رواية الرقاصة والمعلم الفصل الثالث 3 - بقلم اميرة خالد

اما في البيت منار بعتت حور تنده نيفين من شقتها ونزلت واتكلمت منار مالك يا ست نيفين ما نزلتيش ليه على الفطار ردت عليها يعني انتي مش شايفه وشي ردت منار ما كده عملت حاجه يزيد مش مجنون عشان يضربك كده من دماغه ردت نيفين على فكره ما عملتلوش حاجه هو اللي بيتلكك عشان يتخانق معايا

رده منار طب يلا يا اختي روحي يلا ساعد النسوان بعمايل البيت ردت نيفين بس انا تعبانه قالت لها تعبانه تروحي عند امك ما تقعديش هنا مش اكل ومراه وقله صنع ردت نيفين بغيظ حاضر راحه نيفين تشتغل مع النسوان وهيام حبت تكيد نيفين وقالت تصدقي يا هند ان يزيد جه امبارح وقضى معايا الليله بس اقول لك ايه دي كانت ليله ايه من الف ليله وليله وتضايقت نيفين

ردد هند بجد مش امبارح كان يوم نيفين ردت عليها والله ما اعرف انا لقيته داخل عليا وبيقول لي ان انا وحشته وعايزني وقالت نيفين في سرها ماشي يا هيام لو ما خلتهوش يطلقك ما بقاش انا وفي المطبخ دخل ممدوح عند منار وقال لها انا رايح السنتر محتاجه حاجه اجيبها لك وانا راجع يا ام مالك ردت عليه تسلم يا حبيبي وخرج ممدوح وشاف سمر رفع الجلابيه بتمسح الصاله دور وشه وهو بيكح

واتعدلت سمر وقالت ايه ده هو انت هنا يا ممدوح قال لها لسه راجع من الجامعه ورايح السنتر في حاجه ردت عليه لا يا ممدوح ما فيش حاجه انا كنت بطمن عليك وكنت عايزاك تساعدني في مساله في الرياضه رد ممدوح اولا يا سمر انتي ادبي مش علمي عشان اساعدك وسابها ومشي وقالت سمر ماشي يا ممدوح وكملت الشغل

اما في شقه تقى صحيت من النوم ودخلت الحمام غسلت وشها وبعد كده روحت للمطبخ وعملت كوبايه قهوه ووقفت تغسل المواعين وحضرت الغداء ومسكت التليفون واتصلت على تامر وقالت له انت فين قال لها انا رايح مع دينا السنتر تشتري هدوم وهنرجع كمان ساعتين ردت تقى طب يا حبيبي ما تتاخرش ولو احتاجت حاجه ابقى اتصل بيا قال لها ماشي واقفل معاها وشافت اتصالات كثيره من هاني وهي اتضايقت وقالت وبعدين معاك

اما في السنتر كان يزيد قاعد مستني مصطفى يدي له التمام على البضاعه ودخل شاب وبنت المحل ولفت انتباهه انهم شبه بعض جدا وعيونهم خضراء وتكلم الشاب فين لبس الخروج رد البياع في الدور الثالث وطلع تامر ودينا الدور الثالث وقال لها يلا اختاري اللي انتي عايزاه ردت دينا طب تعالى ساعدني رد تامر طيب يا حبيبتي ونقلها فستان جميل وهي اختارت طقم شبه البدله بس وقالت له ايه رايك يا تامر قال لها حلوين يلا عشان نحاسب ونلحق ميعاد الدرس بتاع الانجليزي ردد دينا حاضر





وراحت ناحيه الكاشير بعد ما البيع كتب لها الفاتوره عشان تحاسب وقالت لو سمحت عايزه ادفع الفاتوره ديت ورفع راسه ممدوح واتصدم من جمالها ورقتها واخذ منها الفاتوره وقال لها الحساب 250 ردت عليه ازاي انا واخده فستان وطقم وقرب تامر وقال لها في ايه يا دينا قالت له الاستاذ بيقول ان الحساب 250 وانا مستغربه

