روايه احببتُ دكتور جامعى✨
بقلمى اميرة_محمد💟
فى اشعة الشمس المشرقه بلونها الذهبى تفتح ايثار عيونها لتهبط من السرير فى تكاسل لكى تذهب الى الجامعه
خلينا نتعرف على البطله/
ايثار فتاه تعيش فى الدقهليه تبلغ من العمر 22عام هى الان فى 4كليه هندسة قسم معمار*مهندسه معماريه*
ايثار فتاه رقيقه جدا وهادئه وواثقه فى نفسها ذات بشره بيضاء وعيون عسلى وشعر بنى وملامحها جميله جدا متوسطة الطول وهى محجبه وهى من اسره غنيه جدا
تعيش مع جدتها واخوها بعد وفاة والديها فى حادث سيارة
قامت ايثار من سريرها وذهبت الى الحمام واخدت شاور وصلت وغيرت ملابسها لتذهب الى الكليه لبست بنطلون جينز ابيض وبلوزه بيضاء تحتوى على دوائر سوداء وطرحه باللون الاسود
نزلت ايثار على السلم وهى تبتسم وتقول لجدتها صباح الخير على الحلوين وباست يد وراس جدتها
الجده/صباح النور والجمال على حبيبة قلبى
ايثار/باى بقا يا تيته مش هفطر معاكى انهارده عشان انا اتاخرت على الجامعه
الجده/ يعنى كل يوم يا ايثار تفطرى برا البيت الاكل الى برا ده مضر يا قلبى
ايثار/انا بفطر فى مطعم الجامعه والاكل فيه مش مضر وبااااى بقا عشان اتاخرت
فى الجامعه
ايثار دقت باب المدرج وفتحته
ايثار/ ممكن ادخل يا دكتور
الدكتور اسر /ادخلى يا استاذه ومش كل مره تتاخرى الجامعه مش ملك ساعتك
ايثار/بس انا مش متاخره يا دكتور المحاضره الساعة 9 والساعه دلوقتى 9 بالضبط
الدكتور اسر/انتى تدخلى قبلى مش انا ادخل قبلك وادخلى بقا وبلاش تعطيل المحاضره بسببك اكتر من كده
دخلت ايثار وهى تمنع نفسها من البكاء وجلست بجانب صديقتها ريم واخذت تمنع نفسها من البكاء وكادت ان تختنق وانشغلت عن المحاضره ولم تركز
الدكتور اسر/ انتى قومى اقفى
ايثار/انا
الدكتور اسر/ ايوه انتى ممكن تقولى انا كنت بقول ايه
ايثار/ها
ا الدكتور اسر /ها هو ايه الى ها هو انا بشرح لنفسى هنا
ايثار وهى تمنع دموعها /انا اسفه يا دكتور
الدكتور اسر/ اتفضلى اقعدى وركزى معايا هنا انا مش بشرح لنفسى
بعد المحاضره
ايثار جلست وهى تبكى
ريم/خلاص بقا يا قلبى هو الدكتور ده كدا معاملته وحشه للكل تحسى انه معقد نفسيا اصلا وبعدين اشمعنا انتى الى بتهتمى بكلامه
ايثار وهى تنهى الحديث تعالى بقا نروح نشوف انجى راحت راحت فين
ريم/مش كل مره تتهربى من الحديث وقوليلى انتى بتهتمى بكلامه ليه الكل بيطنش
ايثار/وهى مخنوقه عاوزه تعرفى ايه يا ريم عاوزانى اقولك انى بحبه من اول مره شوفته فيها وانا اعجبت بيه واتمنيت انه يحبينى ويحس فينى زى مانا بحبه
ريم/ معلشى يا ايثار انا هقولك على حاجه متوهميش نفسك كتير وتبنى احلام اسر ده مستحيل يحب تحسى انه واحد معقد ومعدتيش تفكرى فيه يا قلبى وانسيه انتى واحده مليون واحد يتمناكى ونص شباب الجامعه بيموتوا على كلمه واحده منك
ايثار/هم مش بيحبونى انا الكل بيحب فلوسى بس
