روايات حديثة

رواية فرح وسيف حب فوق النيران الفصل الثاني 2 بقلم شيماء نعمان

 


رواية فرح وسيف حب فوق النيران الفصل الثاني 2 بقلم شيماء نعمان



حب فوق النيران

نعود للخلف قليلا حيث ظلت ارؤى تنتظر سيف ومازال هاتفه مغلقا حتى ملت هي

ويحيى من الانتظار فغادروا الى المنزل

وصل سيف الى عنوان المكتب ولكنه كان متاخرا للغاية عندما اقترب من باب العمارة لم

ينتبه الى الفتاة الخارجة من الباب اصطدم فيها ليقع ما بيدها ارضا

سيف:انا اسف والله معلش مخدتش بالی

اسرعت تلملم اشياءها المبعثرة :لا ولا يهمك

رفعت راسها لتتلاقى العيون للحظات ترك سيف هاتفه مفتوحا وهو ينظر اليها بدهشة

كانه قفز من الواقع الى عالم الاحلام فها هي فتاته التي يحلم بها امامه هل هو نائم ام انه

الواقع

هي ايضا لم يكن حالها اقل منه ولكنها كانت الاسرع امسكت بحقيبتها وفرت من امامه

سريعا ظل مكانه لايتحرك للحظات افاق على صوت هاتفه:ايوه ياارؤی انتی فین

ارؤی:فين ايه ياسيف ......انا استنيتك كتير مجتش ليه

سيف:انا اودام العمارة اهوو انتي في الدور الكام

ارؤی:انا روحت یا سیف من بدري زعلانة منك والله

سیف بشرود:معلش ياحبيبتي اسف والله انتي في البيت

ارؤی:ایوه یحیی وصلني وروح انت فين صوتك ماله

سيف:ها لا ابدا مفيش انا راجع على البيت دلوقتى مش هتاخر

ركب سيارته وهو يتذكر هذه اللحظات التي لم تتعدى الثواني اكانت حلم ام واقع هل

بالفعل هي موجودة ام انها خيال لم يكن لها وجود ولكنها بالفعل موجودة رايتها انها نفس