كلم ممدوح افهمي بس يا انسه حضرتك في خصم 30% على اللي انتي اشتريتيهم عشان كده الحساب بقى 250 رد تامر شكرا يا استاذ ودفع الفلوس وقال لها يلا يا دينا عشان نلحق الدرس قالت له يلا ومشيت معاك وهي مكسوفه من اللي حصل وممدوح عيني عليها وجه يحط الفلوس في الدرج شم ريحتهم ولاقيها ريحه الياسمين وطلع فلوس من جيبه وحطها واخذ الفلوس حطها في جيبه

كل ده تحت انظار يزيد اللي كان بيضحك ورني تليفونه وكان مصطفى ورد عليه عملت ايه يا درش قال له البضاعه تمام بس في موديل ناقص قال له ماشي واقفل معاه وفتح تليفونه وراجع الكاميرات وشاف بعد ما علي حطوا البضاعه كلها طلب من العامل يطلع له الشنطه دي بره ويحطها في العربيه وقفل تليفونه وهو بيقول هي حصلت يا علي انك تسرق ماشي انا هوريك هعمل ايه

وراح عند ابوه وقال له بص يابا انا عارف ان الفلوس دي بتاعتك بس انا تعبت وشقيت لغايه ما كبرت المال ده وما يجيش عيل ابن امبارح وفاكر انه ممكن يلبسني العمه رد رضا في ايه يا ابني فهمني بس ايه اللي حصل قال لي انا مش هفهمك حاجه انا هوريك بعينيك ووري الفيديو واتكلم رضا ماشي يا ابن الكلب ابن الوسخه ما بيطمرش فيه حاجه زي امه قال له طب هتعمل ايه يابا

رد رضا مش عارف انت شايف ايه يا يزيد قال له انا شايف انه لازم يتربى وده احسن حل ليه انه يسيب المكان رد صابر اسمع بس يا يزيد انتم في الاخر اخوات وامه بتبخ السم في ودانه وده في الاخر اخوك وما لكوش غير بعض رد يزيد انا ما ليش اخوات غير منار وافهم ده يا حاج انا لو بتعامل معاهم فبتعمل عشان خاطرك غير كده ما كنتش عبرتهم وهم شايلين الكره ده في قلبهم رد رضا طب اعمل ايه انتم في الاخر كلكم ولادي رد يزيد خلاص يا حاج ما تزعلش نفسك ويزيد قرر انه يعاقب علي بطريقته

ورضا مسك التليفون واتصل على صالح وقال له انت فين قال لي انا قاعد في المحل بتاعي رد رضا انا جاي لك دلوقتي وقفل معايا وخرج وراح عند الحاج صالح المحل

ودخل عبد الرحمن المكتب على يزيد وقال له ايه يا ابني مالك في​‌‍⁠ رواية الرقاصة والمعلم - الفصل 3 | مكتبة الروايات ايه رد يزيد بقول لك ايه ابعد عن وشي عشان الشياطين تتنطط قدامي ومش عايزها تيجي فيك انت ورد عبد الرحمن قول يا صاحبي بس يمكن اقدر اساعدك قال له ما فيش يا عم غير المراه ان انا متجوزه عرفي عايزاني اكتب عليها رسمي وانا بفكر كده اروح اطلقها واخلص من الموضوع

رد عبد الرحمن وانا قلت لك فكك يا عم من الجواز العرف ده وانت اللي ماشي فيه مع انك متجوز اثنين مش واحده رد يزيد يعني انت مش عارف انا اتجوزتهم ازاي رد عبد الرحمن انا عارف ان ابوك ضغط عليك عشان تتجوز بنت عمك الاول ولما ما خلفتش خلاك اتجوزت بنت خالتك ضحك يا يزيد وقال له خالتي مين انت قصدك على بنت اخت سناء تبقى خالتي خالتي باماره ايه امي ما كانش ليها اخوات غير ابوك بس

الرد عبد الرحمن طب يا صاحبي بقول لك ايه سيبك من الهم ده وتعالى انا عازمك على خروجه جامده النهارده تروق دماغك رد يزيد ما انا عارف خروجاتك اللي كلها زي وشك رد عبد الرحمن صدقني المره دي غير دول جايبين حته رقاصه ما شفتش زيها رد يزيد طيب يا اخويا يلا روح شوف شغلك خليني اشوف انا هعمل ايه قال له ماشي وخرج