ريم/ليه وانتى وحشه عشان كده مفكره انهم عاوزين فلوسك لو وحشه كنا هنقول كده انما انتى جمال واخلاق وهدوء اى واحد يتمناه
ايثار/خلاص بقا اقفلى الموضوع ده انا معدتيش قادره اتكلم ويلا نمشى -
وصف اسر /شاب يبلغ من العمر26 عام وسيم ذا شعر اسود وعيون سوداء طويل ذا جسم رياضى كان الاول على الجامعه وتعين دكتور فى الجامعه بعد ان تخرج اسر شخص معقد من جهة البنات بسبب بنت خدعته وحسسته انه شخص عبيط حبها وطلبها للخطوبه من اهلهاوهم لسه فى الكليه بس اكتشف انها مش بتحبه بس بتحب صديقه وهى وافقت بس على الخطوبه عشان تتقرب من صاحبه ادهم بحجة انها راحه تقف معاه كل لما اتلاقيه واقف مع ادهم تروحله وتقعد تفتح مواضيع مع ادهم
وقف اسر فى غرفته وهو يتذكر اخر حديث دار بينهم
فلاش بااااك
اسر /نيره مش ملاحظه انه تصرفاتك متغيره معايا بقالك مده
نيره/عاوزنى اعمل ايه يعنى يا اسر انا مش بحبك انا بحب ادهم صاحبك الى بيحاول يبعدنى عنه بحجة انك صديقه وميقدرش يخدعك صارحته بحبى ليه بس بس هو قالى انتى واحدة قليلة الادب وانا مستحيل احب خطيبة صاحبى الى زى اخويا بسببك انت يا اسر ممكن لو مكنتش صاحب ادهم وهو بيحبك كان اتغير الوضع ممكن كان يحبنى
اسر رمى الدبله تحت انظار نيره وقال ولا انا يشرفنى انه واحده زيك تكون خطيبتى فمنذ هذا اليوم وهو يظن انه ل لو احب فتاه ستخدعه بس وجهة نظره مش مظبوطه خالص مش كل البنات زى بعض
باااااك
وقف اسر فى مكان يجتمع فيه مع اصدقائه وهو يتذكر تلك الاحداث وكرهه لنيره ولكن قطع حبل اذكاره صديق ادهم وهو يربط على كتفه ويقول
ادهم/مش ناوى تنسى بقا يا صاحبى القصه دى من 4 سنين ونيره خلاص اتجوزت و
قطعه اسر وهو يقول بغضب/انت مفكرنى بحبها لسه يا ادهم بالعكس انا مش بكره ولا هكره حد قدها انا اسر الى
كل البنات نفسهم نظره واحده منه تيجى واحده زى دى وتحسسنى انى اعمى عن الدنيا انا مش عارف انا ازاى
محستش بتصرفاتها واستغفالها ليه
ادهم/حاول تنسى يا اسر وفكر فى الجواز بقا عشلن تفرح مامتك الى نفسها تشوف ولادك
اسر/يا سلام يعنى انت بتقولى فكر فى الجواز واجوز على اساس انى اكبر منك اشمعنا انت كمان مش تفكر فى الجواز وتتجوز
ادهم/ انا براحتى اجوز وقت مانا عاوز عشان محدش بيقولى اجوز ولا حد بيقولى نفسى اشوفك عريس انما انت مامتك نفسها تفرح بيك وتشوف ولادك
اسروهو يضحك ان شاء الله اول بنت هعرفها هجوزها عشان خاطر امى بس لو كان عليا مش عاوز اجوز
فى فيلا ايثار
دخلت ايثار ووجدت جدتها تجلس وتشاهد التلفاز
ايثار/ازيك يا احلى ست فى الدنيا
الجده**عزيزه**/طول مانتى موجوده فى حياتى انتى واخوكى هبقا حلوه ربنا يحميكوا ليه
فى الوقت نفسه دخل اخو ايثار وهو يقول/السلام عليكم
الجده وايثار/وعليكم من السلام ورحمة الله وبركاته
الجده/جاى بدرى انهارده يا قلب ستك
ادهم/اه خلصت شغل بدرى فى الشركه وجيت ودار بينه هو وجدته حديث ولم تشارك ايثار فيه ولاحظ ادهم سهيانها
