رواية زهرة أصلان كاملة جميع الفصول

 

رواية البنت بتاعت الحواديت كامله جميع الفصول للكاتبة ساره عاطف

الفصل الاول 



- فاضي يسطى 

* ايوة ي هندسة 

ركبت ورا كنت مستعجل وعربيتى يومها عطلت وكنت خايف ملحقش ال Meeting خصوصا ان تقديم ال Presentation عليا 

- بسرعة يسطى الله يخليك 

* هعمل اى يعنى هنط من فوق العربيات دى ؟!

- لا حول الله 

* بقول ايه يا هندسة مش عجبك انزل خد تاكسي تانى 

كنت ماسك نفسي بالعافية ، مافيش حل غير فريد .. لسه هرن عليه كان سابقنى 

- ايوة يافريد

^ ايه يعم انت فين مش عوايدك التاخير ده؟؟! 

- العربية عطلت 

^ وسابت كل الايام وعطلت ف اهم يوم !!؟

- اسمعنى هبعت ليك كل تفاصيل ال Presentation وظبط الدنيا مكانى 

^ انت بتقول اى دى فرصتك انت ال Meeting هيكون فيه اجانب وناس مهمة

- مش هتفرق كتير المهم انه يتقدم صح وبلغى المدير 

^ بس يا سيف 

- فريد مافيش وقت 

^ حاضر 

قفلت وفكيت الكرافتة و زراير القميص من الخنقة هى فعلا فرصة عمرى ، محدش من الشركة كان يحلم بيها وده اهم Meeting
هيتعمل ف تاريخ الشركة عموما 

ببص جنبي لقيت cvمسكته 
- يسطى فى ورق هنا 

* فيه فلوس ؟

- ده cv لبنت 

* يعنى مافيش فلوس ؟ 

- لا 

* ورينى كدا 
بص فيه 
الطريق فتح والزحمة بدأت تهدأ شوية 
فضل يقلب فيه ... وفى الاخر رامه من ازاز العربية 

- انت مجنون انت متخلف

* جرى اى ي هندسة حاجة مش بتاعتى هاخدها !

- وقف هنا ... وقف هنا .. لو فلوس بتاعتك ! لكن ورق ميخصش حد نرميه منرجعوش صح 

* والله انت مكبر الموضوع 

طلعت فلوس من جيبي ورميتها ليه ... ونزلت بسرعة ادور على الورق البنت دى ،ولقيته اخدت تاكسي تانى وبسرعة ع الشركة 

- صباح الخير يا فريد 

^ صباح الفل 

- انت برة ليه ؟ ال Meeting 

^ عطلتهم ظبط لابسك وادخل بسرعة قدم العرض بالتوفيق يا صاحبى 

- عملت اى؟

^ هحكيلك بعدين المهم يلا بسرعة 
انا وفريد فى ظهر بعض ، محدش فين اتأخر يوم عن التانى ويمكن من الحاجات إلى اختارتها صح هى وجود فريد فى حياتى او لا تقريبا هو الاختيار الوحيد اللي صح . 

قدمت والدنيا مشيت احسن مكنت مخطط ليها بكتير... الناس انبهرت بيا وبالافكار إلى اتقدمت 
كل التفاصيل اتكلمت فيها ال Meeting من اوله لااخره كان فى ايدى 

- عايز اعرف عملت اى؟ 

^ ولا اى حاجه ، روحت للمدير قولتله ازاى الناس هتدخل ع الاجتماع كدا ع طول 
المفروض نوريهم الشركة والمصانع بتاعتنا 
وفضلت اقنعه بيهم الموضوع مش عرض بس ولا مجرد أفكار لازم نوريهم شغلنا ع ارض الواقع عامل اى اقتنع بكلامى اوى . 

- حلو اوى ده 

^ اتعطلوا نص ساعه اول مدخلو على ال Meeting كنت انت قدامى اصلا 

- ي سلام ع افكارك يعم 

دخلت مكتبى بعد كلامى مع فريد وطلبت قهوة من توترى نسيت موضوع الcv ده بصيت عليه بتركيز وبفكر هوصلها ازاى لقيت رقم موب ليها .. رنيت مرة والتانية والتالتة واخيرا ردت عليا .

رابط البارت الثاني

تعديل المقال