.jpeg){kind=small}
رواية بئر كندراش الفصل الرابع 4 بقلم نورهان اسلام
نجمه بصتله بصدمه وقالت: انت لسه شاكك انى قمر !!
ادم: عيزانى اعمل ايه وانا حياتى واقفه عليكى .. لان لو طلع شكى صحيح ..راسي هتتقطع
نجمه : صدقنى مش هكدب عليك . انا نجمه مش قمر. هى شبهى لانى اختها مش اكتر
اتنهد. وبصلها وبعدين بص للخشبه اللى فى ايده وهو بيقول: طلعتيلى منين بس انتى
ساعه كامله من الصمت المتواصل بينهم هما الاتنين. قطعه خبط الباب
بصوا لبعض للحظات وبعدين قال: مين على الباب ؟
ردت ماندريانا وهى بتقول: انا يا ادم ماندريانا
اتنهد بعمق وهو بيفتح الباب وبيدخلها وقال: عملتى ايه؟؟
ماندريانا بصت لنجمه اللى قاعده على الارض وقالت: هعمل ايه يعنى.. اشتريت اكل وقولت اشارك معاكم .. بما انها لسه جايه ومتعرفش الاكل بتاعنا
قعدوا ياكلوا وسط استغراب نجمه الشديد من الاكل الغريب اللى بياكلوه ... واللى طعمه اغرب .. اكلات هي عمرها ما سمعت عنها او اكلتها قبل كدا
ادم ناولها حاجه من الاكل وهو بيقولها: دوقى كدا ده!!
بصتله وهى على وشها علامات القرف من الاكل وداقت طعمها. وبعدين بصتله وعينها مبرقه وقالت: انت اكلتنى ايه ؟؟
كمل اكل منه وهو بيقول: ده "دومادوا"
فضلت مبرقه وهى بتقول :يعنى ايه؟؟
ردت ماندريانا وهى بتاكل وقالت: ده ثعبان من غير لحم.. الجلد بتاعه .. ومحشي انواع سمك كتير اوى ..
نجمه سمعت الكلام ده وقامت رجعت كل الاكل اللى كلته
ماندريانا: انت كدا تتاكد انها نجمه فعلا مش قمر
ادم: قمر متعودة على الاكل ده .. قبل ما الامبراطور يشوفها
ماندريانا:فكرت فى اللى قولتلك عليه يا ادم
ادم ساب الاكل وبصلها نظرة طويلة وبعد كدا قام وساب الاكل
قامت وراه وهى بتقول: ديه فرصه مش هتتعوض يا ادم .. صدقنى .. احنا هيبقى معانا قدرة نشترى خدمات كتير اوى
ادم بصلها وقال:علشان كدا جبتيها هنا
ماندريانا بصتله وقالت: فى الاول مكنتش الفكره ديه فى دماغى. بس ليه لا !!
دخلت نجمه وهى تعبانه وبتقول: انت اكلتونى ايه .. ايه الاكل المقرف ده
ادم بصلها وقال: بكرا تتعودى يا نجمه
نجمه بصتله وركزت انه قال نجمه مش قمر بس سكتت وقالت: الاكل ده غريب .. انا عمرى ما اكلت اكل مقرف كدا
ماندريانا: ديه اغلى الاطباق هنا
نجمه: ازاى بتدفعوا فلوس علشان تاكلوا القرف ده
ماندريانا بصتله باستغراب وقالت: فلوس ايه؟؟
نجمه: اومال اشتريتى الاكل ده ازاى
ماندريانا: لما تقعدى معانا هتفهمى كويس احنا بنتعامل ازاى .. عندنا البيع والشراء عباره عن خدمات زى ما بتقولوها بالعربى ..
نجمه: اممم .. هتعلم كل ده امتى
ادم:قولتلك لما تثبتى نفسك فى ارض كندراش .. اى حى بيجى الارض لازم يروح للوزير ويثبت نفسه انه من ضمن اهل الارض
ردت ماندريانا وقالت: بس هى اثبتت نفسها فعلا يا ادم
ادم : ازاى ؟؟ ديه لسه جايه النهارده
ماندريانا: انت نسيت انها شبه قمر .. يعنى ممكن لو دخلت القصر مكان قمر هتكون ثابته نفسها فعلا .. ده غير ان الوزير لو شافها. هيقول انها قمر مش نجمه ومش هيصدقها
ادم بفهم: طب والحل
ماندريانا: نجمه تدخل تشوف قمر من غير ما الامبراطور ياخد باله ولو حد شافها فى القصر مش هيشك انها قمر اصلا
ادم:وهتدخل ازاى؟؟
ماندريانا: ما هو ده الحل اللى لازم نفكر فيه .. بس لازم فى الاول تتعلم لغة اراسي علشان تعرف تتكلم قدام الإمبراطور
نجمه وعيونها بتدمع من الفرحه: يعنى انا هشوف قمر وبابا
ادم: استنى لما نشوف هتدخلى ازاى الاول
نجمه بثقه: انا مستعده اعمل اى حاجه علشان ادخل القصر ..
