رواية الرقاصة والمعلم الفصل الثلاثون 30 - بقلم اميرة خالد

وجت تقوم لقيت نفسها متكتفه لفت بوشها شافت يزيد حاضنها وبصت على وشه لقيته نايم في هدوء تام وسرحت في وشه

وبعد دقائق اتفاجئت بالباب بتاع الاوضه بيخبط وكانت منار وبتقول يلا يا صفا عشان المدرسه

فتح عينه يزيد وتقى لفت وشها للعيال وهو اتعدل وقال صباح الخير

ردت عليه صباح النور وقربت من صفا عشان تصحيها وقالت لها يلا يا حبيبتي قومي عشان المدرسه

رد الصفا بنعاس انا عايزه اقعد معك النهارده يا ماما

قالت لها روحي المدرسه وهتيجي تقعدي معايا طول النهار

رد يزيد يلا يا حبيبتي روحي المدرسه عشان يوم الجمعه هنخرج كلنا ونروح الملاهي

فرحه صفا وقالت له بجد يا بابا

قال لها بجد يا عيون قلب بابا يلا بقى

قامت صفا دخلت الحمام

وقالت تقى كمل نومك لسه بدري

رد يزيد طيب وقامت تقى وهو نام جنب مؤمن

وخرجت صفا من الحمام وتقى دخلت غسلت وشها وخرجت لبست صفا هدومها وسرحت لها شعرها واخذوا شنطه المدرسه

وخرجوا ولقوا منار بتعمل السندوتشات وهند بتلبس حور الكوتشي بتاعها

وقالت منار انا دخلت اوضه يزيد ما لقيتهوش ما شفتهوش يا هند

ردت عليها لا يا منار ما شفتهوش من امبارح

ردت صفا بسرعه بابا كان نايم جوه جنبنا ولسه نايم جنب مؤمن

ردت منار بابتسامه طيب يا حبيبتي يلا عشان تاخدي السندوتشات وتروحي المدرسه

ردت صفا حاضر يا عمتو وبابا قال ان احنا يوم الجمعه كلنا هنخرج ونروح الملاهي مش انت هتيجي معايا يا مالك انت وحور

ردوا عليها ايوه هنروح والاولاد كانوا فرحانين

وقالت منار يا رب الفرحه يفضل في بيتنا ابتسمت هند وقالت يا رب

ونزل مصطفى وقال لهم يلا يا اولاد عشان المدرسه وخرجوا معاه ركبوا العربيه

اما تقى دخلت المطبخ عملت فنجان قهوه ومسكت التليفون واتصلت على اخواتها عشان تطمن عليهم

رد تامر صباح الخير يا حبيبتي

ردت عليه صباح النور يا حبيبي انت وراك جامعه بدري كده

قال لها اه ما انتي عارفه المحاضرات عندي مش كل يوم بدري هم يومين في الاسبوع

ردت عليه ربنا معاك يا حبيبي بقول لك يا تامر يزيد قال لي ان انتم هتيجي تقعدوا معايا هنا

رد تامر لو ده هيريحك احنا موافقين

ردت تقى بجد يا تامر

رد عليها طبعا يا حبيبتي بس هو قال لي انه قدامنا اسبوعين ثلاثه عشان ننقل

ردت تقى لا يا حبيبي انت هتيجي النهارده هتقعد مع ممدوح في شقته ودينا هتقعد مع سمر تحت معايا يعني

رد تامر مش هينفع يا تقى احنا لسه ما لميناش حاجتنا

ردت عليه ما تتعبش نفسك يا حبيبي انا هاجي هلم كل حاجه واخلي السواق يجيبهم على هنا وانتم خلصوا الجامعه وتعالوا

