.jpeg "Knight of novels"){kind=small}
رواية نوائب شام بارت 1 الاول للكاتبة ايلول
#نوائب_شام
بقلم ايلول
يا سيدي المجنون الغريب ضمني بين طيات جنونك ، انا الهاربة من العاقلين أليك لا
يعنيني قربهم ولأ اتزان عقلهم لقد فاقت طاقة تحملي لأذيتهم ، تشبعت روحي من
سمومهم ، تجرح جسدي من نظراتهم .
هاربةً
هاربة اليك ضمني ،
أآلى مجنونًا تلجئين ؟ غبية انت ام تستغبين ؟ اذهبي واستطرقي ملجئا غيري ، اذ
وقفتي على بابي وخطيتي لقربي تُسجنين ، لا يدفعك فضولك لأستكشافي دعيني
اخبرك لأوفر عليك رحلة البحث ، ظالماً انا ولست مظلوما ، والان اذهبي ، او ادخلي
!!
(1)
(الله أكبر ...الله أكبر )
-صوت الآذان هز مسامعنا رفعت راسي من الجنطة والتفتت للبنات اغلبهن مخليات
ايدهن فوك الكتب ونايمات رجعت التفتت للمدرسة بعدها تكتب على السبورة ما مهتمة
منو مركزة وياها منو لا ، المهم عدها محد تحجي وهي تدخل تكتب وتطلع لا احنا
فاهمين شنو كتبت ولا هي مهتمة اذا فهمنه او لا .
ندك باب الصف ونفتح بهدوء بنية من الدوام الظهري لابسة عكس لبسنا احنا نيلي وهمه
رصاصي باوعت للمدرسة وحجت بابتسامة واحترام
-العفو ست إنتهى دوامكم واحنا عدنا امتحان اول درس نريد نحضرله .
شام:: تقدمت المدرسة سدت الباب بوجه البنية بدون ما تحجي والتفتت لنا كالت .
-يله اكتبوا وباجر حلن تمارين .
رشا:: ست مانلحك نكتب !
-مشكلتكم تعلمن على السرعة ، هاي عود بعدكم خامس ، بالسادس شتسون؟
شام - عوجت حلكها تعیب سدت قلم السبورة والتفتت للباب بمجرد - طلعت ، عج صوت
البنات بالغلط عليها لان مستحيل نلحك نكتب يا دوب نجمع كتبنا ونطلع قبل لا يدخلن
"..
لمينا كتبنا بين التضحك وبين التلبس عباية وبين التخلي عطر ومرطب وبين التصيح
"الخط عافني وراح "، شلت الجنطة بكتفي وابقي بأيدي سجل هيج نشيلة بايدنا هذا
كشخة وبقيت واكفة منتظرة صديقتي رشا لان نرجع سوا .
رشا:: وعلي بطني تسب بيه على كد الجوع هسه الكه امي مسوية ذاك التشريب الزين
بوية وبصل وخضرة اغط غطوط اوصل الزفر الراسي .
شام :: هههههه بس فضيها خلي نطلع
طلعنا من المدرسة نمشي بأحد الشوارع ، بمشاعر بارده وتفكير مرهق يا تژى لو أبوي
عايش يخليني امشي كل هالمسافة لو يخصصلي خط ،خطوات متعبة ومشاعر متضاربة
، خاصة هالفترة افكاري كلها من اخلص امتحانات الخامس لازم استغل العطلة وادرس
للسادس ، رغم شكد ما ادرس واتعب واجتهد درجاتي على كدي جان حلم عندي اخذ
تسعين وميه فززني من تناقض افكاري سؤال رشا
رشا :: خالج هم رجع علیکم ؟
باوعت بوجهه نظرة سريعة ورجعت عيني للشارع هزيت راسي لا مستذكرة كل مواقف
الايام المضت ، وعذابي وعذاب امي ببيت خالي من يوم المات أبوية وعشنا وي بيت
خالي شفنه الذل الحد ما يوم من الايام مرت خالي تعاركت وي امي لان اني اجيت من
المدرسة متاخرة واكلت الغدا الباقي بالجدر وهيه طلعت ضامته الابنها بيومها تريد
تكتلني بس امي اكتفت من السكوت ولأول مره ترادد خالي وتخلي النقط على الحروف
كالتله انطيني حصتي من ورث أهلي ، وتعاركت وياه ، أخذتني وطلعنا من البيت رأسا
من
رفعت عليه دعوه واخذت حقها بالمحكمة بيومها گالها للموت لا اعرفج ولا تعرفيني
سكتت امي بس دموعها تسولف ، اشترت بيت بمنطقة زراعية وعشنا مرتاحين البال بس
اني وياها ومصرفنه من الراتب العافه أبوية
والحمد الله على عيشه هادئة.
ابتسمت ورجعت اباوع لرشا سارحة بافكارها وهي تمشي ضربتها على كتفها اضحك
شام :: وين وصلتي ؟
باوعتلي عاضة شفتها تهز رساها بتحلف
رشا :: وعلي افكر بالغده بس اغسل ايديه واركض للمطبخ اكل وانام يابه فد جوعانة
ونعسانة
شام :: جا يمه والصلاة شوكت تصلينها ؟
باوعتلها رافعه حاجبي ، تحسرت تجر ونات كالت
رشا :: وره الامتحانات هسه ما الحك وارجع تعبانة والله يا دوب اکل وانام واکعد ادرس
.شايفه من اخلص دراسة شسوي ؟ اول شي اصلي كل صلاة فايتتني واصوم ثلث اشهر
بالسنة بس خلي اخلص من الدراسة هسه رب العالمين يعرف شكد مشغولة عاذرني .
هزيت راسي رافضة طريقة تفكيرها بهالاثناء وصلنا لمفترق الطرق اني انزل على الشارع
الياخذني البيتنا وهي تكمل مسافة وحدها رفعت ايدي اسويلها بيباي وهي تشمرلي
بوسات بالهواء صحت عليها
.
شام:: ديربالج من الجلاب الشارع فارغ يتغدن بيج وانت تعرفين الجوع شيسوي .
ضحكت وصاحت
رشا :: مصاحبتهن لاتخافين عشرت عمر اني وياهن
ضحكنا ولاخر مره رفعنا ايدينا اشرنه لبعض باي درت وجهي اباوع البيتنا هذيج امي
تخبز بتنور الطين
بين
لحظة توهم وادراك ، رفض تقبل وخوف ، سمعت صوت بريك سيارة نسحب بقوة
وصوت طبة قوية عيني على امي رافضة التفت للشارع الوراي واشوف مصدر الصوت
گلبي تضاربت دكاتة ووشة صارت بأذني من شفت امي شمرت البأيدها وركضت باتجاهي
التفتت واني اتوسل نظراتي تكذب الراح اشوفة هنا هنا حسيت روحي ركضت قبل
رجلية هنا ما عرفت شلون وصلت الرشا وشلون خليت راسها بحضني والدم تارس
الشارع عيوني تتلفت الشخص النزل من السيارة جان طفل يباوع وفاتح حلكه بصدمة
وامي تعثر وترجع تركض النا ورشا رشا متمدده بحضني بس صوت شخطة النفس
ببلعومها مجلبة بأيدي تحرك شفايفها وما يطلع صوتها
..
