احم احم بسم الله أولا دع فصل طويل جدا أكبر فصل حاليا 9360 كلمه وبسم الله مشاء الله شايفه الحمد لله فيه تفاعل فنفسي تتفاعلوا مع السؤال ده مين اكتر كابل بتحبوه؟ في الروايه جاوبوا في التعليقات ولو لقيت فيه تفاعل هنزل بارت طويل جدا زي ده
ثانيا للي اشتاقوا لجنون ومصايب العصابه الفصل ده فيه من اللي نفسكم فيه جهزوا نفسكم لجوله من مصايب العصابه
ثالثا رجاءا تفاعلوا مع السؤال مين اكتر كابل بتحبوا من روايتي هستني إجابتكم Enjoy 😉
الفصل 50
صلي على نبي الرحمه 💜
مرت الايام وكان الشباب سافروا أمريكا وكانت البنات جهزوا نفسهم علشان يروحوا للمدرسه ويعرفوا سبب رفض هيثم ويحيى لها وكان البنات غيروا شكلهم بمساعده رسيل وارتدوا زي المدرسه الخاصه بيحيي وهيثم وزينه
في سياره رسيل كانت تقودها وكان يحيى بجانبها ومتوتر جدا
'' انا مش عارف انتي عايزه تيجي ليه ''
رسيل: اممم كده من الزهق بصراحه هو انت عندك مانع
يحيى: ها لا بس خايف بصراحه من الموضوع وبعدين انتي غيرتي شكلك كده ازاي ده انا حاسس انك واحده تاني
رسيل: لا ده لعبتي
رسيل وقفت وجين ركبت من وراء
يحيى: يا نهار مش فايت عارفين لو فهد وسليم شافوكم بجيب المدرسه القصير ده وربنا يولعوا فيكم
جين: بس ياض اقعد على جنب ده انا عندي كميه حماس بدي اطلعهم في أي حد
يحيى بهمس: ربنا يستر
..........................................
في سياره ديانا كان بجانبها هيثم وفي الخلف زينه وشغف
هيثم : اموت واعرف غيرتوا شكلكم كده ازاي ده انتي لسه قايله ليا انك هتيجي حالا جهزتوا لكل ده
زينه: سيبك بس انت شايف لبسهم يا لهوي على العريان الحمد لله مالك سافر ومشى
هيثم : هههههههه اه لو كان عدي هنا كان اداكي رصاصه
ديانا: هو انت معندكش صحاب في المدرسه
هيثم : ها لا
شغف: طب مش انت ويحيى من نفس السن ليه مش صحاب
هيثم : يحيى دايما منطوي انتوا مشوفتهوش زمان كان ازاي اما انا مش اجتماعي قد كده يعني مش بعرف اكون صداقات مع اللي في سني يعني انتي والبنات عادي اما مع اللي في سني بحسه صعب بصراحه
شغف: وانتي يا زينه هانم
زينه: لا انا مش بطيق اللي معايا اساسا مناخيرهم دايما في السما واللي مصاحبه ده واللي مصاحبه ده اما انا لا بابا قالي اني ده عيب وهما شايفين اني ممله
نظرت شغف بغموض لديانا في المرآه وابتسمت ديانا ابتسامه ماكره
'' سنستمتع كثيرا ''
وصل البنات للمدرسه ووقفوا في مكان بعيد قليلا ونزلوا ودخلوا للمدرسه ببرود شديد وكان الجميع ينظر لهم باستغراب فهم لم يروهم هنا من قبل
زينه بمرح: هنبقى تريند وربنا
هيثم : الطابور لسه فاضل عليه نص ساعه تعالوا نقعد
يحيى: انا هاروح الحمام
جين: استنا نروح معاك انا ورسيل علشان منعرفش برضو فين الحمام
قعدوا كلهم على طاوله واحده وهيثم شاف مجموعه شباب جايين فتوتر وقال
'' يلا نقوم من هنا انا مش مستريح ''
ديانا ببرود: ليه
تكلم احد الشباب: شوفوا قاعد ازاي حتى لما صاحب صحابه كلها بنات
شاب٢: عملتها ازاي دي يا سوما طب عرفنا على الصواريخ
شاب٣: هتفضل طول عمرك مش عارف تصاحب ولاد علشان انت دايما متكبر فاكر لأنك ابن كامل الهلالي تعرف تصاحب لا طبعا
هيثم : انا مش متكبر وعمري ما كنت متكبر
شاب١ بكره: الأساتذة دايما بيحبوك ودايما الأول ليه علشان واسطه اكيد اااااااه
وقعته ديانا وقالت
'' لا وحيات امك دي اسمها شطاره لو انت متعرفهاش يا كتكوت ماما ''
شاب٣: انتي مجنونه ازاي تضربيه
ديانا: كده
ومسكته من ذراعه لوحتها
'' عارف لو شفتكم قريبين منه هفرمكم كلكم فاهمين ''
جرى الاولاد وكان هيثم حزين
'' كده هيكرهوني اكتر ويقولوا علشان ابوه غني جاب بنات تضربه ''
شغف: طب يبقى يتكلم واحنا نقطعله لسانه
زينه: اسمع يا ابني الكلام ده كلام العظماء يا جدع
شغف مسكتها من قفاها
'' طب يلا قدامي على الطابور ''
نظر هيثم إلى ديانا واخفض رأسه للاسفل
ديانا: ارفع راسك يلاه إياك تنزلها في يوم لحد مهما كان
هيثم : هتقولي للبيت صح
ديانا بحنان: لا بس انت مش ضعيف يا هيثم وعلى فكره انت شخصيه اجتماعيه جدا وانا متأكده اني النهارده هنلاقي ليك صاحب ده ان مكانش هو فعلا قدامك يلا علشان الطابور
هيثم استغرب كلامها بس مشي وراها وقال
'' هو انتي ازاي هتعملي تمارين وانتي حامل ''
ديانا: هو انت ليه محسسني اني دي هبقي تمارين صاعقة ولا حاجه دي تمارين مدرسه عاديه يلا يا عم قدامي
..........................................
بعد الطابور
في الفصل دخل يحيى وقالت المعلمه
'' شباب بنات ده يحيى اتنقل للفصل هنا هو كان في الفصل التاني بس اتنقل هنا تختار تقعد فين يا يحيى ''
يحيى مكانش يعرف ولا واحد غير هيثم فقال بخفوت
'' ينفع اقعد جنب هيثم ''
يحيى قعد جنبه وابتسم له هيثم ويحيى بادله نفس الابتسامه وقالت المعلمه
'' فيه بنات انضموا لينا جديد ''
دخل البنات وانصدم يحيى وهيثم ليقولوا بخفوت من نفس الوقت
'' احيه ''
جلست البنات في آخر الفصل حتى يكون عيونهم على الجميع فشله الشباب التي ازعجت سليم موجوده في الفصل
عدي الوقت وجيه وقت الاستراحه ويحيى وسليم قعدوا جمب بعض علشان يأكلوا وهيثم قام وراح الحمام وفي وقت ما كان يحيى بيقرأ كتاب باندماج شديد فهو من عشاق القراءه وجد ناس أمامه رفع رأسه قليلا ليجدهم الشله التي يتنمروا عليه دائما
شاب١: ايه يا يويو شايف انك لوحدك دايما يا حرام
شاب٢: هتفضل طول عمرك وحيد متوحد كده وشبه فئران الكتب
ضحك الجميع عليه وقال هيثم من وراء يحيى
'' لا والله هو مش وحيد انا معاه ولا ايه يا يحيى ''
نظر له يحيى بقلق فتلك الشله يزداد تنمرهم للضرب احيانا
شاب منهم شد كتاب يحيى وقال
'' اممممم علم نفس ملل ملل ملل زيك زيه تصدقوا انتوا الاتنين شبه بعض لايقين على بعض بصراحه ''
يحيى اتضايق: لو سمحت هات الكتاب
هيثم : هات الكتاب ياض انت
شاب٤: ياض وان قولت لا هتعمل ايه يا قلب مامي انتوا وهو
هيثم كان سيتحرك لكن امسكه شاب وقام بامساك يحيى شاب آخر وكان الجميع يصور ما يحدث اما الذي يمسك الكتاب قام برميه على الأرض وضرب يحيى بقوه وامسك عصير التوت وكان سيسكبه على يحيى لكن....
..........................................
في مكان آخر في المدرسه في المكتبه كانت زينه تسير وسمعت صوت تلك الفتيات مجددا وكانت تقول إحداهم
'' مش دي زينه ''
صديقتها: اه هي مالها
ابتسمت بشر: ليا بصراحه مزاج ارخم عليها وراحت وقعدت جنبها
'' هاي زينه ''
زينه مرتدش والبنت دي اتغاظت وداست على رجل زينه بقوه وهي اتوجعت وقالت البنت بتكبر وغضب
'' انتي يا بتاعه امسحي جذمتي اللي انت بوظتيها ''
ظهر صوت ساخر من وراها
'' لا المفروض انتي يا وجهه البرص تمسحي جذمتها اللي باظت دي ''
البنت وقفت: انتي هبله يا بنت انتي ولا ايه انتي مش عارفه انتي بتتكلمي مع مين
شغف مسكتها من شعرها جامد لدرجه انه اتقطع في ايدها تقول بصوت مرعب
'' لا انتي شكلك اللي مش عارفه انا مين ومش زينه الشناوي اللي واحده زيك تخليها تمسح جذمتها ''
صديقتها: انتي يا بت انتي سيبي شعرها حالا اااااااه
صرخت عندما امسكتها جين من شعرها
'' ايه يا قطه وجعتك سمعيني بقى صوت صراخك أصله بحبه اوي ''
البنتين اللي كانوا معاهم كانوا هيهربوا بس ديانا ورسيل مسكوهم هما كمان وشغف رمت البنت دي تحت زينه وقالت
'' اعتذري ليها ولو اعتذار معجبنيش هخليكي تمسحي جذمتها لحد ما تروق ليا تمام يا قطه ''
البنت: انا اسفه اسفه سامحني ارجوكي
زينه سكتت وقالت شغف ببرود
'' جهزي نفسك هتمسحي الجذمه ''
زينه: خلاص يا شغف انا سامحتها خلاص
شغف قومت البنت دي ومسكته جامد من شعرها وقالت بصوت مرعب
'' عارفه لو لمحت وش امك انتي وشويه العرس دول هخليكي ممسحه فاهمه ''
البنت من الخوف مردتش وشغف زعقت
'' فــــاهــــمـــه ''
البنت برعب: فاهمه فاهمه
شغف زقتها وطلعت البنت تجري هي وصحابها زينه نطت وحضنت شغف جامد
'' شكرا شكرا اول مره احس اني حد ناصرني كده ''
جين ضربتها على دماغها: وانتي يا ام العريف مش عارفه تجيبها من شعرها السلعوه دي
زينه: ههههههههه خلاص اتعلمت الدرس المره اللي جايه
ديانا: خلاص يلا نروح الكافتريا علشان انا جوعت ونشوف الدنيا بقيت ازاي ما بين هيثم ويحيى
رسيل: هيندمجوا انا حاسه يلا
..........................................
