رواية رقية الجزء الثالث 3 بقلم أميرة خالد

 رواية رقية الجزء الثالث 3 بقلم أميرة خالد رقيةرواية رقية الحلقة الثالثة ثاني يوم صحيت رقيه على صوت المنبه الساعه 4:30 ودخلت الحمام وهي جسمها وجعها غسلت وشها ولبست عبايه الشغل ونزلت المخزن تحضر الحاجه بتاعه الشغل وبعد وقت كانت الساعه 6:00 طلعت الشقه دخلت الاوضه تقلت حواجبها وغيرت وشها شويه ومسكت التليفون بزراير واتصلت على ام محمد وردت عليها انا جاهزه يا رقيه ردت رقيه خلاص انا جايه لك في الطريق

وقفلت معاها ونزلت ركبت التروسيكل بعد ما حطت شغلها وراحت عند ام محمد وبعد وقت صغير وصلت وردت ام محمد صباح الخير يا رقيه ردت عليها صباح النور يا ام محمد واتكلمت ام محمد صحيح يا بنت رقيه انتي هتقبضي النهارده الجمعيه بتاعتك وفي جمعيه هتبدا جديده

ردت رقيه بقول لك ايه يا ام محمد خلينا نخلص الجمعيه دي الاول بقى كده نفكر في الجمعيه الثانيه عشان جابر سايب الحمل كله عليا وانا اللي بصرف على البيت وعلى اخواتي ردت ام محمد ربنا ينتقم منه البعيد هو على طول كده نطع ضحكه رقيه قالت لي انا هعمل ايه قالت لها طب بقول لك ايه ما تيجي نعمل غدا ونبيعه للصنايعيه ردت رقيه فكرت في الموضوع بس لقيته مكلف وانا مش معايا فلوس للموضوع ده ردت ام محمد طب والجمعيه دي هتعملي بيها ايه

ردت رقيه بعدين هبقى اقول لك اطلعي طيب يلا عشان احنا وصلنا اهو ونزلوا وبداوا يكنسوا ويرشوا ميه ويحطوا الحاجه في النصبه وبصت رقيه لقيت المعلم بيومي قاعد بيشرب شيشه وبصيت لام محمد قالت لها ثواني وراجعه لك ردت محمد ماشي يا بنتي وراحه رقيه للمعلم بيومي وقالت له بقول لك ايه سيبني في حالي مش عايزه تيجي على سكتي رد بيومي ليه بس يا جميل انا عملت لك اسود ومنيل هو انت فاكر ان جابر هيقدر عليا وان هوافق اتجوزك لما تشوف حلمه ودنك

رد بيومي بس انا هتجوزك يا رقيه برضاك غصب عنك هتجوزك ردت رقيه وانا يوم ما اتجوز اتجوز راجل زيك بكرش زيك ابعد عني يا راجل احسن لك ضحك ضحكه مستفزه ومش هبعد يا رقيه وريني هتعملي ايه بصيت له من فوق لتحت وقالت رجاله ما عندهاش دم وسابته وراحت النصبه وقرب واحد من اللي شغالين عنده وقال له البنت دي لازم تتربى رد بيومي ما ده اللي هيحصل هات التليفون من جوه راح الراجل جاب التليفون واده له واتصل بيومي على رقم البلطجي شريف

ورد عليه اللي فكرك بينا يا معلم بيومي رد بيومي عندي طلعه وفلوسها حاضره رد شريف بطماع طلعت ايه رد بيومي نصبه عايزاك تكسرها رد شريف من عيني الاتنين فين قال له بتاعه بنت الفول والطعميه رد شريف ماشي هنكسرها النهارده من عيني الاتنين يا معلم واقفل معاه

و اتكلم بيومي يانا يا انت رقيه وهنشوف انا هعمل ايه وهتجي لي انت زحفه عشان اقدر اتجوزك اما رقيه بدات تقلي الطعميه لطلاب المدارس وتعمل لهم سندوتشات وام محمد بتساعدها في لف السندوتشات والحساب واتكلمت ام محمد في ايه يا رقيه اللي وداكي للزفت ده ردت رقيه وحكيت لها اللي حصل كله امبارح ردت ام محمد حسبي الله ونعم الوكيل وانتي عامله ايه يا بنتي دلوقتي

