صلي على نبي الرحمه 💜
بعد اسبوع
حسن كان قاعد بفكر في حاجه وحياه خرجت من الحمام وقعدت جنبه
'' مالك يا حسن ''
حسن: مروان ومراد عايزهم يتجوزوا مع سيف بس مش عارف ممكن لو ملك وعشق عرفوا بالموضوع يرفضوا
حياه أبتسمت بغموض: متشيلش هم انت انا هظبط الموضوع
حسن: ايه اللي في دماغك يا حياه
حياه قامت: كله خير ان شاء الله
حياه دخلت اوضه ملك من غير استأذن وملك اتخضت
'' فيه ايه الهكسوس هجموا تاني ولا ايه ''
حياه بضحك: اعقلي شويه يا ملك
ملك: يعنى انا خلفي اتقطع هنا وانتي تقولي اعقلي
حياه قعدت جنبها وقالت بمكر شديد اخفته ببراعة
'' اممم قوليلي يا روحي هو موران مرتبط ''
ملك باستغراب: لا ليه
حياه: كويس
ملك: فيه ايه يا ملاك
حياه ببراءه: أصله عندي عروسه ليه
ملك بغضب: نــعـــم ومين دي اللي هتطلع روحها أن شاء الله
حياه: لوجي بنت جرنال
ملك بغيره: لوجي بنت القرعه ملقيتش غيرها مثلا
حياه: وانتي مالك مضايقه ليه
ملك بدون وعي: علشان انا بزفت بحبه وهو ولا هنا
حياه وقفت: وطالما بتحبيها اوي كده ايه مقولتيش ليه
ملك بدموع: اقول ايه ولو طلع مش بيحبني أزيد الوجع عليا وخلاص
حياه مسكت وشها ما بين ايديها
'' الوجع خلاص راح يا ملك مش نفسك تعيشي مبسوطه زي باقي البنات مس نفسك يبقى عندك أسره وزوج يحبك ويعوضك عن كل الوحش في حياتك ''
ملك بوجع ودموع: ولو طلع مش بيحبني يا ماما
حياه بخبث: عندي الحل يا حبيبتي علشان تتاكدي
ملك: ايه هو؟!!
حياه: اسمعي.....
..........................................
قصر الزيان مروان نزل وكانت بيفكر كالعاده في ملك سمع صوتها فجأه افتكر انه بيتخيل لا بس هو ده صوت ضحكها جاي من الجنينه خرج بسرعه وشاف ملك قاعده مع جده وأمه
فريده: تعالى يا مروان
مروان وعيونه على ملك: في ايه؟؟!
محمد الزيان بابتسامه: ملك قالتلي انها عايزه تزور المصنع بتاعتنا هنا وبما إني جين مشغوله في تصاميم الفساتين هتروح انت
مروان: وانتي ليه عايزه تروحي هناك
ملك رفعت كتافها وقالت ببساطه
'' عمري ما روحت هناك بصراحه ولو إنت مش فاضي عادي اشوف عدنان يوديني هناك ''
مروان بانفعال: لا هوديكي انا يلا
مروان مشي قدامها وملك قامت وقالت
'' ادعيلي يا فري ''
فريده: اتمنى يا بنتي تطلعي عايشه
ملك: أعوذ بالله هو انا رايحه احارب
ملك مشيت وراء مروان وقال محمد
'' بصراحه اخاف على ملك منه مروان غيرته شديده ''
فريده: ربنا يستر يا بابا
..........................................
في عربيه مروان كان سايق العربيه وجنبه ملك وسكون رهيب موجود ما بينهم
مروان في سره: افتح معاها كلام دي مراتك يا اهبل
ملك في سرها: طب إيه طيب اول مره اتحط في الموقف ده
مروان: احم هو انتي قصدي يعني ايه ليه عايزه تروح هناك
ملك ابتسمت بمكر: عادي يعني أصله كان فيه واحد مز هناك و.....
