رواية رقية الجزء الخامس 5 بقلم أميرة خالد

 رواية رقية الجزء الخامس 5 بقلم أميرة خالد رقيةرواية رقية الحلقة الخامسة مشيت رقيه ونده عليها محمود وقال لها تعالي يا رقيه وما تزعليش منه ردت رقيه وازعل ليه ده حقه لازم يعرف هو ده رد محمود طب يا حبيبتي يا بنت الغالي خدي اللحمه ديت ردت رقيه بعزه نفسي وكبرياء معلش يا عم محمود انا اقدر اجيب لحمه في البيت

اديها اللي يحتاجها ما تزعلش مني رد محمود مش زعلان يا رقيه بس انتي دماغك ناشفه خديها وانتي ساكته ردت رقيه انا اسفه في حد ثاني يحتاجها اكثر مني وسابتهم ومشيت واتكلم محمود عاجبك اللي حصل ده رد عاصي وانا عملت لها ايه

هي اللي رافعه مناخيرها للسما وهي اصلا شكلها وحش مش عارف على ايه يعني ولا جمال ولا مال رد محمود كفايه معدنها الاصيل وانها بنت الاسطى سلطان احسن اسطى في الصاغه كلها الله يرحمه رد عاصي وانا اعمل لها ايه ودخل المكتب وسابه

واتكلم ياسين سيبك منه يا عمي هات اللحمه دي وانا هديها لها رد محمود مش هتاخدها منك اسمع مني رد ياسين ليا وعمي قال له انت ما تعرفش رقيه رقيه دي يعني عزه النفس زي ابوها الله يرحمه بالظبط رد ياسين مش يمكن تاخدها مني

ضحك محمود وقال له جرب انت وخذ معاك بالكيس ده اديه لام محمد قال له حاضر وخرج ياسين واتكلم رامي تتراهن يا عمي ان هي هتاخد منه كيس اللحمه ضحك محمود وقال له ماشي بس انا متاكد ان هي مش هتاخده عايز تتراهن على ايه الرد رامي 1000 جنيه منك ل 10000 مني

ضحك محمود وقال له طب خش يجهز الفلوس عقبال ما صاحبك يرجع وكمل كلامه خمس دقائق وهتلاقي ياسين هنا ضحك رامي قال له كده حلوت لو بعد خمس دقائق وما جاش ياسين هاخد منك ال 1000 جنيه ردد محمود وانا موافق وفضلوا قاعدين

وراح ياسين عند النصبه وبتكلم خدي يا ام محمد شنطه اللحمه ديت ردت ام محمد ربنا يعمر بيتك يا ابني وقرب من رقيه وقال لها وانتي يا رقيه خدي شنطه اللحمه بتاعتك ردت رقيه هو انا مش قلت مش هاخد حاجه رد ياسين ليا رقيه هو احنا مش اخوات ردت رقيه وانا قادره ان اجيب اللحمه اخذ ليه بعد اذنك يا استاذ ياسين شكرا مش محتاجه حاجه

رد ياسين يعني ده اخر كلام قالت له ايوه ومشي ياسين وهو مستغرب طريقه كلامها بكبرياء ما شافوش على بنت قبل كده وبعد دقائق دخل ياسين الورشه واتكلم محمود لما شاف في ايدي ياسين كيس اللحمه وقال له هات ال 10000 يا رامي اتصدم رامي واتكلم ياسين برده ما رضيتش تاخد منك اللحمه رد ياسين ده انت لو شفتها طريقه كلامها تقول بنت وزير مش واحده بتبيع فول وطعميه دي

ضحك محمود وقال له يا ابني انا قلت لك انها عندها عزه نفس انت اللي مش مصدقين رد رامي بعد اذنك يا عمي عايز افهم حاجه وانت عرفت منين هو انت اتعاملت معاها قبل كده رد محمود بص هحكي لك موقف حصل زمان ايام ما كانت في اعداديه رد رامي احكي يا عمي