العيون نفس الملامح اى انها لم تكن خيال ولكن من هي ؟واين هي ؟

استقلت فرح سيارة اجرة تلهث بقوة كان احدا يجرى خلفها خرجت من شرودها على

صوت السائق:هنا يا انسة

فرح:ها اه متشكرة اوى

اعطت له الاجرة وخرجت مسرعة الى منزلها وجدت والدتها ليلى تعد لهم طعام

الغذاء:حبیبتی یا لولتی

لیلی:ايه اللى اخرك كده يا فرح

فرح:حبيبتي ماانتى عارفة الشغل يلا جهزى لغداء عشان هنزل كمان ساعة

ليلى:انا مش عارفة ايه الشغلانة اللي ما يعلم بيها الا ربنا دى

قبلتها سريعا:حبيبتى والله انا ببقى مبسوطة وانا بشتغل

لیلی:یارب یا حبیبتى اشوفك احلى عروسة في الكوشة وتبطلى وجع القلب ده

فرح:ههههه ماشی یا لولتی بس اما ابن الحلال بس وانا هجيبه من قفاه

لیلی:یابت احترمي نفسك خشى يلا غيرى هدومك زمان بابا راجع من الشغل

قاطعهم صوت جرس الباب

اسرعت تفتح الباب لتجد عمها محمد:اهلا اهلا یا عمو حمدلله على السلامة

محمد:حبيبة عمك وحشتینی جوی یا فرح

فرح:وحضرت كمان وحشتنی اوی اتفضل

لیلی:مین یا فرح

فرح:ده عمو محمد یا ماما

اسرعت بارتداء حجابها وخرجت اليهم لاستقباله

لیلی:حمدلله على السلامة يا حاج

محمد:الله يسلمك ياام احمد كيفك وكيف الاولاد

لیلی:بخیر یا حاج والله ......ازيك انت وازي اللي في البلد

محمد:كلتهم بخير وينه کمال اخوی

ليلى:على وصول یا حج اتفضل

ماهي الا دقائق ودخل كمال ليجد اخاه الاكبر جالسا مع اسرته

حاج محمد الف حمد لله على السلامة

محمد:الله يسلمك يا خوى كيفك يا كمال

کمال :بخیر یا حاج وحشتنى والله ووحشتنى البلد

محمد:عايزك في حكاية كده يااخوی

کمال :انا تحت امرك بس نتغدی اول ونشرب الشاى ونقول كل حاجة

جلسوا سويا يحتسون الشاي بعد تناول الغداء

کمال مستفهما:خیر یا حاج محمد ايه الموضوع اللى انت عايزني فيه

محمد:کمال اسمعنى للاخروافهم انا هجولك ايه

ظل محمد يشرح لكمال ما حدث في البلدة ومااتفق عليه الرجال في جلسة عرب ان يتم

زواج فرح من ابن عائلة سليم

ماان اکمل حتى انتفض کمال غاضبا:ازای یعنی انا بنتی تتجوز کده ولیه یا حاج محمد

ذنبها ايه عائلتين وبينهم تار بنتى تتدخل في الحكاية دى ليه شوف حد تاني بنتي لا

محمد:کمال مفيش وجت مفيش غير اسبوعين ويتم الجواز يا اجده يااما بحر دم ينفتح

میتجفلش واصل واولهم ولدك احمد

انتفض کمال بخوف:احمد .....واحمد ماله احنا بعيد عن البلد من سنين ولادى

۔

ماان اکمل حتى انتفض کمال غاضبا:ازای یعنی انا بنتی تتجوز کده ولیه یا حاج محمد

ذنبها ايه عائلتين وبينهم تار بنتي تتدخل في الحكاية دى ليه شوف حد تاني بنتي لا

محمد:کمال مفيش وجت مفيش غير اسبوعين ويتم الجواز يا اجده يااما بحر دم ينفتح

میتجفلش واصل واولهم ولدك احمد

انتفض کمال بخوف:احمد .....واحمد ماله احنا بعيد عن البلد من سنين ولادی

اتولدواوعاشوا هنا ملهمش دعوة لابتار ولا غيره

محمد:يمكن كلامك مظبوط بس لازم تعرف انهم من عيلة عوف یعنی منینا واللى يسرى

علينا يسرى عليك وعلى ولادك

کمال:بس ده ظلم یا بنتى تتجوز واحد لاعمرها شافته وعرفته يااما ابنى يروح فيها ليه

كده ليه

محمد:هو ده اللى اتفج عليه كبار البلد ودلوقتى الحاج علوان سليم عند اخوه بيعرفه

على هيحصل جلت ايه

کمال:اقول ايه .....انت سبتلى فرصة اتكلم ولا اقول حاجة بتحطنى اودام الامر الواقع یا

بنتى تتجوز یاابنی یموت

لا يعني لا

كلمة صرخ بها سیف امام عمه علوان الذي ظل ينظر اليه غير عابئا بحديثه

یعنی ايه بترفض طلبی یا سیف

سيف:حضرتك عارف معزتك عندى اد ايه لكن انا متجوزش بالطريقة دى واحدة لاعمرى

شفتها ولا حتى فترة خطوبة اعرفها واعرف طباعها وجواز یعنی جواز یعنی مفیش

تراجع لو مرتحتش معاها اسيبها لا ده انت بتامرني اتجوزها وفي خلال اسبوعين يرضى

مین ده یا عمی

علوان:ماهو انت ياتوافج يا تستحمل اللى هيجرى ليك او لاخواتك

سيف بغضب:اخواتي مالهم بالموضوع

علوان:التار یا ولدی کیف النار بيسرى على الكل ولو عيلة عوف مخدتش تارهم منيك

هيخدوه من اخواتك

سيف:انت بتضغط عليا ليه جواز ايه وتار ايه انا واخواتی ذنبنا ايه اروح اتجوز واحدة لا