مروان فرمل بسرعه والعربيه عملت صوت احتكاك عالي جدا
مروان بغيره شديده: قولتي ايه عيدي كده من الاول
ملك بلعت ريقها بخوف: قولت اني اني
مروان: ها قولتي ايه ولا القط اكل لسانك
ملك بعصبيه: لآ اقولك ايه هتطول لسانك هطول لساني انا لساني اطول منى
مروان بصلها فتره طويله وبعدها مسك دراعها وشدها لحضنه جامد
ملك بتوتر: فيه هو انت اتحولت ولا ايه
مروان همس بعشق: تتجوزيني يا ملك
ملك بغباء: ها
مروان بحزن مصطنع: بس خلاص وصلتني إجابتك
ملك باندفاع: لا استنى انا موافقه
ضحك مروان بشدة فكم عشقها بجنون وكان يكتم هذا كم كان يراها تتعب وكانت يريد ان يخبئها بعيدا عن الجميع كم اراد ان ياخذها في حضنه بقوه ويقول لها كم هو يعشقها منذ أن رأها اول مره وهي رضيع في حفل مولدها
..........................................
على الطريقة كانت عشق بتسوق عربيتها ووقفت قدام شركه كبيره جدا صاحبها يكون غول الاقتصاد.... مراد
عشق اخدت نفس عميق بعد محاضرة حياه ليها لما قفشتها بتتفرج على صور مراد على تليفونها
عشق وقفت قدام السكرتيره :احم ينفع ادخل لمراد
السكرتيره استغربت: اقوله مين يا فندم
عشق: عشق أحمد القناوي
السكرتيره اتفضلي اقعدي لحد ما العميله اللي جوا تخرج
اندفعت الغيره الي قلب عشق من كون شئ مؤنث مع مراد الآن
'' مين دي اللي جوا ''
السكرتيره بهدوء: انسه لوجي غراتزي
عشق وقفت: لوجي
ملحوظه......
لوجي دي بتكون بنت بنت خاله حياه والبنات وهما صغيرين كانوا بيكرهوها حدا لأنها شخصيه لزجه لا تطاق
عشق اندفعت لجوا وهي لا ترى إلا جثه لوجي أمامها
مراد كان بيقلب عيونه بملل من ثرثره لوجي غير مبالي بها فهو لم ولن يرى اي أنثى غير معشوقته عشق
اتفتح الباب بعنف ودخلت منه عشق
'' الله الله لوجي القرعه هنا ''
لوجي قامت بتوتر فهي لم تنسى فى الطفوله عندما قامت ملك وعشق وشمس بتقطيع شعرها لأنها اقتربت من أدهم
مراد بذهول: عشق بتعملي ايه هنا
عشق بغيره شديده: لا السؤال بتعمل ايه القرعه دي هنا
لوجي بغضب: انا مسمحلكيش تغلطي فيا
عشق شمرت ايديها: لا انا مش بس هغلط ده انا هفرمك
عشق نزلت ضرب في لوجي اللي كانت بتصوت ومراد بيحاول يبعد عشق عنها لاني عشق ضربها غبي وممكن لوجي تموت في ايدها
مراد شال عشق لما ملقاش فايده ولوجي طلعت تجري برعب
عشق :خد يا بت هنا انا لسه مخلصتش سيبني
مراد: اهمدي بقى في ايه
عشق بعدته عنها بعصبيه وعدم وعى لكلامها
'' في ايه فيه خيانه في انك متستحقش حبي ليك انتوا الرجاله كلكم كده صنف واطي تعرف انا هوافق على ابن عمي انا مكنتش مقتنعه بكلام جدي بس هو معاه حق ابن عمي أولى بيا من الغريب اللي هو انت ''
مراد فاق من صدمته باعترافها انها بتحبه عليه عشق وهي رايحه للباب
مراد قفل الباب وسند ضهر عشق عليه وحاصرها بين ايديه
عشق بغضب: ابعد عني يا مراد
مراد بغضب أكبر: سمعيني كده مين ده اللي هتتجوزيه انتي ملكي انا يا عشق بمزاجك غصب عنك ملكي
عشق: لا مش ملكك كنت مراتك انا ولا حاجه
مراد بعبث: أنتي فعلا مراتي
عشق: لا انت كداب
مراد: مش مضطر اكدب وبالنسبه لابن عمك ده متجيبيش سيرته تاني علشان مقتلوش لا هو ولا اي راجل تاني فاهمه
عشق اتصدمت اول مره تسمع نبره التملك دي من مراد فابتسم مراد ليها وقال بعشق :
بحبك لا عشق
..........................................