واتكلم محمود ورقيه في الاعداديه سلطان تعب وكان في المستشفى وصرف اللي وراه واللي قدامه وما كانش حيلتهم فلوس وبعد كده سلطان مات وساعتها انا رحت عشان هو كان صاحبي انا وعمك كامل وساعتها عملنا له عزاء ودفناه وطبعا من غير ما نطلب فلوس

وبعد الدفنه والعزاء جت رقيه وكانت معاها الحلق والغويشه اللي ابوها كان عاملهم لها هو قالت لي ساعتها اتفضل يا عمي دولت حق الدفنه والعزاء رديت عليها ايه اللي انتي بتقولي ده يا رقيه عيب انا زي بابا ردت عليا بعد اذنك يا عمي ما حدش زي بابا ويا ريت ما تزعلش مني وده حقك وخده وسابت لي الغويشه والحلق

وخرجت وانا ساعتها رحت لامها من وراها وكانت محرجه على امها انها تاخذ فلوس من حد رد رامي وبعدين قال له اتكلمت مع مامتها وبقيت ادفع فلوس في السر عشان رقيه ما تعرفش لغايه ما امها اتجوزت جابر وبقى جابر اللي بياخد الفلوس وما بديش حاجه للبنت والبنت ساعتها ثانيه الثانويه

وجابر قال لها انزلي اشتغلي وفتحت النصبه ديت وانا كنت ببعت لها الفلوس برده وفي يوم لقيتها داخله عليا وقالت لي بصي يا عمي اللي انت دفعته كله انا هرده لك بس يا ريت حضرتك ما تجيش ثاني تدينا فلوس انا مش محتاجه وربنا فاتحها عليا وبشتغل وبجيب الجنيه فيا ريت ما تزعلش مني

اتصدمت وهي سابتني ومشيت وما بقيتش عارف اعمل معاها ايه ولقيتها بعديها بست شهور دخلت عليا وكانت قبضه جمعيه واديتها لي ومشيت وبعديها عرفت ان جابر كان عارف بموضوع الجمعيه وضربها علقه كبيره وكانت في المستشفى عشان رجليها اتكسرت وبعديها جابر جه طلب مني الفلوس وانا ما رضيتش اديها له

رد ياسين ياه البنت دي جدعه من صغرها رد محمود مش بقول لك دي بنتي سلطان انتوا اللي ما فهمتوش ضحك رامي وقال له وانت عملت ايه بالفلوس ديت يا عمي رد محمود وانت مالك ايدك على ال 10,000 وانت ساكت ضحك رامي وقال له ده انا افتكرت ان انت نسيت

رد محمود بعد كده ما تراهنش وانت مش عارف اللي قصاد فاهم ولا لا وسابهم وماشي كل ده عاصي كان سامعه ولف وشه الناحيه الثانيه وبدا يرسم وهو تفكيره في رقيه ازاي بنت بالكبرياء ديت وهي جاهله مش حلوه اما رقيه لمه الدنيا وبصت لام محمد وقالت لها يلا عشان نروح ردت ام محمد ماشي يا حبيبتي هتيجي امتى عشان تاخدي الجمعيه ردت رقيه خليهم عندك اليومين دول لغايه ما اشوف هعمل ايه مع جابر

ردت ام محمد من عينيا يا حبيبتي وقت ما تحتاجيهم هتلاقيهم هات لها طب يلا اما في البيت عند سلوى كانت عامله محشي عشان رقيه وفراخ ومبسوطين الباب اتفتح ودخل جابر ونده عليها انتي فين يا مره ردت من جوه ايوه يا جابر في حاجه

قال لها انا جعان فين الاكل قالته طب شويه المحشي لسه على النار رد جابر ماشي ودخل الاوضه يستحمى ودخلت سلوى اوضت منه وقالت لها اتصلي باختك وقولي لها ان جابر هنا ردت منه ليه يا ماما قالت لها بس قولي لها هي فاهمه قالت لها طيب واتصلت منه برقيه وكانت وصلت تحت البيت وقالت لها بابا موجود ردت رقيه ماشي وقفلت معاها ودخلت اوضه المخزن دخلت الحاجه وشالت بلاطه وحطت الفلوس فيها وخلت فلوس قليله في ايديها