رد تامر طيب يا حبيبتي هقول لدينا

قالت له ماشي يلا هقفل انا عشان تروح جامعتك بس ما تنساش تاكل سندوتش قبل ما تنزل

رد عليها حاضر يا ماما تقى ضحكت

وقالت له لا اله الا الله

رد عليها ومحمدا رسول الله واقفل معاها

وتقى بتشرب القهوه ودخلت منار المطبخ وقالت لها لسه بدري خشي نامي شويه

ردت تقى انا متعوده اصحى بدري

ردت منار انا مبسوطه قوي يا تقى انك هتعيشي معانا وهتدي ليزيد فرصه

ردت عليها انا لو عملت كده فبعمله عشان خاطر العيال وكمان يزيد كويس في الايام اللي فاتت معايا فحبيت ادي له فرصه احسن مظلمه

ردت منار ماشي يا تقى خليني بقى احضر فطار للرجاله قبل ما يروحوا الشغل

ردت تقى ارتاحي انتي وانا هعمل الفطار

ردت عليها ماشي يا تقى وقامت تقى عملت كوبايه لبن ساده وادتها المنار عشان تشربها

وقالت لها اللبن ده لمين ردت تقى لك طبعا انتي مش حامل لازم تشربي لبن مفيد جدا ليكي قولي لبيبي

ردت منار حاضر وبدات تشرب اللبن وتقى كانت بتتحرك في المطبخ زي الفراشه

اما هند فطلعت شقتها تصحي علي لقيته قاعد على سجاده الصلاه وبيصلي صلاه الضحى ابتسمت

وراحت طلعت له الهدوم اللي هيلبسها وجابت له كوبايه عصير من المطبخ وخرجت لقيته ما خلص صلاه وقايم عشان يلبس

وقالت له صباح الخير يا علي

رد علي صباح النور يا هند كنت فين

قالت له كنت بلبس حور عشان تروح المدرسه

رد عليه طيب يا حبيبتي وقرب منها مش ناويه تخاوي حور

ابتسمت هند وقالت له ان شاء الله

قال بشقاوه خلاص لما ارجع النهارده نبدا بدروس التقويه عشان نجيب اخ لاستاذه حور

ضحكه هند وقالت له هو دلوقتي عشان نجيب عيال لازم ناخد دروس تقويه

رد عليه بابتسامه طبعا يا حبيبتي انتي فاكره العيل بيجي بسهوله كده

ردت عليه طيب يا علي البس هدومك عشان تروح الشغل

رد عليها بقول لك ايه ما تعملي لنا حمام النهارده على الغداء اهو الواحد يرم عضمه شويه ويعرف يدي الدروس بضمير

ضحكه هند بقوه وقالت له لا ده انت فيك حاجه ايه التغير ده كله

رد عليه الحق عليا اني عايزه ادلعك انتي اصلا وش فقر وسابها وراح ناحيه المرايه

وهي ضحكت وهو غمز لها في المرايه

وقال لها يبقى النهارده في حمام هزه راسها بياس منه

وخرجت من الشقه ونزلت شقه صابر عشان تعمل الفطار مع منار ولقت الاكل على السفره واستغربت ان منار خلصت بسرعه

ودخلت المطبخ لقيت منار قاعده وتقى هي اللي بتعمل الفطار وقالت ما ندهتوش عليا ليه

ردت منار تقى ما رضيتش وحبت هي اللي تعمل الفطار النهارده شكلها مبسوطه ضحكت هند

وقالت لها خلاص يبقى عليا انا الغداء النهارده اصل علي نفسي ياكل حمام

ضحكه منار وقالت لها خلاص ما دام علي نفسه ياكل حمام يبقى نعمل حمام يا ستي ومحشي كمان

ردت تقى انا علي المحشي ابتسمت منار

وقالت يعني انتم هتعملوا كل حاجه وانا هعمل ايه يعني

ردت تقى تروحي مشوار الدكتوره اللي انتي عماله تاجليه ده

ردت منار بقلق بصراحه كده انا خايفه اروح للدكتوره وتقول لي اي حاجه وحشه

ردت تقى ليه بتقولي كده ان شاء الله كل حاجه هتبقى كويسه والبيبي هيبقى كويس روحي انتي بس وسيبيها على الله

ردت هند مع حق يا منار من امتى وانتي بتخافي كده

ردت عليها الايام اللي فاتت خلتني شفت حاجات كثيره ليكون البرشام اللي كانوا بيدوها لنا ده عمل لي حاجه في الرحم