وفي محل الحاج صالح قاعد رضا بيحكي لصالح كل اللي حصل وقال له اعمل ايه رد صالح مش عارف يا رضا ومش عايز يقول لك ان انت بتظلم يزيد وهو اللي شايل كل حاجه على كتافه ويجي اخوه يهد كل حاجه رد عليه انا عارف يا صالح بس امه هي السبب اللي بتبخ السم في ودانه والولد فاكر اني بكرهه وبحب يزيد اكثر منه يعلم ربنا اني بحبهم كلهم زي بعض دول في الاخر ولادي بس يزيد طول عمره راجل واقف في ظهري سند ليا وللعيله

رد صالح يبقى انت اللي لازم تتكلم مع ابنك وتبعت له وتفهمه اللي عمله ان انتوا كشفتوه وان يبعد عن سكه امه عشان اخرتها وحشه رد رضا ما ده اللي انا هعمله وقام عشان يمشي وقال الحاج صالح اقعد يا ابني اشرب القهوه قال له بعدين

اما في البيت كان النسوان تعبانه من الشغل اللي اديته لهم منار ومنار قاعده مع الاطفال وبتلعب معاهم وبتهزر وهم قاعدين متغاظين وقالت منار للولاد تعالى اقول لكم على سر ردوا الاطفال ايه هو يا عمتو واقرب مالك وحور وصفا وقالت لهم اللي هيوسخ الشقه دي بسرعه هدي له حاجه حلوه كبيره ردت صفا لا يا عمتو ماما ممكن تضربني

ردد منار ما تخافيش ولو ضربتك قولي لي رد مالك انا عايز شيبسي كبير لعائلي وقالت حور وانا شوكولاته كبيره صفا قالت وانا نفسي اروح الملاهي يا عمتو ردت منار من عينيا هخرجكم كلكم يوم الجمعه الجايه بس اعملوا اللي انا قلت لكم عليه وفرحوا للولاد وبداوا يعملوا اللي منار قالت لهم عليه ودلقه الميه في الارض ومنار كانت بتبتسم بشماته

وقامت نيفين تزعق لبنتها واتكلمت منار ايه يا نيفين بتزعل البنت ليه ردت عليها يعني انتي مش شايفاها بتوسخ الشقه ازاي اللي لسه مهدودين فيها ردت عليها تعمل اللي هي عايزاه دي بنت يزيد المصري فاهمه ولا لا وياك واحده فيكم تزعق للعيال متغاظه سناء هي والنسوان من منار وبيستحلفوا ليها وهي كانت بتبتسم بشماته

وبعد ربع ساعه والعيال خلصوا بهدله قالت منار يلا بقى قوموا زي الحلوين نظفوا الشقه ثاني رده سمر انا مش هعمل حاجه وجت تدخل الاوضه ردت منار براحتك بس ما فيش مصروف الشهر ده والكل اتصدم عشان عارفين ان المنار هي اللي بتديهم المصروف بعد ما يزيد بيديها الفلوس وقاموا وهم حاطين الجزمه في بقهم واشتغلوا تاني وندهت منار على مالك وادته فلوس وقالت له روح جيب حاجات حلوه لبنات خالك والمؤمن معاكم قال لها حاضر يا ماما

اما في شقه تقى ردت على هاني وقالت له انت عمال تتصل من الصبح ليه رد عليها ما فيش قلت اطمن عليك وافهمك وجهه نظري عن الكلام اللي قلته امبارح ضحكت تقى وقالت له انا فاهماك كويس يا هاني وما تفتكرش اني مش عارفه الفلوس اللي بتاخدها من ورا ظهري بس انا بعديها بقول ايه يعني ده في الاخر اخوك وبيساعدك ويقف قصاد اي حد بس لقيتك غير كده