واني بس مخليتها بحضني وضايعة ارفع راسي اباوع للشارع وارجع اباوعلها روحي جاي
تطلع ويا جرة نفسها آخر كلمة سمعتها منها آخر كلمة هزت مسامعي وهي تحجيها بغصة
وشهكة
رشا :: ما ... لحكت ... اص .. اصلي .
نطقتها وفلتت ايدها من ايدي آخر لمسة استذكرها واخر نظرة لوجهه وبعدها ما حسيت
بشي ماتت صاحبتي بحضني ،
ا
.نطقتها وفلتت ايدها من ايدي آخر لمسة استذكرها واخر نظرة لوجهه وبعدها ما حسيت
بشي ماتت صاحبتي بحضني ،
وماتت وياها هواي احلام ضاع حلمها وحلمي ،
ايام فاتحتها انا عايشة بالمستشفى ما مستوعبة وامي التعبانة مكابلتني وزدت تعبها
اضعاف ، من رجعنه للبيت وشفت المكان الندعمت بيه رجع الموقف نرسم بعقلي . ما
صدكت وصلت للبيت وختلت بفراشي
مغمضة عيني ودموعي تنزل على المخده واني اسمع امي تحجي بصوت تعبان
-لج يمه شلون تموتيها الروحج يعني؟ مو حرام هيج تسوين عذبتي نفسج وعذبتيني
والله عذبتيني شام يمه
التفتت عليها نار تحرك بروحي نار طكت على رجليها بحيرة وحركة حجيت صوتي كوه
يطلع
شام :: روحها نسلبت وهي بايدي بااايدي يمه صاحبتي هاي
-الله يرحمها قابل انت ارحم من الله عليها ؟ راحت للرحيم بدل حزنج ومرضج كعدي
اقریلها قرأن ، فدوه لعينج بنيتي حبيبتي كومي سلبتي روحي .
مسحت وجهي وكعدت لخاطر امي وانا مابيه حيل روحي، مهدوده هد كامت
هي جابت
حليب دافي شربته كدامها مدت ايدها تلمست شعري بحنية ودفو عينها بعيني تلمع
مدمعة وذاك هو الحزن بيها غمضت عيني تعبانه كالت
-هاي المدرسة ست خولة اجت امس عليج ورجعت وهسه هم راح تجي عيب منها يمه
لازم تطلعين وترجعين تداومين وين حلمج مو كلتي يمه اكبر واعوضج تعبج ؟ هسه انا ما
رايده تعوضيني اريد بس تنجحين وتلزميلج شهادة تسندين روحج بيها ولج يمه ما
دايمتلج انا ما دايمه،
المرض من كل صوب بيه والنوايب ملتمات علي ، شام يمه
مسحت دموعي وسحبت ايدها بستها وهي تبجي كمت غسلت وبدلت وصدك شوية
واجت ست خولة هاي المعاونة تحب كل الطالبات وتسأل عنهن وتروح لاهلهن حيل
حنينة ،
الكهرباء طافية امي فرشت بالساحة بفي البيت طلعت سلمت عليها سحبتني كعدتني
بصفها تنصح وتشجع ارجع اداوم وانا بس اهز براسي ساكتة دقايق وكامت كمنا وياها
جان اخوها منتظرها يم السيارة مدري شلون عيني صارت بعينة اشو هذا كبل بحلك
عيونه يخزر جريت نفس بخنگة درت عيني ، الست راحت صعدت وهو هم صعد حرك
السيارة وانا احمد ربي واشكره
قررت مثل كل مره اضم حزني وارجع الحلمي داومت بدون روح وواهس ، شكد حاولت
اتناسه ما اكدر كل لحظة اتذكرها كعدتنا بنفس الرحلة طلعتنا بالساحة ركضتنا للحانوت
نزل مستواي بقت فرصتي امتحانات نصف السنة اشد حيلي بلكي ارجع اعدل شي منهن
بس مستحيل يمشي شي مثل ما اريدة ،
ويا الامتحانات امي تغيرت لا تحجي وياي لا تكعد وتعبانة وتهم وتنوعي بنفس نواعيها
( النوايب ادركني مدركتهن عليه تلملمن وستصعبتهن ، شويمه هلاه يمه ، إعزاز
ماضلتنا ونلوذ بسدهم والأخوة عرباين والنسوان تگودهم ااخ يمه يحبيبة يمه )
شمرت الكتاب وكمت كعدت كدامها
-نعلعله اخوتج دخیولون شبيج يمه شبيج ؟
مسحت وجهه وكامت من يمي اول مره اشوفها هيج تعبانة واول مره ما تشاركني شنو
المتعبها بقت بهالحال الحد أخر امتحان رجعت لكيتها لامة أغراضنا بلعت ريك وكلبي
تسارعت دكاتة وهي عيونها حمر والشفايف بيض ما تخلي عينها بعيني وانا شنو خوف
شنو رجفة روحي روحي حسيتها تطلع من جسمي بكل ثانية تمر ، شمرت الكتاب نزعت
حجابي خايفة أسأل وانصدم .
-خير يمه شادة الاغراض وين تردين بينا؟
دارت وجهه من عندي وردت بخنك صوتها مبحوح والعبرة خانگتة كالت
-نرجع ويا خالج !
فتحت عيني بصدمة وضحكت ضحكت من كل گـلبي . اضحك ودموعي تنزل وكلبي
احسه طير وفجأة نذبح صيحت بغصة
-يمه ههه شتحجين انت ما صدكنا على الله خلصنة منهم شبيج يمه وترا كالج للموت ما
اريد اشوفج بعد ؟؟
.
مسحت وجهه بالشيلة وكالت
-لا رحتله اطيته بتوتي الذهب وبعت هذا البيت رجعت فلوس الورث اله وكال تعالن هلا
بيجن .
غیر شطت من الحركة الطم خلتني وانا أحلف ما ارجع وهي لابستني وتلم بالمواعين
فرفحتني صيحت ابجي بخبال يابة شوية بعد وكلبي يوگف كد ما وجعني بذيج الساعة -
-ما اروح ويا|||اج وديني لعمامي .
ابتسمت ابستامة جانبية والدموع تصب هزت أيدها باستهزاء وما جاوبتني
عجزت اقنعها لمن اجه خالي وابنه وانا ادردم وابجي ميته من القهر خالي صاح
-وهرش وحريشي الهالصوت .
.
مديت راسي الامي اريد اكلها ها شوفي ، لكيتها تباوع الخالي بنظرات عجزت افسرها
والدموع احسهن دم ينزلن من عيونها شنو من حيرة شفتها بنظرتها شنو من كسرة وقهر
وذل نظرتها تحجي هوووواي ماعرفت افسرها والشهكة البصوتها ذبحتني .
سكتت حايرة شنو الجابرج يمه شنو ، لميت باقي الاغراض وياها ورجعنا منين ما اجينا
مهضومين حيل ومذلولين ، من غير شماتت زوجة خالي ونظراتها النا كعدت امي بالمخزن
الكنا عايشين بيه سابقا ، مديتلها فراش وتغطت منطيتني ظهرها كلمة ما حجت وياي
عفتها وطلعت للحمام أغسل وجهي ولمحتني بنت خالي اصغر من عندي بسنتين صاحت |
-تکول امي اطلعي اغسلي الكراج .
