رواية نوائب شام كاملة جميع الفصول بقلم الكاتبة ايلول

غرفة مظلمة صراخ لا يعلم سببه
ما بعد سكون الجميع يظهر وجعه
هي فقط تستطيع ان تسمعه
وتتسأل من هذا ومن ذا الذي يعذبه
يتناثر فضولها للمعرفه
تخطئ بالسير نحوه
لو لم تدق باب تلك الغرفة
لن تصبح حبيسة وشمه
لكن فات الأوان ذهبت شام
لترى من خلف ذلك الباب
وبعدها لم تستطيع المغادره.


رواية حقيقية بقلمي انا الكاتبة أيـــــــلول⋆𓄼𓂁

مساء الخير
#نوائب_شام
بقلم ايلول
- ضائع
-لأصبح دليلك
-مهشم
-ارممك!
-مؤذي
-ليس معي!
-ابتعدي
-لتقترب انـت ؟
-قـاتل
- لكنك بريئ!
-لست بكامل قواي العقليه اذهبي قبل نوبات جنوني
-قبل قليل انقذتني؟
- والان اصبحتي الضحيه.
- لمن؟
-لي اخبرتك قبل قليل ان تذهبي!
- ذاهبه!!!!
- فات الأوان .
- لا زال أريـد الذهاب!
- لتتعلمي استثمار الفرص دون الأسراف في الوقت اهلا بك حبيسة لوشم ...
#وصف
.....
غرفة مظلمة صراخ لا يعلم سببه
ما بعد سكون الجميع يظهر وجعه
هي فقط تستطيع ان تسمعه
وتتسأل من هذا ومن ذا الذي يعذبه
يتناثر فضولها للمعرفه
تخطئ بالسير نحوه
لو لم تدق باب تلك الغرفة
وشمه
لن تصبح حبيسة
لكن فات الأوان ذهبت شام
لترى من خلف ذلك الباب

#نوائب_شام
أيــــــــلول*
::- جسمي يرجف حركه وخوف نار تسعر بروحي وي كل دمعه تنزل اتوعد وحگ ابو راس
الحار الأمنتي عده امي بس اصبرولي اوكف على حيلي واخذ حگ کل دمعه مو انه
اليبجوني واسكتلهم
مسحت دموعي عيني على الباب بــس لو ينقفل واكدر اغمض متطمنه
صوت رعد ومطر كل شوية تلمض وروحي تجفل
النعاس هستوني نمت وحسيت واحد يباوع بوجهي فتحت عيني ورجعت ليورة
غلبني
فازه
كاعد كدامي ساكت عــــــــيونة متشخصة بعيوني يباوع بغضب وكف على حيلة ودار
مشه حد الباب وكف والتفت يباوع علي بدون ماينطق حرف وكفت محتارة شبيه
مايحجي
مشه الغرفتة مقابيل غرفتي دخل وبقى فاتح بابها وواكف تخرذلت وماعرفت شنو
اليقصده مشيت وجدمي يرجف. دخلت الغرفته غمضت عيني برعب وانا اسمع قفل
الباب .مرتين ندار المفتاح.
#نوائب_شام

#نوائب_شام
أيـــــــــول*
- تدنيت للشباك فتحته اباوع للمطر والنركيلة بصف الشباك جمرتها حمره تضوي
وريحتها تسطر هيج كون اجرلي منها نفس
لعب براسي الشيطان وغرتني باوعت على باب الحمام وصوت الماي بعده مفتوح
جريت القامجي وجريت ردن دشداشتي مسحتها وخليتها بحلكي بعدني ما جاره نفس
ونفتح باب الحمام شمرتها بسرعة اباوع عليه رفع حواجبة بأستغرب
المنشفة على زنوده البروده تكص الخشم وهو ولا هامه لا يرجف لا صخام
تدنه عليه رجعت ليوره وهو يباوع الجدمي ويرجع العيني
ابتسامته المنحوسة اليبيعها بفلوس مرسومة على حلكة تدنه حيل وگـال
::- تردين تجرین نفس ؟
-تلعثمت ورديت انكر ::- لا
::-كتلج لا تنكرين ولا تجذبين؟
::- اي ردت اشوف شتحس من تدخن .
::- احس بنار
::- جا شنو الجابرك تدخن
::- النار مو من التدخين
::- هـا جا منین؟
::- النار الاحس بيها منج اذا على النركيله سهله اعوفنها وادخن شفايفج بمچانها.
#نوائب_شام

لقراءة الفصل الاول اضغط هنا 👉