ردت تقى ما تخافيش ربنا هيكون معاكي وان شاء الله هيكون الحمل كويس روحي بس واطمني على نفسك

ردت منار ان شاء الله

اما في اوضه يزيد قام من النوم وبدا يلبس هدومه وخرج شاف ابوه قاعد

وقال له صباح الخير يا حاج

رد عليه صباح النور يا ابني

وعلي نزل وقال لهم صباح الخير ردوا عليه صباح النور

وخرجت تقى طبق الفول والبيض بالبسطرمه وقالت يلا يا جماعه عشان نفطر

وصل مصطفى وقال حماتي بتحبني

ضحك يزيد وقال له بس بنتها اكثر بتحبك

رد مصطفى وانا بموت فيها ومنار اتكسفت

وقال ممدوح بالراحه يا عم شويه ام مالك وشها بقى شبه الطماطم ضحك كلهم

وخرجت سمر وهي لابسه عبايه بيتي وبتقول لهم خيانه بتفطروا من غيري



ردت منار ما انا عارفه ان انتي ما عندكيش جامعه بدري فما رضيتش اصحيكي

ردت هند بس هي غريبه انك تصحي بدري كده

ردت سمر تعود يا اختي بتنم من بدري وبصحى بدري خلاص حاسه ان رجعت للمدرسه تاني

رد يزيد كده كويس عشان تتعودي

ردت عليه ماشي يا يزيد وبصت لباباها

وقالت له حاج صابر ممكن طلب ضحكه منار

وقالت يبقى ما اتعودتش تصحى بدري دي صاحيه للطلباتها الكل ضحك

وقالت سمر بقول لك ايه اهدي شويه كده انتي بقيتي ست كبيره والواحد مش عايز يطول معاكي في الكلام

ردت منار بجد

ضحكه سمر وقالت اصبري بس يا بابا انا عايزه فلوس عشان اجيب لبس

رد صابر يا بنتي ما انتي كنت لسه واخده فلوس وجبت بيها برده لبس

ردت عليه اصل يزيد زعق لي على اللبس بتاعي وانا قلت اشتري لبس جديد وقلت لدينا تيجي معايا

رد يزيد خلاص يا سمر تعالي جيبي اللبس من عندي في السنتر

ردت عليه ما هي مش كل حاجه هاخدها من عندك في حاجات عايزه اجيبها من بره

رد علي هات اللي انتي عايزاه الاول من السنتر وبعد كده يحلها 1000 حلال

ردت سمر طيب يا علي وكملوا فطارهم

وقال يزيد ممكن يا تقى فنجان قهوه

قالت له حاضر حد تاني عايز قهوه

رد علي وانا كمان

وقال مصطفى انا كمان

رد الحاج صابر انا كمان برده عايز قهوه

قالت له كده يبقى عايزين اربعه قهوه وانت يا ممدوح اعمل لك معاهم

رد عليها لا انا هنزل الجامعه عشان انا تاخرت

رد مصطفى يا ابني انا مش قلت لك تعال عشان اجيب لك عربيه

رد عليه ما انت شايف الوقت كان ضيق ازاي

رد علي خلاص يا مصطفى ادي له المفتاح بتاع عربيتك انت وانت اركب معايا

رد عليه بس انا رايح المصنع بتاع العبايات مش رايح السنتر

رد عليه خلاص يا مصطفى خذ يا علي مفتاحي انا وانا هركب مع يزيد

رد عليه تسلم يا معلم واخذ المفتاح وخرج

وتقى دخلت المطبخ تعمل القهوه

جرس الباب رن وقام علي عشان يفتح شاف واحد بيقول هو ده بيت يزيد صابر

رد علي ايوه انت مين

رد عليه انا محضر من المحكمه جايب له اعلان قضيه

رد عليه قضيه ايه

قال له قضيه حضانه وتمكين سكن استغرب علي وقال له مين اللي رفع القضيه ديت

رد عليه واحده اسمه​‌‍⁠ رواية الرقاصة والمعلم - الفصل 30 | مكتبة الروايات ا نيفين اتصدم علي