عضيت شفتي بقهر ساكتة وهي تباوعلي باستحقار طلعت للگراج جلفته جلف خرب بيه
من وكت بس لو اعرف شنو من گلب عند عمامي وماسألوا وين بنت اخونا شنو العايشتة
ماعندهم غيره ولا بيهم زلمة
،
"
ابجي واحجي بگلبي ومدنگة اجلف بالكاشي وانهد رفعت راسي لمحت ابن خالي واكف
بالباب الداخلي فاتح حلكة ، وعيونه!!! وين عيونة ماتباوع الوجهي كمت بسرعة شمرت
الفرشة من ايدي ولفيت الشال على صدري عدل ، خزرتة رفع عينه لعيني بلع ريك وحجة
بصوت يرجف
-شلونج شام
دنکت فركت وجهي ايدي تهتز كلها همست بدون مبالاة
-هلا احمد .
حجيتها وسحبت الماسحة انشف بس ردت يروح من كدامي جسمي تصلب من نظرتة
احس بيها شكد قذرة لان متعرضة لكذا موقف وياه قبل لا نطلع من يمهم شوية وفات
جريت نفس دخيلك يا اللهي احفظني من كل شر ، دخيلك يا علي .
وبدت أسوء ايام حياتي امي ما تطلع من فراشها بس گد الحمام مريضة حيل ولا تقبل
تروح مستشفى ، وزوجة خالي خلت رجل على رجل وتتأمر سوي هذا وسوي هذا
من غير
كلام بنتها ونظرات ابنها القذرة الي ، ومسبة خالي الابوي بكل يوم ، اسبوع فات ومتت
خوف على امي ، طلعت ارجف خالي كاعد بالصالة دار عينة الي ما مهتم واني احس
گلبي . يدك براسي من الخوف حجيت بصوت يرجف
-خالو فدوة امي بس تون ما ادري شبيها حتى اكل ما قبلت تاكل .
احجي وابجي روحي مفرفحة وهو ولا مهتم ولا واحد منهم مهتم الي رجع دار عينة على
الشاشة وگال
-وین تردین اودیها تراه بمرحلة متقدمة ما يرهملها لا علاج ولا عملية وهي تدري بروحها
مواته
فتحت عيني واحس وشة صارت بأذني كمت اسمع دكات گلبي . اريد ابلع ريكي ما اكدر
اهز راسي ما مستوعبة وكلبي گـلبي . احسه يدك براسي بصورة مرعبة
-ش شنوو شنو هوه البمرحلة متقدمة؟
صاحت زوجتة
-كافي عياره الورم البراسها جا شنو ؟
حجاية هي حجاية واحسها شالتني من الدنيا واخذت روحي طلعتها من جسمي كمت
بس اباوع لحلكهم اشوف شفايفهم تتحرك بس ما اسمع صوتهم مثل الصفارة صارت
بأذني وكلبي حسيته بعد ما يدك هيج روحي بدت تطلع وسواد شوية شوية يسد عيوني
واحس براسي نرگع بالگاع بقوة
وين يله حسيت فتحت عيني بوجع اشم ريحة امي واحس بدفو ايدها على راسي
ضميت روحي
الحضنها حيل وبجيت بجيت بقهر وين اروح وين شتريد من عندي الدنيا
ماعندي غيرها هي بس امي الي ، يا مرض القبل يسكن راسها ما كسرت خاطره
:
تمسح على شعري وتهمس
-خلي ايمانج بالله قوي ما يترك عبده ان رحت منج انا عندج الارحم والاحن مني كادر
على قلب السماء والارض لأجل عبد مظلوم
لا تظنين يعوفج بوحدج .
شهکت اضم روحي الها حيل واحجي بصوت مبحوح
-ليش يمه ليش ما تحجيلي ، ليش مارحنا للدكتور فكري بيه الخاطري حبابة الخاطري
كومي خلي نروح
خلي نروح للمستشفى
-رحت وراجعت ، السفر والعلاج بالخارج مو گد استطاعتنا خلينا تحت رحمة الباري هو
إرحم بحالنا ، ماتهون علي دموعج وقهرج رجعتج هنا حتى لو رحت ما تبقين وحدج ،
وحتى لو هم مو زينين وماينشد بيهم ظهر بس ینگال عنهم اهل .
-اهليش يمه اهليش هذول المأمن و جايبتني يمهم فدوه اروحلج يمه فدوه کومي
نروح للمستشفى ها حاجيني اهون عليج تعذبيني يمه اني شام شام الما هان عليج
دمعها لا تعوفيني هسه متعذبه .
كعدت على حيلي وهي متمدده ابوس بأيدها واحجي ودموعي ااخ نار نار تنزل من
عيوني سحبت ايدها منعندي ودارت وجهه للحايط انطتني ظهرها رافضة حتى تسمعني
كمت من يمها الزم بالحايط الدنيا مفتره بيه وين اودي وجهي وين اروح يا گاع من بعد
حضن امي تلمني
اختنكت النفس کام مايوصل الگلبي اشهك وايدي على صدري ورجليه ما ادري وين
ماخذتني روحي احس تنشال وتنوگع من الحركة مدري شلون اتحرك برجفتي وخنگتي
كعدت اتنفس بقوة وصوت نفسي يصفر الحد ما هدأت مسحت دموعي وانتبهه
کاعده بالسطح ، رفعت راسي ليفوگ وغمضت عيني ما اريد شي بس امي
بس
الروحي
لا
تروح ، ارجف واسحب نفس عسى ولعل يبرد گـلبي
هدوء المكان بس الهوسة بداخلي بعقلي وكلبي معارك هستوني ارفع ايدي امسح دموعي
وفزيت على طكطكة وراي التفتت فازة واشوف احمد ابن خالي وراي على بايات الدرج
صعد بهدوء تقدم كعد بصفي بينا مسافة صغيرة درت وجهي اباوع گبل وساکته گال .
-کسرتي گلبي ما كافي بچي ؟
بقيت بنفس هدوئي واحجي بداخلي بس عوفوني دخيل ربكم كافي شبعت يا جذب
حجيكم المايعبر عليّ
-شام هاي أرادة الله بعد البجي والنوح ما يغير شي يله اسكتي وصيري قوية .
حجاها ومد ايده فوگ ايدي نترتها بسرعة وابتعدت اباوعله بخزر عض شفته يباوع
لعيوني واني منتفضة وخازرته روحي تلعب منه ولا انسه مواقفة واستغلاله لطفولتي
،باوع بعيني لم شفته لداخل حلكه متحسف ونظراتة مراقبة عيني گال
-انت ليش هيج نافره من يمي اذا على سوالف قبل ترى مراهق وطايش غلطت بس
انت
سباعيه وكفتيني عند حدي وعلمتيني درس ما انساه من دفعتيني من الدرج وكسرتي
رجلي .