اعرفها ولا تعرفني وطباعكم غير طباعی یبقی ازای

علوان:من الناحية دى متجلجش البت عايشة عمرها هنا وسمعت انها مهندسة كمان يعني

متعملة وهتعرف تتعامل معاها

سيف:مش التعليم بس اللى بتكلم عليه انت مش سايبلى فرصة الرد اه اولا بتجبرنى

اتجوزها ومفيش اودامی فرصة حتى للرفض

دخل عليهم حسين بوجه حزين:سيف مفيش وقت يا الجوازة تتم يااما اخسرك انت

واخواتك يا بني

دخلت عليهم زهيرة غاضبة بشدة:ليك عين يا علوان تحط يدك في يدهم بعد اللي بينا

وبينهم

علوان :زهيرة بلاش تتدخلى انتی ملکیش صالح

زهيرة:كيف مليش صالح عايز ولد اخوك يتجوز منيهم ونبجی نسایب مش كفاية ولدى

اللي راح ومحدش خد بتاره منهم

علوان:ولدك الله يرحمه مش خايفة على ولاد اخوكى من التار يا زهيرة

اتجهت الى سيف بقوة:سيف اوعاك توافج يا ولدى اسمع كلامي اوعاك توافج

نظر اليهم بغضب وتركهم وغادر الى غرفته اغلقها عليه وهو يفكر كيف التخلص من هذه

الزيجة الغريبة

ارتمت فرح فوق سريرها تبكى بشدة وامها تحتنضنها بقوة:حبيبتى اهدى ان شاء الله

خير

فرح:خیر منین یا ماما ده بيقولك الجواز بعد اسبوعين ليه يا ماما مش حرام علیکم

عایزنی تموتونى بالحيا مع واحد لا اعرفه ولا يعرفنى ليه يا ماما ليه

كمال:ماهو ياالجواز يتم يا التار يا بنتى من اخوکی ......انتى فى ايدك القرار يا فرح يا