وطلعت فتحت الباب واتكلمت سلام عليكم ردت سلوى عليكم السلام ورحمه الله وبركاته خشي يا بنتي ريحي شويه عقبال ما عم جابر يطلع من الحمام ردت رقيه حاضر وقبل ما تخش الاوضه جابر طلع من الحمام وقال لها رايحه فين يا برنسيسه ردت عليه عايز ايه يا عم جابر قال لها ما فيش عايز الفلوس بتاعه كل اسبوع

ردت رقيه ولو ما اديتكش هتعمل ايه رد جابر هعمل لك مصيبه وهوريك انا هعمل ايه واقرب من امها وفضل يضرب فيها قامت رقيه مدافع عن امها وقالت له بقول لك ايه هو انت بتيجي على الضعيف ما تقفش انا

رد جابر طب انا هوريك يا بنت الكلب هعمل فيك ايه وضربها بالقلم قامت رقيه بعصبيه ومسكت السكينه وجايه تضربوا بيها خايف جابر وقالت له انا مش بنت كلب وسيره ابويا ما تجيش على لسانك فاهم ولا لا ابويا كان ارجل منك ومن الرجاله كلها فاهم يا عره الرجاله

قربت سلوى منها خلاص يا رقيه حقك علي انا اسفه يا بنت سيبي اللي في ايدك هتخشي السجن فيه ليه عشان خاطر اخواتك رمت السكينه رقيه وقالت له لو قربت مني تاني هتشوف وشي مش هيعجبك فاهم ولا لا دخل جابر الاوضه بتاعه سلوى وفتش في الدواليب ولقى فلوس واخذها ونزل

ومنه قربت من سلوى وقومتها وقعدتها على الكنبه وجابت علبه الاسعافات الاوليه وعملت لها الجرح اللي في حاجبها واتكلمت سلوى روحي يا منه شوفي المحشي استوى ولا لسه ردت منه حاضر يا ماما ودخلت المطبخ وقربت من رقيه وحضنتها وقالت لها انا اسفه ردت رقيه على ايه ردت سلوى على البهدله اللي انتي كل يوم والثاني بتشوفيها

سكتت رقيه وقامت دخلت اوضتها طلعت بيجامه ودخلت الحمام تستحمى وافتكرت كلام عاصي بدات تبكي مع كلام جابر وبقيت تعيط بالدموع اما سلوى دخلت الاوضه ولقت الدنيا متبهدله وراحت على مكان الفلوس ما لقيتش الفلوس عيطت قربت منه منها وقالت لها مالك يا ماما ردت سلوى الفلوس اللي كنت شايلاها عشان نكمل الشهر بيها مش موجوده ردت منه وايه اللي بهدل الدنيا كده قالت لها ابوك الموكوس خد الفلوس

ونزل ردت منه خلاص يا ماما ما تزعليش ان شاء الله ربنا هيحلها ردت سلوى ما تجيبيش سيره قدام رقيه باللي حصل ده ردت منه حاضر ورقيه كانت واقفه قدام الاوضه وسامع كل اللي حصل

وندهت من بره يلا يا ماما انا جعانه خرجت سلوى وقالت لها حاضر يا حبيبتي وهجهز الاكل يلا يا منه ورصه الترابيزه بالاكل وبدات رقيه تاكل المحشي والكل واتكلمت سلوى خدي يا حبيبتي الصدر الفرخه ده ردت رقيه لا يا ماما انا ما بحبوش اديني الاجنحه والزور والكبد والقوانص

رده سلوى ملكيش دعوه خدي بس وانا هقسم الباقي عليا انا واخواتك قالت لها يا ماما انا ما بحبهوش اديني اللي انا قلت لك عليه وخلاص مسكته سلوى وحزينه على بنتها وقامت رقيه مفرقه النوايب على اخواتها وخلت لنفسها اللي هي قالت عليه

بعد وقت خلصوا الاكل واتكلمت رقيه والنبي يا منه قومي اعملي لي كوبايه شاي ردت منه من عيني الاتنين يا قمر وحطت ايدها في جيبها وطلعت فلوس وادتها لسلوى قالت لها خدي ياما مشي الدنيا بيها ردت سلوى لا يا حبيبتي خليهم رده رقيه خديهم ياما الاسبوع ده ربنا كرمنا بزياده واسمعي الكلام