في أمريكا
كان الجميع يجلس وموده تمسك بفنجان قهوه وتنظر لهم لاحظ هذا مروان فقال
'' ايه يا موده معجبه بيهم ولا حاجه''
نظر لها الشباب فقالت موده
'' بصراحه ادفع نص عمرى واعرف عملوها ازاي''
فهد : هي ايه دي؟؟!!
موده: وقعتوا العصابه ازاي وافقوا ازاي عليكم يا جدع الشله كلها هتموت وتعرف هما مهربوش ليه يوم الفرح كانوا يقدروا يعملوها بس محصلش وقعتوا اعداء الرجال دول ازاي
سليم : هما كانوا صعبين اوي كده
موده: ييييي ده اللي كان يقرب منهم يبقى بيحفر قبره بأيديه
مراد: معاه حق انا مش مستوعب انكم عرفتوا تعملوها بجد تستحقوا ارفع ليكم القبعه
عدي : هو مين اللي جهز الفرح بصراحه عندي فضول اعرف وانتوا اكيد عارفين
موده: احنا... الشله كلها عامه كانت شغاله على قدم وساق علشان فرحكم دي ليل وماهيتاب وتمنى اتفحتوا علشان التصاميم ياااه
مالك : هو انتوا كنتوا هناك يوم الفرح
موده بملامح باكيه: لا يا ابني بعيد عنك حكم القوى بنت حسن ادعي عليها بايه وهي في غيبوبه دلوقتي منعتنا نحضر الفرح بس Que صورته كله وهنا برضو ووقت كتب الكتاب كان مسخره وصدمه اني الدنجوان هيتجوز والله هههههههه ده ملك وعشق كانوا هيتقتلوا على أيديهم لما البنات صحيوا من النوم
أدهم: هي ملك وعشق كانوا يوم الفرح
مراد: فكرك هما هيفوتوا حدث زي ده هما راحوا الصبح وعلى العصر رجعوا تاني روسيا بعد ما كميه الشماته اللي اخدوها البنات منهم وتوصيات ياسين يا لهوي مراته كانت هتموت من نظراتهم والله صعبت عليا البنت دي وكمان تايجر كان هناك مش هيعدي فرصه زي دي
اكمل بصراخ: لا بقى لا بقى جبت أخرى
عدنان خبط راسه في الترابيزه
'' كده كتير انا فقدت الأمل خلاص ''
أدهم: فيه ايه؟؟!
موده بصت على اللاب: فيه اني الشبكه دي صعبه الاختراق من غير ما يشكوا في حاجه صعب اوي
اكمل: ااااه يا بنت عمي انتي فين دلوقتي تيجي تنقذينا من الضياع ده
مروان: حاولوا تفتكروا اي حاجه من دروسها
موده: مفيش غير حل واحد يا اما شمس تبقى هنا يا إما نستخدم التطبيق اللي على السيستم في اللاب بتاعها
سيف : طب افتحوا السيستم بتاعها يمكن تقدروا تخترقوا الشبكه
نظر له عدنان وضحك: نخترق سيستم شمس ده احنا نخترق الشبكه دي أسهل
أدهم: ليه يعني مش للدرجه دي
اكمل: انتي عارف اختراق السيستم بتاع اختك ده أشبه انك تخترق النظام الروسي والنظام اليهودي والنظام الأمريكي في نفس ذات اللحظه دي مره اخترقت الشبكه الاسرائيليه في 3 دقايق بس 3 دقايق يا مؤمن والله
موده: دي اخترقت القمر الصناعي الانجليزي في 4 دقايق بس
سليم : ياااه للدرجه دي
مراد: اختك مش اتخرجت من هندسه التكنولوجيا وهي عندها 8 سنين من فراغ عدم وجودها عامل ازمه كنت متأكد انها هتحصل
عدنان: والله هما 7 وجودهم مهم ولو اختفوا بتحصل كوارث اكتر ما هما بيعملوها في وجودهم.... كمل بحزن يمكن لو كانت عشق وقت الانفجار يمكن كانوا لسه عايشين
سليم : هما البنات بيفهموا في التكنولوجيا
موده قالت باندماج
'' لا لكل واحده فيهم مجال شمس بس المتخصصة في التكنولوجيا وسرعتها في الكيبورد فظيعه أسرع هاكر ممكن تشوفه هي بتكون M الهاكر اللي عامل دربكه في التكنولوجيا تصدقوا الموساد الإسرائيلي كان عايزه ينضم ليهم.... وعشق أكبر خبير قنابل ومفرقعات في العالم تفجر بلد من ضغطت زرار من ايدها ده الإرهاب كانوا عايزين يعرفوا مين اللي عامل الانفجار اللي حصل في صحراء كولومبيا اللي انتشر خبره في العالم كله... وملك بقى تصميم الاسلحه عندها كأنها بترسم لوحه فنيه المافيات اللي في العالم كلها تتمنى هي تبقى جزء منه بأي تمن ومش في تصاميم الاسلحه بس لا حتى الآلات والطيارات هي اصلا هندسه حربيه... وديانا دي بقي عامله رعب لوزارات الخارجيه في دول العالم كلها تقدر تتدخل اي دوله بكل سهوله وليها اكتر من 300 باسبور بأسماء مختلفه مش بس تقدر تدخل اي دوله ده اي شئ بخصوص الورق هي تقدر تعمله الورق والقلم عندها لعبه غير سرعتها في التصويب وحتى في الجري إذا كانت عشق وملك هما الأسرع في سواقه اي آله فهي الأسرع في الجري وتقلب مكان في ثانيه هي مش البرق من فراغ وهي ورسيل أهم اتنين لو هيدخلوا دوله... رسيل بقى اسم على مسمى ثعلب مكاره جدا ههههههه أو حربايه على رأي الياس بتتلون تعرف تغير شكلها 1000 شكل وتعرف تقلد 100 صوت حرفيا ممكن تتكلم معاها اليوم كله ولا تعرف اني هي دي رسيل... جين دي بقي صقر اسم على مسمى تعرف تجيب الهدف ولو فين دايما جين هي الورقه الرابحه في أي مهمه هي دايما اللي تنقذ الموقف لو حصل اي غدر.... شغف كميائيه مشهوره عالميا العلوم هي شغف تتلاعب بالمواد الكيميائيه كأنها مياه بالنسبه ليها بتعملها عصير''
اكمل ضحك وقال
'' 7 دول حرفيا العالم بيدور عليهم علشان كده غيروا اسمهم ولبسوا الحجاب واتخبوا في حاره شعبيه أصله مين هيتوقع يبقوا هناك اه يا ربي لو العالم عرف انهم شويه مجانين كل خطوه ليهم بمصيبه وربنا يجيلهم سكته قلبيه ''
أدهم بذهول: ياااه هما فعلا كده مش باين عليهم خالص ابدا
مروان بحزن: يا ريتهم كانوا أشخاص عاديه الميز اللي فيهم دي هي اللي جابت ليهم الوجع والعذاب لما حاولوا يستغلوهم زمان
مراد: كانوا عايزينهم شياطين وطلعوا فعلا كده علشان كده خبناهم في حاره شعبيه غيرنا شخصيتهم حتى ملك وعشق خبناهم في غابه بعيده في روسيا بس حتى مع كل ده اللي حصل ليهم وهما عندهم 16 خلاهم فعلا شياطين مفيش في قاموس رحمه حتى أنهم مساء بيرحموا نفسهم
شرد الشباب لما هذا العالم سئ هكذا حتى يفعلوا في اطفال هكذا لكن السؤال ماذا حدث عندما كانوا في عمر 16 حتى يصبحوا الان الشياطين الذين يرعبون الجميع انتبه الجميع لعدنان الذى قال بسرعه
'' عرفت هنعمل ايه ازاي كانت تايهه عننا دي ''
موده: تصدق معاها حق لما قالت اننا وقت الخطر بنبقي حمير اوي
انتبه لهم الجميع وعاد تركيزهم على ما هم هنا من أجله
..........................................