قالت لها انا كويسه بس انا مش عارفه هو حاططني في دماغه ليه لان شكلي يقرف الكلب ضحكه ام محمد قالت لها هو انتي فاكره ان هو بيتجوزك عشان كده ردت رقيه ما عشان ايه قالت لي عشان انتي شاطره في الشغلانه هو عايزك تبقي معاه عشان محلات وتشتغل ردت رقيه ده بيحلم يلا خلينا نخلص الشغل اللي ورانا ده الكلام مش هيفيد بحاجه اما في البيت سلوى صحيت من النوم وخرجت لقيت رقيه سايبه لها الفلوس في المطبخ ودعت رقيه ان ربنا يحفظها من كل شر وسوء

وراحت سلوى تحضر الفطار ودخلت صحه منه من النوم وردت منه الساعه كام يا ماما وردت سلوى الساعه 7:00 ردت منه خلاص يا ماما انا قايمه اهو راحت سلوى اوضه زياد وعبودي صحتهم ورجعت عملت لهم الشاي بلبن والسندوتشات لعبودي وزياد وفي اوضه منه قامت مسكت التليفون ولقت رساله من حياه واتصلت عليها وردت حياه صباح الخير يا باشا انتي نايمه كل ده

ردت منه لا انا لسه صاحيه هتروحوا الجامعه النهارده ولا لا ردت حياه لا هنروح انتي ايه نعدي عليك ناخذك ردد منه لا هقابلكم عند الجامعه ردت حياه ليه يا بنتي طب ما انا اعدي عليك احسن ردت منه عشان ما اتعبش وائل كفايه بيروح ياخدك ردت حياه طب بصي انتي انزلي محطه المترو بتاعه منطقتي واحنا ناخذك من هناك ردت منه وليه تعب القلب ده انا هقابلكم في الجامعه يلا بقى سلام عشان اخش الحمام قالت لها طيب براحتك

ودخلت منه الحمام غسلت وشها وخرجت سرحت شعرها وطلعت طقم ولبسته وبعد وقت صغير طلعت ولقت زياد قاعد هو وعبودي واتكلمت هي رقيه راحت الشغل يا ماما ردت سلوى ايوه يا حبيبتي راحت قالت ليه دي كانت تعبانه كانت قعدت

ردت سلوى انتي عارفه ان رقيه ما تحبش تقعد في البيت وكمان بكره لحد يعني اجازتها ردت منه ربنا معاها ماما كان في موضوع عايزه اكلمك فيه قبل ما اكلم رقيه ردت سلوى ايه يا بنتي في ايه حكيت لها كل اللي وائل قالوا لها ردت سلوى بصي انا ما اكدبش عليك بس اسالي رقيه اللي هي هتقول عليها انا معاها فيه

ردت منه افهميني بس يا ماما انا عايزه اخف المصاريف من​‌‍⁠ رواية رقية - الفصل 3 | مكتبة الروايات على رقيه كفايه زياد وعبودي والبيت وما تنسيش ان زياد الثانويه عامه يعني محتاج فلوس اكتر مني رده سلوى انا عارفه يا بنتي بس هي مش عايزاكم تتمرمطوا

ردت منه فين المرمطه دي يا ماما انا هبقى دكتوره تحت التدريب وهقبض فلوس ومنها اتعلم وهيكون سهل بالنسبه لي الشغل رده سلوى خلاص يا حبيبتي لما تيجي رقيه ابقي اتكلمي معاها وبصي زياد لمنه قال لها يلا عشان اوصلك المترو ردت عليه يلا يا زياد ونزلوا واتكلموا في الطريق لغايه ما وصلوا المترو ونزلت منه

اما بيت الهلالي كانوا بيحضروا الفطار واتكلمت ناديه انا هطلع يا ماما اصحي ندى عشان الجامعه ورديت امل وانتي طالعه ابقي صحي معاكي ايات ردت ناديه حاضر هخلي ندى تتصل عليها قالت لها طيب وطلعت ناديه شقتها وفتحت الباب ولقت محمود قاعد في الصاله وقالت لي صباح الخير رد عليا صباح النور قالت لي انا هروح اصحي عاصي وندى اتكلم محمود عاصي مش بايت في البيت من امبارح