رده سلوى بجد يا رقيه ولا بتضحكي عليا قالت لها لا بجد يا امي وخرجت منه من المطبخ وقالت احلى كوبايه شاي لاحلى اخت في الدنيا ضحكت رقيه وقالت لها قولي يا بكاشه عايزه ايه ردت منه بصراحه كده يا رقيه في موضوع مش عارفه اقول لك عليه

قالت لها قولي يا حبيبتي محتاجه فلوس ولا حاجه قالت لها لا قالت لها طب ايه الموضوع حد مضايق في الجامعه قولي لي وما لكيش دعوه ردت منه ابدا والله كل الموضوع ان حياه وائل هيروحوا يشتغلوا في مستشفى ابو وائل وهم طالبيني ان انا اروح معاهم

ردت رقيه هو انا قصرت معاكي في​‌‍⁠ رواية رقية - الفصل 5 | مكتبة الروايات حاجه ردت منه والله ما تاثير يا حبيبتي الموضوع ما فيه انه منه ان انا بتعلم واكون سهل ان انا اتعامل مع المرضى بعد كده وفي نفس الوقت هكسب خبره للدراسه ردت رقيه وعايزه تبداي من امتى قالت لها ان شاء الله من يوم الاثنين

ردت رقيه وانتي هتعرفي تظبطي وقتك بين المستشفى والجامعه ما تنسيش ان جامعتك عمليه اكثر ردت منه ان شاء الله ربنا هيوفقني وكمان ما تنسيش ان معايا وائل وحياه يعني الدنيا هتمشي كويس ان شاء الله ردت رقيه ماشي يا منه ما دام انتي عايزه كده بس لو قصرتي في الدراسه ما تزعليش مني على اللي انا هعمله

ردت منه وهي بتحضنها وانا مش زعلانه منك ابدا انتي اختي وامي وكل دنيتنا ضحكه رقيه واتكلمت هو عبودي فين مش سامعه صوته يعني ردت منه نامي يا ستي من كتر العياط ردت رقيه ليه اللي خلاه يعيط ردت منه عايز يجي معايا الكليه عشان حياه وحشاه ضحكه رقيه ما انتم اللي غلطانين كل شويه تقولوا لي هنجوزك حياه حياه لغايه ما الواد يتعلق بيها ردت منه يعني اعمل له ايه هي من ساعه ما جابت له شنطه الحلويات وهو متعلق بيها

ضحكت رقيه هو عبودي كده بيحب اللي يجيب له الحاجه الحلوه خلاص يا ستي خليه يتجوز حياه ونخلص ضحكت منه قالت لها ده انتي عايزه وائل بقى يجي يضربنا بالنار عشان خاطر عبودي ضحكه رقيه هم هيتخطبوا امتى ردت منه ان شاء الله بعد النص الدراسي الاول هيتخطبوا على طول قالت لها الف مبروك وبيسلمي لي عليهم ردت منه الله يسلمك واتكلمت رقيه يلا بقى انا مش قادره افتح عيني هدخل انام

واتكلمت سلوى قومي يا ضنايا نامي بكره اجازتك ردت رقيه لا انا نازله اجيب حاجات بكره واحتمال اتاخر ردت سلوى ربنا معاك يا حبيبتي قومي نامي ودخلت الاوضه ومسكت التليفون واتصلت على شخص وقالت له استناني بكره بره المنطقه وانا هاجي لك عشان نروح مع بعض المشوار

رد الشخص من عينيا الاثنين يا قمر انتي وقفل معاها ونامت رقيه اما في بيت الهلالي وصلوا الشباب والرجاله واتكلمت عيشه ما تيلا يا جماعه عشان الغداء جاهز رد متولي احنا جايين اهو والكل قعد واتكلمت ناديه صحيح يا محمود هو انت ما جبتلناش ليه لحمه الراس الرد محمود كل حاجه عندك في الشنط طلعوها