ترفضی یا ........توافقی

فرح:لا بقی دہ ضغط علیا یااتجوز يا اخويا بعد الشر يجراله حاجة

جلس كمال على الكرسي بضعف :غصب عنی یا بنتی غصب عني والله یارتینی خدتكم

وهربت بره مصر خالص ساعتها يمكن مكنش ده كله حصل وانا اللي قلت خلاص موال

وخلصنا منه اتاريه ورانا ورانا

دخلت امل غرفة سيف وجدته يقف امام نافذته يدخن سيجارته بشرود

امل :سيف هتعمل ايه ياحبیبی

سیف:عایزانی اعمل ايه ياامى اتجوز واحدة لا شوفتها ولا اعرفها یااما انا او اخواتی

نتقتل ده کلام پاناس

امل:یاحبیبی ربنا حللك اكثر من واحدة يعنى لو اتجوزتها ومستريحتش معاها تقدر

تتجوز اللي تحبها وتناسبك ومين عالم يمكن تكون حلوة ومحترمة ومودبة ويبقى ربنا

كتبلك الخير معاها

كتبلك الخير معاها

سيف:وافرضى طلعت مش كويسة اعمل ايه انا ساعتها

امل:تقدر تادبها هتبقى مراتك ساعتها تقدر تعمل اى حاجة وتمشى على طوعك

سيف بنفاذ صبر:انا لسه هربى واعلمها على طباعی .........انتوا مش سایبین اودامی

فرصة حتى للرفض

امل بدموع:والله ياحبيبى غصب عنى كفاية ابوك وزعله

سيف:وانا میرضنيش زعلكم ولا يرضينى ان حد يجراله حاجة

امل:یعنی ایه

زفر بقوة:هشوفها اول هروح اقابلها واشوف هعمل ايه

امل:طيب يا حبيبى ربنا يسعدك وهدعيلك والله انها تبقى كويسة وحلوة

سيف:مش فارقة كتير ياامى خلاص قدر ومكتوب

امل:طیب یاحبیبی ادخل لابوك وعمك راضيهم بكلمتين وخد بالك عمتك زهيرة مش

هتعدى الموضوع ده بالساهل عشان ابنها اللي يرحمه

سيف:ويعني هي بايدها ايه اهي بتتكلم وخلاص من حزنها على صالح الله يرحمه

خرج سيف من غرفته متوجها الى والده وعمه وقف امامهم وهم ينظرون اليه بعيون

مترقبة

انا موافق ياعمى بس اقابلها الاول واقعد معاها

ارتسمت ابتسامة ارتياح على وجه علوان وشرود على وجه حسین

علوان:انت کده ابن اخوی صوح ........امسك ياولدی ده عنوان المكتب بتاعها روح جابلها

وان شاء الله هتلاقيها زينة البنات

امسك سيف بالعنوان بغير اهتمام"بكره ان شاء الله هروح اشوفها

************

ظلت فرح ليلها تصلى وتدعى ربها ان يزيح عنها ما وقع عليها من هموم واحزان فكيف لها

ان تتزوج بهذه السرعة ومن انسان لاتعرفه وليس لها حتى حق الرفض او القبول وهي

من رسمت لنفسها طموحات واحلام مع الانسان الذي سيرافقها بقية حياتها وهاهي

احلامها تتحطم عند صخرة التار والدم ظلت تبكى وهى تستغفر ربها عسى ان ينجيها من

هلاك هي ذاهبة اليه مكتوفة الايدى مغمضة العينين مصير يعلمه الله وحده

نشرت الشمس اشعتها على ابطالنا وكل منهم يشعر انه ذاهب الى هلاك ويكاد يجزم انه

بداخل بركان لايجروء على الهروب منه ابدا

ذهب كل منهم الى عمله وبداخلهم عدم الرغبة في اي شئ يذكر جلس سيف على مكتبه

يدق بقلمه امامه شاردا حزینا دخل عليه يوسف وباسم ولم يفهما ما به

يوسف:مالك ياسيف في ايه

رفع راسه اليهم وقال بسخرية:انا زى الفل كلها اسبوعين وهبقى عريس

نظر الى بعضهم بدهشة فقال باسم :یعنی ایه مش فاهم

عاد سيف بكرسيه للوراء :يعنى كمان اقل من اسبوعين وهبقى عريس عقبالكم

یوسف:ازای وامتی ومین هی

مط سيف شفتيه بلامبالة:ولا اعرفها ولا عمري شفتها بس عمى فرض عليا انى اتجوزها

پاکده یا اتقتل انا او ای حد من اخواتی

باسم:ازای یعنی انا مش فاهم حاجة خالص وايه دخل الجواز في القتل وقتل ليه اصلا

سيف:التار یا باسم .....التار اللي اتفرض علينا بين عيلتين يااما اتجوزها ياام اتقتل او

