا
قاسم بقلق: حاضر يا حاج بس فيه حاجة ولا ايه؟
فتحى: عروستك هربت يا اخويا تسيب اللى فى ايدك وتيجى ع هنا عشان نشوف هنعمل ايه ف المصيبة دى
قاسم والشرار يتطاير من عيونه: جاى حالا 
نظر فتحى لسوسن بشك: مشوفتيهاش وهى خارجة؟
سوسن: ابدا يا بيه مشوفتهاش النهاردة خالص ولا خرجت من المطبخ حتى
فتحى: حلو اوى الكلام ده ... ثم تحدث بفحيح كالافاعى: كله هيبان فى الكاميرات ولو طلع ليكى يد فى الموضوع او عارفة حاجة ومخبية هيبقى اخر يوم ف عمرك

فى البيت عند عهد صحيت من النوم كان الضهر اذن قامت لبست عباية بيتى وخرجت وهى فاردة شعرها ...اية بابتسامة: صباح الفل يا بطة ايه الجمال ده الله ايه العيون دى الا سؤال  رزل دى عيونك ولا لينسيز؟
عهد بضحك: لينسيز ربانى 
صفاء : صباح الخير يا حبيبتى 
عهد وهى تقبل يدها: صباح النور يا آنا انا اسفة اوى انى اتأخرت ف النوم اول مرة انام كتير كده
صفاء: عادى يا حبيبتى نوم الهنا المهم تكونى نمتى كويس
عهد: اول مرة من يوم وفاة بابى ومامى انام بالشكل ده واكون مرتاحة اوى كده
صفاء: طب الحمدلله روحى البسى طرحتك وتعالى نطلع فوق عشان اعرفك ع اهل ابراهيم وآية
عهد باحراج: ايوة بس امبارح يعنى ...........
صفاء مقاطعة: متقلقيش اكيد ابراهيم شرح ليها كل حاجة وكمان هيام دى قلبها زى البفتة البيضا هتحبيها اوى وهى كمان هتحبك انا واثقة
عهد : حاضر
بالفعل طلعوا ع فوق وكانت هيام محضرة السفرة بالفطار دخلوا جميعا والقوا السلام 
هيام : اهلا يا بنتى حقك عليا ع اللى حصل امبارح كله من البومة الصغيرة دى 
عهد باحراج: ولا يهمك يا طنط 
هيام: اعرفك بنفسى انا هيام ام ابراهيم وده عمك حسن جوزى وده ابنى الكبير اكبر من ابراهيم اسمه انس محامى وخاطب زميلته اسمها رضوى واخدين بعض عن حب اما الصغير ده قلب امه أسر عنده ١٠ سنين
اسر: الله مين المزة دى يا ماما دى شبه اميرات ديزنى
ضحك الكل واتحرجت عهد نزلت لمستواه وباسته من خده: انا اسمى عهد ممكن نبقى اصحاب
اسر: ايوة وكمان لما اكبر هتجوزك اصلك حلوة اوى
ضحك الكل وقعدوا ع السفرة  ..... حسن: امال ابراهيم فين؟
هيام: راح الجامعه من بدرى زمانه ع وصول
فتح ابراهيم الباب ورمى السلام .. هيام: حماتك شكلها هتحبك اوى يا هيما 
ابراهيم: اتمنى والله ازيك يا انسة عهد 
عهد : الحمدلله يا استاذ ابراهيم 
هيام: استاذ ايه بس ده دكتور اد الدنيا تقوليله يا استاذ تيجى ازاى دى 
عهد باستغراب: دكتور! بجد
ابراهيم بضحك: ايوة انا دكتور جامعى فى قسم الجغرافيا كلية الاداب
عهد: انا اسفة اوى مكنتش اعرف والله
ابراهيم: عادى ولا يهمك مع الوقت هتعرفى كل حاجة ان شاء الله 
بعد الفطار دخلت عهد مع هيام ع المطبخ تساعدها ..قعدت صفاء مع ابنها واحفادها وحكت ليهم حكاية عهد اللى هى قالتها ليها ثم اكملت: البت صعبانة عليا اوى الدنيا جات عليها يا ضنايا 