درت وجهي بغضب احجي الكلمة واحسها تشحط حنجرتي
-لا تدور مبررات التصرفاتك القذرة مراهق وطايش لا تستخدم هالمصطلحات حتى
تغفر لفعلك ماكو شي بهالدنيا اسمه سويت هيج لان فترة مراهقة وطايش اكو عقل
انت مو حيوان ، ترا بس الحيوان تتحكم بيه غريزته ، وكل ذكر سمح النفسه يستغل
طفلة ويفتح عيونها على هيج سوالف بسبب غريزته هذا حيوان ويبقى طول عمره
حيوان .
ارجف واحجي بعصبيه متنرفزه ابتسم يباوع بوجهي
-شکد حلوه من تتعصبين
فكيت عيني كلها مصدومه بتفكيره وجهله كمت من يمه رجعت يم امي ضميت روحي
وياها بالفراش حست علي ودارت حضنتني احس التعب البروحي ماينحجي تعب خوف
وتعب تفكير
.
ثاني يوم رجعت اتوسل بامي بس كون تقبل نروح للمستشفئ ماكو فرفحت من البجي
كدامهه ولا قبلت نفتح الباب على غفلة رفعت عيني زوجة خالي واكفة بالباب متخوصره
مسحت عيوني بسرعة كالت
-معزله اليوم عيني البيت خاس متکومین تنظفین
هستوني اريد اجاوبها وحجت امي
ام شام::-خالده الانسان ممكن يؤذي ويحقد ويستغل ويحارب شخص يكرهه بدون سبب
.
بس الانسان البكلبه ذرة انسانية وذرة خوف من الله اذا صارت بركبته امانة مستحيل
مايحافظ عليها وانا اليوم اكلج شام امانة يمج لا اطلب منج تعاملينها مثل بنتج ولا اكلج
لا تخلين شغل البيت عليها بس اطلب شي واحد عامليها في مايرضي الله ودراستها امانة
الله ورسوله ما تبطلينها منها لو شما يصير دراستها دراستها هاي الاريده منج والله
يجزيج خير ومسامحتج على كل مر عيشتينياه .
شام :: یابه راح انجلط من تفكيرها ليش هيج مستسلمة تلاغيت ويا زوجة خالي لان تنتر
على امي عافتنه طلعت وهي تصيح بسرعة كومي نظفي درت على امي بحركة
- يمه شبيج منو هي وتأمنيني يمها منو يمه ليش هيج مستسلمه للمرض حاجيني
ابتسمت وکالت
- انا ادري بروحي واحس اسكتي ولا تلوميني على اي شي احجي
شام - رفعت ايدي مسحت عيوني بحركة وكعدت كدامها الزم بأيديها واحجي
- ما الومج على اي شي بس لا تگولين الهاي مأمنه شام عندج تمردين گـلبي يمه جاي
تطحنين بروحي طحن انت .
ابتسمت بتعب سحبت ايدها من ايدي ورفعتها برجفتها لخدي حضنت وجهي بدفو ايدها
کالت
- انت امانة الكفل اخته مأمنتج عند ابو الفضل
سكتت اباوع بعينها گـلبي . يدك حيل وهي عيونها يرمشن بثگل وایدها ترجف سحبت
روحها ورجعت لفراشها ، سحبت ردني مسحت دموعي لفیت حجابي وكمت انظف
بعصبية كل ركعة اركع البيبان كل دفره ادفر الكاونتر وخالده تصيح وتغلط ما هتميت
فتحت باب المطبخ گالت
-بت الفكر شبيج نوب ما راضية فوك ما ملفينج
شام :: درت عليها بحركة
- منو بت الفكر ؟ اني بنت عز وخير وانت اكثر وحده تشهدين على هالشي من جان
ابوية ما مخلينه بعازه جنتي تطلبين ملابسي الصغيرة البنتج ، امي جانت تفصل
دشاديش وتجيبلج وانت حتى ايدها تبوسینها ، هسسسسه صرنا فگر هسسسه ؟ اي
والله وكت وخله عيشتنه بأيدج وووكت خايس الرجعنه يمج .
سبتني وتقربت تريد تضربني دفعت ايدها تلازمت وياي يابه والله ماخليج تضربيني
، حميت نفسي لا ضربتها ولا خليتها تضربني دفعتها وابتعدت
رجعت بسرعة للمخزن اريد اشوف امي والكاها متكومة يم الباب لا تحرك ايد ولا رجل
تخبلت الطم واصرخ روحي راحت زوجة خالي خابرت عليهم بين ما اجو بين ما طلعوها
من البيت كعدت بالسيارة خلو راسها بحضني حضنتها على گلبي فاتحه عيوني على
وسعهن يا رب لا تفجعني يا رب دخيل اسمك ابوس بيها واحجي بخنك لا تعوفيني يا
روحي لا تعوفيني يمه يا روحي يمه يا ضي عيني لا تخليني وحدي بهالدنيا مالي غيرج
يمه فدوه اروحلج فدوه اروحلج فتحي عينج حاجيني. .
احضنها بكل قوتي وهي منتهيه ومسبله ايديها ماكو اي حركة منها
اشهك گمت واغص بالنفس بس وصلنا للمستشفى اخذها من حضني احمد نزلت وراه
اركض واعثر لزمني ماخلاني افوت وراها ، هاي جانت اخر مره شفت بيها وجهه امي
لا البجي فاد ولا الدك والطم ولا الصريخ ماكو شي يرجعها الي مكتوبلي باقل الشهر
انفجع مرتين ، اااخ يا روحي الدوم محتركة شنو اليطفيها
فاتحة فاتحة استكثروا يسوولها ايام بقيت كاعده بالمخزن ابجي واون محد فتح الباب
وگال خلي نشوفها ميته عدله وانا بفراشها مخلصتها بجي ونوح
شيرجعج بعد واكعد حذاج و بسدج
يمه نوايب الماعافنج مايعوفن بنتج
لمحت
ضميت وجهي بالمخده اشمها وابجي رفعت راسي من نفتح الباب على كيف بس
احمد كعدت عدل لميت البطانية على رجلي ومسحت دموعي تقدم وكعد بصفي
وجهه
ببعد شبر بقيت اباوع گبل ساكته وهو ساكت شوية وگال
- ما كافي حزن ، راحت الدار حقها واحسن من عذاب المرض .
شام :: ضحكت باستهزاء وحجيت بصوت مبحوح
المرض موتها القهر وكلام امك
- ما ماتت
من
حجيتها ودرت عيني عليه سكت يباوعلي ويترقب يابه احس جسمي يتصلب من يجي
هاکد اکرهه ، گال
يمي
احمد :: كل هالحجي ما يفيد بعد شدي حيلج شومه القوية ،
ارجعي لمدرستج بلشوا دوام وانت بعدج نايمه بحزنج لشوكت ؟
شام :: درت وجهي منه ساكته ودموعي تنزل حاضنة ركبي لصدري مد ايده فوك أيدي
ابتعدت بسرعة ورفعت عيني اله بخزر ابتسم گال
- ما اعوفج وحدج لا تخافين !
- ههه انت بس عوفني وحدي واني ما راح اخاف
- وجودي يخوفج ؟
- اي صعب اتواجد ويا حيوان بنفس المكان !