رد بسرعه طب هو مش هنا

رد المحضر طب هو لازم يستلم الاعلان بنفسه طلع عليه فلوس من جيبه

وقال له بص هو بقى له كذا يوم مختفي ومش قاعد هنا اول ما يرجع يكتب لي بس رقم تليفونك وانا هتصل بيك

رد المحضر وهو بيبص في الفلوس من عيني الاثنين

ودخل علي وقال مع مصطفى هو ممدوح نسي حاجه ولا ايه

رد علي لا في مصيبه اكبر

رد صابر في ايه يا ابني

قال له نيفين رفع قضيه على يزيد بحضنه العيال وتمكين من الشقه

اتعصب يزيد وقال يعني المراه الوسخه جايه عايزه تاخد العيال وكمان شقه ليله ابوها سوداء انا غلطان اني سبتها عايشه

رد مصطفى اهدى بس يا يزيد اللي انت بتعمله ده غلط وفين يا علي الاعلان

رد عليه انا اديت لي المحضر فلوس عشان ما نستلمهوش وهو كتب لي رقم تليفونه

رد مصطفى كويس قوي احنا هنتصل بالمحامي ونشوف هيعمل ايه

رد يزيد محامي ايه دي مره وسخه وشرموطه واكيد عملت كده عشان تاخذ فلوس من وراهم

ردت منار منها لله هو احنا كل ما نرتاح شويه يطلع لنا عفريت

رد يزيد عفريت ايه ده انا هخليها تلف حوالين نفسها وانا عارف ازاي اخليها تبوس ايدي عشان اسيبها في حالها

ردت منار اهدى بس يا يزيد

قال لها اهدى ايه دي جايه تاخد عيالي خرجت تقى على صوته من العالي وهي معاها القهوه وحطت الصينيه

وقالت في ايه

ردت هند بصوت هادي نيفين رفع قضيه على يزيد بحضنه العيال وتمكين من الشقه

ردت عليها هي اتهبلت ولا ايه انا رميتهم ده كله وراجع عايزه تاخدهم على الجاهز

ردت هند هي كده بني ادمه وحشه ما بترتاحش غير لما تخرب كل اللي حواليها

رد مصطفى بقول لك ايه يا يزيد هنحلها ودي ولو كانت طمعانه بفلوس نديها لها

رد يزيد وحياه ك* امها ما هي واخده جنيه مني انا تعبت منها ومن قرفها وسابهم وخرج

و منار قالت الحقوا يا مصطفى ده ممكن يروح لها يخلص عليها خرج مصطفى يجري

وعلي كان واقف مش عارف يعمل ايه وخرج هو كمان ومسك التليفون واتصل على نيفين

وقال لها اللي انتي بتعمليه ده

ردت عليه بعمل ايه باخد حقي من اخوك

رد عليها حق هي ام حق انتي واخده حق الثالث ومثلث كفايه الذهب والفلوس اللي انتي نهبتيها منه وانتي متجوزاه

ردت نيفين وانت مالك يا علي دخلك ايه في الموضوع

رد عليها دخل ان اخويا

ضحكت بسخريه وده من امتى ان شاء الله ولا انت نسيت لما كنت بتاخدني في حضنك ما افتكرتش ان اخوك ولا ايه

رد عليها تصدقي انك انسانه سافله وزباله وانا غلطان اللي عرفتك يا وسخه وانا هوريكي انك مش هتطولي جنيه من اخويا

ردت عليه نبقى نشوف وقفلت السكه في وشه

وعلى تضايق ولف وشه وشافه هند واقفه

وقال لها انتي طبعا سمعتي كل كلمه انا قلتها

ردت هند انا واثقه فيك يا علي ومدام بتصلي وعارف ربنا عمرك ما هتعمل الحرام ابتسم علي وبسها من دماغها

وقال لها ربنا يخليكي ليا يا حبيبتي

ردت هند ويخليك ليا المهم دلوقتي هنعمل ايه مع الحيوانه ديت انا خايفه يا علي تحكي ليزيد على اللي بينكم