واعملوا لنا غدوه بكره بقى معتبره ممبار وفته وكوارع والكلام ده عشان الواحد حاسس ان هو هفتان ضحكه عيشه قالت له من عيني الاتنين يا ابني وكلم متولي انت وزعت اللحمه على الصنايعيه كلها رد محمود اه يابا وكله بيدعي لك

رد متولي يا ريت تفكرني على طول يا محمود عشان نذبح وما نطولش كده رد محمود حاضر يابا وبص للشباب وقال لهم عاملين ايه رد عليه كويسين و بصي العاصي وقال له عايزك بكره تروح المعرض يا عاصي عشان في مشاكل هناك وتظبط لي الدنيا

رد عاصي حاضر يا جدي بس ياسين هيجي معايا قال له مش مشكله بس خلص اللي وراك بكره كده كده بكره الورشه اجازه رد عاصي حاضر واتغدوا وبعده وقت الكل طلع على شقته وعاصي دخل اوضته خد شاور ولبس ترنج وقاعده على السرير وهو بيفكر في رقيه بعد كده انفض من دماغه وقال ايه الهبل ده حد يفكر في رقيه برده ان انا لو عايزه تسد نفسي افكر فيها

الباب اتفتح ودخل محمود وقال له بصي يا عاصي عشان دي اخر مره اقول لك فيها ما لكش دعوه برقيه وياك الكلام اللي سمعته النهارده ده اسمعه تاني فاهم ولا لا رد عاصي هي مهمه قوي بالنسبه لك كده رد محمود وهو فاهم قصدي ابنه اه مهم وما لكش دعوه وخرج محمود وقفل الباب وقعد عاصي وقال والله لاوريك يا رقيه انا هعمل فيك ايه وبعد وقت نام على السرير وراح في نوم عميق

اما شقه امل كانت بتزعق مع خالد وقالت له مش كنت اخذت العربيه من جدك هو انت على طول كده يا ابني اسمع الكلام مره واحده حياتك رد خالد بقول لك ايه يا ماما سيبيني على راحتي انا راجل فاهمه مش مستني المصروف ولا منك ولا من جدي ولا من اي حد ويا ريت تسمعي مني الكلام ده عشان مش هيده ثاني لو فتحت اي سيره فيها فلوس من جدي هسيب لك البيت وهمشي

ودخل اوضته وقفل الباب واتكلمت امل عاجبك ابنك كده رد عليها ولا عاجبني ولا نيله طالع اهبل مش عارف لمين اما في اوضه ايات كانت قاعده بتعيط وماسكه التليفون وبتبعت رسائل ورامي ما بيردش عليها وفضلت تعيط اما في شقه رامي كان بيشوف الرسائل وهو حزين على حبيبته بس هو لازم يربيها عشان ما تقولش الكلام ده ثاني وبعد وقت قلبه ضعف لانها ما نامتش من امبارح واكيد هتفضل قاعده بتعيط و صعبانه عليه وماسك التليفون واتصل على ايات

وردت عليه بسرعه ايه يا رامي ما بتردش عليا ليه رد عليها عشان اللي انتي عملتيه النهارده ما ينفعش يحصل تاني ردت ايات والله ما هيحصل تاني انا بحبك وما اقدرش اعيش من غيرك رد رامي وانا كمان بحبك وبعشقك بس افهميني انا ما اقدرش اجي اتقدم لك وابويا وامي مش موجودين

ردت ايات طب يا حبيبي اول ما يجوا تعال اتقدم لي انا بحبك مش عايزه ابعد عنك تاني قال لها حاضر وفضلوا يتكلموا لوقت طويل وناموا والسكه مفتوحه وثاني يوم صحيت رقيه على صوت التليفون وبصت في الساعه لقيتها الساعه 7:00 خرجت دخلت الحمام غسلت وشها

ودخلت تاني الاوضه لقيت منه صاحيه وقالت لي انت رايحه الجامعه النهارده ردت منه لا مش قادره وهخلي وائل وحياه يبعتوا لي المحاضرات رده رقيه ماشي يا حبيبتي لو احتاجت حاجه قولي لماما وانا هسيب لك الفلوس معاها ردت منه حاضر