في مصر في المدرسه
كان الجميع يصور ما يحدث بث مباشر على الفيس بوك اما الشاب كان سيسكب التوت على يحيى إلا أن مسكته يد اعتصرت يده بين يديها ولم تكن غيرها رسيل التي نظرت له بعيون حمراء من الغضب
'' تؤ تؤ تؤ هو بابي معلمكش اني ده غلط ''
ولوت ايده تنتها وضربته تحت الحزام بقوه ليقع على الأرض وهو يصرخ من الألم كان سيقترب منها شاب اخر فامسكت شغف الصينيه من على الطاوله وضربته بها في رقبته ثم في وجهه وعلى قدمه ليقع على الأرض ليحاول أحدهم ضربها من الخلف فتمسكه جين من رقبته من الخلف وتضربها بقوه في الطاوله اقتربت ديانا ورسيل من الشابين الذين يمسكون يحيى وهيثم وعندما رأوهم كانوا سيهربون لكن زينه وضعت قدمها أمام أحدهم فوقع على وجه ووقع الآخر عليه
شغف بضحك: بتتعلمي بسرعه
زينه: اومال هو انا اي حد
أمسكت ديانا شاب منهم ورمته على الطاوله بقوه ليقع من الناحيه الأخرى ويصرخ من ألم ظهره اما رسيل أمسكت الآخر وضربته بوكس في التاني في التالت وختمتها بروسيه محترمه
هيثم قام وعطي الواد اللي وقع على ضهره بالقفا وقال بغيظ
'' ده علشان تبعتها لأمك سماح يا ابن الهبله ''
جين بضحك: وربنا الواد ده عسل بيفكرني بتميم
يحيى مسك الكتاب بتاعه من الأرض ولقي ايد بتتمد ليه رفع نظره وجدها رسيل امسك يدها وهي شدته وراحت به للولد اللي ضربه وشدته من قميصه
'' يحيي اضربه ''
يحيى هز رأسه برفض ورسيل قالت بصوت عالي بعض الشئ
'' اضربه يا يحيى زي ما ضربك ''
يحيى: لا انا خلاص مسامحه
رسيل بغضب: وانتي لو سامحته فكرك هيبطل لا ابدا هيزيد وان ده وقف غيره هيجي أن مأخدتش حقك باديك يبقى الكل هيجي عليك والقريب قبل الغريب
هيثم بخوف: يا لهوي هي مالها شكلها قلب كده ليه
يحيى قرب من الشاب ده واداله قلم على وشه
رسيل ببرود للواقفين
'' حد سمع القلم يا جماعته ''
الجميع: لا
يحيى نظر لرسيل وقالت جين
'' ولاه يا يحيى افتكر كل حاجه وحشة عملها الواد ده واديله ''
نظر يحيى للشاب وتذكر كم عدد المرات التي تنمر عليه فيها ورفع يده ونزل بها على وجهه بقوه لدرجه انه اوقعه على الأرض
رسيل وضعت يده على كتفه بتشجيع
'' كده انا أصدق انك اخو الفهد ''
جاء المدير وقال بغضب: ايه اللي بيحصل هنا ده ايه اللي انتوا عملتوه ده قدامي عليه مكتبي
شغف: بنت يا زينه اتصلي على زين يجي لاني عمر حاليا مش فاضي وياسين مسافر
بعد وقت دخل زين عند المدير فقال زين
'' انا زين الشناوي اخو زينه ''
المدير: اهلا دلوقتي البنات دول ضربوا زملاتهم وهما دلوقتي في المستشفى
زين استغرب: بنات مين انا معرفش مين دول هما دول صحابك يا زينه
قربت منه شغف وقالت بخفوت
'' ولاه يا زين طلعنا من الليله دي بدال ما اتعصب وأنت دكتور وعارف انه غلط ''
زين بصدمه: شغف يا نهار اسود يبقى دول العصابه
ديانا: عفارم عليك روحنا بقى
زين : احم طب هو أيه اللي حصل
المدير :فيه شباب اتنمروا على يحيى وهيثم وانا عاقبتهم بس اللي عاملوه صحاب اختك غير لايق ببنات
زين: طب قول الحمد لله انهم مش في عداد الأموات
المدير: افندم؟؟!!
زين ها قصدي انا اسف بالنيابه عنهم بس اللي حصل من تنمر ده غلط
المدير: انا عارف انه غلط وهما معاهم حق بس مش ينفع انهم يضربوا كده دول بنات
جين: انا بدأت اتعب وازهق واطهق روحوني
بعد قليل فى ملعب المدرسه قال زين بجنون
'' الله يخربيتكم انتوا اه مجانين بس مش لدرجه دي دماغكم كانت فين ''
شغف: ولاه بقولك ايه اختك لما كانت بتتعرض للتنمر كنت انت فين
زين نظر لزينه بعتاب: ليه مقولتيش ليا
زينه: مش عايزه اتعبك بمشاكلي كفايه اللي ماما بتعمله معاك
حضنها زين بحنان: انا اخوكي على فكره واقرب واحد ليكي في العيله تاني مره تبقى تقولي يا زينه
زينه حضنته بحب: حاضر يا زين
جين: خلصوا يقي فقره العشق الممنوع دي عايزه أكل بقى
زين بص ليهم: انتوا غيرتوا شكلكم كده ازاي ده انا معرفتش انكم العصابه
رسيل: دي قدرات مش اي حد يقدر يعملها يا دكتور
زين: يا نهار مش فايت ايه اللي انتوا لابسينوا ده يا لهوي لو الوحوش هنا كانوا دفنوكم مكانكم
هيثم : قولت ليهم محدش صدق
ديانا: ايه يا جدعان الافوره دي
يحيى ابتسم: على فكرة مش افوره ولا حاجه الوحوش متملكين جدا لو كانوا هنا وشافوا لبسكم ده كانوا فعلا قتلوكم قولوا الحمد لله
نظرت رسيل ليحيى وامسكت يده
'' روحوا انتوا انا هتكلم مع يحيى شويه ''
شغف: ولاه يا زين انا جعانه تعالى ناخد البنت دي ونتغدي برا
زين: وانتي لسه عايزه تمشي باللبس ده
شغف: لا هغيره هناك معايا هدوم في الشنطه أنجز
..........................................
في سياره رسيل
وصلت لقصر الشياطين ودخلت ووقفت العربيه ونزلت هي ويحيى المندهش من القصر اللي هو قدامه
'' قصر مين ده يا رسيل ''
رسيل بهدوء: قصري انا والبنات اقعد في الجنينه وانا هغير هدومي وجايه بس اوعي تتوه ولا حاجه
كان يحيى بيتمشي في الجنينه وهو حاسس انه مش هيجيب آخرها خالص
جات رسيل ولقيته واقف قدام ورد لونه ازرق فقالت بهدوء وهي بتقعد
'' بتحب الورد الأحمر ''
يحيى بحزن: حلا كانت بتحبه اوي
رسيل بتركيز: ايه حكايه حلا انا عايزه اعرفها
سكت يحيى وقالت رسيل
'' لو مش عايز انت حر انا مش هضغط عليك ''
يحيى قعد واخد نفس عميق
'' لا انا عايز اتكلم حلا دي اختي الصغيره أصغر مني بـ 5 سنين كانت هي ضحكه البيت وشمس العيله بس كله ده انتهى من 5 سنين
Flash back
في صاله قصر الرفاعي كانت نجلس بنوته بعيون خضراء مائله للعسلي وشعرها اصفر غامق في عمر 7 تلعب بلاستيشن مع اخوها الأكبر منها في عمر 12 وعندما خسرت وقفت بتذمر
'' لا انت بتغش يا يحيى ''
يحيى ضحك عليها: حجه البليد مسح الصبوره انتي خسرانه يا حلا اعترفي
تجمعت الدموع في عيونها وذمت شفتيها علامه على بدأ البكاء فقال يحيى بسرعه
'' خلاص خلاص انا اللي خسرت ''
حلا بانتصار: يعني إنا اللي كسبانه يلا ايدك على الشوكولاته
يحيى طلع شوكولاته من جيبه
'' وادي أكبر شوكولاته لاحلى حلا ''
حلا فضلت تتنطط بفرحه
'' يعيش يحيى يعيش ''
وجريت على اوضتها بس شافت ناس لابسه اسود ومغطيه وشها والرجاله دي اول ما شافوها مسكوها بسرعه وهي صرخت بخوف
يحيى اول ما سمع صوت صراخ اخته جري عليها بسرعه
واحد تاني مسك يحيى وقال بصوت عالي
'' صفا هانم ولادك معانا تدينا البحث تاخدي ولادك هتعاندي هنبعتهم ليكي جثث امك فين يلاه ''
يحيى بخوف: ماما مسافره
الراجل بغضب: بنت ال..... يعني سافرت واخدت البحث
حلا بغضب: أياك تشتمها سامع
الراجل: حلو اوى ننفذ التهديد بقى
الرجاله دي اخدوا يحيى وحلا وربط هم في مخزن وفضلوا ايام من غير اكل ولا مياه لحد ما حلا تعبت اوي ومهما يحيى يصرخ بأنهم يلحقوا اخته الا انه مفيش فايده لحد ما روح حلا راحت للخالقها اللي احن من كل البشر
Back
يحيى بدموع تهبط من عيونه
'' فهد لقينا بس بعد ما فوات الاوان حلا كانت ماتت وانا دخلت في غيبوبه وامي لما عرفت ضربت نفسها ميت قلم انها السبب وبابا كان منهار اما فهد ده كان مش عارف يجيب اللوم على مين ولام نفسه انه وقتها مكانش معانا يمكن مقدروش ياخدونا ''
نظر يحيى لرسيل ليجد عيونها حمراء وبها دموع ترفض النزول ضمت رسيل يحيى بقوه
'' عيط يا يحيى عيط وخرج كل اللي جواك ''
بكى يحيى بقوه لفتره طويله وابتعد وهي قالت
'' هي في مكان احسن دلوقتي يا يحيى''
يحيى ببكاء: بس وحشتني اوي
رسيل: خلاص ياض كفايه عياط احسن اعيط انا كمان وبعدين يا عم بلاش تزعل العيل اللي في بطني ده لو كانت بنت نسميها حلا ولو ولد قسما عظما ما حد يسميه غيرك
مسح يحيى دموعه وقال بفرحه
'' بجد انا هسميه ''
رسيل بحنان: ايوه وبعدين انت مقولتش انك بتحب علم النفس انتي ناوي عليها
يحيى ابتسم: مش عارف بصراحه انا بحب علم النفس اوي
رسيل: طب شد حيلك بقى يا بطل علشان تبقى دكتور يحيى الرفاعي أكبر دكتور نفسي في مصر والعالم أن شاء الله
يحيى: مش لدرجه العالم يعني
رسيل: لا انا مش عايزه إحباط وبعدين انا جوعت اوي تعالى نعمل اكل وفيه كتب علم نفس كتيره اوي جوا تقدر تاخد منها وتقرأ فيها
يحيى: شكرا بجد يا رسيل انتي رجعتي كل حاجه أحسن من الاول علاقه ماما وبابا ورجعتي ثقتي في نفسي انقذتي عيلتي يا رسيل اتمنى متتطلقيش من فهد وتفضلي معانا علطول
ابتسمت له رسيل بشرود تفكر في فهد لقد اشتاقت له كثيرا
..........................................