دنك ساكت هز راسة موافق ورجع باوعلي شكد ما يحاول يخلي نظراتة بريئة اني
اشوفهن نفس النظرات النكسة الجانت تباوعلي بالطفولة گال
احمد :: اذا تحبين باجر اوصلج للمدرسة ؟
شام :: بمجرد نطق نفتح الباب ودخلت امه تهلهل بالغلط والحجي
- یا مدرسة عيني يا مدرسة تاكل تبن وتنثبر هنا حدها باب الكراج تغسلة وتجي تنطم هنا -
2
شام :: ضحكت ودنكت ساكته ما ادري شبيه هاكد بارده صرت وما مهتمه اني ضحكت
وهي تخبلت هدت تريد توصلني وكف احمد بوجهه لازمها اخر شي دفعها حيل وصيح
بصوت عالي يقلد الزلم المخنث ، گالها
شام :: ضحكت بصوت عالي التفتوا علي ثنينهم متفاجئين اضحك وارفع ايدي امسح
بدموعي وهي متخبله بس تريد توصلني وهو يدفعها يريد يطلعها من الغرفة عفتهم
وتمددت دايرة وجهي على الحايط واحمد طلع امه وطلع وياها مدري بيا تعب غفت
روحي.
احمد :: کافي شنو تخبلتي حالها حال بنتج تداوم مو كلتي هيج امنتها امها حتى
الأمانة ما تردين تصونينها ، انا اخذها وارجعها للمدرسة وبالج تعترضين والا والله
حتى بنتج اكعدها الج بالبيت .
د
فزيت ويا الصلاة كل جسمي يرجف وريكي ناشف لان ما ماكله شي كمت کوه توضيت
صليت وطلعت للمطبخ اكلت على اعصابي وكعدت بمكاني افكر شلون راح اعيش بدون
امي وين اريد اوصل بعد ،
محتارة محتااارة شلون اكمل حياتي وبأي طريقة ، اكول الخالي يوديني الاعمامي ؟
خاف انذل يمهم واتعذب اكثر لو بيهم خير جا ودتني امي وماعافتني يم اخوها وهي
تعرفة شنو ، اسايرهم بين ما اكمل دراستي واخذ شهادتي وقتها اكدر اطلع من يمهم
؟ لو شلون وشنو الحل
طريقي طووويل واني حيل ما بيه ، استسلم ؟ ؟؟؟ شلون واني الگلت عن نفسي شام
القوية .
د
رفعت راسي ليفوگ يا رب ذلني تعبت من الضياع
کمت
بتعبي وهمي المكتوم سبحت وطلعت للگراج غسلته ، اکمل تنظيف حتى من اريد
اروح للمدرسة زوجة خالي ما تفك حلكها
سويت چاي وهم بدوا يكعدون عفتهم ورحت لبست ملابس المدرسة وطلعت لكيتهم
بالصالة يتريكون خالي بس لمحني كال
- وين موليه ؟
قبل ما اجاوبة حجه احمد
- للمدرسة يابه هاي وصية امها
خالده :: شفت ابنك شلون صاير محامي .
3
شام :: اباوعلهم ساكتة راح يتكاطعون بيناتهم عفتهم وطلعت كعدت بالكراج جنطة
الكتب بكتفي شوية وطلع احمد بأيده سويج السيارة باوعلي أبتسم كال
- يله تعالي اوصلج مو كتلج اني وياج لا تخافين .
كمت ساكتة ما اثق بيه منا لهنا مو بيدي گـلبي . ما يأمن له على الشفته منه بالطفولة ما
اکدر اغفر وانسه لو يشعل اصابعه شمع هم ما انسه صعدت ليوره ساكتة حرف ما نطقت
وحتى من يحجي ما ارد عليه نزلي بباب المدرسة وراح احمد ربي واشكرة الف مره بنت
خالي بغير مدرسة ما اتحملها واتحمل مغثتها
د
درسين واجت علي ست خولة المعاونة اخذتني الغرفتها لكيت روحي احجيلها كلشي
كلشي ودموعي مغطية وجهي اشهك كامت حضنت راسي الصدرها مصبره ومهونه عليّ
شوية وابتعدت كعدت بالكرسي المقابيلي كالت
- اهم شي هسه حافظي على مدرستج لا تخلينهم يبطلونج
- لا لو اعرف اشبع كتل ما اعوف المدرسة وصية امي هاي
- عفيه عليج ماما واي شي تحتاجينه بس تعالي كوليلي وتدللين
شام :: ابتسمت إلها وكمت وكفت
- شکرا ست بمجرد حجيت وانت سمعتيني هالشي كلش كافي الي
کامت فترت يم جنطتها طلعت خمسة وعشرين واجت يمي رجعت ليورا كالت
- مصرف الج
- لاا ست عندي والله راتب بابا موجود ما محتاجة اني
بقت تحاول واني ارفض اخذ منها شي عفتها وطلعت رغم ما اعرف اذا راتب التقاعد راح
اكدر أستلمه اني لو لا بس طلعت من الدوام صارت بوجهي سيارة اخو ست خولة واكف
بصف الباب اايده بجيبة وايده الثانية يفر بالسويج بس لمحني هم خزرني فريت ايدي
باستهزاء وعبرته امشي محد هامني واسمع هورن وراي التفتت لكيته احمد رجعت
صعدت لیورا کال
- مو كتلج اجيج ارجعج ليش طلعتي ؟
- طلعت للباب ومالكيتك !
- حتى لو ابقي بلمدرسة وانا اجيج
درت وجهي على الجامه لحد ما وصلنا لبيتهم نزلني بالباب وراح اول ما دخلت لکیت امه
ساحلة الصونده وواكفة ترش بالحديقة كلت اسلم عليها واسايرها مجبورة عيشتي يمهم
فتت من يمها وكفت سلمت عليها بدون ما ترد كالت
- اوكفي
وراحت سدت الماي ورجعت الصونده بأيدها بدون اي كلمة شالتها وضربتني على رجلي
شهکت مفرفحة روحي ومصدومة طاحت جنطتي واني امسح برجلي واكمز رجعت
رفعت الصونده بسرعة رفعت ايدي لزمتها سحلتها من ايدها وشمرتها لبعيد وهي
تغلط
وتصيح
- تعودي تعودي كل يوم تنكتلين كل ما تعاندين تنكتلين كل ما تقصرين بشي تنكتلين كل
ما تستغليبن طيبة أحمد تنكتلين خاف عبالج تگلبين ابني ضدي واسكت اشبعج كتل .
شام :: دنكت سحبت الجنطة شلتها واني احس رجلي مشتعله نار روحي محتركة وصلت
الباب المطبخ ودرت عليها تباوعلي بحقد وتغلط ابتسمت بنص الوجع
- ترحمي الامي لو ما تربيتها واكفة بعيني جان هالضربة رجعتلج اضعاف
اجت هاده عفتها ورحت بسرعة دخلت للمخزن وهي تغلط وتصيح اشوفج توصلين
للمدرسة الا اكسر رجلج ، كعدت ورا الباب رفعت الملابس اباوع الرجليي خط صاير اثر
الصونده زفرت النفس احس نار بروحي مشتعلة وحتى دموع ماكو تطفيها بقيت ورا
الباب بدون اي حركة لا ابجي ولا اعاتب .
.
