رواية زهرة أصلان كاملة جميع الفصول

رواية اميرة القصر المجهولة الفصل التاسع 9 بقلم اسماعيل موسي

 

 رواية اميرة القصر المجهولة الفصل التاسع

                           

حسيت جسمى كله مكسر، نمت كالعاده على الكرسى من غير ما أشعر وجسمى كان متلج

 قعدت ألوم فى نفسى فى يوم من الآيام النوم دا هيتسبب فى موتى داخل القصر ده

والكونت أدم مظهرش طول الليله؟ هو قال انه مش هيظهر لكن انا كنت متوقعه انه يعمل مفاجأه ويمسى عليه بفنجان قهوه مثلآ؟

ونقعد جنب بعض نبص للقمر ونراقب الغابه ونضحك مع بعض ويمكن يمسك ايدى وانا ابصله بعتاب وغضب فيسيب ادم ايدى بخجل وكسوف وا 

دارين اصحى يا ماما؟ وهمس صوت الضمير المستيقظ داخلى كأنه استكتر على شوية احلام!!

مطيت جسمى أكتر من مره ووجهى ينبعج مع كل حركه لما بتمطع قدام المرايه بحس نفسى اشكيف

_____سمعت صوت معدن سقط على الأرض، بصيت، شفتها، ياه انا كنت نسيت التميمه خالص؟ 

وطيت على الأرض اخدت التميمه ونزلت السلم وانا مخبيها ورا ضهرى

اجرى على غرفة ادم عشان اعمله مفاجأه

اسماعيل موسى

___الباب كان مفتوح وشفته نايم على السرير

انت يا كونت؟ قربت منه وضربته فى كتفه، اصحى ياباشا انت نايم لغاية دلوقتى وسايبنى صاحيه الليل كله احرس القصر؟

نص جسمه كان عريان زى العاده وكانت كل الجروح أختفت منه

المدهش ان فيه تميمه كانت متدليه من عنقه 

الكونت فتح عنيه بكسل، اول ما شافنى ضحك، ابتسامه زى ريحة الورد البلدى

دارين؟ قال الكونت وعنيه مبرقه كأنه اول مره يشوفنى او ينطق أسمى!

ايه يا كونت هو احنا هنتعرف من جديد؟ ولا انت بتحاول تدارى عن عملتك؟

رفع الكونت نص جسمه وبانت عضلات صدره وذراعيه الرهيبه وظل يحدق بعينى

عينان متسعتان حتى رأيت نفسى بينهم كأنى وردة وسط الخضره

وكان فيه شيء غريب فى نظراته اول مره الاحظه نظراته المواربه التى تتفحص جسدى

حسيت نفسى رهينة عنيه وحاولت اخرج من التنويم المغناطيسى إلى حصلى

نهضت فى مكانى وقلت على فكره انا مش ممكن اصفح عن الموقف بتاع امبارح من غير عقاب

وقال الكونت بضحك عايزه ايه؟

قلت تحضرلى الفطار وتعملى قهوه وتلحقنى على الجنينه عايزه افطر أمام البحيره

الكونت معترضش، مقلش دا خطر وأبواب القصر لازم تظل مغلقه والكلام دا كله

قال يلا، خدى معاكى كرسين وانا جاى وراكى

معقوله هفطر خارج القصر فى الطبيعه الجميله قدام البحيره والاكل من ايد ادم كمان؟

سحبت كرسين ومنضده وقربتهم من البحيره مفيش دقايق

والكونت جاب الفطار على صنيه جنبه القهوه والفناجين

قلتله انت سريع جدا على فكره يا كونت، ورد الكونت دى اقل حاجه عندى

وخيل لى ان سمعت ضحكه داخل الغابه قريبه مننا

الكونت تحرك من مكانه مشي لحد ما قرب من حيز أشجار الغابه وقف لحظه ورجع تانى بعدها مسمعتش غير صوت العصافير

واكلنا فطارنا واحنا بنتفرج على الاوز والبط والطيور إلى بتسبح فى البحيره

باكو كان بعيد عنى ورغم انى طلبت منه اكتر من مره يقرب كان بيرفض ويختفى داخل القصر

قلتله حلوه التميمه دى يا كونت انا كنت فاكراك ضيعتها وقبل ما اكمل كلامى 

الكونت قال وهو بيمشي ايده على التميمه لقيتها متخفيش

فجأه وقف ادم ونزع قميصه وجرى قفز داخل مياه البحيره، فزعت الأوزات والبطات وقعد يسبح بسعاده