وخرجت رقيه وهي لابسه العبايه السوداء واتكلمت سلوى اقعدي يا بنتي افطري مع اخوك ردت رقيه حاضر وقعدت تاكل مع زياد ويتكلموا وبعد وقت صغير بصت لزياد وقالت له يلا قال لها ماشي ونزلوا مع بعض ووصلت زياد المدرسه وادته فلوس وراحت على الطريق العمومي لقت عربيه ملاكي واقفه راحت فتحت الباب وركبت وقالت وحشتني يا قمر ضحكه البنت وقالت لها وانتي كمان عامله زي الست اللي بتخون جوزها مع عاشقها وبتقابله من وراه ضحكه رقيه ياه للدرجه دي

قالت لها اكتر يا اختي ايه اللي انتي عاملاه ده رده رقيه حقك عليا يا نور ما تزعليش مني انتي عارفه الظروف ماشيه ازاي ردت نور طب ليه يا حبيبتي مش عايزه تقولي لهم ان انتي بتتعلمي من حقك برده ردت رقيه ما ينفعش جوز امي لو عرف مش هيسكت وهيبهدل الدنيا وهيعوز ان انا اتجوز الراجل الزباله ده

رده نور اقول لك على حاجه ايه رايك لو كلمت بابا وهو يتصرف معاه ردت رقيه مش دلوقتي عشان خاطر اخواتي ما لهمش ذنب وكمان منه كبرت ولو جالها عريسه اقول له ايه ابوها محبوس ما ينفعش يا نور رده نور طب بصي خليه يربيه شويه انتي هتخسري ايه او يتربى شويه ولا في محضر ولا اي حاجه ونخرجه بعد ما يتربى ردت رقيه فكره حلوه بس مش دلوقتي

ويلا بقى عشان نلحق المحاضرات رده نور من عينيا وعلى فكره سياده اللواء باعت لك سلام مخصوص غير فطار مخصوص على حسابه ليكي ضحكه رقيه وقالت لها شكرا يا ستي وابعتي له سلامي مش محتاجين حاجه يلا بقى خلينا نمشي ورجعت رقيه

وقعدت في الكنبه اللي ورا وقالت لها اقفلي الشباك ونور قفلت وبدات رقيه تغير وتلبس حجابها واتكلمت نور بس ايه الحلاوه ديت ضحكه رقيه وقالت لها تعالي شوفيني وانا في النصبه مش هتقول الكلام ده خالص ضحكه نور وقالت لها ليه انا نفسي اشوف شكلك قوي وانتي شغاله في النصبه ردت رقيه من عيني الاتنين ثواني كده وراحت مطلعه لها التلفون وعليه صورتها ضحكت نور قالت لها يا لهوي الجمال ده يبوظ نفسه كده

ردت عليه عايزاني اعمل ايه انا لو نزلت بشكل ده كله هيطمع فيه انا عارفه ان انا مش حلوه قوي بس برده كل يوم والتاني هلاقي اللي يضايقني ويغلس عليا فهمتي ردت نور بس مش قوي كده قالت لها تصدقي بالله انتي ضحكتيني عارفه وانا بالشكل ده جاي لي عرسان ضحكه نور

قالت لها​‌‍⁠ بجد قالت لها ايوه قالت لها على ايه شكلك مش حلو خالص ردت رقيه هقول لك على ايه ان انا بجيب قرش كويس وهتجوزه واصرف على امه وعليه وهو هيقعد نطعي في البيت وكفايه ان انا اتجوزت اتستر عليا فهمت يا اختي ضحكه نور قالت لها ربنا يكون في عونك في الاكشن ده اللي انتي فيه طب يلا يا اختي خلينا نروح الجامعه

ملاحظه يا جماعه انتم هتقولي لي ازاي رقيه مع تليفون بزراير وتوريها صورتها عايزه اقول لكم ان رقيه معاها تليفون بكاميرا بس على طول مخبياه في المخزن عشان ما حدش يشوفه فاهمين يا جماعه شكرا ….

تابع الفصل التالى من هنا