عدت الايام وفي قصر المسيري كان مصطفى قاعد على الأرض وساند ضهره على شجره في الجنينه اشتاق لتلك الجنية الصغيره صاحبه العيون الرماديه لم تغب عن عيونه كل تلك المده فاق على ايد سليم
'' ايه يا درش بتفكر في ايه ''
مصطفى: لا ولا حاجه
سليم: مش عليا يلاه انطق
مصطفي: هتفهمني
سليم: جربني كده
مصطفى: انا بحب آسيا بنت سيف
سليم بصدمه: نهار ابوك اسود
مصطفى: شوفت بقى انك مش هتفهمني
سليم: مش.... مش قصدي يعني بس دي لسه طفله يا مصطفى
مصطفى: وهي هتفضل طفله طول عمرها اكيد هتكبر
سليم: وحتي لو كبرت إنت عارف الفرق ما بينكم كام سنه
مصطفى بضيق: عارف 12 سنه
سليم: شوفت وكمان انت لسه حتى مكملتش الـ18 سنه لسه طريقة طويل أوي
مصطفى: انت شايف اني مستحقهاش
سليم طبطب على كتفه: لا انا مقولتش كده بس انت لازم تثبت نفسك علشان لو هي وافقت عمر ابدا سيف ما هيقف في وشها حتى مع فرق السن بس لازم تثبت نفسك يا بطل
مصطفى بابتسامه: اكيد يآ سليم علشان خاطرها هي هعمل اي حاجه
سليم: طب يلا علشان نروح الفندق ده انت درش يعني واحده من العصابه ده سيف هيتجنن يا عين
..........................................
في فندق الشيمي
وفي جناح البنات كانت رسيل خلصت لشمس الميكب ومش فاضل غير الفستان
رسيل: كده انا خلصت نطير نلبس بقى
شمس: لحظه هو الفستان بتاعي وبتوعكم من تصميم مين
جين: عيب عليكي بقى انا هنا وانتوا عايزين تصاميم برا انا طبعا
شغف: يا خوفي انا من البت دي
ليان: عيب لا تخافوا ولكن احذروا بس هو انتوا لسه ملقتوش مريم
شمس بحزن على ابن عمها: لا بس هنلقوها اكيد
الباب خبط ودخل مصطفى بمرح
'' مسا مسا على العصابه المزز ''
عشق ضربته على قفاه: يا ابني احترم طولك ده شويه
مصطفى: سكوووت علشان تعرفوا آخر الأخبار من جوازتكم
ملك: قول
مصطفى: احم احم بالصلاه على النبي كده زوج كل واحده فيكم هيفرقع تحت علشان انتوا بقالكم يومين معتكفين هنا وكمان تحذير هام منهم إياكم واحده تلبس فستان حلو او مكشوف مع اني بصراحه مش مطمن ليكم وبس كده
جين بخبث: لا شكلنا هنموت ده الفساتين انا ذات نفسي شايفاهم واو كده
ديانا: لا طلعي الفساتين كده علشان نشوفهم انا مش مطمنالك
جين طلعت الفساتين ومصطفى قعد يلطم
'' نهار ألوان دول هيحرقوكم وربنا ''
ملك: بس ياض انا اتحمست للموضوع اصلا هيا بنا نلبس
ليان: مش كنتوا تتجوزوا مع اختكم جاتكم الهم
ملك: لا يا ماما عقابا ليهم علشان يخبوا عننا اننا متجوزين
عشق بغرور: احنا مش اي حد نعدي الأخطاء ونسكت خليهم كام سنه كده لحد ما ربنا يأذن
شمس بضحك: وربنا احنا مجانين
الكل خرج وشمس راحت لعلبه الفستان وخرجته: وه ايه الفستان ده شكلك يا جين ناويه على موتنا احنا الكل ربنا يستر
شمس لبست الفستان ووقفت قدام المرايا بانبهار من شكلها
'' والله البت جين دي هايله اينعم هنروح كلنا في داهيه بس يلا يعني هو الواحد بيتجوز كل يوم ''
الباب خبط ودخلت حياه وحسن اللي كان ماسك علبه صغيره
حسن بحب: عمري ما تخيلت اني ممكن اعيش لليوم ده يا ضي عيوني
شمس: واديك عشتله يا ابو علي
حسن فتح العلبه وخرج منها تاج جميل جدا
شمس بصدمه: ده الماس بجد
حياه بضحك: اومال هزار ده يا ستي....
