روايه اهداني الي طريق الجنة الفصل الرابع 4 بقلم سلسبيل محمد
4
- اطفي الاغاني دي! انتي عملتي مولد فالعربيه!
= هيهيهيهيههي اها
- طب اطفي الزفت ده يابت انتي!
= ليه دي حلوة يا يوسف! وانا بحب المغني ده
- ولما نتقلب بالعربية دلوقتي!؟
= يا ساتر يارب!!
دخل العربية وبدء يسوق وانا ماسكه ايده: انتي ماسكه فيا كده مش عارف اسوق منك
- خايفه نتقلب
ضحك بغيظ منها: ليلي انا بقول كده بس عشان تبقي مدركه لو موتنا هنموت على اية ذنب !
- لا بقا انا زهقت يا يوسف انت حتي الاغاني مانعها مش فاهمه ليه! هو اي خنقه
= انتي يعني شايفه اني بخنقك!
- معرفش بقي ها
قولت ف نفسي: مانا متجوزة شيخ هستني اية يعني يرقص معايا اكيد لاء!!
ركن على جنب وخد نفس: طب انا اسف على طريقتي مش على الاغاني ، متزعليش بقي ممكن!
اتكلمت بهدوء لأني اصلا بحبه ومش بزعل منه
- انا بس عايزه اعرف ليه مش بتحب الاغاني
= عشان حرام يا ليلي
- لاء طبعا مين قال كده انا عندي دليل انها حلال
= لا ده احنا نتكلم فالبيت بقي؟
ابتسمت: هتناقشني بهدوء يعني يا قرة عيني
- طبعا ياروح قلبي و هقنعك كمان
بتحدي: انا الى هقنعك المره دي...
وصلنا فعلا و عملت الغدا الاول واستنيت رأية كالعاده:
- بتراقبيني!
ضحكت: تؤ
- مستنيا رأي عارف مبدئيا كده انا في حياتي مكلتش مكرومة بشاميل بالحلاوة دي
= احلف!!!
- والله ، تسلم ايدك يا حببتي ربنا يخليكي ليا
= يعني بجد حلوة؟
- تحفه والجبنه الى بتشد دي لوحدها جميله كلها كده حلو عشان من ايدك اكيد يا لولي
مسك ايدي وباسها وانا حضنته: انا بحبك اوي يا يوسف
= وانا كمان يا ليليِ ، يوم ما اتقدمت ليكي كنت خايف
ترفضيني لكن فضلت ادعي تبقي من نصيبي
- يا خبر قد كده بتحبيني!
= طبعا وعشان كده لما بلاقيكي بتعملي حاجه حرام ها؟ بدايق مش عاوزك تخدي سيئة صغننه قد كدا
ضحكت: طيب اقنعني بقي ان الاغاني حرام!
- طيب ما تبدئي انتي مش بتقولي عندك دليل انها حلال!
= طبعا
- ها قولي سامعك
= فاكر لما الرسول وصل المدينه المنورة؟
- عليه افضل الصلاة والسلام ، اكيد فاكر
= وقتها اهل المدينه المنورة استقبلوا ب اية
- اية؟
= بأغنيه يا يوسف! اغنيه طلع البدر علينا!
- اغنيه؟ ده كان نشيد اسلامي؟
= هتفرق! المهم فيه غني!
- طيب براحه بس كده وقتها يا ليلي مكنش في مزامير ولا موسيقي ده كان غني بالطبول ومش اي طبول الى من غير حاجات بتشخلل دي عشان حرام
= مش فاهمه يعني اية ! لا لا يعني اية الى بتقوله الاغاني حرام فعلا؟
- اهدي بس في اية
= انا كنت بسمعها كتير تقريبا طول عمري! ومقتنعه انها عادي طب هي ليه حرام طب و هي اصلا مش بتضرنا واية الدليل على كلامك يا يوسف!
- بسم الله الرحمن الرحيم قال الله تعالى: وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُهِينٌ وَإِذَا تُتْلَى عَلَيْهِ آيَاتُنَا وَلَّى مُسْتَكْبِرًا كَأَنْ لَمْ يَسْمَعْهَا كَأَنَّ فِي أُذُنَيْهِ وَقْرًا فَبَشِّرْهُ بِعَذَابٍ أَلِيمٍ صدق الله العظيم دي سورة لقمان يا ليلي
= يعني اية لهو الحديث؟
- يعني الاغاني الى بتلهيكي وتذهب العقل يعني هقولك مثلا الخمرا حرام ليه عشان بتذهب العقل وبتخلي الانسان يعمل حاجات بدون إرادته يقتل مثلا ويرجع يقول اصلي كنت مغيب ومش قصدي!
= اية علاقة ده بالاغاني! هقتل عشان بسمع اغاني!