اقتل انا اخوها ما هو ده النظام

يوسف:واشمعنى انت اى حد من بلدكم

سیف:حظى الاسود انى انا اللي عليا الدور شفت بقی

باسم:طيب وهتعمل ايه

سيف:مفيش كلام خلاص الجواز الخميس الجاى لا اللي بعده

یوسف:طيب شفتها تعرفها حتى

سيف:ولااعرف اى حاجة غير اسمها فرح وبتشتغل مهندسة ديكور

یوسف:یعنی متعلمة يمكن تتطلع كويسة وترتاح معاها

باسم:ازای یعنی یا یوسف وافرض طلعت طباعها مختلفة عنه يبقى ايه الحل

سيف:ولا اى حاجة الجوازة لازم تتم مفيش مفر

قام سريعا:انا نازل

يوسف:رايح فين

سیف:رایح اقابلها اروح مكتبها يمكن تيجى منها وتقولى مش عاوزاك واخلص بقى

باسم:يارب ياسيف ياابن ام سيف تقولك مش عايزاك بكرهك عشان تبقى هي اللي كارهة

وتخلص من الجوازة دى

سيف بحزن:وتفتكر ان ده ممكن يغيرحاجة معتقدش...........سلام انا ماشی

جلست على مكتبها تمسك بكوب القهوة تنظر امامها ومريم تتطلع اليها بحزن:حبيبتي

طيب هتعملى ايه

فرح:مش عارفة يامريم مخنوقة اوى حاسة اني في كابوس ومتكتفة ومش قادرة اخرج

منه

مريم:والله انتي في موقف صعب يعنى مفيش غيرك

منه

مريم:والله انتي في موقف صعب يعنى مفيش غيرك

فرح:بنات عمى كلهم اتجوزوا ونيرة اختى متجوزة مفضلش غیری انا اودامهم

مریم:طيب بیشتغل ایه

فرح:بيقولوا مهندس وعنده شركة مع اصحابه واخوه

مریم:طيب ما يمكن يطلع ابن حلال وتحبيه

فرح:احب ايه يا مريم اللي يجي بالغصب والاكراه يجي من وراه حب ازای .........بس انا

حلفانة لو الجوازة دى تمت لاطلع عينه واخليه يقول حقى برقبتی

مريم:دى انا واثقة فيها....هو اسمه ايه

تنهدت بقوة:اسمه سيف.........سیف حسین سلیم

مریم:مین سیف سلیم

فرح:ايه ده وانتي تعرفيه منین

مریم:في حد في شغلنا ميعرفش سیف سلیم ده اشهر من نار على علم

فرح:لیه یعنی

مريم:اللي اعرفه عنه ان مهندس شاطر اوی فی شغله وفاتح الشركة دى من كام سنة بعد

ما رجع من الخارج ده غير

انه راجل محترم واخلاق ولا البنات اللي بتجرى وراه وهو مش معبرهم هيموتوا عليه

فرح:ياخدوه ويخلصونى منه

مریم:يا بنتى مش يمكن يطلع هو ويبقى حظك من السما

فرح:اه بس جوازة غصب یا مریم غصب

دلف سيف الى داخل المكتب ينظر حوله وجد نهى تجلس على مكتبها تابع عملها

سیف:السلام علیکم

نهى :وعليكم السلام ورحمة الله

وقفت تنظر اليه باعجاب:اهلا اهلا وسهلا اتفضل

سيف:لا متشکر اوى لو سمحتی باشمهندسة فرح موجودة

نهى بارتباك :مين .........اه فرح آه موجودة اقولها مين

سیف:قوليها سيف ........سیف حسین سلیم

نھی:حاضر ثانية واحدة

تركته ودخلت غرفة فرح وهو ينظر اليه بسخرية من رد فعلها

نهی:فرح الحقى

فرح:ايه في ايه

نهى:حتة واد بره ايه يخرب بيت كده على جوز عيون خضراء ايه يجنن

مریم:مين ده يا مجنونة

نهى :اسمه سيف......سیف حسین سلیم

شهقت فرح بغضب:مین

نهى:بقولك سيف حسين سليم

فرح:شوفتی یا مريم وجاي لحد لهنا

مریم:اهدی یا فرح بس ........نهى خليه يتفضل

خرجت نهى تاذن له بالدخول وابتعدت فرح قليلا تمسح وجهها من دموعها التي لم

تفارقها منذ ليلة امس

دخل سيف فوجد مريم امامه مبتسمة فقال في نفسه:بداية كويسة شكلها كويس

مریم:اتفضل يا استاذ سیف

سیف:متشکر اوى ياانسة فرح

مریم بارتباك :لا انا مش فرح انا زميلتها مريم

سيف:انا اسف اوى اومال فين هي

اشارت مریم خلفه:اهی ......فرح اهی

التف ليراها ومن ان راها حتى توقف به الزمن ظل ينظر اليها كانه دخل الى عالم احلامه

مرة اخرى ليرى فتاته الجميلة امام عينيه

فرح........انتی فرح

فرح:ايوه انا .

