.jpeg){kind=small}
رواية بئر كندراش الفصل التاسع 9 بقلم نورهان اسلام
بسم الله الرحمن الرحيم .. انت انس ولا جن!
كل اللى واقفين ضحكوا على كلمتها وبصوا للشخص اللى كان واقف
واحد منهم اتكلم بسؤال: حضرتك مين! وفين نجمة
اتكلم أسر وهو بيقول: انا أسر اخو نجمه
كلهم بصوا ل بعض بإستغراب .. رد واحد منهم تانى وقال: بس لمؤاخذه إحنا حضرنا العزاء بتاعك من حوالى ٣ اسابيع!!!
ابتسم أسر بحزن وهو بيقول: كانت مأمورية تبع الشغل للأسف وكان لازم يذيعوا خبر وفاتى
لاحظ إنهم واقفين لسه على الباب .. بعد شوية وهو بيعزم عليهم بالدخول .. قعدوا كلهم وكانت هنا صاحبة نجمة بتبصله بخوف وإستغراب فى نفس الوقت ..
واحد منهم خد باله من نظرات هنا فقال : معلش بس هى كانت قريبة من نجمة فى الشغل وتلاقي نجمة ورتها صورة ليك .. المهم فين نجمة ... كنا عايزين نسلم عليها .. بقالها كتير مجتش
ظهر على ملامحه الحزن وهو بيقول: لما رجعت كانت اختفت اهل القرية قالوا إنها غالباً نطت فى البير
بصوا ل بعض وهما بيرددوا: لا حول ولا قوة إلا بالله ..
_______________________
ادم كان قاعد فى الكوخ وجنبه ماندريانا وقاعد قصادهم نجمة بدأو يتكلموا عن سحر الخدمات بدأت ماندريانا كلامها وقالت: هنا السحر درجات .. لإن على حسب العقل تقدر تمتلك السحر .. سحر الخدمات خمس درجات.. سحر سكان الارض
كمل ادم الكلام وهو بيقول: وده السحر اللى سكان الارض بيستخدموه مع بعض .. وده عبارة إنك بتتعاملِ بنظام زى المقايضة فى الأرض عندنا .. مثلاً واحد بسحره يقدر يصنع كوخ سرير تقدرى تاخدى منه الحاجات ديه مقابل سحر هو ميقدرش يعمله .. بس انتى تقدرى زى مثلاً ماندريانا تقدر تعمل الثلج .. فى فصول السنة بتم عملية المقايضة بالنار والثلج .. انا بعرف اخلع جذور الاشجار واحتطب بيها واقدمها كسحر الخدمات وكمان اقدر ازرع الأرض ..
كملت ماندريانا وقالت: وصديق لينا اسمه كريم بيحرث الأرض مقابل بعض الثمار اللى من الأرض ....
نجمه كانت نظرتها غريبة ليهم نظرت ببلاهة وقالت: ايوا وامتلك السحر ازاى
ادم اتكلم: لازم تقدرى تعملى الشي بنفسك الاول من غير سحر ولما تحصلى عليه بدون تدخل حد السحر بيجيلك بنفسه .. علشان تعملى الشئ ده تانى .. لكن بسهوله
ماندريانا: السحر هنا هو اللى بيختار اللى هيملكه وحتى الملك ميقدرش يتحكم فيه
نجمه: ممكن حد يقدم السحر بدون مقابل
ماندريانا هزت رأسها وقالت: السحر دايماً بيتعمل ب مقابل لو المقابل مش موجود مش هتقدرى تكسبى سحر تانى
افتكرت نجمه الملك وهو بيعالج جر_ح قمر وبيصلح الأثاث اللى اتكسر ..
نجمه وهى بتفكر: طب واستخدام السحر بيترتب عليه ايه!!
ادم: لو عملتى السحر بمقابل فى نفس الوقت بيكون زى نظام المقايضة .. لكن لو ماخدتيش مقابل السحر بيبدأ يقل وممكن يتلاشى.. والشخص الثانى مش هيقدر يكسب سحر غير لما يقدم سحر علشان كدا لازم تبدأ بنفسك تكسب سحر الخدمات
_________________________
كانت نجمة واقفه عند سور قصر الملك وبتتكلم مع قمر .. قمر بدأت كلامها وقالت:هتقعدى مع ادم!!
هزت نجمه رأسها وهى بتقول: اه ..
قمر: رميان كل شوية يسأل عنك...
نجمة ردت بحب: حبيته رغم الفتره البسيطة اللى قعدتها معاه .. انا جاية علشان اقولك حاجه .. من ضمن الحاجات اللى عرفتها واللى اكيد تعرفيها إن اللى يقدم سحر بدون ما يأخذ مقابل بيضعف والطرف الثانى مش بيقدر يكسب سحر جديد .. حاولى تحافظي على سحرك .. علشان ممكن نحتاجه .. الملك بيحاول يخليكى متكسبيش سحر تانى .. الملك بيحاول يأذيكى ..