رد هاني افهمي بس قعدتك مع الزباين هتكسبنا كثير قالت له تاني الحوار ده مش قلنا اقفله ولا مش عايزني انزل الشغل تاني رد هاني خلاص يا ستي مش هفتحه ثاني بس انتي اكيد هتيجي الشغل النهارده قالت له ماشي وقفلت معاه اتفتح ودخل اخواتها وهي بتقول دقائق والغداء هيكون جاهز رد الدينا سيبك من الاكل دلوقتي تعالي شوفي الهدوم اللي اشتريتها وكمان رخيصه

ردت تقى مبروك عليك يا حبيبتي تلبسيهم في الهنا وبصه لتامر وقالت له انت ما جبتش لنفسك ليه قال لها انا مش محتاج انا عندي لبس كتير قالت له طيب يا حبيبي ودينا وريتهم اللبس وكان شكلهم حلو قوي عليها وقالت خدي يا تقى الفستان ده انا جبته لك رد التقى لا يا حبيبتي انا عندي لبس كتير ومش محتاجاه وهبقى اخدك وننزل في يوم ثاني اجيب اللي انا عايزاه

ردت دينا طيب يا حبيبتي وقالت لهم يلا خشوا غيروا هدومكم نتغدى مع بعض قبل ما اروح الشغل رد تامر ما عندكيش يوم اجازه نقعد مع بعض رد تقى ان شاء الله هاخدكم ونخرج الجمعه الجايه ايه رايكم قالوا لها ماشي اهو يوم ما فيهوش دروس نقضيه مع بعض احسن وادخلوا يغيروا هدومهم وبعد دقائق خرجوا لقوا الاكل محطوط وقعدوا ياكلوا وهما مبسوطين

اما في البيت الكل رجع ومنار حضرت الغداء والكل قعد وياكل وبداوا ياكلوا ويزيد كان فرحان هو ورضا بالاكل وممدوح كان سرحان بالجميله اللي خطفت له قلبه اما الحريم كانوا بيلعبوا بالاكل ومنار كانت شايفاهم وبصت لمالك ابنها وقالت على فكره يا مالك انت لو ما اكلتش ما فيش اكل خالص عشان الثلاجه مش هتتفتح بالليل ولا اكل هيتجاب من بره فاهم يا مالك

رد مالك ما انا باكل اهو يا ماما وانا اصلا بحب الاكل ده قالت له طب يا حبيبي كل بالهناء والشفاء وفهم النسوان ان الكلام ليهم وعارفين ان كلامها يتنفذ فبداوا ياكلوا وهم متغاظين واتكلم رضا بعد الاكل انا عايزك يا علي تخش للاوضه انت وامك رد عليه بخوف حاضر يابا هو في حاجه قال له بعدين ويزيد سكت

وبعد دقائق قالت منار على فكره يزيد احنا عايزين نخرج العيال اتخنقوا من القعده رد يزيد خلاص يا منار خدي العيال واخرجي قالت له لا كلنا نخرج مع بعض وهتصل وفاء عشان تيجي معانا هي والعيال رد يزيد خلاص انتم عايزين تخرجوا امتى رد صفا احنا عايزين نخرج الجمعه الجايه يا بابا ونروح الملاهي رد يزيد من عينيا يا روح بابا هخرجك خلاص يا منار رتبوا اموركم عشان نخرج يوم الجمعه الجايه فرحوا الاطفال

وبعد وقت دخل علي وسناء الاوضه على رضا وقام من على كرسي واقرب من علي وضربه بالقلم اتصدم علي واتكلمت سناء ايه اللي انت بتعمله ده يا راجل هو انت كبرت وخرفت ولا ايه قرب رضا منها وقال لها انا كبرت وخرفت يا مره يا بنت الكلب ده انا هخلي يومك اسود انتي والكلب اللي مخلفاه مش كفايه مبوظه هو واخته ومخلياهم بيكرهوا اخواتهم انا بقى هوريكي انا هعمل فيك ايه رد علي وانا عملت ايه عشان تضربني بالقلم قال له عارف انت عملت ايه عملت انك سرقت مالك يا اهبل ده مالك قبل ما يكون مالي انا انا ابوك واللي انت بتقول عليه انا بديه لك رد علي بس انا ما عملتش كده واللي قال لك كده كذاب قرب رضا تاني وضربه بالقلم

