.jpeg){kind=small}
رواية زواج لغرض واضح سيرين واحمد الفصل الثاني 2
دخلت شقتة و مش عاااااارفه لية كنت
خا|||||||ايفة يمكن
عشان اول مرة ادخل شقة راجل غريب
عني ... ايه اللي انا عملتة في نفسي دة ...
كنت ببص في كل اتجاه فيها هي اه
بسيطة جدا بس اضائتها هاديه و فيها
صمت غريب يديك احساس بالألفة
والهدوء .... فوقت من شرودي عليه وهو
بياخد من ايدي شنتطي اللي فيها حاجاتي
اللي جبتها معايا من شقتي وقالي وهو
بيبصلي
اتفضلي تعالي اوريكي اوضتك
ابتسمت ابتسامه مهزوزة كدة ودخلت
وراه ... فعلا حط الشنطة على السرير
تحبي اساعدك تفضيها واعرفك تحطي
حاجتك فين .
ـ لأ تمام ... انا هتعامل متقلقش
طيب انا هنزل اجيب شوية طلبات
للبيت و حاجة ناكلها
نزل وسابني في شقتة لواحدي لقيت ان
انا مش لازم اضيع وقت وغيرت هدومي
بسرعة وحطيت حاجتي في الدولاب وكله
تمام
كلها دقایق و سمعت صوت مفتاح
الشقه وسمعت خطواته بتقرب من
الاوضه وفعلا دخل بصلي شويه كدة
...يادي النيلة رجعنا للتناحة فيا تاني طب
والله زهقت ها
بس المرادي كانت بصتة مختلفه كنت
خلاص غيرت هدومي لبيجامة مريحة و
كعادتي لما اجي انام فردت شعري
حسيت في نظرتة انبهار شويه كمان
المرادي كان بيبصلي بدون حواجز زي قبل
كدة اخره يتنح في وشي شوية وبعدين
يبعد عينيه بحرج.... المرادي تقريباً
فصلني كلي انا عارفة ان أنا حلوة بس
بصتة دي حسستني احساس غريب قوي
احم بس حلو الصراحة
ايه دة في ايه هو مالة بيقربلي كدة
ل...شوف مش أنا واقفه قدامك هاديه
اهو وبريئه بس انا أصلا عايزة اجري من
خوفي اه والله.
وقف قدامي بطولة دة لقيت نفسي برفع
راسي وببصلة
حد قال لحضرتك قبل كدة انك حلوة
قوي .
_ اه ..لأ ...مش فاكرة ...
وكان نفسي أديني بالقلم على وشي في
اللحظة دي مش عارفه انا راحت فين
بجاحتي وجرائتي وأنا بطلب منه الجواز وانا
واقفه قدامة دلوقتي زي الفار المبلول
كدة
بس
ـ تحبي نتعشى هنا ولا برة ؟
انا مش جعانة اصلا
لقيتة متردد كدة وشكلة مكسوف
ميعرفش ان انا مكسوفة اكثر منه
اعمل ايه انا مضطرة اتخلى عن خوفي
وكسوفي دة انا اكثر واحده عارفه ان
مفيش وقت
قربت انا وحطيت ايدي على دراعة
ـ لو انت جعان كل انت
لأخلاص انا مش عايز .
ـ طيب كويس نبقى متفقین
قولت كدة وروحت قعدت على طرف
السرير واستنيت اي اشارة او مبادرة منه
وبعد لحظات صمت تقيلة بجد
اتحرك وجه قعد جنبي وبعد بصاته
ونظراته اللي مبتخلصش رفع ايدة
بهدوء و حط شعري ورا ودني وبراحة
قربلي اكتر و لقيته بيسالني
ـ لو ربنا كرمنا و حصل حمل علطول
هتطلبي الطلاق وتسبيني علطول ولا
هتستني اما تولدي وتتطمني بوجود
الطفل معاكي ؟
صدقني والله اول ما يحصل حمل
علطول هنطلق انا مش هبقى عايزه منك
حاجه تانيه
ـ بصلي بصه ترجمتها بعدين ب" یا
بجاحتك يا وقاحتك"
وبعدين بعد فاجأه وقام وقف
انا شايف اننا محتاجين وقت ناخد فيه
على بعض شويه ولا حضرتك شايفة ايه؟
مش عارفه لية من بعد ما كتبنا الكتاب
وانا مبسمعش حضرتك دي الا لما يكون
متضايق او باين عليه زعلان مني.
حسيت براحه غريبة اما قالي كدة وفي
نفس الوقت حيرة يقصد ايه بمحتاجين
وقت دي ولحد امتى يعني... الدكتورة
قالتلي مقدميش اكثر من سنة ؟!
ـ عندك حق
لقتني بقولة كدة ماهو اكيد مش هعارض
في حاجة زي دي يعني.
سابني وخرج برة الاوضه وفات اكثر من
ساعة وبرضه مسمعتلوش صوت
خرجت بتردد كدة اشوفه راح فين لقيتة
نايم على كنبة قدام التليفزيون المقفول
...هو كمان هينام هنا ؟!!!
مشيت شوية وقربت منه وبصيت في
وشة اول مرة اشوف احمد بالقرب دة
كان النهاردة.... هو اصلا مجاش عندنا
في الكومباوند غير من قريب قوي ... ياااه
لسه دلوقتي حالا مكتشفه اني تقريبا
معرفش عنة حاجة
بصيت في وشة كتير قوي حاسه اني اول
مرة أشوفه .. اممم اول مرة أخد بالي انه
عسول كدة مااشي ماعلينا ... اما ادخل
أنام بقى احسن يصحى ويلاقيني قاعدة
متنحالة كدة يتخض
مشیت؟؟!!
فتحت عيني اول ما دخلت الاوضة
فضلت نايم عالكنبة طول الليل بس
عيني مغمضتش مش عارف انا غلط اني
وافقتها ولا ايه كل اللي أعرفه اني ما
صدقتش ان الانسة سيرين الاستاذة
اللي دايما كنت ببصلها على انها حتة من
السما ممكن تبقى مراتي ... وفعلا هي
دلوقتي معايا وفي شقتي ونايمة على
سريري .. ومكتوبة على اسمي ... مش
عارف افرح ان حلم الليالي اللي فاتت من
يوم ما شوفتها اول يوم ليا شغل في
الكومباوند وانا ومش قادر اتخطى
التفكير فيها وعرفت بعدين من زمايلي
انها عايشة لواحدها فعلا بعد وفاة
والدها من اكثر من سنة وانا كل ما
أشوفها داخلة وخارجه من الكومباوند
ببقى عايز اكلمها واطمن عليها خصوصاً
انها معظم الوقت كنت اشوفها حزينة
وباين عليها الوحدة والهم ببقى هموت
وأكلمها واقولها على فكرة احنا معاكي
هنا انتي مش لواحدك
ايه دة اذان الفجر دة اللي سمعتة ...
الوقت خادني وانا بفكر فيها قومت
صلیت و حاولت انام
صحيت على مكالمة من زميلي بيقولي اني
اتأخر عالشغل
قومت بسرعة ودخلت الحمام ووقفت
قدام الاوضة شويه المفروض ادخل
اجيب لبسي من جوا مانا كل حاجتي في
الأوضة
خلط عاليا ، خلطتت ممسمهتش.