اليوم التالي في أمريكا
كانت المهمه تمت بنجاح وسوف يرجعون اليوم إلى مصر كان عدنان يجلس على اللاب بلا هدف وبجانبه يجلس سليم يشرب قهوه ويفكر بزيتونته قد اشتاق لها حد اللعنه
عدنان شاف فيديو على الفيس بوك في مصر أصبح تريند فركز في شخص وقال
'' فهد هي مدرسه أخوك اسمها ايه''
فهد : ليه بتسأل!!؟؟
نظر سليم للاب ووضع الفنجان على الطاوله وأخذ اللاب من عدنان
'' ده يحيى وكمان هيثم يا نهار وكمان زينه معاهم يا مالك ''
وقف الشباب قريب من سليم حتى يروا الفيديو
سيف :فيديو أيه ده
عدنان: ده فيديو لسه منشور امبارح علي الفيس في مصر عن التنمر بس بقى تريند في 5 ساعات بس بسبب البنات اللي ضربوا المتنمرين طب والله العيال دول صعبوا عليا واحده فيهم ضربت واحده ضيعت مستقبله وهو لسه مدخلش الكليه
نظر فهد بحزن شديد للفيديو هل كان اخوه يتعرض التنمر وهو لا يعلم وجلس إلا أن سمع الجميع صوت شغف وهي تتكلم مع زينه
مالك : لحظه بس انا عارف الصوت ده
اقترب مراد من اللاب
'' ليه حاسس اني شوفت الأشكال دي قبل كده''
مروان: ايوه وأنا كمان بس فين؟!
موده نظرت هي وأكمل إلى اللاب ليشهقوا بقوه
'' احيه دول البنات ''
الشباب بغضب: نــــعــــم
البنات اتكلموا ورسيل اتكلمت بغضب مع يحيى وقال عدنان
'' ايوه هما ده صوت رسيل وده صوت جين ''
نظر الشباب بغضب شديد من ملابسهم القصيره برغم ان البوت كان طويل إلا أن جزء منهم يظهر قفل سليم اللاب بعصبيه
عدنان: يا لهوي ده بتاعي
مالك بغضب: تعرف تمسح الفيديو ده
عدنان: مين ده انا؟!!
مالك : اومال حد غيرك
عدنان برعب: ااه اه اعرف
عدي : تبقى تمسحه حالا سيف الطياره تجهز دلوقتي انا مش هستني لليل
مروان شرب من قهوته ببرود
'' ههه حفرن قبورهن بأيديهم أغبياء لا يعلموا تملك الوحوش بعد ادعوا حقا أن ينجو من تحت أيديهم ''
أدهم ضحك عليه ومراد تلقى رساله
'' غريبه دي ''
سيف : هي ايه؟!؟
مراد: هناك رساله تقول ان نذهب جميعا إلى مبنى للمخابرات حالما نصل من المطار
فهد : من مين دي؟!؟
مراد نظر لادهم: من ابوك يا أدهم
أدهم استغرب: بابا مش هو في تركيا
مراد: لا أعلم لما نزل برغم إن هذا خطر لكن اعتقد انه شئ مهم
موده: وانا اكيد مش معاكم
مراد: لا انتي وعدنان وأكمل هترجعوا عادي عايز الوحوش بس
..........................................
وصل الجميع إلى مبنى المخابرات وكان حسن بانتظارهم في غرفه الاجتماعات ومعه زين دخل الجميع وقال أدهم بقلق
'' خير يا بابا حصل حاجه ''
حسن: خير يا أدهم أن شاء الله اقعدوا
جلس الجميع وقال حسن
'' طبعا انتوا دلوقتى دمكم محروق وعايزين تطفوا النار دي ''
مالك : اممم يبقى انت عرفت
زين: الفيديو انتشر في مصر كلها المهم استمعوا بقى من خبرات عمكم حسن
حسن: بصوا بقى انتوا دلوقتى متعملوش اي حاجه خالص
فهد : يعني انت عايز بعد اللي شوفناه ده نسكت ونولع احنا عادي
حسن: يعني هو كان حد عارف انهم زوجاتكم يعني وبعدين مش دي الطريقه اللي تكسبوهم بيها انا من تربيتي ليهم 7 سنين دول عارف انهم مستفزين وعنيدين جدا بس اعملوا المثل
سليم بغباء: يعني ايه
حسن: يعني انتوا دلوقتى غيرانين من اللي عملوا وحاسين انكم هتفرقعوا انا عارف علشان يعترفوا بقى اعملوا زيهم
عدي : حاسس اني مش فاهم يعني نقلدهم في ايه بالظبط
حسن ضرب وشه: يا لهوي على الغباء
زين بنفاذ صبر: يا أغبياء الست مش بتعترف غير لما تحس بالغيرة انتوا بقى اعملوا حاجات علشان يغيروا ويتنيلوا على عينهم ينطقوا بقى
مالك : وانتوا فكركم هما هيسكتوا هيردوا لينا اللي هنعمله ده العند ماشي في دمهم
زين: والله يا ابني معاك حق ربنا معاكم
حسن: انا قولتلكم بلاش من الاول محدش سمع الكلام اشربوا بقى مفيش غير الطريقه واعصروا على نفسكم لمونه
مروان: بصراحه معاه حق في كل حرف قالوا ليكم بلاش وانتوا اللي اصريتوا
نظر حسن ليهم وقال: ايه اخر اللي وصلتوا ليه في القضيه
سيف : ليه
حسن ابتسم: شاكك فيا مش كده
سيف : امممم مش عارف انت رأيك ايه
مراد: تعلموا من يكون هذا الذي أمامكم
أدهم: هو انت يا بابا كنت ظابط
مروان ابتسم: ايوه ومش اي ظابط ابوك كان قيصر المخابرات
سيف : ده بجد؟!؟؟
حسن: اومال هكدب عليكم مثلا بس انا اعتزلت من زمان
أدهم: ليه يا بابا
حسن: لاني الشغل من غير الملاك الأسود ملهوش طعم
زين: تعرف مين الملاك الأسود دي يا أدهم تبقى امك
أدهم بصدمه: نعم
جابر دخل: اومال انت فاكر ايه ابوك اصلا كان قائد الفريق بس بسبب اللي حصل زمان استقال وامك بقى قائد فريق الملاك الأسود الاتنين دول لو حد كان جيه زمان وقالي انهم هيتجوزوا ويبقى معاهم 4 عيال كنت قلت انه اتجنن في عقله
مروان: لا مكنتش اعرف انا القصه دي للدرجه دي كانت صعبين
زين: يا اختتتتي جدا حياه كانت عصبيه اوي وحسن مستفز مفيش مره اجتمعوا غير وحصل ما بينهم خناقه
حسن بصلهم الاتنين بغيظ
'' بصوا على نفسكم انتوا الاتنين ولا الباقي يا اخويا انت وهو دي ليالي طلعت عينك يا زين لحد ما وافقت تتجوزك وفوز وربنا العقده اللي كانت فيها عمري ما كنت أتوقع تتفك وتتجوز إبراهيم ودانه كانت مجنونه وأحمد خلقه ضيق اتنين عكس بعض اصلا ووليم بقى بيلا طلعت عين اللي جابوه وانت يا جابر هي فتون كانت سهله يعني ولا حتى رزان ولا ولاء وعز حب فريده وطلع عينه علشان أهلها يوافقوا وادم جاسي خلته يلف حوالين نفسه ومنصور ومروه البنت الشعبيه دي خلته يتجنن وماهر وهاجر مش احسن من الكل استنى 5 سنين مش انا بس يعني اللي طلع عيني بالإجماع كده كلنا واحد ''
فهد : يااااه ده انتوا تعبتوا تعب وانا اللي كنت فاكر اني احنا بس اللي طالع عينا معاهم
زين: لا يا اخويا انتوا الجيل 3 اللي قبلكم طلع عينه زيكم
أدهم: 3 ازاي مش الفروض 2
جابر: لا ماهو ابويا على الألفي كان قبلنا هو وممدوح السيوفي وعبدالله البحيري ومحمد الزيان وعتمان الشرقاوي وفهيم الشيمي وسليم المنشاوي بس الاتنين الآخرين دول ماتوا ودول كلهم مروا بتجربتنا وتجربتكم يلا شدوا حيلكم بقى انا عارف اني العصابه أسوء من الكل بس أدى الله وادي حكمته
عدي : يعني انتوا المفروض بتطمنوننا ولا إيه
أدهم بضحك: تصدقوا معاهم حق لما قالوا بلاش انا دلوقتي بصراحه اقتنعت
مروان: هتتفرموا وانا عارف العصابه مش سهله ولا واحده فيهم سهله
أدهم: صحيح يا بابا هي ماما كانت هتقتلك قبل كده
زين قعد يضحك وقال: وربنا لاقولهم
حسن: عارف لو
زين: لا هقول احم احم اسمعوا كده اول مره شوفنا البنات يوم ما على الألفي عطانا القضيه كان وقتها لواء وابوك بقى اعترض على اني حياه تبقى القائد معاه واني الستات اصلا لا يصلحوا لوظيفة ظابط وقتها حياه اتعصبت اوي ورفعت عليه المسدس عشان تثبت انها تستحق بس ابوك كتله استفزاز قالها كده بكل برود لو تقدري اعمليها
حياه وقتها ضربت عليه بس ليالي رفعت ايدها فالطلقه جات في السقف وابوك زي ما هو قاعد حاطط رجل على رجل ولا اكني حاجه حصلت
مروان: لا جامد يا عمي حسن فعلا القيصر
أدهم: بقولك يا سيف مش بيفكرك بحاجه الموقف ده
نظر له سيف وتذكر ان شمس أطلقت عليه نار لكن الرصاصه مرت بجانبه فنظر لحسن وقال بابتسامه سمجه
'' مليكه أخبارها ايه يا حمايا ''
حسن بضيق: وانت مالك
سيف باستفزار: مراتي يا حمايا وبسال عليها
حسن بغيظ: ولاه بطل تستفزني بدال ما اقوم اضربك واحلف حتى ما تشوف ضفرها
جابر: ياااه عشت وشوفت حد بيستفز حسن
زين: مبروك سيف انت 2 واحد بيعرف يعصب حسن بعد حياه
أدهم بضيق: اتلم يا سيف بالله لو عصبته اكتر من كده وضربك انا مش هحوش عنك
حسن: وانا اضرب ليه يبقى يقابلني لو جوزته بنتي
سيف : خلاص فات الأوان مش هتعرف تاخدها مني
حسن قام: وربنا لضربه اوعي
جابر وزين مسكوا وقال مراد
'' ليه مش عايزه يتجوزها على الأقل نرتاح منها ارتاحنا من 4 والخامسة اهي وفاضل 2 ربنا يبعت حد ياخدهم بقى ونرتاح من العصابه كلها''
حسن بغيظ: بس ياض انت اقعد على جنب انا مش اتحرم من بناتي سنين علشان يتخطفوا من ايديا تاني ولا واحده فيهم
مراد: عيب عليك يا ابو نسب تهزقني كده قدام أدهم عيب لما يشوف خاله كده قدامه
أدهم بسخريه: خال ايه يا مراد انت هتعيش الدور اوي ده انا اكبر منك بـ 3 سنين
مراد باستفزار: عيب عليك يا ولد انا خالك واجب عليك احترامي
مروان قعد يضحك هو والباقي
أدهم بضيق: عجبتكم اوي
مالك بضحك: جدا عندك عم عنده 26 سنه وخال عنده 25 سنه عيله مش عارف بصراحه اقول ايه
مروان: انتوا زي ما بتقول ملك عيله ملعوب في شجرتها
حسن: بتفكر في ايه يا عدي
عدي : سيف هو امتا افتتاح الجزيره السياحيه
سيف : عمر قال إنه بعد اسبوع ليه
عدي ابتسم بخبث: لقيت طريقه بصراحه
سليم : قلتلكم الواد ده مياه من تحت تبن محدش صدقني
مراد: امممم حتما ستكون حربا
مروان بمكر: حربا ساحقه بين الوحوش والشياطين
..........................................