كانت نجمه فى طريقها ل كوخ ادم ولفت نظرها تانى " قصر ارواح كِندراش" نزلت عند القصر ده وهى بتقرب منه .. كان فيه لوحة معلقة ومكتوب ب "لغة اراسي" مكتوب فى نص اللوحة " قصر ارواح كندراش"
" فى هذا الوادى تتجمع ارواح بلا جسد .. فى ارض كِندراش لتكن عبرة لكل من حاول الأخذ من ماء الأرض"
" هنا حيث لا تلتقى الأجساد والأرواح معاً .. هُنا ارواح فقط واجسادهم فى ارضهم"
وهى بتقرأ الكلام استوعبت إن القصر ده فيه ارواح الأشخاص اللى شربوا ماية من البئر وفضلوا جسد بلا روح .. حاولت تفتح الباب لكن ظهرت رسالة مكتوب عليها: "لا يفتح الباب إلا لإستقبال روح جديده"
رجعت خطوة وهى بتبص على المكان نظرة اخيرة وبتطير ناحية كوخ ادم
_________________________
كان ماسك صورة ليها اخدها من على مكتبها ..... كانت صورة ليها مع أسر بص ليها وهو بيفتكر الكلام اللى زمايلها كانوا بيقولوه لبعض
شكلها مش هترجع تانى
= بيقولوا اللى بيوقع فى البير ده مش بيرجع خالص
_ فعلاً سمعت حوادث عن البير ده كتير .. محدش نزل فيه ورجع تانى ...
● ده فيه ناس بتقول عليه مقبرة جثث من كثر الأشخاص اللى راحوا هناك ومرجعوش
_ خلاص يا جماعه قفلوا على السيرة ديه وكملوا شغل .. ربنا يحفظنا منه ومن شره
الكل سكت وكمل شغله وهو كان مصدوم من كلامهم .... يعنى فعلاً هى مش هترجع تانى
بص على ضحكتها فى الصورة وهو بيبتسم بحزن
___________________________
رجعت الكوخ وكان عقلها شارد فى القصر .. قعدت جنب ادم وهى بتسأل ادم: محدش قبل كدا حاول يفتح قصر الأرواح!!!
هز أدم رأسه وقال: القصر مش بيفتح لجسد حد ... وبعدين القصر ده فيه ارواح كتيره جداً لا حصر لها .. محدش يقدر يتحكم فيها .. كل سنة بتيجى رسايل كتير كل امأنيها إن روح من الأرواح المحبوسة تتحرر .. لكن الإمبراطور بيرفض
بصتله وهى بتقول: ليه !!؟.. ليه بيرفض يحرر روح واحدة حتى!!!
ادم : محدش يعرف اسباب الملك .. لكن اللى يخليه يؤمر بقتل ابوه فى الساحة .. يخليه يعمل اى حاجه
نزلت نجمه رأسها تانى وهى حزينة على اختها اتكلمت بسخرية : ولسه
بتفكر تكون تحت حكم واحد طاغى وظالم حتى على أقرب الناس ليه!!
ادم: إحنا بنتعلم يا نجمة .. ومن ضمن اللى اتعلمناه إن إحنا مندخلش فى حديث مع الملك !!
قامت نجمه وهى بتمشي للمكان اللى هتنام فيه وقالت: علشان كدا فضلت هنا طول الفترة ديه ومخرجتش يا ادم؛ لإنك ببساطة محاولتش!
غمضت عينها وهى بتنام .. وهو فضل قاعد بيفكر فى كلامها
كان الملك والوزير بيتمشوا فى حديقة القصر اتكلم الملك بلغة اراسي وهو بيقول: دائماً ما تواجه الأرض كوارث نستطيع السيطرة عليها ، ولكن لا أعلم إذا كانت الكوارث القادمة سأكون قادراً على مواجهتها !
الوزير وهو بيحاول يطمن الملك لإنه مُخلص ليه: انظر من نافذتك الخاصة يا مولاى .. ستجد الأرض تنعم بسلام فى ظل حكمك ...
بص الملك وهو شايف الاضواء الخافته فى الأرض منورة دليل على إن سكان الأرض نايمين .. عمل بأيده سحر بينور فترة فى الأرض ك تحية من الملك لسكان الأرض
لا تتحدث بحماقة ولا تتكلم بشجاعه كن كما أنت حتى لا يظنك الآخرين أبله ، فى بعض الأحيان يكون الصمت هو الحل الأمثل !!
"مذاكرات الساحر كِندراش
قد يعجبك ايضا