رد عليها ما تخافيش هي مش هتقدر تحكي حاجه عشان هتخاف من يزيد ومني المهم دلوقتي احنا عايزين نعرف احنا ازاي نوقف القضيه ديت

ردت هند انا رايي تروحي للمحامي احسن وتشوفه هيقول لكم ايه

رد علي صح الكلام ده

اما يزيد ماشي بالعربيه واتصل على عبد الرحمن

وقال له انت فين

رد عليه نازل من البيت دلوقتي ورايح على السنتر

رد يزيد ما تروحش على السنتر انا جاي لك

قال له في ايه يزيد انت قلقتني

رد عليه لما اشوفك هبقى اقول لك واقفل معايا وما فيش دقايق وصل عنده وركب عبد الرحمن

وقال له في ايه بقى يا ابني طمني

رد عليه الوسخه رافعه عليا قضيه حضانه وعايزه تاخد العيال وتتمكن من الشقه

رد عبد الرحمن انت متاكد من الكلام ده

رد عليه ايوه متاكد رد عبد الرحمن طب تعالى نروح نشوف المحامي هيقول ايه

رد يزيد ما انا ما اعرفش محامي مين والمحامي اللي معانا في الشغل ما لهوش في امور الطلاق والحاجات ديت

رد عبد الرحمن يا عم سهله انا عارف محامي كويس ومسك التليفون واتصل

وقال له انت فين يا كرم

رد عليه انا عند محكمه الاسره في ايه يا عبد الرحمن

رد عليه طب انا ربع ساعه واكون عندك

رد عليه ماشي هستناك على القهوه اللي جنب المحكمه

قال له طيب واقفل معايا

وقال ليزيد اطلع على محكمه الاسره في هناك قهوه هنقعد نستنى فيها

قال له ماشي

اما في البيت قالت منار انا مش عارفه نخلص من البلوه دي امتى انا تعبت وقرفت كل ما نقول البيت هادي شويه يجي شيطان ويخربوا الله يسامحك يابا جبت لنا عقربه في البيت وهي اللي جابت الحيه معاها

سمر بصيت لها وقالت تقى خلاص يا منار اهدي شويه

ردت عليها اهدى ايه وزفت ايه مش شايفه البلاوي اللي بتحصل لاخويا كل ما اقول هدي والدنيا مشيت معاه الاقيه بيقع في مصيبه اكبر

ردت هند صلي على النبي بس يا منار وان شاء الله هم هيلاقوا حل سكته منار وقامت

وقالت هند ما تزعليش يا سمر انتي عارفه منار بتحبي يزيد ازاي وما بيتقش حاجه تلمسه اشحال بقى المصايب اللي بتحصل له

ردت سمر بدموع انا عارفه ان ماما السبب في كل ده وكمان نيفين بس انا هعمل ايه يعني انا برده زعلانه على يزيد برده ده مهما كان اخويا

ردت هند وانا عارفه بس انتي ما تزعليش يا حبيبتي وقومي شوفي انتي هتروحي الجامعه امتى

ردت سمر مش هروح في حته وبصت لتقى وقالت لها هو انتي هتروحي البيت امتى عشان تلم حاجه اخواتك

ردت عليها مش دلوقتي لما نشوف حل المشكله الاول

ردت سمر خلاص انا هتصل بدينا وهروح انا معاها ونلم الحاجه ونيجي اخر النهار

ردت تقى بلاش النهارده خليها يومين كده يكون الدنيا هديت هنا الاول

ردت سمر بقول لك ايه ما فيش حاجه بتهدى هم هيحلوها وانا متاكده من كده يلا انا هقوم اكلم دينا واقول لها سكت تقى

وقالت هند تعالي نقوم نعمل الغداء احسن عشان لما يجوا ياكلوا والعيال كمان اللي في المدرسه دولت