في قصر عائله الهلالي دخل عدي ولقي المكان هادي قليلا لكنه سمع صوت يعرفه جيدا آتى من المطبخ فذهب هناك لكن وقف على باب المطبخ بصدمه فكانت ديانا ترتدي تيشيرت أخضر نصف كم وبنطلون اسود لا بالكاد يصل إلى ركبتها وهو ضيق وتاكل في كيك بالكريمه بنهم شديد لكن فزعت على صوت عدي الحاد
'' ديــــانـــــا ''
ديانا لفت بسرعه وشافت عدي واقف وعيونه لا تبشر بالخير ابدا
'' هو انت جيت امتا يا عم انت خضتني ''
امسكها عدي من ذراعها قائلا بغضب
'' ايه اللي انتي لابسه ده ''
ديانا: ايه لابسه بيكيني يعني ده لبس
عدي بغيره شديده: وده لبس هو انتي مش واخده بالك اني البيت في رجاله لابسه بنطلون لحد ركبتك وايه الدراعات دي
ديانا بذهول: رجاله ايه ابوك من محارمي
عدي بغيره: وعزت ليكون هو كمان من محارمك
ديانا بعدت ايده بغيظ: عزت في الوقت ده في الشغل وهيثم في المدرسه وابوك في المكتب مش هيشوفني وحتى لو انا من محارمه
امسكها عدي من خصرها بتملك شديد
'' وانا مش عايز جنس راجل يلمحك حتى وحكايه انك من غير حجاب في أوقات ايوه وفي أوقات لا انا اصلا مش راضيه عنها اطلعي فوق قبل ما عزت وسليم يجوا ''
ديانا بعند :لا انا هاكل الك....
عدي بحده: قولت فوق حالا
ديانا خافت بس عاندت
'' قولت لا ''
عدي : تمام
وشالها على ايديه وطلع بيها
'' انتي اللي جبتيه لنفسك يا بنت البحيري ''
ديانا بعصبيه: انت يلاه نزلني ياض
عدي ببرود: لا
ديانا بصراخ: يا اميره الحقيني يا كــــامــــل ابنك عايز يضربني الحقني
كامل خرج هو واميره وقالت اميره بفزع
'' في ايه بتصرخي ليه.... عدي ''
عدي نزل ديانا وراه علشان ابوه واقف وقال كامل باستغراب
'' في ايه؟؟!! ''
ديانا: ابنك عايز يضربني يا كامل
اميره: يضربك ليه
عدي بغيره: إللي لابسه الهانم هو انا عشان مش في البيت تعمل اللي على مزاجها
ديانا: وأنت مالك انت مش هنطلق لما أولد خلصنا كل واحد في حاله بقى
عدي : على جثتي وأبقى قابليني لو طلقتك
كامل: اهدي يا ابني وانتي كفايه استفزاز فيه
ديانا: انا عملت حاجه انا بقول واقع هيحصل
عدي : اممم
وهوب شالها على كتفه وطلع بيها لفوق تحت صراخها
'' نزلني يا عدي انت شايل شكاره بطاطا نزلني ياض هدوخ ''
عدي دخل اوضته وقفل الباب بالمفتاح ونزلها على السرير وهي كانت هتقوم بس هو منعها وحاصرها بين ايديه والسرير تحتها
عدي : ها سمعيني اللي كنتي بتقوليه تحت يا مدام
ديانا بغضب: إنت فاكر نفسك مين يا عدي علشان تؤمر وتنهي فيا
عدي ببرود: جوزك
ديانا: هههه ده على الورق وهنطلق يا بابا
عدي : اممم لو كان علي الورق فأنتي حامل مني يا برق وبالنسبه للطلاق فإياكي اسمع كلمه طلاق على لسانك فاهمه
ديانا بعناد: لا مش فاهمه وهتطلق....
عدي قام وقفل الباب وراه بالمفتاح وديانا قامت بفزع وخبطت على الباب :
عدي يا عدي متقفلش طب انا جعانه طيب عايزه الكيك قبل ما ايان ياكله اووف
ذهبت للمرآه ونظرت لنفسها بغيظ وفكرت في فكره وابتسمت عليها بخبث ودخلت اوضه اللبس ومسكت فستان صيفي قصير قليلا
'' ماشي يا عدي إذا كنت انتي التمساح فأنا البرق ومحدش يقدر يحبس البرق في مكان ''
اما في الاسفل
كان عزت وزوجته نسمه وصلوا وهيثم وايان أيضا وعزت اقترب من اخوه
'' يااه دي كلها غيبه يا عم ''
عدي : لازم ارجع الفتره دي علشان الافتتاح اللي قرب ده
هيثم : ماما هي فين ديانا مش عادتها يعني تفوت الغداء
نظر كامل لابنه بشك وهو قال بهدوء
'' نايمه يا هيثم ''
ديانا من أمام مدخل القصر الداخلي
'' لا صحيت افوت ازاي غداء زي ده ''
نسمه: هي كانت برا
عزت: انا مش مطمن
نظر لها عدي وجز على سنانه خرجت رغم تحذيراته واحمرت عيونه من الغضب بسبب ذالك الفستان الذي ترتدي وهي نظرت له بانتصار
'' ايه يا ميرو فين الغداء ''
اميره بخوف من منظر ابنها
'' حاضر حاضر ''
نظر عدي إلى ديانا بتحدى وقال
'' امي اذا سمحتي في حاجه انا طلبتها من الداده جوا ينفع تجيبيها منها ''
اميره: حاجه أين دي يا ابني
عدي : هي عارفه
ديانا قعدت جمب هيثم وهو خاف من نظره عدي ليه وجرى قعد جمب ابوه
ديانا بسخريه: هو انت حد قالك اني جربانه مثلا
هيثم : لا حاشه لله بس انا لسه صغير وعايز اعيش
عدي ببرود: انتى خرجتي ازاي انا قافل الباب بالمفتاح
ديانا ببرود اكبر: وانا مش اي حد يا تمساح ودي شغلتي وبعدين انا كنت اقدر افتح الباب بس بصراحه كسلت اضيع وقت كتير وخرجت من ناحيه تانيه
شتمها عدي في سره لأنه المخرج التاني اكيد البلكونه واميره جات ومعاها حاجه وديانا وقفت وكانت هتجري بس عدي في لحظه مسكها من وسطها وكتفها جمبه بأيديه
ديانا بصراخ: لا لا لا على جثتي اني اشربه لا
نسمه باستغراب: ليه ده حتى اللبن🥛حلو
اميره: يا ابني هي بتكرهه بلاش تغصبها عليه
عدي : لا علشان تعاند معايا وتخرج برضو
ديانا: يا كامل ابعد ابنك عني والله ما هشربه
نسمه: هي حامل لو شربته وهى مش عايزه هترجع ده إحنا لحد دلوقتي مشوفناش حاله ترجيع منها هتخليها تعملها دلوقتي
عدي ببرود: هاتي اللبن يا أمي
ديانا: يا عزت مش إنت اخوه الكبير ابعده عني
عزت: علميا انا الكبير
نظر له عدي نظره مرعبه فقال بسرعه
'' بس عمليا وعلميا عدي جوزك اسمعي كلامه''
ديانا: اتفو على الرجاله يا اميره هرجع وربنا
عدي مسك اللبن وقربه منها وهي بتتحرك بعنف قرب عدي منها وهمس بخفوت
'' قسما بالله لو ما شربتيه لابوسك قدام الكل ومش هيهمني حد ''
نظرت له بغضب وهو قرب الكوبايه وهي شربت غصب عنها
هيثم : يارب ما ترجع
ديانا خلصت نصها وبعدت وشها
'' لا مش قادره وربنا ما قادره ابعدوا ع...