أدهم وياسين من وراها: هديتنا ليكي
شمس حضنتهم الاتنين وقالت بتأثر مضحك
" ربنا يخليني ليكم دايما"
ياسين: يخربيت الفصلان ايه يا بت ده
حسن لبسها التاج وقال
'' كده انتي ملكه اليوم يا قلب ابوكي ''
حياه: احم احم وسع كده يا اخ عايزه احضن بنتي قال قلب ابوكي قال
حياه حضنت بنتها وقالت بلغه غريبه
'' حبيبتي كبرتي وأصبحتِ عروس جميله كوني دائما سندا لزوجك وكوني انتي الحضن الحنون الذي يلجأ له دائما الرجل يا ابنتي يريد زوجته شرسه مع الجميع الا معه هو يريدها فتاه خجوله يريدها مثل القطه اللطيفه فهمتي مليكه''
شمس بابتسامة: فهمت يا امي
مراد: برغم اني مفهمتش اي حاجه بس يلا يا جدعان سيف قرب يولع تحت
ياسين: عقبالك يا غول
مراد بمكر: قريب جدا
أدهم: مش مطمن للنظره دي وخصوصا اني ده مراد
حسن مسك بنته: يلا يا اميرتي
شمس بضحك: يلا يا ابو علي
..........................................
تحت كان سيف واقف والشباب برضو
بدله سيف
فهد: تعرفوا انا حاسس اني هتحصل مصيبه من مصايبهم مش عارف ليه
عدي: حاسس بس انا متأكد و....
مروان: يا نهار مش معدي ايه ده
مالك: حد معاه ولاعه يا جدعان
رحيم بضحك: ليه هدخن
مالك بغيظ: لا هولع فيها
سليم: ايه ده بالظبط انا عايز افهم دي فكره مين
البنات شاورا على جين: فكره مراتك
مروان: طب انا راضي ذمتك دي فساتين
جين: مالها يعني مقفوله ولا مش مقفوله ولا ايه يا انس
أنس وهو ماسك ايد جين: حصل انتي مزه اصلا
جين: الله يكرم اصلك يا ابني
مصطفى: هي آسيا فين؟؟!