ابراهيم: وان شاء الله احنا هنعوضها عن كل ده 
انس: استنى بس يا عم ابراهيم متتكلمش بثقة اوى كده احنا كده هنروح فى داهية كلنا 
ابراهيم: ازاى يعنى؟!
انس: من كلامك ومن طريقتها بالكلام اصلا واضح اوى انها من عيلة هاى كلاس اوى واكيد اهلها هيقدموا بلاغ باختفاءها ووقتها هيوصلوا ليها وهتتجاب ف الرجلين وكلنا وراك طبعا وخصوصاً لو فتشوا هنا ولقوها 
ابراهيم: وهما هيوصلوا ليا ازاى؟
انس: من الكاميرات المرشقة ف الشوارع يا ابراهيم
ابراهيم: لنفترض انهم وصلوا ليا زى ما بتقول هيفتشوا عندنا ليه انا راجل سواق اوبر بروح اخد الزبون وانزله فى العنوان اللى هو طلبه وشكرا
انس: مش بالبساطة دى قولتلك هيفضلوا مراقبين حركة عربيتك لحد ما يشوفوا هى نزلت فين
ابراهيم: انت عاوز تقول ايه يعنى مش فاهم!
انس: اقصد تروح لسبيل حالها بعيد عننا احنا فى غنى عن المشاكل اللى هتيجى من وراها
ابراهيم: وانت يا حاج ايه رأيك فى الكلام ده؟
حسن: والله يا ابنى انا شايف ان اخوك عنده حق بس فى نفس الوقت مش هينفع ابدا نسيب البنت دى كده لوحدها خصوصا ان ملهاش حد وشكلها كده خام مش مفتحة هتتبهدل ويا عالم ممكن تقع ف ايد ناس ولاد حرام يعملوا فيها حاجة 
صفاء: يسلم لسانك يا ابن قلبى ومن الاخر كده انا صاحبة القرار الاول ف البيت ده البت دى مش هتمشى من هنا هتفضل عايشة معايا ولو حصل اى حاجة لا قدر الله زى ما ابنك بيقول انا هتحمل المسؤلية
ابتسم ابراهيم بفرحة ولاحظت صفاء ده غمزت ليه فضحك بصوت عالى ...انس وهو بيقوم: انتم احرار انا نصحتكم وخلاص المهم انا معنديش استعداد لاى مشاكل
حسن: واحنا من امتى بندخلكم فى مشاكل اصلا؟
انس: من دلوقتى يا حاج البت دى مش هيجى من وراها الا المصايب وافتكروا كلامى ده كويس
ابراهيم: مسمهاش بت اسمها انسة عهد ثانيا اطمن انا متحمل المسؤلية وفى رقبتى حتى لو التمن هيكون روحى
خرجت عهد فى الوقت ده وسمعت ابراهيم وحست بفرحة كبيرة جواها ان حد بيدافع عنها بالشكل ده وفى نفس الوقت كانت خايفة عليه خصوصاً انها عارفة عمها وابنه كويس وضعت الشاى امام الجميع 
انس: عن اذنكم انا نازل عندى شغل سلام 

فى الفيلا وصل قاسم وهو ع اخره وقال: ازاى هربت امال البهايم اللى برة دول لزمتهم ايه؟
فتحى: هشششش وطى صوتك واهدى خلينا نفكر براحة ونشوف هنعمل ايه
قاسم: براحة ايه وزفت ايه هلاقيها حتى لو فى بطن الحوت هلاقيها ومش هسمى عليها 
فتحى: قولتلك اتنيل واهدى وفوت ادامى ع غرفة الكاميرات خلينا نراجعها 
بالفعل دخلوا ع غرفة الكاميرات ولكنهم اتصدموا لما لقوا الكابل العمومى مقطوع ووووووو ............

استوب ي سكاكر رأيكم بالبارت وتوقعاتكم ع الجديد🤍✨

#عهدى الثالث
#بقلم_نشوه_عادل


مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-