نسيت اعرفكو على ادهم
شاب وسيم يبلغ من العمر 26 عام ذا عيون عسليه وشعر اسود وجسم رياضى وطويل يمتلك ادهم الكثير من الشركات التى ورثها عن ابيه وجده وهو رجل اعمال ناجح كبر الشركات واصبح من اغنى رجال مصر وهو صديق اسر من ايام الجامعه*
ادهم وهو ينظر لايثار/ ايثار يا قلبلى مالك
ايثار/لا مفيش حاجه
ادهم /لا فى حاجه انتى شكلك زعلانه
ايثار/ صدقنى يا ادهم مافيش حاجه انا بس خايفه من الامتحانات هى بعد اسبوعين
ادهم /يا قلبى انتى خايفه من ايه انتى بسم الله ما شاء الله عليكى بتذاكرى محاضراتك اول باول وغير كده انتى بتطلعى دايما الاولى بتخافى ليه بقا
ايثار /احساس الخوف مش بعرف امنعه يا ادهم
ادهم/انا هخليكى ترتاحى انهارده وتنسى خوفك
ايثار/ازاى بقا
ادهم /عازمك انهارده على العشا وهخدك السوق كمان
ايثار وهى تحتضن ادهم وكادت ان تخنقه شكرا يا احلى اندومى فى الدنيا
ادهم وهو غاضب /انتى عاوزانى ارجع فى كلامى بقا
قد يعجبك ايضا
ايثار تتصنع الزعل/ليه حراااام عليك انا عملت ايييه
ادهم /ايه اندومى ده دلع بايخ زى صاحبته
ايثار/ انا بايخه يا ادهم وبعدين انت لازم تنبسط لما اقولك اندومى عشان انا بحب الاندومى جدا فمش اى حد كده
اناديه اندومى
ادهم/خلاص اسكتى بقا وقومى جهزى نفسك بداااال ما تاخرينا انا عارف انك بطولى فى لبسك بحس وانتى راحه الجامعه انك راحه تتجوزى مش راحه تتعلمى
ايثار وقد انحرجت /انا طالعه البس بقا
الساعه7 تنزل ايثار على السلم وكانت مرتديه فستان باللون الاسود وطرحه نبيتى وادهم مرتدى بنطلون وبلز باللون الاسود
ادهم/انا حاسس انى طالع اتعشى مع خطيبتى مش اختى ايه الحلاوه دى بقا
ايثار وهى محرجه/ ادهم خلى عندك دم بقا لازم كل مطلع معاك تقول نفس الكلام وبعدين مش ناوى تفرحنا بيك
ادهم وهو متقصد يحرجها/لما انتى تفرحينا بيكى الاول
ايثار/ميين الاكبر
ادهم/انا
ايثار/يبقا مين يتجوز الاول
ادهم وهو متقصد ازعاجها/انتى
ايثار/ خلاص بقا يا بشمهندس انت واحد مستفز اصلا
فى المطعم
ادهم/متفكريش يا ايثار انى صدقت انك خايفه وقلقانه من الامتحانات وانا ملاحظ عليكى من زمان انك مش طبيعيه على طول سهيانه فى حاجه شاغله دماغك يا ايثار
ايثاربتوتر/لا انا كويسه يا ادهم
ادهم/لا انتى مش كويسه فى حاجه اكيد شاغله دماغك وبعدين يا ايثار من امتى واحنا بنخبى على بعض حاجه لو فى حاجه يا قلبى اتكلمى ومتخافيش منى انا ممكن اساعدك
ايثار/ فى دى بذااات انت مش هتعرف تساعدنى
ادهم/لى بقا
ايثار/ انا هقولك بس وعد متضايقش منى
ادهم/وعد مش هضايق اتكلمى بقا
ايثار/ الصراحه انا بحب دكتور عندنا فى الجامعه هو لسه شباب كده بس هو ميعرفش انى بحبه وبالاضافه لكده مش بسلم كل يوم من اهانته ليه عشان بتاخر على المحاضره تحس انه معقد مع الكل
ادهم/واسمه ايه بقا تعيس الحظ الى اختى حبته ده
ايثار/ادهم انا بتكلم فى موضوع جد انت بتهزر
ادهم /طب اخلصىقولى اسمه ايه