اتكلمت ناديه ليه كده لما يجي انا ليا كلام ثاني معاك ضحك محمود وقال لها ابنك بيعمل اللي في دماغه وبس ردت ناديه معلش يا محمود خذه بالسياسه ده ابننا الوحيد رد محمود اهو دلعك ده اللي مبوظه وسابها ونزل واتضايقت ناديه وراحت اوضه بنتها طلعت ندى صاحيه وبتلبس وتكلمت ندى صباح الخير يا ماما ردت ناديه صباح النور يا حبيبتي يلا عشان الجامعه وتفطري قالت لها طيب قالت لها ابقي صحي معاكي ايات وانتي نازله قالت لها حاضر

ونزلت ناديه وندى خلصت ونزلت خبطت على باب عمتها فتح لها خالد قالت له ايه ده الدكتور بتاعنا بنفسه فتح لنا ضحك خالد قال لها خشي يا لمضه ضحكه ندى وقالت له اختك صحيت ولا لسه نايمه قال لها ما اعرفش وراحت ندى في اوضه ايات لقيتها قاعده على السرير وماسكه التليفون واتكلمت ندى مالك يا بنت قاعده كده ليه ردت ايات ما فيش اصل انا ما نمتش امبارح ردت ندى ليه قالت لها عادي ما جاليش نوم قالت لها يعني رايحه الجامعه ولا مش رايحه

قالت لها لا رايحه اقوم البس اهو ودخلت تلبس ونزلوا كلهم تحت شقه الهلالي واتكلمت عيشه يلا يا جماعه الفطار جاهز الكل قعد واتكلمت عيشه ياسين وعاصي فين رد محمود بيتين عند رامي صاحبه اتكلم متولي ماشي انا هتكلم معهم في موضوع انه يباتوا بره

رد محمود يا ريت يا بابا وتشد على عاصي شويه رد متولي حاضر يا محمود اهدى انت بس ودخل خالد وهو لابس بدله وقال لهم صباح الخير يا جماعه رد عليه صباح النور واتكلمت امل انت رايح فين على الصبح كده رد خالد وانا مش قلت لك امبارح اني هشتغل في الجامعه وهدرس

رده امل ايوه انا نسيت ماشي يا حبيبي ربنا يوفقك واتكلم ابوه خذ المفتاح العربيه اهو عشان تروح بيه الجامعه رد خالد لا يا بابا انا هركب اوبر رد ابوه اسمع الكلام وخذ المفتاح بدل ما انت ماشي كده رد خالد يا بابا انا بكره هروح استلم العربيه بتاعتي انا دفعت التقديمه بتاعتها وان شاء الله هستلمها

ردت امل كده يا خالد بتعمل كل حاجه من ورانا رد خالد وراكم ايه يا ماما دي حته عربيه وبالقسط كمان ردت امل ماشي يا حبيبي كنت قلت لي ولا قلت لابوك وجبناه لك كاش رد خالد شكرا يا ماما ربنا ما يحرمنيش منكم ابدا واتكلم متولي خلاص يا امل سيبيه على راحته ردت امل حاضر يا بابا واتكلم متولي عايزك يا كامل تروح للمهندس النهارده وتبعته لي عشان نشوف الارض ديت هنبني عليها ثلاث عمارات ولا المول

رد محمود يابا الارض دي في حته حلوه ولو بنينا فيها العماره هيكون احسن ومن تحت نعمل محلات للدهب في العماره الرئيسيه رد متولي حلوه الفكره وعجبتني بس انا بقول المول احلى رد كامل انا بتكلم الشقق هناك بسعر عالي وكده هنستفاد اكثر رد متولي خلاص ابعث لي المهندس وانا هشوف ايه الاحسن ونعمله رد محمود ماشي يا ابوي

واتكلمك عيشه بقول لك ايه يا حاج قبل ما تبني وتعمل لازم تذبح حلاوه الارض رد متولي حاضر يا عيشه وبصي لمحمود وقال له اذبح النهارده يا محمود عجلان وروح فرق على الصناعيه في الورشه رد محمود حاضر يا بابا وايات كانت في دنيا غير الدنيا ماسكه التليفون تحت الترابيزه وعماله تبعت في رسائل وما حدش بيرد عليها واتضايقت اما في شقه عاصي صحي من النوم داخل الحمام خد دش وخرجت طلع لبسه من الدولاب وبص في الساعه والاقاها 8:30 ماسك المفاتيح