من
الحد ما سمعت صوت خالي كمت بسرعة بدلت وطلعت لكيته يضحك ويا بنته التفت
شافني مسحت وجهي وحجيت بهدوء
- خالو الله يساعدك !
باوعلي من فوگ ليجوا وكعد على القنفة بدون ما يرد علي"گال البنته
-روحي بابا حبيبتي بدلي وتعالي .
عضيت شفتي مقاومة ما ابجي ما ابجي تقدمت كعدت گدامه احجي بهدوء واجت
زوجتة انطته ماي تباوعلي بحقد متحلفة
-خالو اذا مستثگلين عيشتي يمكم ، وديني الاعمامي اقلها مجبورين يتحملون بزرهم
غصبا عنهم . عفيه بس وصلني الهم
بعدني ما مكملة كلامي ورفع ايده ضربني راشدي بكل حيلة باوعتله فاكه عيني على
وسعهن شحجيت شكلت وانضرب. شكلت صارت زوجته بيني وبينه عود تمنعه يضربني
وهو يغلط ويصيح
-بت الفكر هو ياهو سأل عليج همه ما صدگوا مفتكين من مسؤوليتج وانا المبتلي
بعيشتج اصرف وارد ليوره ما تقدرين مايوكف بعينج مربيلي حيه حيه تاكل يگلب
ابني والله ثم والله اذا شفتج صوب احمد الا اعلگج بت الفکر
شام :: كمت على حيلي ايدي على خدي الاحسه نار عيوني فاتحتهن حيل بس ارمش
تنزل دموعي وصوتي اختنك بعبرته كوه احجي
- عايشة بفلوس امي ما مسوي فضل علي انت ولو تنطيني هوية راتب بابا هم ماراح
احتاج منعندك شي خالو ومع هذا كله اكلك وديني الاعمامي بس وصلني الهم .
ورغم حجيت بهدوء رجع ضربني هالمره ما حميت نفسي ولا صرخت ولا رفعت ايدي
يضربني وانلطش بالگاع ويرجع يسحبني ويضربني واني احس فصل عقلي وكل تفكيري
يضربني وانلطش بالگاع ويرجع يسحبني ويضربني واني احس فصل عقلي وكل تفكيري
اهلي لو يشوفوني هسه شنو احساسهم ليش عافوني ثنينهم احس الضرب ما يوجع
كد ما الشعور يوجع گـلبي
جسمي
شوية وحسيته نسحب مني رفعت عيني بثگل شفت احمد واكف طول بطول ویا ابوه
احمد صار يحميني بس اباوعله شلون يتلاغه ويا ابوه وامه وهم يصيحون تضحك عليك
مستغلتك تدافعلها شاده ظهرها بيك
کمت من الگاع اعرج وجسمي يرجف کوه اسحل بروحي دخلت للمخزن تمددت بفراشي
فاتحه عيني نضربت بس بيا سبب؟ شنو الجريمة المرتكبتها حتى انضرب بهالطريقة
بس
رفعت عيني امسح الدم من خشمي واسمع صوتهم بعدهم يتعاركون ويا احمد ، احمد
الاستغل كل طفولتي هسه صار يحميني من وحشية اهله
شوية وندفع باب المخزن صاح
- كعدي شام كعدي خلي اشوف وجهج .
كعدت على حيلي باوعت بوجهه ساكته كعد كدامي بأيده الشاش رفع يراويني ويحجي
بصوت ناصي
- بس اعقم خشمج
هزيت راسي اي مسح الدم من خشمي ومن يم حاجبي باوعت بعينه
أبتسم
- لا تخافين انا ادافعلج
لميت رجلي الصدري هن والغطا وخليت راسي عليهن وهو بقى كاعد مقابيلي شوية
وگام وصل لباب الغرفة مسحت وجهي وحجيت بتعب
- شكرا احمد
.
.
بقى واكف يباوعلي مبتسم رجعت تمددت يله هو طلع من الغرفة
ثاني يوم ماكدرت اكوم من الفراش وراح علي الدوام ، ومن اجت خالده وبقت تصيح
کمت نظفت کلاوات کالت
- اطبخي
- طبخي مو طيب حتى اذا انطي للچلاب ما تقبل تاكله !
باوعتلي خازرتني محتاره ، تجبرني اطبخ لو تغلس سحبت الجدر اجت أخذت من ايدي
کالت
- شتسوين ؟
-ها غير اطبخلكم
- لااا ، ما اريد طبخج مو تكولين حتى الجلاب ما تاكله ؟
-اي کلت الجلاب ما تاكله ، ليش اخذتي على نفسكم ؟
سكتت عاكده حاجبها تفكر دفعتني ووكفت يم الطباخ عفتها ورجعت للمخزن ، بالليل
دخل احمد بأيده علاكة ادوية اخذتهن منعنده وشكرته شكد ما ماضيه اسود يمي
وكفته
وحسيته فعلًا متندم وعقل ، اخذت الادوية مسكنات شربتهن وتمددت افكر باجر
شلون راح اداوم لو اعرف اطلع من البيت غصب عنهم هم اداوم
شفعتله
نمت بعد هوسة التفكير شوية واحس الغطا ينرفع منعندي واكو احد تمدد بصفي لحظة
عدم ادراك لان نايمه ما مستوعبه احلم او واقع ومتعوده على حضن امي هيج واحس
بأيد طوقتني ونفس برگبتي فززيت بسرعة مرعوبة دفعته منعندي
انكث بروحي
مفرفحة وهو يجر بايدي ويحجي بهمس
احمد :: بس شوية شام بس شوية اش اشش صوتج
صیحت مفرفحه وافلت بروحي منعنده متخبله وهو يسد بحلكي ويتقرب الركبتي
تخبلت ادفر بكل حيلي دفرته ورجعت ليورا ازحف وابجي ايدي على أذني متهسترته
فقدت
- حيوان حيوان حيووان ما تتغير انت ما تتغير وخرر وخر عني وخرر
دخلت امه للغرفة على صوتي وهو وكف نكث الغطا منعنده يفرك بوجهه وطلع ورا امه
الم بملابسي حيل بجيت بجي سنين وين اروح وين احمي روحي شسووي شسووي
للصبح بقيت دمعتي ما نشفت
کوه کمت صليت وغفيت على السجادة فزيت الصبح اباوع الساعة ب8 الله ينتقم منكم
ركض لبست ملابس المدرسة اخذت جنطتي وطلعت من المخزن صارت بوجهي خالدة
صاحت
- ٠٥وين عينى وين تعالى نظف
عفتها تحجي وتغلط وراي طلعت للمدرسة امشي بسرررعة وصلت مختنكة وكوه اجر
النفس دخلني الحارس للإدارة لان متأخرة
المديرة والمعاونات جانن يضحكن ومن دخلت ولمحتني ست خولة شهكت ووكفت
مصدومة اجت علي تريد احجي واني بس اشهك واجر نفس بقوة سحبتني من ايدي
الغرفتها فتحت بطل ماي وكفت تغسل بوجهي وكعدتني طاير كلبها بجيت واني احجيلها
كلشي كلشي صار حتى على احمد
- بالطفولة جان يخليني اشوف اشياء بالتليفون واني طفلة ما اعرف شي جان يلزم
بجسمي ومستغلني ابشع استغلال لحد ما كلت الامي علي ومن كبرت شوية تهجم علي
وکوه خلصت روحي منعنده وهسه رجع تهجم وربي خلصني بس تعبت ست تعبت
لشووکت
مدرسة ما يخلوني اجي تدرين هسه من ارجع راح انضرب بس لو الكه اعمامي واروح
يمهم واخلص عفيه ست ساعديني بس الكيلي اعمامي
اجت يمي تمسح بدموعي وتتحسب عليهم كتبت اسماء عمامي وكالت اني اوصللهم
کمت اريد اطلع رجعت كعدتني كالت
- شام عندي حل يخلصج من كل هذا طبعا اذا تقبلين !