ملك: اهي على السلم أصرت تلبس فستان عروسه
آسيا نزلت بفرحه ومصطفى قال
'' الله يخربيت كده مين اللي اختار الفستان ده ليها ''
البنات بضحك: شمس
آسيا: بابا شوفت فستاني هبقي عروسه زي شمس
فستان آسيا
سيف بحنان: قمر يا آسيا
مصطفى بضيق: قمر يا اخويا اومال ايه
الأنوار خفتت في المكان تعلن عن قدوم العروس
دخلت شمس في ايد حسن وكانت فاتنه بمعنى الكلمه
حسن قرب من سيف المصدوم وقال
'' عارف لو زعلتها هفرمك يا سيف ''
سيف بخبث: لا مش هزعلها بس ممكن اعمل حاجه
حسن قبل ما يتكلم سيف كان شد شمس وباسها قدام الكل مبعدش غير لما سمع صوت تصفير الكل والصحافة كانت بتصور اما شمس اتكسفت اوي وخبت وشها من حضن سيف
حسن بغيره وغضب: انت فاكر انك كده بتغيظني طب مش هتتجوزها
حياه وقفت قدامه: حرام عليك يا حسن وبعدين انت عملت كده في فرحنا هو حلال ليك وحرام على غيرك
سيف: قوليله يا حماتي
سيف مسك شمس واتحرك بيها وأول ما وصلوا نص الاستيدج الإضاءة انطفت واشتغلت على الباب وسمعوا صوت ملك والبنات
'' تس تس اسمعوا كده ده فرح توأمي يعني مش اي حد ولا تدخل القاعه دخله عاديه ولاه يا درش أبدأ ''
الباب اتفتح ودخل منها رجاله الشله وهما ماسكين دفوف واشتغلت اغنيه الزين والزينه
🎶 اديي الزين وادي الزينه قالو الجنه ايه يا ياسمينه.... على ياسمينه نشوف اسامينا لو زفينا الزين على الزينه 🎶
البنات شدوا شمس من سيف وهو قبل ما يستوعب كان الشباب شدوه وبدأ الباقي يغني
🎶اديي الزين وادي الزينه قالو الجنه ايه يا ياسمينه.... على ياسمينه نشوف اسامينا لو زفينا الزين على الزينه🎶
مصطفى كان ماسك دف ومايك وبدأ يغني والباقين يردد وراه
🎶حلوه عروستي.... واخدها نقاوه.... عين حسادها.... زيدها حلاوه... سموا وصلوا... قولوا بهداوه... رشوا العتبه.... 🎶
البنات حاوطوا شمس وبدأوا يرقصوا وهي تضحك وترقص معاهم والشباب نفس الوضع
مصطفى🎶مع اني مملكش بعينه وقطيفه ولا تسوي حرير..... مع اني مملكش بعينه وقطيفه ولا تسوي حرير ولكني في العشق أمير والرزق على الله ويدينا 🎶
مصطفى بدأ يغني والكل بدأ يغني ويصقفوا بفرحه معاه
🎶اديي الزين وادي الزينه قالو الجنه ايه يا ياسمينه.... على ياسمينه نشوف اسامينا لو زفينا الزين على الزينه🎶
مصطفى 🎶انا رسنالي... عروستي حلالي... هي عافيتي.... وراحت بالي... لولي في عيونها... ضي هلالي... قوموا غنولها... زفوا الغالي.... وإنا يا أبا خدت الغندوره يا حبابه احلى من الصوره فوانسها بتضوي على الصوره واحرسها من العين يا نبينا 🎶
البنات شدوا شمس وحطوها قدام سيف ولف الكل حاوليهم وهما بيغنوا
🎶اديي الزين وادي الزينه قالو الجنه ايه يا ياسمينه.... على ياسمينه نشوف اسامينا لو زفينا الزين على الزينه🎶
سيف باس جبين شمس بعشق وهي رفعت عيونها ليه بعشق شديد
'' بعشقك يا سيف ''
سيف بهمس: وسيف بيدمنك يا شمس
🎶اديي الزين وادي الزينه قالو الجنه ايه يا ياسمينه.... على ياسمينه نشوف اسامينا لو زفينا الزين على الزينه🎶
(مهلا عزيزي هل ظننت أن هذه النهايه لا أنتظر واقرا😈)
..........................................