وانا بسأل نفسى ايه الى غير حاله كده فجأه؟ لسه امبارح كان مكتأب وعنده يأس وحزن فجأه اتغير كده؟

دارين تحبى نرقص؟

اشكرك سيد ادم انا مش من هواة الرقص وبحب ارقص فى اوقات معينه

يعنى الشمس والخضره والبحيره كل دا مش مناسب بالنسبه ليكى؟

ولا انتى مش بتعرفى ترقصى؟

وسمعت نفس الضحكه مره تانيه زى ما يكون حد بيراقبنا من بعيد

الكونت حبط الميه يايده وزعق كأنه بيكلم نفسه وبعدين بقا؟

حسيت انه بيسخر منى وقلت اوك موافقه

 فالس؟ تانجو؟ سالسا، تشاتشا رومبا، فلامنكو، كونترا

اخترت اخيرا فلامنكو، الموسيقى اشتغلت ورقصنا واختار ادم رقصة الرومبا على اغنية con calma

وحسيت انه إختيار لئيم من الكونت وسرعان ما تحققت ظنونى

لاحظت الكونت بيحاول يلمسنى او يحضنى بجرأه غريبه اكتر من الازم

وبسرعه اتصرفت خلطت الرومبا مع ال اباكوا وال يوكا وال دا كلف كوروس عشان ابعد احتكاكنا

ونهيت الرقصه بسرعه متحججه بالتعب قلت انا لازم استريح انت 

كنت نايم الليله بطولها وانا كنت سهرانه

بس انا نفذت عقوبتى يا دارين المفروض كده خالصين، قلت بضحك خالصين يا كونت انا كنت بهزر

اسماعيل موسى 

وكلما سمع ادم كلمة كونت أبتسم بلا سبب

دخلت غرفتى خدت شاور واترميت على السرير، سحبت البطانيه فوقى ومن غير ما اعرف ليه حطيت التمميه بين ايديه وافتكرت الشاب إلى قابلنى فى الغابه نفس شكل ادم بالضبط معقول فيه كده؟

وحسيت بالطمأننيه والتيميه بين ايديا ونمت.

فتحت عنيه وقت العصر وكان فيه باقة ورد كبيره جنبى سريرى

ورد احمر وبيبى فلور منظره يهبل وفيه تذكرة فى البوكيه من ادم

شكرا على الرقصه الجميله يا أميرة القصر المجهوله

وفيه ملاحظه انا اضطريت ارحل خلى بالك من نفسك

وحسيت بغيظ جوايه

 ليه ادم يمشى بالسرعه دى؟ 

قمت بكسل وانا مخنوقه عملت فنجان قهوه فى المطبخ ولقيت باب القصر مقفول من جوه

شيء فضولى واحساس غامض خلانى الف على كل أبواب القصر

وكانت كلها مغلقه من الداخل

طيب هو ادم خرج ازاى؟

_____________

كنت متكتف من ايديه ورجليه فى سقف الغرفه، صرخت كتير انى مقتلتش النمورين لكن رعد مكنش محتاج سبب عشان يعاقبنى

انا من زمان عدوه الأكبر وسمعت صوت زعيق بره الزنزانه والباب انفتح

دمارا؟

اخر حد كنت أتوقع اشوفه هنا

دمارا قربت منى، وقالت بنبره كلها شماته ازيك يا كونت ادم؟

حاولت مبينش ضعفى وقلت كويس

دمارا اخر شخص احب ان يشوفنى ضعيف

وكان شعرها القصير اصفر بلون حبات القمح فى شمس الشتاء

انت هتنال العقاب إلى تستحقه يا آدم مرتين وانا مش بسامح فى حقى

كنت فاكر انك ممكن تنجو بفعلتك؟

تسيبنى انا اميرة الذئاب وتختار بنت ضعيفه مشكوك فى أصلها؟

ضحكت دمارا بشريريه يمكن الفرصه لسه قدامك يا آدم

اعترف قدام كل العشيره انك أخطأت وانك بتحبنى انا وانا ممكن اقبل واساعدك؟

لو كنتى اخر واحده على الأرض يا دمارا مستحيل ارتبط بيكى

وارتفع الغضب فى اوردة دمارا وسحبت سوط طويل

ولفت من ورا ظهرى

الظاهر انك لازم تتأدب وجلدتنى دمارا بالسوط حتى مزقت جلد ظهرى

المجلس هيحكم عليك بالموت او النفى

وانا إلى هقتلك بنفسى

سال الدم من جسمى لحد ما لطخ الأرض تحت رجليه وسط وجعى وآلمى دخل رعد سيد الذئاب رحب بدارا وقبلها