سيف:وانا سيف

فرح :اتفضل یا باشمهندس

تركتهم مريم وحدهم وكل منهم بداخله شئ مختلف تماما عن الآخر

فرح:تحب تشرب آیه یا باشمهندس

سيف:ياريت قهوة مظبوط

*****

طلبت فرح من نهى انا تاتى بالقهوة اليهم ظل ينظر اليها وهي تحاول ان تتحكم في

غضبها مما تعرف جيدا ما جاء به اليها

حضرت نهى بعد فترة صمت لتحضر القهوة وتضعها امامهما وتتركهم حتى بدات فرح

بالحديث وهي تفرك يدها بعصبية شديدة

من غير مقدمات کتیر یااستاذ سيف انا رافضة الوضع المفروض عليا وعليك ده .......بص

انا عارفة انك زى مفروض عليك الوضع ده........بس انت اکید راجل ومحدش يقدر

يغصك على حاجة فلم سمحت قولهم انك مش عاينز

انا عارفة انك زى مفروض عليك الوضع ده........بس انت اکید راجل ومحدش يقدر

يغصبك على حاجة فلو سمحت قولهم انك مش عايزني ....

اکملت بتنهيدة قوية :ارجوك انا بجد تعبانة اوى ومش قادرة اتخيل انی ممکن اتجوز

بالطريقة دى

ظل سيف صامتا ينظر اليها بتمعن :طيب وبعدين

فرح:ولا قبلين انت قلهم انك شوفتنى ومرتحتش معايا مش مناسبين لبعض تفكيرنا

مختلف اى حاجة .....اى حاجة المهم ان الجوازة دى متمش...........هااا قلت ايه

نظر اليها ببرود:قلت مش موافق

فرح:یعنی ایه

سیف:یعنی مش موافق على اقتراحك

فرح:طيب ايه عندك اقتراح تانى

سيف:ايوه طبعا

فرح:اوكيه هو ايه؟

سيف:انى اتجوزك

فرح:نعم انا بقول ايه وانت بتقول ايه جواز ايه انت هترضى تتجوز واحدة غصب عنها

مش عايزاك

رفع قدما فوق الاخرى بغرور:على فكرة انا الف بنت تتمنى اني اكلمها مش اتجوزها

فرح بعند:خلاص ياسيدي روح للالف دول واتجوزهم كلهم وحل عن دماغي

سیف:تو...تو انتی عجباني وهتجوزك

وقفت امامه غاضبة:ده بعينك ويحصل اللي يحصل انت فاكر نفسك ايه عاملي فلانتينو

ومقطع السمكة وديلها خلاص روح اتجوز واحدة تافهة من اللي بيجروا وراك وريحنى

وقف امامها بثقة:الصراحة ممكن اتجوز واحدة من دول بس انتى دخلتی دماغی

عجبتینی

فرح:وانت بقى مش دماغى ولا تعجبني .......اقولك على حاجة

.......انت مستفز

ضحك سيف بقوة :ما انا عارف

فرح بغیظ "انت ايه بقولك مش عيزاك خلى عندك كرامة وابعد عنى احسنلك

سیف:یعنی هتعملی آیه

فرح: ملكش دعوة انا هعمل ايه .....لو راجل بجد سيبك من حكاية الجواز دى

اقترب منها بغضب وجذب ذراعها فجاة:على فكرة انا راجل غصب عنك بس مش هعرفك

انا راجل ازاى غير لما تبقى في بيتي ساعتها هتعرفى انى راجل وراجل اوی کمان

ابتعدت عنه بغضب:انت ازاى تمسك ايدی کده انت مجنون

سیف:احترمی نفسك يا بت انتى

فرح:مین دی اللى بت احترم نفسك