سكتت اباوع بعيونها منتظرتها تكمل كلامها كالت
- اخطبج الاخوي اسمعيني ولا تستعجلين ، هو مطلق صار سنتين صارت عنده عقده من
اهل البنيه لان اهل طليقته راووه الويل وشلعوا گلبه حلف لو راد يتزوج مره الثانية كون
مكطوعة من شجرة ، شوفي والله عنده خير بيت بيه بس هو واخوي الثاني وامي وعنده
سيارة ويخليج بعيونه وهم تكملين دراسة وهم رجال شاريج ويصونج وهم تخلصين من
هالظلم العايشته
طلعت
شام :: اباوعلها ساکته گــلبي . يدك حيييييل وروحي رايحه محتارة بدون ما احجي شي
من يمها رحت الصفي طول الدوام افكر بكلامها اقبل لو ارفض ، ليش ارفض ؟
وليش اقبل ؟ بس بس ماعندي غير هالحل هذا الطريق الوحيد الراح يخلصني من بيت
خالي . لو ابقى مصره الكه اعمامي واروحلهم بس شلون واذا طلعوا اسوء من خالي
ومعاملته اذا هنا ماكله تبن مره يمهم اكل تبن تربيع ويطيح حظي اضعاف
فزيت على صوت المدرسة ، رزلتني لان ما محضرة وفايتني امتحان امس لحكتها
الغرفتها اقنعها تعيدلي الامتحان كالت احسبلج درجة الشهر الثاني شهرين
هستوني اريد ارجع وطلعت ست خولة ابتسمت تباوعلي اجت يمي دنكت عيني ساكته
کالت
- فكرتي شام ؟
رفعت وجهي باوعتلها محتارة كالت
- اشوفة انسب حل وهم بعد ما تتغيبين عن المدرسة وتفوتج امتحانات حرامات يضيع
مستقبلج
تحسرت وهزيت راسي موافقة ضحكت. هي وكالت
- قبلتي ؟
- ماعندي غير حل ست
- ما راح تندمين ماما
سكتت ورجعت لصفي بنهاية الدوام طلعت ويا هوسة البنات شفته وعبرته بدون ما اهتم
يمي درت وجهي
صاحت ست خولة
مشيت بالشارع وحدي شوية وحسيت احد خفف
كاعده یم اخوها
- تعالي ماما شام نوصلج بطريقنا
- لا ست متعوده امشي شكرا
- تعاالي على طريقنا يله عيب مخليتنا واكفين بالشارع
- لا والله ست ما اكدر شكرا روحوا
بس حجيت هيج هي بعدها تحجي وياي وهو شخط السيارة وراحوا رجعت للبيت
وكفت بالباب استجمع القوة يا رب صبرني دخلت بهدوء اسمع خالدة تسولف واكو مره
ثانية ترد عليها دخلت سلمت طلعت اختها ، خالدة كبل كالتلها
هههههههه هم عمامي هم ازواج ماشافوا ابو هاي شني من طينه ردوا انطوا مره الابن
اخوه
شام :: سكتت بس اباوعلهم اختها ماقابله وبس تعضلها شفه صاحت خالده امشي بدلي
بسرعة وتعاي بعدين نتحاسب على طلعتج ، رحت للمخزن بدلت ورجعت ساكتة ما اريد
اتلاغة وياها خلينى محترمة نفسي اشتغلت على الساكت بس اسمع سوالفها واحفظ
اسماء عسى ولعل تفيديني وهن يحجن ناس مصادقة ناس على الفيس وصايره عركه
على هالشي يعني من اعمامي يعني ممكن من الفيس اكدر اوصللهم
وكفت صافنة وكلبي دك حيل من الفكرة الاجت ببالي . شلون اكدر اوصل التليفون خالي
عن طريق الفيس مالته اكدر اعرفهم لان اكيد مصادق اعمام زوجتة الي عرفتهم بالاسم
من سوالفهن واکید همه مصادقين أعمامي الي كذلك اعرف اسمائهم وهيج راح اكدر
اوصللهم يا رب يا رب ساعدني
بقیت اشتغل طول اليوم وافكر شلون اوصل التليفون خالي الحد العصر جنت اقرأ وندفع
باب المخزن دخلت بنت خالي تصيح وتغلط صوتج عالي وماكدر ادرس من وراج كتلها
- تمام راح انصي صوتي
تقدمت جرت الكتاب من ايدي ما انطيته مدت ايدها تريد تضربني دفعتها رجعت تلازمت
وياي شمرت الكتاب وجلبت بشعرها دتعالي اطلع كتل امج بيج ماكدر امد ايدي عليها
اقلها انت اکدر ملختها رغم هي هم ضربتني الحد ما اجت امها وخالي على صوتها
ماكدرت احمي نفسي منهم ضربات خالي توجع گـلبي . اكثر من جسمي من كد ما انقهر
ما ابجي بس ابقى متمدده بفراشي
وبقيت الثاني يوم كاعده وجسمي يون دوامي ظهري کوه کمت بدلت وطلعت اعرج
صاحت خالدة والله اذا وصلتي الباب رجلج اكسرها وكفت متخوصره وتصيح
- هل اني واكفة اذا بنت امج اعبري الباب وروحي للمدرسة
عفتها وطلعت شتريد تسوي بعد تعلمت على الكتل کوه داومت وكملت دوامي طلعت
بباب المدرسة صارت ست خولة بوجهي سحبتني من ايدي وياها وهي تتحسب على
خالي بقيت امشي ساكتة ما الي طاقة صعدتني بالسيارة وصعدت هي يم اخوها تحجيله
على بيت خالي وهو ساكت كالتله تعرف عليها باسرع وقت حتى نحطب خوية لا يرحون
يسوون بالبنيه شي
اسمعهم يحجون واني فاصلة مالي حيل حتى افكر الحد ما وكفت السيارة عبالي بشارع
اخوالي نتبهت نزلت ست خولة وفتحتلي الباب نزلت ما ادري وين أحنا أصلًا كالت
- تعالي كدام حتى تسولفون وتتفقون بين ما يوصلج للبيت
هزيت راسي لا ولبست الجنطة
- شكرا ست اني اكمل مشي
استغفرت ما قابله ودفعتني ليكدام
- دصعدي صعدي يا امي قابل راح ياكلج بس يحاجيج كلمتين
باوعتلها ساكته سدت الباب واني حاضنه الجنطة الصدري حرك السيارة بدون ما يحجي
گلبي . يدك حيل ليش صعدت وياهم شلون قبلت افكار وتناقضات اكلت عقلي اكل
فززني صوتة كال
- تلبسين عباية منا ورايح
درت اباوعله دار عينه الي رافع حاجبة وهز راسه هاااا
رجعت اباوع للشارع ساكتة كال
-تكملين سادس وبس ماكو جامعة
ضحكت وحجيت
-نزلني نزلني ، الظاهر ست خولة مفهمتك خطأ
بقى يمشي ما مهتم قربنة نوصل الشارع بيت خالي كال
- هذا العندي انا .