قال بضحك ايه رأيك بالهديد دى يا دمارا؟

دمارا قالت تسلم ايدك يا رعد، انا عايزاه يفضل تحت ايدى فى قصرى اعذبه كل يوم

رعد قال المجلس هو الى هيقرر وانت عارفه ان والدك كبير المجلس؟

وانا معنديش مانع

بص رعد على الدم إلى نزفته انتى قلبك قاسى اوى يا دمارا

وقرب منى رعد

لحد ما سمعت أنفاسه النجسه، انا كنت معاها يا آدم مع دارين

البنت جميله جدا وبريئه تستحق انها تكون واحده من نساء سيد الذئاب

وطعم شفايفها يحنن

وحسيت بغضب ضخم، صرخت وضربت وركلت ورعد بيضحك

أتت كداب، كداب 

قالت دمارا هو انت قلتله ايه يا رعد عصبه للدرجه دى؟

مفيش يا دمارا يلا بينا نخرج نستعد للمجلس

وصرخت وراهم دارين مش هتسمح ليك تحتل القصر انا واثق يا رعد

هتفضل مشرد فى الغابه زى اي حيوان

كنت بتكلم بثقه رعد ميقدرش يفرض سيطرته على القصر الا لو تمكن بأحتلاله بصورته الذئبيه

والقصر محرم عليه انه يدخله طبقآ لقوانين الذئاب واى تدنيس للقوانين دى هيعرضه للعقاب

عشان كده كنت متأكد ان رعد كداب وانه مدخلش القصر

مكنتش اعرف ان رعد وغد كبير وخاين ولا يحترم اى قانون

_______________

القصر مسؤليتى وحتى لو ادم موجعش لازم ادافع عنه رفعت صندوق ذخيره فوق كتفى وأعدت حشو الرشاش بالرصاص والبندقيه

واخدت قنابل صوت وضوء معايا تحسبا لأى ظروف

الوقت كان لسه بدري، نزلت من القصر بفكر فى موضوع السياج إلى أتفقنا عليه انا وادم

وافتكرت ان فى دفتر التليفونات كان فيه رقم مورد وقلت طالما كل حاجه مدفوعه ليه ما اطلبش السياج واركبه؟

وفعلا اتصلت بالمورد وطلبت سياج وعمال يثبتوة المورد وعدنى بكره كل حاجه هتبقى عندى

حلو اوووى عملت عجة بيض واكلت انا وباكو وطلعت على سطح القصر استعد والتميمه فى جيب بنطالى كل شويه اسمع صوتها

خرجتها كانت تميمه شكلها عجيب وافتكرت كلام ادم

التماميم كلها متشابهه لكن داخلها فى حاجات مختلفه

ومعاها افتكرت الشاب إلى ادانى التميمه

دماغى هينفجر، الشاب دا مين؟

وازاى ادم لقى التميمه بتاعته رغم انه طلب منى ابحث عنها ووجدها فين؟

الليل نزل بسرعه وبدأت اسمع كويس اى حركه او صوت

وهناك بعيد شفتها، نفس البنت إلى كانت مع القطيع، شعرها الأصفر

وقوامها القوى الجميل

كانت واقفه بعيد وعماله تبص على القصر

دى عايزه ايه كمان؟

ولو خبطت على القصر هفتحلها ولا اعمل ايه؟

ادم كان بيكرها اعتقد لو وصلت هنا هعمل نفسى مش، واخده بالى

استخبيت ورا سور السطح شويه وباكو واقف على الجدار

بيبص عليها

وفجأه البنت تحولت لذئبه وشفتها بعنيه!

ياليله مش باينه دى طلعت منهم؟

وفضلت واقفه فى مكانها بتبص على باب القصر ومشيت خطوتين لقدام

بعد كده سمعت صوت انا كمان سمعته، خليط بين عواء وحاجه تانيه

وبكل رعب الدنيا هربت، ركضت مزعوره وهى بتصرخ

رابط البارت العاشر

             

تعديل المقال