نظرت له واصبح وجهها أحمر بشده مثل الدم
هيثم : يا لهوي وشها أحمر يبقى هترجع أجرى يا ايان
ديانا مسكت اللبن وشربت الباقي غصب عنها
هيثم سقف: الله عليكي يا بنتي خلصتيها
ايان: شاطره زي ما ماما بتقول عليا لما اشرب اللبن صح يا بابا
عزت: صح يا حبيبي
ديانا وهي تكاد تبكي: شربته اوعي بقى
جاسر بتملك: متلبسيش الفستان القصير ده تاني
ديانا: انا غلطانه انا اصلا مش بحب الفساتين
عدي ببرود: ابقى فكريني احرق الفستان ده هو واللبس بتاعك القصير ده
صرخت ديانا: نسمه
نسمه بخضه: أيه حد قالك اني طرشه
ديانانطت قعدت جمبها وقالت
'' منكم لله كلكم بطني هتتقلب وانت اولهم يا عزت علشان مش عارف تقوم تقوله لأ ''
عزت: وانا مال امي واحد ومراته وبعدين انا عندي ابن اربيه مش مستغني عن حياتي
ديانا بغيظ: جبان
..........................................
في النادي بالتحديد في ملعب الاسكواش
كان يحيى ينتظر قدوم رسيل لتلعب معه لكن وجد من وقف أمامه ومد يده بالمضرب 🎾 رفع يحيى رأسه ليجده هو من كان دائما بجانبه ليس دائما بسبب مشاغله لكنه كان عندما يحتاجه ابتسم بفرحه واحتضنه
'' فهد ''
ربت فهد على ضهر اخوه الصغير وقال بعتاب
'' ليه يا يحيى مقولتش ليا اني في شباب بيضايقوك ها ''
يحيى ابتعد عنه: انت عرفت رسيل قالت ليك صح
فهد : لا شوفت الفيديو وعرفت
يحيى بحزن: انا آسف
فهد حط ايده على كتفه: يلا نلعب زي زمان انا وحشني اوي اللعب معاك
ابتسم يحيى بحماس: يلا يا فهد
بدأ فهد ويحيى يلعبوا لاني دي رياضتهم المفضله
رسيل: ولاه يا يحيى انت بعتني ولقيت حد يلعب مكاني ياض
لف فهد ليها ونظر لها من أعلى لاسفل لأنها كانت لابسه تيشرت ازرق ضيق شويه وبنطلون ابيض وكاب ابيض
فهد ببرود شديد: ايه اللي انتي لابسه ده
بصت رسيل لنفسها
'' أيه عادي وبعدين انت جيت امتا ''
يحيى نظر لفهد وبعدها لرسيل وقال بخوف
'' ربنا يستر ''
رسيل: انت بتعرف تلعب اسكواش
فهد : امممم ومعتقدش انك تعرفي
رسيل: ليه يا عينيا انت جربتني
فهد : ماسكه المضرب غلط
رسيل: وانت بتعرف يا ابن الرفاعي
يحيى كتم ضحكته: فهد يا رسيل آخد المركز الأول على الجمهوريه في لعبة الاسكواش
رسيل ضيقت عيونها: عنجد طب علمني
فهد ربع ايديه وقال بخبث
'' وايه المقابل ''
رسيل: عايز أيه
فهد : اممم مش عارف ابقى احدد بعدين
يحيى قعد وقال: وانا هتفرج يلا يلا
فهد ابتدي يعلم رسيل وهي شافت انه فعلا شاطر وبعد ساعه
رسيل: اتعلمت
فهد : امممم لا شاطره وبتتعلمي بسرعه
رسيل: طب انا عايزه انافسك
فهد : مش للدرجه دي مش هتقدري وبعدين يا هانم انتي ناسيه انك حامل كده هتتعبي
رسيل: لا متقلقش ولا انت خايف يا فهد اني اغلبك قول قول متتكسفش
رفع فهد حاجبه وقال: ماشي يا فوكس يلا بس ان فوزت انا لازم تنفذي طلبي مهما كان
رسيل: وان فوزت انا تجيب ليا شوكولاته من الحجم الكبير وكتير بقى انت وكرمك مع اني أشك في الكلمه دى
فهد : لسانك طويل بس مش عليا يلا
فهد ورسيل ابتدوا يلعبوا وكانت المنافسه حماسيه جدا بس رسيل خسرت في النهايه وهو ضحك بانتصار
رسيل: اووووف طيب ايه الطلب وانا اصلا مش مرتاحين ليه
فهد بصوت عالي: يحيى غير هدومك علشان هنمشي
يحيى خرج ونظر فهد لرسيل بخبث
'' الطلب بقى وده ممنوع رفضه انا بقى عايز بوسه ''
رسيل بسخريه: عند صفا روح كده زي الشاطر وخد بوسه من خدها ده لو حسين سمحلك يعني
فهد شدها من وسطها وقال
'' لا انا عايزها منك انتي ''
رسيل اتوترت اوي وقالت بتوتر شديد
'' ااابعد يا فهد يحيى ممكن يرجع في أي وقت وبعدين بوسه إيه يا قليل الادب اللي عايز تاخدها ''
اقترب فهد منها بشده
'' انتي مراتي يا رسيل وده لا غلط ولا حرام
وكان هيبوسها بس هي لفتح وشها بسرعه وجات في خدها فزقته وطلعت تجري لبرا ''
فهد بتذمر: على فكره انا مكنتش عايزها في الخد انتي بتغشي
رسيل دخلت رأسها وقالت بغيظ
'' أخرس يا منحرف يا قليل الادب والله حسين ما عرف يربي ''
فهد ضحك بقوه عليها مجنونته الغبيه اللي للأسف الشديد عشقها بجنون
..........................................
في حضانه للأطفال كان دخل سليم الحضانه دي وكل أنظار المدرسات اتوجهت عليه بإعجاب شديد بس هو مهتمش وسمع صوت طفولي عالي بيقول بفرحه
'' بابا ''
سليم فتح دراعاته لانس وهو حضنه بقوه
'' عامل ايه يا انوس في الحضانه ''
أنس: كويس وجين دايما توصلني وتجيبني وتذاكر معايا بس هي قربت تيجي
اقتربت معلمه منه وقالت
'' انت والده ''
سليم : لا انا عمه والده متوفي هو وأمه
اقتربت واحده أخرى تقول بدلع
'' ايه يا انوس مش تعرفنا على بابا ''
نظر لها أنس بضيق هو يكرهه هذه المدرسه بشده فقال
'' لا والله اصل ماما مش بتحب حد يبص لبابا انا اسف يا مس غني ''
غني كشرت ولسه هتتكلم بس سمعت صوت من وراها بيقول
'' مش هو قال ماما بتغير ليه مصره تقفي عن اذنك بقى مش بحب حد يقف مع جوزي ''
وهذه ما كانت إلا جين اللي كانت بتراقب من بعيد ومبتسمه بس لما شافت العرسه زي ما سمتها بتتكلم معاه بالطريقه دي حست بنار جواها اما سليم كان مبتسم على اللي بيحصل ده مستمتع اوي بغيره جين
غني بضيق: اسفه عن اذنكم
أنس بفرحه: جين بابا جيه
جين نظرتك لسليم وقال سليم : ماشي يا أنس روح هات الشنطه بتاعتك
أنس مشي وقال سليم
'' افهم بقى الفيديو اللي انتشر ده اي ''
جين باستعباط: فيديو فيديو أيه انا مش عارفه انت بتتكلم عن أي
سليم : جـــيـــن فكرك انا مش عارف انه انتي قسما بالله لو شوفتك لابسه كده تاني لاولع فيكي
جين: وانت مالك بيا وبعدين وشي مش ظاهر اصلا ده شكل واحده تانيه
سليم نظر لها نظره اخافتها
'' ايه يا عم انت بتبص كده ليه خلاص احنا آسفين يا صلاح ''
ضحك سليم غصب عنه وجيه أنس واخدهم الاتنين ورجعوا القصر
..........................................
في قصر الشناوي
كان الجميع ياكلون الغداء ودخل مالك
" بتاكلوا من غيري"
زينه بفرحه: مالك
وجريت عليه وحضنته
زين: يااااه يا قرش دي كلها غيبه يا جدع
طارق حضن ابنه وزينات بتاكل ببرود اما شغف كانت في المطبخ ولما سمعت دوشه برا خرجت
'' أيه يا جدعان بتتخانقوا ولا ايه ''
نظر لها مالك طويلا اشتاق لها جدا وهي أيضا
طارق قاطع النظرات دي
'' اقعد يا مالك علشان تاكل وانتي كمان يا شغف اقعدي جمب جوزك ''
شغف بسرعه: لا انا هقعد جنب زينه
زينه ابتسمت بمكر وقعدت جنب مالك بحيث يكون في كرسي فاضي في النص ما بينهم
'' تعالى يا شغف اقعدي في النص جنبي وجمبه''
شغف بهمس: اه يا واطيه يا بياعه ماشي ماشي يا بت زينات
شغف قعدت بتوتر لتشم رائحه عطره الرجولي ولا تعلم لما أعجبتها بشده تشعر أنها تتدمنها
مالك مال عليها شويه
'' كلي يا شغف انتي هتنامي وانتي قاعده ''
شغف فتحت عيونها وابتدات تاكل بتوتر شديد من نظراته وقالت زينات
'' اختي هتيجي هي وبناتها النهارده اجازه وهيحضروا حفله الافتتاح ومعتقدش عندك مانع يقعدوا هنا لحد يوم الحفله ''
طارق بهدوء: لا عادي ينوروا
زينه بهمس سمعته شغف
'' يا لهوي خالتي وبناتها العرس 4 ربنا يستر ''
شغف باستغراب: عرس ليه؟؟!!