ايثار/ اسمه اسر
ادهم وعلم انه اسر صديقه فاكمل كلامه/ميزك عن حد فى حاجه قبل كده
ايثار/ اه ميزنى عن زمايلى بس للاوحش
ادهم وهو يكتم فى الضحك/يعنى الراجل بيعاملك وحش وانتى بتحبيه حب ايه ده بقا من اى نوع ده
ايثار/ بس بقا يا ادهم ثم اكملت انت تعرف ناس كتير تعرفه بقا
ادهم/ عاوزه تعرفى اعرفه ولا معرفوش ليه
ايثار/ ههههههههههههههه عشان تضربة
ادهم/ على العموم انا اعرفه هو اعز اصدقائى وهو مش معقد مع الكل بس مع البنات الى بيحاولوا يلفتوا نظره بيعاملهم بطريقه وحشه ثم اضاف بتحاولى تلفتى نظره يا ايثار
ايثار اندفعت لا واللهى عمرى ما حسسته انى بحبه ثم قالت طب هو ليه طريقه كلامه كده
ادهم/ كل الحكايه وحكى لها عن الموضوع
ايثار/ هو لسه بيحبها يا ادهم
ادهم / لا طبعا دا بيكرهها جدا عشان استغفلته
ايثار/ انت حبيت قبل كده يا ادهم
ادهم وهو يتصنع الغرور/لا انا اتحب بس
ايثار/ ربنا يوعدك ببنت تحط منخيرك فى الارض عشان تبطل غرور انا مش عارفه انت مغرور على ايه
ادهم/ انا شاب وسيم وناجح فى حياتى و
ايثار قطعته/ خلاص متكملش اطلب لنا اكل بقا عشان انا جوعت
اتعشوا وذهبوا للسوق واشتروا ملابس كثيره وبعد ذلك ذهبوا للفيلا وناموا
فى الصباح
افاقت ايثار وجدت الساعه 8.30 انصدمت ايثار لانها كان لديها محاضره الساعه 9 وهى محاضره مهمه قامت من على السرير بسرعه وتوضات وصلت ولبست وودعت ادهم وجدتها بسرعه ولكنها عادت مره اخرى
ايثار/ادهم ممكن توصلنى عشان السواق واخد اجازه انهارده
ادهم / حاضر
امام الجامعه
ايثار/ انا اتاخرت قوى يا ادهم اكيد الدكتور اسر هيطردنى من المحاضره والمحاضره دى مهمه جدا
ادهم وهو ينظر لها من طرف عينه وقد فهم ماذا تريد ولكنه تظاهر بعدم الفهم وقال/والمعنى
ايثار وهى تترجاه/بلييز ممكن تنزل معايا وادخلنى اكيد هو صاحبك ومش هيرفض طالبك
ادهم /لا اعتمدى على نفسك واعتبريه درس عشان متتاخريش بعد كده وعمرك ماتاخدى حد واسطه ليكى فى حاجه انتى مش اقل من حد
ايثار /المره دى بس انت هتعمل الى انا هقولك عليه انت تروح تسلم عليه وتلبخه بالكلام شويه وانتوا بره المدرج انا بقا هستغل فترة عدم تواجده وادخل من غير ما هو يحس
ادهم /خلصتى كلام امشى بقا انا مش هاجى معاكى
ايثار وهى حزينه/شكرا على مساعدتك لاختك
فى المدرج
ايثار تدق الباب وتفتحه
ايثار /ممكن ادخل
الدكتور اسر /لا مش ممكن كل يوم بتتاخرى وبدخلك ومش هدخلك انهارده عشان بعد كده تحترمى مواعيد محاضراتك
ايثار وهى تكذب/اسفه يا دكتور انا طالعه من البيت بدرى بس الزحمه بقا
الدكتور اسر/ اسفك مش مقبول انتى اكيد عارفه انه كل يوم فى زحمه فكنتى تطلعى من البيت بدرى اكتر ولو سمحتى اقفلى الباب وراكى
ايثار انحرجت جد ا وعيطت
من طريقة كلام اسر لفت نفسها لتمشى ولكنها خبطت فى شخص ايوه هو ادهم اخوياااا
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يتبع.....