وقال له انا ما حدش قال لي انا شفت بعيني الفيديو وانت طلبت من العامل ان يطلع الشوال ده ويحطه في العربيه بتاعتك هو انا حرمتك من حاجه ورد عليه بدموع ايوه حرمتني لما اتفضل يزيد و منار عليا يبقى حرمتني من حنانك انت بتحبهم اكتر مني او من اختي ضحك رضا وقال له الكلام ده مش حقيقي انا بحبكم كلكم انتم عيالي بس المره ديت هي اللي بتكرهكم ببعض واعرف لو فضلت ماشي وراها هتخسر كل حاجه وانا بقول لك اهو اذا جات لي اي معلومه انك مشيت في عوج ما تلومش غير نفسك وخرج عليه

وقرب رضا من سناء وقال لها وهو بيشد شعرها عارفه يا مره انتي لو قلت حاجه لعيالك ضد اخواتهم انا هعمل فيك ايه هطلقك ومش هقعدك في البيت ده ثاني وهاخذ دهبك وكل حاجه انتي اخذتيها مني فاهمه ولا لا ورماها في الارض وخرج قالت ماشي يا اولاد صفا يانا يانتو والله لاخرجكم من البيت ده وانتم ما حلتكمش الجنيه

اما يزيد طلع شقته ودخل عند هيام وقال لها انا عايزه اعرف انتي ليه بتنامي في اوضه الاطفال قالت له عادي بخاف انام في الاوضه دي لوحدي وانت مش موجود ما اقتنعش بكلامها وقال لها ماشي ودخل الحمام استحمى وخرج لبس هدومه ورش برفانه واخذ مفاتيح العربيه من الموبايل ونزل شاف ابوه قاعد بيشرب القهوه ومنار قاعده معاه وقرب منه



وقال قومي يا منار اعملي لك فنجان القهوه بتاعي قالت له من عيني يا اخويا ودخلت المطبخ وقال يزيد ليه عملت كده يابا قال له لازم افوقه عشان يعرف ان انت اخوه ويخاف عليك رد يزيد بس انا مش محتاجه ربنا يخلي لي منار اختي وعبد الرحمن واولاد عمي رد رضا انا عارف بس انتم في الاخر اخوات وفضلوا يتكلموا بعد وقت

اما تقى دخلت استحمت وخرجت لبست فستان وهي خارجه قالت لي تامر انا نازله الشغل لو احتجتوا حاجه اتصلوا بيا على التليفون وانا هكون عندكم بسرعه رد تامر طب يا حبيبتي توصلي بالسلامه ونزله تقى واتصلت على هاني عشان يقابلها وراحوا على الكباريه



ودخلت تقى الاوضه بتاعتها تغير هدومها ولبست بدله رقص ورشه برفانها وعملت الميك اب رقيق وشعرها اما يزيد كان في العربيه مع عبد الرحمن ووصلوا الكباريه وقال له عارف البنت لو ما طلعتش جامده انا هعمل فيك ايه هنفخ امك ضحك عبد الرحمن

وقال له​‌‍⁠ هتشوفها دلوقتي وطلع المغني وبدا يغني وطلعت بعد كده ليالي وبدات ترقص برقه ودلع ويزيد تنح من جمالها ورقتها وفضل متابعها لغايه ما الاغنيه خلصت وهي خلصت رقصتها ورجعت تاني على الاوضه



واتكلم عبد الرحمن وقال له ايه رايك يا برنس قال له راي ايه دي ما فيهاش غلطه ونظامها ايه ديت قال له مش عارف نده على المتر وقال له نظامها ايه المتر سكت وطلع يزيد ورقه ب 200 جنيه وحطها له في جيبه وقال المتر ما لهاش نظام رافضه انها تقعد مع اي زبون وجوزها بيجي معاها ورد يزيد هي متجوزه قال له ايوه الطبال بتاعها وشاور له بايديه ومشي المتر واتكلم عبد الرحمن انا اول مره اعرف انها متجوزه ضحك يزيد

تابع الفصل التالى من هنا