سیف:اوکیه هحترم نفسی .....اعملى حسابك يوم الخميس هجيب اهلی وهنيجي نقرا

الفاتحة ونلبس الدبل والخميس اللي بعده فرحنا

فرح:انت ايه بتخطط وبترسم على اساس ايه فاكر ايه انى هخضعلك واقولك امين تبقى

بتحلم

سیف:لالا عیب کده مينفعش تكلمى خطيبك كده ثم ياانسة فرح لازم تعرفى ان جوازنا

هیتم برضاكى غصب عنك هيتم ولا انتي مستغنية عن اخوكى ما يمكن اقتله واخد بالتار

منه

فرح:انت بتهددنی؟

سیف:تقدری تقولی کده ویا بنت الناس احنا جوازنا اتفرض علينا احنا الاتنين یعنی

كلامك لا هيقدم ولا هياخر تعرفی انا كنت جای ناوی افرکش الجوازة دى واكبر دماغى

من اللي هيحصل بس بصراحة مكنتش اعرف انك حلوة اوى كده

فرح:الزم حدودك يااستاذ انت ومتفتكرش انك هتلوى دراعى بكلامك ده لا انسى

سیف:انسی آیه بس لازم تعرفى ان الحكاية منتهية خلاص يعني كل اللي بتعمليه ده في

الهوا ......ولا ليه لازمة

نظر الى ساعته :معلش بقى ورايا مشوار متنسيش يوم الخميس یعنی کمان یومین

هجیب اهلی وهجي عشان الخطوبة معلش هي سريعة بس الفرح بعدها باسبوع مش

كتير يعنى عن اذنك بقى سلام

التف ليغادر نادت عليه:وانت تقدر تتجوز واحدة بتحب واحد غيرك

توقف وتوقف عقله للحظات :يعني ايه

فرح:یعنی انا بحب واحد تانى ومتفقين على الجواز

سیف:مين ده

فرح:شئ میخصکش

سيف:لا يخصنى مين هو

فرح:"ملكش دعوة انت لسه مصمم انك تتجوزني برضه

احس انها تقول ذلك لتثنيه عن فكرة الزواج منها اقترب منها بعيون متفحصة لوجهها

:برضه هتجوزك يافرح مش هضحی باخواتى ولا بنفسي عشان حاجة هايفة زى دى

فرح:هايفة ازاى لما تتجوز واحدة بتحب غيرك تبقى حاجة هايفة

سيف: على فكرة انا مش مغرم بيك ولا انا معجب ودايب ولا الكلام الفارغ ده لا انا راجل

شایف اودامی ممکن ارواح تضيع له رفضت وانا بقى مش مستعد اضيع انا او حد من


سيف: على فكرة انا مش مغرم بيك ولا انا معجب ودايب ولا الكلام الفارغ ده لا انا راجل

شایف اودامی ممکن ارواح تضيع لو رفضت وانا بقى مش مستعد اضيع انا او حد من

اخواتي عشان حضرتك فهمتي ولا لسه

فرح:بس انا مش عايزة الجواز بالطريقة دى

سیف: مفيش حاجة اسمها عايزة او مش عايزة انا وانتى اتفرض علينا الجوازو وبرضاكي

او غصب عنك هيتم ولا اخوکی یهون علیکی

فرح:ده اسمه لوی دراع یا اتجوزك يااخويا يتقتل

وضع يده في جيبه :بالظبط كده انتى تقدری تقولى لا بس تتحملي عواقب رفضك ده عن

اذنك


لقراءة الفصل التالي اضغط هنا 👉

 

تابعنا على فيسبوك من هنا 👉

مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-