ردت تقى حاضر هخش بس اشوف مؤمن نايم ولا صاحي

ردت عليها طيب انا هستناك في المطبخ

اما عند يزيد وصل القهوه وقعد هو وعبد الرحمن وطلبوا قهوه

ووصل كرم وقال له في ايه يا عبد الرحمن انت قلقتني

رد عليه اقعد بس وانا هفهمك قعد كرم

وقال له بص يا سيدي ده يزيد ابن عمتي وهو طلق مراته عشان جالوا فيديو مش كويس عنها وضربها وكانت حامل وسقطت ودخلت المستشفى بس هي خافت تعمل له محضر لا يوري للحكومه الفيديو وبعد كده سابها وعدى كم شهر ورفعت عليه قضيه حضانه وتمكين سكن

رد كرم طب فين اعلان المحكمه

رد عليه اخويا ما استلمهوش وادى للمحضر فلوس وقال له ان انا مش موجود

رد كرم كويس قوي كده بس القضيه كده هتمشي بسرعه هي لها كم عيل

رد عليه اثنين بنت في اولى ابتدائي والثاني لسه اربع سنين

رد كرم يبقى من حقها تتمكن من السكن وكمان تاخد حضانتهم

رد يزيد ازاي والفيديو اللي عندي ده

رد عليه ممكن تعمل قضيه رد شرف ان انت ممكن تكون مفبرك لها الفيديو عشان تطلقها

رد يزيد ازاي الفيديو حقيقي 100% رد كرم سهله جدا هتدي فلوس للطب الشرعي وهيقول انه الفيديو مزيف وساعتها هي اللي هتكسب وهتاخد تعويض كمان ده لو كان معاها محامي ليه في الكلام ده طبعا

رد يزيد طب الحل ايه قال له الحل كان في ايدك لو انت كنت جبت الحكومه وقبضت عليها في حاله تلبس ساعتها ما كانش ليها الحق انها تطلب بالعيال ولا حضنتهم ابدا

رد يزيد طيب انا عايز اشوف حل العيال مش هسيبهم لها ابدا وانا عارف ان هي اخرها عايزه فلوس

رد كرم بص انت مدام بتقول انها سكتها شمال اكيد لغايه دلوقتي بتعمل كده احنا نفتش وراها ونعرف اذا كانت ماشيه شمال ولا لا وساعتها نثبت عليها الموضوع ده والقضيه تتلغي

رد يزيد متاكد من الكلام ده قال له طبعا بس لازم يكون في شهود على الواقعه عشان ساعتها هي ما تقدرش ترفع قضيه تاني بعد ما الدنيا تهدى

رد عليه طيب يا كرم وقام عشان يمشي

رد عبد الرحمن طب انت شوف الموضوع ده وخليك معانا على الخط واحنا هنبقى معاه لو في حاجه

رد كرم ماشي يا صاحبي وراح عبد الرحمن ركب العربيه مع يزيد

وقال له هتعمل ايه

رد عليه مش هعمل حاجه ومسك التليفون واتصل على شخص وكان اسمه سيد (طبعا انتم فاكرينه اللي كان مع هاني)

وقال له عايزك يا سيد تقابلني في الكافيه اللي تقابلنا فيه قبل كده

رد عليه من عيني يا سيدي المعلمين في سبوبه حلوه يعني

رد عليه اكيد يا سيد وقفل معاه

وقال عبد الرحمن مش سيد ده البلطجي كلمته ليه

رد يزيد هو ده اللي هيجيب اساس الموضوع وخليني اجيبها هي والعرص اللي كان معاها في الفيديو

رد عبد الرحمن بقول لك ايه ما بلاش موضوع الفيديو ده وخلينا نشوف حاجه ثانيه

رد يزيد ما هو اكيد هي لسه لها علاقه بيه وبيتكلموا مدام هي قدرت تجيبه البيت عندي يبقى اكيد بيجي لها عند امها ما هي مره وسخه

رد عبد الرحمن طيب يا يزيد تعال نروح نشوف الشغل ماشي ازاي

رد عليه انا هوصلك السنتر واروح اقابل سيد انا واخلص الموضوع

رد عليه طيب يا يزيد ومشي بالعربيه

اما سمر كانت قاعده في الاوضه بتتكلم مع دينا وقالت لها انها تيجي عندها عشان يلموا الحاجه