كان سيف وشمس بيرقصوا سلو على الاستيدج
دخلت واحده وهي بتبص بكره وحقد للجميع قربت من سيف وشمس وقالت
'' مكنتش اعرف يا سيف اني ممكن يوم تتجوز اصل انت شخصيه لا تطاق ''
سيف: آمنه
آسيا اترعبت اوي واستخلاص من حضن مصطفى وهي خايفه ومصطفى حضنها جامده عارف اني أكبر مخاوف آسيا هى امها
عمران بضيق: عايزه ايه يا آمنه
آمنه: الله ببارك للعريس ابن خالي وللعروسه واقولها اللي مخدتوش القرعه تاخدوا ام الشعور
آسيا لما سمعت ده علي باباها وشمس وقفت قدام امها بقوه واهيه
'' أنتي عايزه ايه تاني ابعدي عنا بقى ''
آمنه رفعت ايدها بغضب على آسيا وقالت
'' طول عمرك بجحه زي ابوكي ''
وقبل مآ تنزل ايدها كانت شمس مسكاها بكل قوتها وضغطت عليها وخرجت شخصيه لوسيفر منها
'' اوعي تمدي أيدك تاني عليها وانا وابوها موجودين ''
آمنه رغم ألمها من ايدها شمس قالت
'' انتي فاكر نفسك امها ولا ايه لا فوقي انا هي امها ''
سيف بغضب: وأعتقد انك تنازلتي عنها ليا اخرجي برا يا آمنه واياكي اشوفك قريبه من عيلتي برا
عمران وعمر شدوا آمنه وهي اتكلمت بغضب
'' بكره تندم يا سيف هتندم على انك طلقتني وروحتلها هي هيجي يوم وهتتدمروا كلكم ''
عشق بقرف: جاتها نيله وهي بتفكرني بلوجي يع بقى السلعوه دي ام آسيا ازاي مفيش وجه تشابه
رقصه السلو رجعت من تاني وسيف قرب من شمس وبص في عيونها
'' اتمنى اللي حصلت ميأثرش على علاقتنا وتبقى عقبه ''
شمس حطت ايديها على كتافه: اللي بينا عمره ما يتهد يا سيف
سيف ابتسم وحضنها وبدأ الاتنين يتمايلوا على الموسيقى بهدوء
سيف بهمس: هقتلك النهارده
شمس استغرب: ودي المفروض وقاحه ولا غزل
سيف بغيره وتملك: لا يا روحى ده تهديد علشان كتافك اللي مبينها دي ورقبتك ودراعاتك ليلتك سوده
شمس ببراءه: أهون عليك اول ليالينا تبقى سوده يا سيفي
سيف بضعف: ااخ منك يا مليكه اخ
شمس ضحكت وحضنته وسيف دفن وشه في رقبتها وبدأ يوزع قبلات صغيره
شمس بصدمه وخجل: سيف انت بتعمل ايه الناس
سيف: علشان تبقى تحرمي لأنك لو لبستي كده تاني هعمل كده برضو ومش هيهمني حد
شمس وشها أحمر لما حياه غمزت ليها
'' سيف حرام عليك انا كده هموت ''
سيف: شمس اللي اعرفها عمرها ما اتكسفت ودايما جريئه
شمس بجديه مضحكه: اسكت مش طلعت بتكسف منك
سيف بضحك: لا والله
شمس: تخيل
عند حسن وحياه
حسن بغيظ: شوف الواد بيعمل ايه في بنتي قدام الناس
حياه ضحكت عليه وقالت: فاكر يا حسن لما قولتلي انا عمري ما هجوز بناتي ابدا اديك حطيت ايدك في أيد سيف ومروان ومراد واديك سلمت شمس لسيف بأيدك عقبال الباقين بقى
مروان ومراد من وراهم: ايوه جينا للمهم احنا عايزين ندخل زي سيف
حين بخضه: دخل فيكم قطر يكون سواقه أعمى يا بعيد منك لِه
مراد: حس بينا شويه ده إنت حتى مجرب عذاب الحب وسنينه
حياه: صعبوا عليا والله
مروان: بالله عليكي يا حماتي قولي حاجته لبناتك المجانين دول
ملك: مالهم بناتها أن شاء الله
مراد: عايزين بيت يلمهم شويه
عشق: عندي بيت ابو علي وبيت جدي ولا أيه يا جدو
ريان بهدوء ورزانه: اجوازكم معاهم حق كفايه عذاب لبعض وعيشوا حياتكم
عشق: انتي بترميني با جدو
مراد: يعني هو راماكي في الشارع ده انا جوزك يا عشق
عشق: لا برضو
حياه بصتلهم ببرود شديد: كل واحد ياخد مراته ويرقصوا جنب الباقي والنهارده زيكم زي شمس وعايزه اسمع اعتراض
ملك وعشق بتذمر: بس احنا ملبسناش فستان ابيض
حسن: فساتينكم منفوشه تخيلوا اللون ابيض عادي
عشق وملك لسه هيتكلموا مراد ومروان سحبوهم بسرعه اسلحه الرقص تحت ضحك الجميع عليهم فطالما كان مراد هادي ومروان عاقل يبدو أن بالفعل الحب يصنع المستحيلات
..........................................