وراح فتح شقه رامي ودخل قرب من الاوضه اللي ياسين فيها وخبط عليها ورد ياسين مين رد عاصي الساعه 8:30 يا حيوان يلا قوم عشان نروح الشغل رد ياسين حاضر 10 دقائق واكون عندك وراح ناحيه اوضه رامي واخبط برضو ورد رامي وهو بيفتح الباب وهو عريان واتكلم عاصي اللي انت عامله ده ما يلا يا ابني عشان نروح الشغل

رد رامي ينفع اكنسل انا النهارده رد عاصي لا ما ينفعش ويلا خش خد دش عشان نمشي قال له حاضر ودخل عاصي يعمل القهوه ولقى حد بيحضنه من ظهره وبيلف لقي البنت بتاعه امبارح واتكلمت البنت بدلع صباح الخير يا حبيبي رد عاصي بقول لك ايه ابعدي عني على الصبح ردت ليه يا حبيبي وانا زعلتك في حاجه الرد عاصي وهو بياخد القهوه بقول لك ايه فكك مني عشان انا لسه صاحي ما بقاش طايق نفسي اول ما بصحى

ردت البنت بدلع طب بقول لك ايه ما تيجي قبل ما تنزل كده رد عاصي لا ورايا شغل مش فاضي خرج ياسين وقال له ايه ده يا برنس وراك طالعه دلوقتي ولا ايه

رد عاصي ببرود يلا خلينا ننزل قال له مش هتستني رامي قال له لا رامي هيركب عربيته وقبل ما يخرجوا من الشقه عاصي حط فلوس على الكرسي وقال لها ده حق الليله بتاعه امبارح باي باي يا مزه وخرج ورامي بعديها بشويه خرج وحاسب البنات وقال لهم ارجع ما الاقيكوش في البيت ولو حاجه نقصت هعرف وخد مفاتيحه ونزل ومسك التليفون فتحه واتصدم وقفله ثاني وقال شكلي ليلتي سوداء

اما عند رقيه بدات الصناعيه تيجي ورقيه بتعمل لهم الطلبات بتاعتهم اما في بيت الهلالي قام محمود وكامل ومتولي يروحوا شغلهم واتكلم خالد يلا يا ايات انتي وندى عشان اوصلكم الجامعه ردت ندى احنا هنركب معاه السواق هتركب معانا رد خالد ماشي يلا بقى وخرجوا بالعربيه وراحوا على الجامعه

اما عند منه خرجت من المترو ولقيت وائل مستنيها بالعربيه وقال لها اركبي ردت منه يا ابني فاضل حته صغيره هتمشاها رد وائل يلا يا بنت اركبي خلصي قالت له حاضر وركبت واتكلمت حياه جايبه معاكي سندوتشات يا منه ضحكت منه قالت لها اكيد ادتها السندوتشات وائل خد منهم وفطره قبل ما يخشوا الجامعه

ورده حياه بقول لكم ايه انا فطرت بس عايزه اخذ نسكافيه يلا نروح الكافتيريا ردت منه طب روحوا انتوا وانا هسبقكم على المدرج واحجز لكم مكان ردت حياه بقول لك تعالي بقى وبطلي ايه الشغل ده ردت منه ماشي وقعدوا في الكافتيريا وكان فاضل ساعه الا ربع على المحاضره

واتكلم وائل يا ترى الدكتور الجديد هيبقى زي الدكتور القديم ابو كرش ده ضحكه منه هي وحياه وردت منه بصراحه كده ما كنتش بفهم منه حاجه انا لولا الملازم كان زمان سقط رده حياه تصدقي معاكي حق انا مش عارفه كنا بنفهم منه ازاي وهو لابس النظاره مخلياه اخنف رد وائل والله معك حق يا ترى بقى شكل الدكتور الجديد ده ايه

ردت منه مش مشكله الشكل المهم الشرح ما بقاش زي الدكتور كعبوره كل ده وكان سامعه خالد هو قاعد على الترابيزه اللي وراهم وبيضحك على كلامهم واتكلمت منه قوم بقى هات لنا الطلبات خلينا نمشي رد وائل من عيني يا قمر انتي بتكلمي منه بدلع وصوت ناعم بس بقى يا وائل الناس حوالينا وكمان حياه قاعده ضحك وائل وقال لها اموت انا في المهلبيه فضلوا يضحكوا وتضايق خالد عشان من اول ما دخلوا ومنه لفتت نظره