زين بخفوت: اصل عينهم من الشباب
شغف اشتعلت حواسها وقالت
'' عينهم من مين بالظبط ''
زينه: الكبيره تالا كآنت هتموت وتتجوز مالك واللي بعدها الين عينها من عدي واللي بعدها ميار هتموت وتوقع سليم والصغيره بقي لينا عينها من فهد
شغف بغيظ: واشمعنا دول يعني ما فيه سيف وادهم
زين: لا هما بيخافوا يقربوا من الوحش وادهم بقى ريم متتوصاش حرمت عليهم يبصوا لادهم
شغف بغيظ: وشكلهم هياخدوا تذكره للاخره من العصابه
طارق باستغراب: انتوا بتتوشوشو بتقولوا أيه
زينه: لا احنا ابدا
شغف قامت: انا شبعت عن اذنكم
مالك ابتسم بمكر شديد لإنه هو اللي اقترح يجيب خالته هنا وهو قال للشباب واتحمسوا كلهم ضحك في سره لما افتكر كلام مروان
- والله انتوا ناوين تموتوهم دول لما يضربوا بيكسروا
- مراد قعد اعذر من أنذر اتفرجوا على اللي هيعملوا العصابه
..........................................
مر الأسبوع وشغف قالت للبنات وهما قاعدين على نار من اسبوع لاني خاله مالك قالت اني هي وبناتها هيجوا على معاد الحفله بسبب كام مشكلته حصلت مش هيقدروا يسافروا والبنات حرفيا هيتشلوا يسبب الشباب اللي شبه مش بيدوا ليهم اهتمام وقرر البنات اللعب قليلا باعصابهم حتى يعلموا من هم العصابه
(عزيزي القارئ استعد وقت الكوميديا والغيره بدوا على طريقه العصابه)
يوم الحفله
كانت الحفله كبيره جدا في جزيره من جزر شرم الشيخ ولما لا وهي تضم أكبر عائلات البلد وكانت الصحافه في كل مكان بدأت الحفله ولم يظهر البنات وكان مراد ومروان وبيتر وفادي مع الشباب
سيف : انا مش فاهم انتوا ايه اللي جايبكم
مروان: ونفوت عرض زي ده بس استنى عدم ظهورهم لحد دلوقتي معناه مصيبه
مراد: اتفق معه بشده ثم انت لم تعرف كيف هربت من ملك وعشق
فادي: اي مصيبه عايزين يدخلوا فيها وخلاص
ياسين جيه وقال
'' يا لهوي على الصحافه ربنا يستر من الاتنين اللي عندى لما يعرفوا ''
بيتر: انت هربت منهم ازاي
ياسين: سلطت عليهم آسيا ومصطفى علشان يروحوا الملاهي وهما زي العيال شبطوا واخدوا غزل وراحوا وانا ومراد جينا
أدهم: مش خطر على غزل الملاهي علشان حملها
ياسين: بابا معاهم ومش هيخليها تركب
سليم : مبروك يا دنجوان ناس اتجوزت وارتاحت وناس طالع عين ابوها
بيتر: ههههههههه طب تصدقوا انا شمتان فيكم
فهد : ليه كده يا ابو ماك
بيتر: علشان تتربوا شويه وتربوهم بالمره
سيف شد انتباه اسم آسيا وتذكر ما قاله اكمل وعدنان عنها
Flash back
كان الشباب كالعاده مجتمعين ويبحثون في القضيه اتصل ياسين على أدهم وهو رد بسرعه
'' افتكرت اخيرا اني عندك اخ يا ياسين ''
ياسين: هههههههه طب ما انت عارف اللي فيها المهم انتوا عاملين ايه يا وحوش
أدهم: والله اديهم قاعدين بيخططوا علشان البنات
ياسين بضحك: مراد قالي وانا لازم حتما هاجي انا اصلا المصمم وبرضو عايز اعرف الحرب اخيرها ايه
مالك : تفتكر يا دنجوان ايه اللي هيحصل
ياسين بضحك: مصيبه من مصايب العصابه اكيد اسمع مني
عدي : الله يبشرك بالخير
أدهم: ياسين شد حيلك انا عايز ابقى عم
ياسين بإبتسامه: قريب كمان 7 شهور
اكمل: يااااه هيبقى فيه فرد جديد في عيله الألفي
أدهم: مبروك يا ياسين ربنا يجيب مرات ابني بالسلامه
ياسين كشر: مرات ابنك مين انت فكرك انا هجوز بنتي اصلا وبعدين ملقتش غير ابنك
أدهم بضحك: أيهم طول الوقت بيقول انا هتجوز بنت عمي ياسين وانا مش عايز احرم قلبين من بعض حرام عليا
ياسين ببرود: على جثتي
سليم : هههههههه انتوا بتخططوا لجواز البنت مين دلوقتي مش لو طلعت بنت اصلا
ياسين: على رأيك هيبقى ولد مش بنت وبعدين انا مش عارف اتلم على مراتي ملك وعشق بيزغطوا فيها
أدهم: اشرب من اللي انا شربت منه حماتي كانت عامله كده وملك وعشق متقمصين دور الحماة بزياده
سمع ياسين صوت آسيا بتاندي عليه
'' ياسين يا ياسين يامن بيقولك تعالى علشان الغداء ''
ياسين ابتسم بمكر: طب بقولك ايه ما تاخدي عشق وملك بعيد انا عايز استفرد بغزل وهما بينطوا كل شويه
آسيا: تتدفع كام
ياسين: بنت انتي متقعديش مع مصطفى تاني يقيني ماديه اوي زيه
آسيا: خلاص شوف غيري
ياسين: استنى خلاص هجيب ليكي شوكولاته جلاكسي من الكبيره ايه رايك
اسيا بتفكير: اممم عايزه اتنين
ياسين: اوف حاضر روحي بقى
آسيا: اشطا يا اسطا سلام
ياسين: اشطا ويا اسطا لا حول الله بوظوا أخلاق البت منكم لله انتوا 3
أدهم: يا ياسين
ياسين: ايوه يا أدهم
أدهم باستغراب: مين البنت دي اوعي تقول بنت مراد مش هصدق
ياسين: بنت مراد ايه لا طبعا دي تبقي.... معلش يا أدهم لازم اقفل بابا بينادي
أدهم: ماشي سلام
نظر أدهم بشك لعدنان وأكمل
عدنان: ايه طيب بتبص كده ليه وربنا ما اعرف حاجه
سيف : يعني البت دي مش بنت مراد
اكمل: لا انا اشهد اني دي مش بنته
أدهم: مش مصدق بصراحه لاني كل يوم بكتشف صدمه جديده فاتوقعها
اكمل: لا والله مش بنته
عدي : اومال بنت مين وبتعمل ايه هناك
اكمل: بنت مين مش عارف بس اللي اعرفه اني البنت دي مهمه جدا عند شمس لدرجه انها توصي عليها قبل ما تدخل الغيبوبه
سيف بتركيز: قبل ما تدخل الغيبوبه انتوا اتكلمتوا معاها قبل ما تدخلها
عدنان: ايوه لاني مصطفى وشمس انتقلوا بطياره طبيه برا البلد وشمس كانت وقتها لسه مدخلتش الغيبوبه واتكلمت معانا كنت وقتها انا وعلى وسراج وعمر وعبد الرحمن كنا في الطياره وهي اتكلمت معانا ووصت على كام حاجه ومنهم آسيا قالت إنها تتعالج ومحدش يعرف عنها حاجه ولو هي دخلت في غيبوبه محدش يقول لابو آسيا عن حاجه احنا اصلا منعرفش مين دي بس هي قالت البنات عارفين ولما اسيا تفوق من الغيبوبه تتعالج مع مصطفى في تركيا وملك وعشق يكونوا معاها والبنات عارفين مين دي ومين امها ومين ابوها البنت دي حرفيا الشله كلها هتموت وتعرف مين ابوها
فهد : اشمعنا ابوها يعني
اكمل: لاني مصطفى قال اني البنت دي شبه ابوها جدا في الملامح والشكل والشخصية
أدهم: هو انتوا شوفتوها قبل كده
عدنان: انا شوفتها البنت دي كانت في غيبوبه وشمس كانت حطتها في المستشفى العسكري علشان تبقى قريب منها البنت دي فيها حاجه غريبه شمس كل يوم كانت بتقعد معاها بالساعات بتتكلم برغم اني آسيا في غيبوبه وبصراحه الفضول قتلني اعرف مين دي وحاولت بس شمس والبنات مخبين كل المعلومات عنها وهما لو خبوا حاجه مستحيل حد يعرفها
Back
عمر جيه: ايه يا وحوش متجمعين عند النبي ياسين صديقي وحشني يا راجل والله
ياسين: وانت لا بصراحه انت كل يوم بتكلمني
عمر: تصدق انا غلطان
ياسين: فعلا غلطان
شهق عمر بصدمه: احيه دي جين ولا خيالها
نظر الجميع ليقول فادي بضحك
'' ولتبدا الحرب هههههههه ''
نظر سليم إلى ما ترتديه جين كان فستان رغم أنه طويل إلا أنه باكتاف عاريه
مروان بص لسليم وابتسم بمكر
'' جين حبيبتي وحشتيني ''
جين بتأثر مصطنع
'' بلاكي يا رجل اشتقت لك كثيرا ''
بلاك حضنها وقال بهمس
'' ده هيولع فيكي باكتافك العريانه دي بس اصبري بس ''
اقترب منهم سليم ووجهه لا يبشر بالخير ابدا وبعد مروان عن جين بعنف وحط ايده على وسطها بقوه تألمت منها لكن مبينتش
سليم بغضب: عارف لولا إني فاهم دماغك لكنت كسرتها
مروان باستفزاز: الله وانت مضايق ليه اختي واحضنها زي ما انا عايز