- لاء هتنسي ذكر ربنا هتلهيكي عن ذكر الله فهمتي؟
= وضح اكتر!؟
- الآيه دي( وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ الآية ) تيدل على ذم هؤلاء المشترين، وتعرضهم للضلال بعد الهدى يعني الاغاني بتعمل تضليل
= امال الى اتغني عند وصول النبي ده كان اية؟
- بصي الاغاني لوحدها بدون مزامير و كلام مش كويس عادي يعني الإسلام أباح الغناء، بعيداً عن مظاهر الفساد والانحلال الى بنشوفها رقا*صه او مخدر**ات وهكذا ، لأنه و لم يرد أي حديث صحيح في تحريم غناء على الإطلاق، وعشا الغناء ما هو إلا كلام فحسنه حسن وقبيحه قبيح،
= اها يعني كلام ميكنش فيه قبح ؟ زي اية بقي
- زي الهوى والغزل الى بيحرك المشاعر ويخليي الواحد يفكر فحاجات مش كويسة و لا يكون مشتملاً على أشياء توجب الفتنة، عشان ميعملش فتنه ربنا حتي امر بالحجاب للنساء وغض البصر للرجال عشان يمنع الفتن وكمان في شرط تاني
لو هنسمع غناء بدون موسيقي و أن لا يصد الإنسان عما يجب عليه من إقامة الصلاة مع الجماعة أو غير ذلك يعني ميعملش اللهاء زي ما قولتلك وكمان الغناء و الطبول متاحه فالافراح والمناسبات فقط غير كده يبقي لهو يعني عمال على بطال حرام.
= و ادي مره كمان تقنعني يا زوجي العزيز.
- طيب تيجي نعمل تأكيد نفسي
= ازاي؟
- تقدري تقوليلي لو مدايقه هتسمعي اغنيه عامله ازاي
= اكيد حزينه يعني عشان تناسب المود
- ولما تسمعي اغنيه حزينه هترتاحي؟
= لا للاسف بتوجع اكتر بحسها بتوصف وجعي فا بفتكر وجعي بالاغنيه و بما وادايق اسمعها معرفش ليه بحب ادايق نفسي
- عشان الشيطان برضو بيوسوس لك بكده ، تعرفي لو مثلا قريتي او سمعتي سورة التوبة هتلاقي آيه تريحك
= قولي عليها
- بسم الله الرحمن الرحيم ،
{ إِذْ يَقُولُ لِصَاحِبِهِ لا تَحْزَنْ إِنَّ اللَّهَ مَعَنَا } [التوبة 40]
لا تحزن ان الله معنا كفيله تطمنك يا ليلي ومتزعلكيش زي الاغنيه ما هتدوس على جرحك!
عيوني دمعت ودموعي على خدي: يوسف انا بحبك اوي انا معرفش من غيرك كنت هكون عامله ازاي ، انا اول مره اسمع الآيه دي وطمنتني اوي
= القرآن الكريم ده هدفه يطمنك يعلمك و يقوي ايمانك ويزود قربك من ربنا غير ان اتذكر فيه كل حاجه كل الدنيا الشمس والقمر والكواكب كل حاجه يا ليلي!
- انا عايزاك تعلمني اقرأ لوحدي وتفضل دايما تقنعني بالصح حتي لو بعاند معاك
- طب مانا انا معاكي عشان نتكلم بالهدوء واقنعك بالصح و دايما هحب اعلمك عشان ولادنا ميخدوش معلومه من حد غيرنا ولا اية؟
= اكيد طبعا! بس هي اية قصه الآيه دي انا فعلا حاسه براحه غريبه يعني ربنا فعلا معانا
- ايوه يا ليلي حكايه الآيه
لما جاء المشركون في طلبهما ووقفوا على الغار الى كان مستخبي فيه ابو بكر و الرسول
فقال أبو بكر وهو يخاف على الرسول - صلى الله عليه وسلم – يا رسول الله لو نظر أحدهم إلى موضع قدمه لأبصرنا يعني خايف الكفار يشوفوهم
فقال الرسول يا أبا بكر ماضنك باثنين الله ثالثهما ، يعني ابو بكر و الرسول تالتهم ربنا عني معاهم يسمع و يري.
فا وقتها أخذ الله أبصار المشركين فلم يروا الرسول ، ربنا مخلاش الكفار يشوفوهم وانزل عليهم غشاوة
= انا عايزه اعيش عمري كله اسمع منك الحكايات دي
- عيوني الاتنين بس كده ، لكن مفيش مقابل؟
= عاوز اية؟
- عاوز اجيب ليلي صغيرة والله نعلمها معانا ونحكلها قصص
ضحكت: يا يوسف ده رزق ها مش انت الى قولت
= ايوه بس برضو مفيش مانع اننا نسعي
- يعني اي؟
= يعني تعالي اقولك سر
- انت الى قتلت موفاسا ولا اية
= لا بصي تعالي وهنشوف مين قتله جوه
ضحكت: لاء ااااا
- خلاص هوبا هدخلك انا
شالها وسط ضحكهم هما الاتنين ولكن فجأه يوسف توازنه اختل نزلها بسرعه ومسك راسه
ليلي بخضه: يوسف في اية !! يوسف ؟
زين وقع فاقد الوعي و ليلي فضلت تسرخ برعب: يوووسف
_______________________
يتبع...
روايه : " اهداني الى طريق الجنة " 4 .♥️
لقراءة الفصل التالي اضغط هنا 👉
تعليقات
إرسال تعليق