وقام مشي وبعد شويه صغيرين رجع وائل بالطلبات وبس في الساعه قال لهم يلا بسرعه المحاضره فاضل عليها 10 دقائق وهتبدا ردت منه دي اخره اللي يسمع كلامكم شفته وكلمت حياه وايه يعني دي اول محاضره يعني ما نعرفش طريقه الدكتور ايه ردت منه بس برده كنا المفروض رحنا بدري وراحوا المدرج وقعدوا مستنيين الدكتور

وبعد وقته صغير دخل خالد وهو لابس البدله وانيق ويتكلم في المايك السلام عليكم انا الدكتور خالد وهديكم الماده ديت واتكلمت حياه بصوت واطي الحقي يا بنت يا منه ده طلع مز ضحكت منه واتكلم خالد بصوا يا جماعه انا اول حاجتين ما بحبهمش ان حد يضحك او يتكلم في محاضرتي ده مش مقبول جدا

ثاني حاجه ان حد يخش بعديه عشان ساعتها مش هيخش فيريح دماغه ويمشي عشان ما يتكسفش قصاد زمايله ويلا نبدا بسم الله اما عند عاصي وصل الصاغه لقي الاسطى محمد مستنيه واداله المفاتيح وبدا محمد يفتح الورشه والكل دخل وبعد ثواني وصل رامي وقال له مش كنت صحتنا بدري على الاقل فطرنا قبل ما ننزل كده رد عاصي يعني اعمل لكم ايه اذا كنت انا صحيت متاخر وسابهم ودخل المكتب واتكلم ياسين هنفطر ايه رد رامي اكيد من عند رقيه

رد ياسين تمام وانا معاك بس المهم صاحبك ده قال له احنا نقوله ان احنا جايبين من عند بيومي وهو هياكل وبعد ما ياكل نبقى نقول له ضحك ياسين وقال له شكلك كده ناوي على نيه سوداء رد رامي نيه ايه خلينا ناكل يا عم ونده على بندق

ورد بندق ايوه يا بيه قال له روح هات لنا طلب من عند رقيه بس لما تجيبه في المكتب ما تقولش ان من عندها رد بندق حاضر وجري بندق على نصبه رقيه وقال لها عايز طلب الباشمهندس رامي وبيقول لك زودي نفرين معاه ردت رقيه وهي بتعمل سندوتش الفول حاضر يا بندق خد كل ده بس عبال ما اخلص

رد بندق حاضر يا ابله رقيه وبدات رقيه تظبط الطلب بتاع رامي وزودت الاكل زي ما هو قال وبعد وقت صغيرين ادته الصينيه وقالت له خلي بالك يا بندق وانت ماشي قال لها حاضر يا ابله رقيه وراح بيها ودخل المكتب واتفضل يا باشا صينيه الفطار اهي وخرج بندق واتكلم رامي يلا يا ابني قوم افطر رد عاصي لا اكيد جبت من عند الزفت رقيه

رد ياسين لا يا اخويا ما جابش من عندها جاب من عند بيومي رد عاصي ماشي وقعد يفطر وقال له الفول طعمه جميل قوي ضحك رامي قال له ايوه ولا الطعميه جمالها ايه قعدوا يفطروا خلصوا فطار وبعديها بشويه ندى رامي بندق وقال له خد الصينيه واديها لرقيه

وقول لها​‌‍⁠ حضره القهوه بتاعه البشوات كل ده و عاصي كان سامع ومصدوم واتكلم ياسين مالك يا عاصي في ايه رد قال له في زفت على دماغك ودماغي اللي جابوك انت والزفت الثاني رد رامي في ايه يا ابني ايه اللي حصل لده كله قالوا يعني انت بتاكلني من ايديها وتقول لي ده من عند بيومي ضحك رامي وقال له ما انت كنت لسه بتشكر في الفول والطعميه ايه اللي حصل اتكسف عاصي وقال له انا غلطانه ان اكلت معاكم وسابهم ودخل قاعد في الورشه في الركن بتاعه

وبدا يشتغل وياسين ورامي كانوا بيضحكوا على اللي حصل ابعد شويه دخل بندق ومعاه القهوه واداها لرامي وياسين وراح وداها لعاصي …..

تابع الفصل التالى من هنا