بيتر: شكله عايز يموت
سليم داس على رجله جامد
'' طب اعملها تاني وانا اقتلك ''
جين: تقتل مين ياض انت طب اعملها كده
نظر لها سليم بنظره مخيفه
أدهم بضحك: فين الباقي
جين: أهم هناك
بص فهد ومالك وعدي للمكان بسرعه وحسوا أني فيه نار في قلوبهم البنات كانوا لابسين زي جين فساتين طويله بس أكتافهم عاريه
مراد: الليله طويله سنشاهد الكثير
بيتر: فعلا
رسيل بمرح: فادي يا ابن عمتي عاش من شافك
فهد بنبره مخيفه: عايز تبقى زي مروان روحلها
فادي: هو انا اقدر بس مش عايز
مالك : ايه اللي لابسه ده
شغف ببراءة: ايه فستان
ياسين: البراءه مش لايقه عليكي
عدي : بتعاندي يا ديانا
ديانا: ايه انت قولت متلبسيش فستان قصير وده طويل
عدي بغيره: ورقبتك العريانه دي تبقي ايه ها
ديانا ببرود: الستات لابسه عريان من فوق ومن تحت
فهد : عارفه يا رسيل لو اتحركتي من جمبي هعمل فيكي ايه هولع فيكي بالفستان ده لابسه أحمر... أحمر
رسيل: كنت بجرب اللون مش اكتر
لم يلاحظ احد سليم الذي سحب جين وراءه لمكان فاضي
جين: انت ياض ساحب جاموسه وراك
سليم مسكها من دراعتها وقال بغيره شديده
'' ايه اللي لابسه ده فاكر نفسك متجوزه سوسن دراعاتك باينه واكتافك باينه وفارده شعرك وكمان حاطه ميكب نهارك اسود ''
جين: والله فيه اتفاق انك هطلقني في الآخر وانت بقالك شهرين مشوفتش وشك خالص يبقى كل واحد حر بقى
ضرب سليم الحائط بجانبها بقوه وهي صرخت بخوف بس محدش سمع حاجه بسبب صوت الاغاني
سليم بغضب: اخرسي يا جين انتي عارفه إني ده كله تمثيل
جين ببرود مزيف: بس الطلاق مش تمثيل
'' عارفه لو قولتي كلمه طلاق دي تاني مش هيحصلك كويس ''
اغمضت جين عيونها بقوه تشعر بأنها مخدره لأول مره تتوتر من قرب رجل منها تشعر أنها أمامه ليست الصقر ليست واحده من الشياطين بل هي جين تلك الطفله بداخلها التي دفنت فهمست بصوت خافت
'' انا مش هنفعك يا سليم صدقني ''
سليم مال على كتفها
'' لو انتي صادقه قلبك ده بيدق اوي كده ليه ''
فتحت عيونها الخضراء ونظرت لسماء عيونه يمر وقت عليهم لا يشعروا بما حولهم تتكلم العيون بما عجز اللسان عن نطقه
..........................................
بعد قليل في الحفل تأتي سيده يبدوا عليها الغرور الشديد وخلفها 4 بنات يرتدين لا اسفه لا يرتدي غير قطعه قماش وينظرون للجميع بتكبر واضح اقتربت منهم زينات وحضنت الست وقالت
'' مرفت وحشاني اوي ''
مرفت: وانتى كمان يا زينات
تالا بدلع: اومال فين مالك يا طنط
زينات: مالك مع الشباب لحظه اناديه يا مالك
اما عند البنات قالت زينه بصدمه
'' احيه العرس وصلوا ''
نظروا البنات بسرعه لينطلقوا لمكانهم عندما وجدوا مالك والشباب اقتربوا من العرس
(على رأي زينه 😅)
زينات: سلم على خالتك وبناتها يا مالك
مالك ببرود: اهلا
تالا مدت ايدها وقالت بدلع
'' ازيك يا ما...
أمسكت شغف ايدها وسلمت هي
'' معلش اصله متوضي ومش بيسلم على عرس قصدي بنات ''
كتم زين وزينه ضحكتهم وقالت مرفت بتكبر
'' انتي بقى أمل بنت الحاره ''
شغف ببرود: لا اسمي شغف السيوفي رعد الاقتصاد
نظر لها الجميع بصدمه ماعدا مالك والشباب هما عارفين ألقاب البنات في عالم الاقتصاد بيتر قالهم
زينه :يا لهوي انتي رعد الاقتصاد صاحبه أكبر شركه لتصنيع العطور العالميه
مالك حضن وسط شغف وقال
" دكتوره شغف السيوفي مراتي يا تالا ''
تالا كآنت لسه في صدمتها وقالت الين
'' ازاي رعد الاقتصاد والكل عارف انك انتي وأصحاب عايشين في حاره ''
ديانا ببرود: شئ ميخصكيش وبعدين مين قال اني احنا مش زي شغف
زينات بصدمه: قصدكم ايه
أدهم بهدوء: قصدهم اللي وصلك
عدي ضم كتف ديانا ليه وقال بفخر
'' مراتي ديانا البحيري برق الاقتصاد ''
فهد حط ايده على وسط رسيل
'' رسيل الشرقاوي ثعلب الاقتصاد مراتي ''
سليم حضن جين
'' جين الزيان صقر الاقتصاد مراتي ''
زينه: لا لا لا انتي مصممه الأزياء العالميه جين الزيان صاحبه تصاميم الصقر العالميه لا ولا الباقي ده انتوا تقريبا من جبابره الاقتصاد
طارق بهدوء: شكلك متابعه يا زينه
زين: ومين يا بابا ميعرفش الأسماء دي بس انا مرات اخويا رعد الاقتصاد يا حلاوه يا ولاد
شعرت بنات مرفت بالغيره الشديده يبدوا الحب واضحا في أعين الوحوش للبنات فذهبوا من الحفل كله
رسيل: احسن راحوا في داهيه كانوا كاتمين على نفسي والله
فادي: يا بنتي شويه احترام في الكلام عيب كده
رسيل: سيبنا ليك الاتيكيت والاحترام يا اخويا انت ومراتك النحنوحه دي
سليم شد احتضانه لخصر رسيل له
'' ملكش دعوه بيها يا فادي ''
فادي: يا عم ده انتوا لبستوا لبسه سوده انتوا الكل جاتكم نيله
بعد وقت
كان الشباب مشغولين في الكلام لكن لم يتركوا البنات ابدا بل طوال الوقت يجعلوهم ملتصقين بهم واي شخص ينظر إليهم يبعد نظره بسرعه بسبب نظرات الشباب الحارقة للرجال يريدون هذا الحفل أن ينتهي بسرعه
ديانا كانت فلتت من عدي بالعافيه وراحت الحمام وهي راجعه شمت ريحه حلوه اوي فبصت وكان مقرمشات حاره حاولت أن تبتعد لكن تشعر أنها ام لم تأكلها سوف تموت
ديانا: اووف خلاص هاخد واحده وبعدها اخد البخاخ
ديانا أكلت منه بس أكلت كتير لحد ما حست نفسها ضاق فطلعت البخاخ ولنحسها كانت خلاص خلصت
ديانا بدأ نفسها يضيق اكتر نظرت حولها وكان المكان فارغ تقريبا حاولت الكلام لكن لا أحد يسمعها أخرجت هاتفها واتصلت على أول رقم خطر ببالها واتي الرد حاولت النطق
'' عـ.... عد.... عدي...... الح... قني ''
عدي بفزع: ديانا مالك انتي فين
ديانا: عن...... عند..... ال
لم تستطع ديانا التكمله ووقعت الأرض تتضرب على صدرها تحاول التنفس لكن لا تستطيع اغمضت عيونها تحاول الا تفكر في الماضي حتى لا تسوء حالتها أتت على بالها ذكرى عندما كانت مع عدي كم كان حنونا معها كم كانت أحضانه دافئه تشعرها بالأمان وكلماته المهدئه لها تتمنى الآن أن تلقى نفسها بداخل أحضانه لتشعر بذالك الدفي مجددا فتحت عيونها وشافت عدي حاضنها بخوف شديد وهو بيبص لملامح وجهها الشاحب وشفايفها زرقاء تحاول التنفس ولا تستطيع
عدي كان ماسك في ايده البخاخ لأنه معاه دايما من يوم ما عرف اني المرض ده عندها
''ديانا افتحي بوقك علشان تاخدي البخاخ ''
نظرت ديانا لنظره الخوف بعيونه لأول مره تشعر بهذا
عدي بخوف شديد: ديانا علشان خاطري افتحي بوقك
ديانا اخدت البخاخ وغمضت عينيها تضم نفسها له وهو يضمها بشده شعر أن قلبه كاد يتوقف عندما أتى ورأها على الأرض تصارع من أجل أن تأخذ أنفاسها
عمر لاحظ المقرمشات
''يعني مفيش فايده فيكم انتي مريضه وعندك حساسيه تروحي تاكلي منه ولا الهبله التانيه عندها السكر وتروح وتاكل حلويات ''
جين: ما خلاص يا عمر كفايه تقطيم في البت الله
شعرت ديانا بتعب شديد فنزلت ليها رسيل
" ديانا انتي كويسه"
ديانا بتعب: بطني وجعاني أوي
اميره: قوم يا ابني خدها للدكتوره تكشف عليها هي لحد دلوقتي متعرفش اي حاجه عن اللي في بطنها
علي المسيري: والله هما 4
ديانا: لا مش عايز انا كويسه
لم يستمع لها عدي وشالها ما بين ايديه وطلع بيها لأقرب عياده للنساء والتوليد
..........................................
تابع الفصل التالى من هنا