دخلت عيله إيفان وكانت معاهم نغم وقرب إيفان من سيف اللي كان واقف مع الشباب
'' مبروك يا وحش اخيرا يا عم وقعت لا وكمان الغول وبلاك من نفس الليل ايه المعجزه دي وقعتوا كلكم يا وحوش "
رحيم: لا عندك انا لسه مش مرتبط
إيفان: انت رحيم بقى
رحيم: لا اوعي تقول بتفكر زي الهبل التانين
إيفان بضحك: مش عارف بصراحه
جواد قرب من عدي وقالوا بجديه غريبه على طفل عنده 6 سنين
" عدي عروستي فين "
عدي بغيظ: عارف يلاه لو مختفتش من قدامي هعمل فيك ايه
ديانا والبنات قربوا منهم: سيب الواد في حاله
جواد جرى على ديانا اللي كانت شايله بنتها
"عروستي "
بيان: واو مرات ابني قمر
ديانا بغرور: ليا طبعا
جواد: اسمها ايه
ديانا: طيف
جواد: طيفي انا جواد جوزك أن شاء الله
عدي: علي جثه ابوك أن شاء الله
نغم: لحقت تشقط يا ابن إيفان وهستغرب ليه ما انت واحد من آل الصياد اكيد طالع لابوك واعمامك
شمس: انتى بقى نغم
نغم: وانتي بقى شمس الملكه
البنات بصوا لرحيم وهو قال بتحذير
"اوعوا تفكيركم يروح بعيد مش هيحصل"
شغف: بكره نقعد جنب الحيطه ونسمع الزيطه
بيان: انا حبيت العيله دي اوي
نغم: بالتأكيد بيان هم يشبهونك إنت والمجانين الأخريات
بيان: لا العاقله بتتكلم
نغم بغرور: اومال ده انا بنت الصياد الوحيده في عيله الصياد
إيفان مسكها من قفاها: ماشي يا فالحه نستاذن احنا
نغم بصراخ: ولاه استنا ملحقتش اسلم على الحلوين دول مش هشوفهم تاني
نغم قربت من البنات: الوداع حلوين تشرفت بمعرفتكم والله
رسيل: متخافيش هتشوفينا تاني
نغم: وانتوا متأكدين كده ليه؟؟!
البنات بغموض: لا سيبي السؤال ده للأيام وانتي هتعرفي إجابته
..........................................
مصطفى: بقولكم ايه يا جدعان كلكم ضموا على بعض ناخد صوته جماعيه
الكل وقف جنب بعض والبنات كانوا شايلين أولادهم وآسيا واقف ما بينا شمس وسيف والاتنين حاطين ايدهم على أكتافها
حياه بصت للكل بابتسامه مرتاحه ها هي عائلتها الكبيره سعيده الجميع يبتسم بكل راحه تذكرت كلام تلك السيده وقالت بخفوت
" جيه اللي لحق قلوبهم وملكها وبقي معاهم بذور عشقهم عشق الوحوش والشياطين "
تابع الفصل التالى من هنا