______________________
لغة اراسي كانت شبه اللغه العربيه .. لانها كانت بتبدا ب "كند" وتنتهى ب "راش"
نجمه. اتعملتها بسهوله ... وادم اشترلها لبس غالى علشان تقدر تدخل بيه القصر من غير ما الحراس يشكو فيها
ادم:جاهزه
نجمه: ان شاء الله
ادم: لو حبيتى تقولى "جلالة الملك" هتقوليها ازاى
نجمه: كندجلالةراش كندالملك راش
ادم: اهم حاجه متتوتريش وانتى بتتكلمى مع الإمبراطور .. وعلشان تتواصلى معايا .. هيكون عن طريق الدماغ
نجمه باستغراب: ازاى !!
ادم: فكرى فيا .. ورددى اسمى ٣مرات. و هتلاقينى معاكى
نجمه بصتله وابتسمت وهى بتقول: انا مش عارفه اقولك ايه يا ادم
ادم بصلها وقال: كند بالتوفيق راش نجمه
نجمه خرجت من الكوخ فنادى عليها ادم وهوبيقول: نجمه
لفت بسرعه وهى بتقول : نعم
قال: الإمبراطور اسمه "راناش"
ابتسمت وهى بتطير ناحية القصر ...
اتنفس ادم بارتياح وخرج من الكوخ
فضل ماشي فى الارض مش عارف يعمل ايه ..
هو عمل اللى عليه علشان نجمه توصل لاختها وابوها ... بس مش مرتاح لافكار ماندريانا وهو ماشي قابل صديقه كريم من اهل الارض: بصله وابتسم وهو بيقول: كندازيك راش
كريم: كند بخير راش
فضلوا يتكلموا ربع ساعه
فى مكان تانى
نجمه طايره وشايفه ناس زيها طايرين فى السماء .. بتحاول تدارى وشها زى ما ادم قالها ... بتتفرج على المناظر الجميلة الموجوده فى الارض
شافت قصر صغير مكتوب عليه "قصر ارواح كندراش "
فضولها اخدها انها تدخله لكن كل ما تفتكر انها هتشوف اخيرا اختها وابوها .. كل فضولها بيروح اتجاه القصر
--------------
عند ادم .. كان بيتكلم مع كريم فشاف ماندريانا بتجرى عليه وهى بتقوله: ادم. نجمه كند مش راش كند هتدخل راش كندالقصرراش
ادم باستغراب من كلامها: كند ليه راش؟؟
ماندريانا اتكلمت عربى وهى بتقول بسرعه: مش على ايدها ختم الامبرطور يا ادم هتعلق فى الساتر السحرى
نجمه واقفه قدام القصر وهى طايره فى المكان وبتستعد علشان تدخل القصر .... بصت بفرحة للمكان ولأنها اخيراً هتشوف اختها و والدها .... .. استعدت وهى بتبتسم وبتدخل القصر.. لكن لقت ان فيه حديد حاوط ايدها ورجلها ....
كان ادم بيطير مع ماندريانا وبيقولها: ازاى مفكرتنيش بالموضوع ده .. الإمبراطور لو شافها وسالها عن اللى ساعدها وقالت هنتقتل
ماندريانا: مجاش فى بالى موضوع الساتر السحرى.. اهم حاجه نلحقها .. اسرع شويه
وصلوا عندها فى الوقت اللى دخلت فيه فى الساتر السحرى .. كانوا بيحاولوا يفكوها لكن معرفوش .. ماندريانا حاولت تستخدم السحر بتاعها لكن اساور كندراش غير قابله انها تتسحر ....
لحد ما سمعوا صوت الإمبراطور والوزير بتاعه .. استخبوا فى مكان قريب من القصر وهى فضلت مكانها مش عارفه تتحرك
_____________
الوزير والملك كانوا بيتناقشوا فى أمور الارض .. الملك عمل حركه بأيده وديه معناها ان الوزير يوقف عن الكلام ...
سكت الوزير والملك فضل ماشي والوزير ماشي وراه لحد ما وصل لسور القصر اللى دخلت منه نجمه ....
.jpeg "مدونة الرسم بالكلمات")