- إذا ماكو نصيب
- مو بكيفج انطيتي كلمة بعد
- نززززلني كتلك
لزم بريك بقوة وبسرعة مد ايده سحلني عليه خانگني ويصيح بغضب
- جسمج التتفتلين بيه من نطقتي وكلتي الخولة موافقة صار الي من ساعتها حرررررف
بعد ما اسمع
. فرفحت روحي اسحب بايده واريد بس افلت نفسي منه مد ايده على رجلي يتلمس
بيهم
تخبلت ادفر واصيح وصوتي مكتوم ثواني ونفتح الباب نسحل منعندي نزلت اركض
واتلفت اشوف احمد متلازم وياه ركضت للبيت ابجي دخلت وركض رحت للمخزن لامه
روحي وابجي جسمي ينتفض دقايق ودخل احمد وجهه يصب دم اجه علي ضربني
اسماء عسى ولعل تفيديني وهن يحجن ناس مصادقة ناس على الفيس وصايره عركه
على هالشي يعني من اعمامي يعني ممكن من الفيس اكدر اوصللهم
وكفت صافنة وكلبي دك حيل من الفكرة الاجت ببالي . شلون اكدر اوصل التليفون خالي
عن طريق الفيس مالته اكدر اعرفهم لان اكيد مصادق اعمام زوجتة الي عرفتهم بالاسم
من سوالفهن واکید همه مصادقين أعمامي الي كذلك اعرف اسمائهم وهيج راح اكدر
اوصللهم يا رب يا رب ساعدني
بقیت اشتغل طول اليوم وافكر شلون اوصل التليفون خالي الحد العصر جنت اقرأ وندفع
باب المخزن دخلت بنت خالي تصيح وتغلط صوتج عالي وماكدر ادرس من وراج كتلها
- تمام راح انصي صوتي
تقدمت جرت الكتاب من ايدي ما انطيته مدت ايدها تريد تضربني دفعتها رجعت تلازمت
وياي شمرت الكتاب وجلبت بشعرها دتعالي اطلع كتل امج بيج ماكدر امد ايدي عليها
اقلها انت اکدر ملختها رغم هي هم ضربتني الحد ما اجت امها وخالي على صوتها
ماكدرت احمي نفسي منهم ضربات خالي توجع گـلبي . اكثر من جسمي من كد ما انقهر
ما ابجي بس ابقى متمدده بفراشي
وبقيت الثاني يوم كاعده وجسمي يون دوامي ظهري کوه کمت بدلت وطلعت اعرج
صاحت خالدة والله اذا وصلتي الباب رجلج اكسرها وكفت متخوصره وتصيح
- هل اني واكفة اذا بنت امج اعبري الباب وروحي للمدرسة
عفتها وطلعت شتريد تسوي بعد تعلمت على الكتل کوه داومت وكملت دوامي طلعت
بباب المدرسة صارت ست خولة بوجهي سحبتني من ايدي وياها وهي تتحسب على
خالي بقيت امشي ساكتة ما الي طاقة صعدتني بالسيارة وصعدت هي يم اخوها تحجيله
على بيت خالي وهو ساكت كالتله تعرف عليها باسرع وقت حتى نحطب خوية لا يرحون
يسوون بالبنيه شي
اسمعهم يحجون واني فاصلة مالي حيل حتى افكر الحد ما وكفت السيارة عبالي بشارع
اخوالي نتبهت نزلت ست خولة وفتحتلي الباب نزلت ما ادري وين أحنا أصلًا كالت
- تعالي كدام حتى تسولفون وتتفقون بين ما يوصلج للبيت
هزيت راسي لا ولبست الجنطة
- شكرا ست اني اكمل مشي
استغفرت ما قابله ودفعتني ليكدام
- دصعدي صعدي يا امي قابل راح ياكلج بس يحاجيج كلمتين
باوعتلها ساكته سدت الباب واني حاضنه الجنطة الصدري حرك السيارة بدون ما يحجي
گلبي . يدك حيل ليش صعدت وياهم شلون قبلت افكار وتناقضات اكلت عقلي اكل
فززني صوتة كال
- تلبسين عباية منا ورايح
درت اباوعله دار عينه الي رافع حاجبة وهز راسه هاااا
رجعت اباوع للشارع ساكتة كال
-تكملين سادس وبس ماكو جامعة
ضحكت وحجيت
-نزلني نزلني ، الظاهر ست خولة مفهمتك خطأ
بقى يمشي ما مهتم قربنة نوصل الشارع بيت خالي كال
- هذا العندي انا .
- إذا ماكو نصيب
- مو بكيفج انطيتي كلمة بعد
- نززززلني كتلك
لزم بريك بقوة وبسرعة مد ايده سحلني عليه خانگني ويصيح بغضب
- جسمج التتفتلين بيه من نطقتي وكلتي الخولة موافقة صار الي من ساعتها حرررررف
بعد ما اسمع
. فرفحت روحي اسحب بايده واريد بس افلت نفسي منه مد ايده على رجلي يتلمس
بيهم
تخبلت ادفر واصيح وصوتي مكتوم ثواني ونفتح الباب نسحل منعندي نزلت اركض
واتلفت اشوف احمد متلازم وياه ركضت للبيت ابجي دخلت وركض رحت للمخزن لامه
روحي وابجي جسمي ينتفض دقايق ودخل احمد وجهه يصب دم اجه علي ضربني
:
ويصيح
-ويامن صاعده يمي مستشرفة ويم غيري بايعتها
دخلت امه سحلته منعندي واني بقيت بمكاني متمدده اناشغ وروحي تنازع الموت ،
وصلت للمرحلة التمنيت بيها الموت غفيت وفزيت من الوجع کوه کمت غسلت ورجعت
اباوع الساعة ب2 كلهم نايمين
:
اذا احرك البيت عليهم احد يلومني ربي هم يحاسبني ؟
وفجأة تذكرت سالفة الفيس وعمامي اروح اخذ تليفون خالي اشو اعرف رمزه بس شلون
اخذة من غرفته اذا نلزمت اشبع كتل ديله على اساس هسه ما مكتولة اقلها اجازف بشي
يستحق انكتل علي هيج واكدر اوصل لأعمامي هيج واخلص من هالبيت والبيه
سحبت نفس بقوة ورحت بخطوات ترجف وداخلي يدعي يا رب ما انلزم يا رب بس
وصلني الواحد من عمامي يا رب ساعدني
يتبع
وصلت الباب غرفة بيت خالي غمضت عيني وايدي على يدة الباب ودكات كلبي شعلوها
بلعت ريك بخوف هستوني احركها وسمعت صوت وراي فزز كل ذرة خوف بداخلي
- شتسوووين ؟
***
يتبع...
.jpeg "Knight of novels")