ردت دينا بس انا عندي محاضره مهمه النهارده

قالت لها مش مشكله هاجي لك ونخلص براحتنا ان شاء الله نيجي بعد العشاء

ردت دينا طب انتي مش هتيجي الكليه ولا ايه

قالت لها لا هاجي القاعده بقت بتخنق في البيت

ردت دينا طيب يا ستي هستناكي نروح سوا

ردت سمر خلاص ربع ساعه واكون عندك وقفلت معاها وقامت لبست هدومها

اما في المطبخ تقى كانت بتفطر مؤمن

وقالت هند انا خايفه قوي ربنا يستر من اللي جاي

ردت تقى ان شاء الله خير بس ايه اللي يخليها بالجبرود ده كله

ردت هند اصل انتي ما تعرفيش نيفين دي تبقى بنت عمتي وطول عمرها جبرت كده وكانت اللي بتعوزه بتعمله ما بتخافش من حد ولا حتى امها

ردت عليها يلا ربنا يسهل لها حالها بعيد عننا

ردت هند بجد ربنا عوض صفا ومؤمن بيكي

ردت تقى انا حاسه بيهم انا كنت يا طنط الاب والام وكنت ام واب في نفس الوقت لاخواتي فعارفه يعني ايه حرمان الام بس انا امي ست كانت حنينه جدا وطيبه

ردت هند اكيد طبعا عشان جابتك بالحنيه ديت ضحكه تقى

وقالت لها طيب يا ستي يلا خلينا نعمل المحشي والحمام اللي جوزك نفسه فيه

ضحكه هند وقالت لها ما خلاص الواحد ما بقى لهوش ليه نفس

ردت تقى ليه بتقولي كده احنا هنعمل وهناكل وهنفرح كمان انا عارفه دماغي يزيد مش هيسكت غير ما يحلها

ردت هند تفتكري

ردت عليها اكيد طبعا يا بنتي يلا خلينا بس نعمل الاكل

اما عند يزيد فوصل الكافيه ولقى سيد قاعد وقال له اول مره يا معلم تقابلني بدري كده

رد يزيد هي الغريبه ان انا الاقيك صاحي في الوقت ده

رد سيد والله يا معلم اصل تعرفت على بنت كده جامده اخر حاجه وعايزه تخلي صاحبتها تيجي معانا وخرجت معانا مرتين بس ايه رافعه مناخيرها لفوق

رد يزيد بقول لك ايه سيبك من حوار النسوان ده وخلينا في موضوعنا

رد سيد خير يا معلم قول لي

قال في مره عايزك تراقبها وتعرف لي عنها كل حاجه وايه اللي هي بتعمله دلوقتي

رد سيد من عيني الاثنين يا معلم طلع يزيد التليفون بتاعه وقال له انا حولت لك 20000 وبعثت لك صوره المراه ديت وعايزك تجيب لي كل حاجه عنها النهارده

رد سيد عينيا كل حاجه هتكون عندك النهارده مشي يزيد وساب سيد

وتليفون سيد رن وكانت سهر وقالت له سبتنا ورحت فين يا سيد

رد عليها مشوار شغل يا سهر بقول لك ايه صاحبتك ديت خنقتني ما تجيبهاش تاني في قعدتنا

ردت سهر ليه يا سيد دي متريشه ومعها شيء وشويات غير الذهب والفلوس اللي في البنك

رد سيد البنت دي باصه لفوق وشكلها كده ما ينفعش معاها غير فاروق

ردت سهر صح كده هو فاروق اللي هيسحب منها كل حاجه واحنا هنكسب من وراها

رد السيد طب انا هخلص المصلحه اللي في ايدي ديت واكلمه ونشوف هنعمل ايه

ردت سهر​‌‍⁠ طيب ما تتاخرش عليا وقفلت معاه

وقالت ماشي يزيد والله لاحبس لك ام عيالك في قضيه اداب عشان تعرف انت عملت معايا ايه

تابع الفصل التالى من هنا