- هو مين ده الى كنتي قاعده معاه؟
- مكنتش قاعده معاه!
= اعمي انا بقا ؟؟؟
- أسر معرفوش!! جه قعد لوحده عادي وانا قومت اهو يلا بينا
"مسكت ايده عشان نتحرك أسر بصلها بشك وبعدين سابها وراح عنده"
- خير يا حبيبي في حاجه شايفك بتبص جامد؟
"أسر كان داخل عليه جامد ومقرب منه بحده"
خالد بابتسامه بارده: مفيش حاجه.. مجرد سوء تفاهم بس
أسر بعدم فهم: سوء تفاهم؟؟
نانسي قربت: أسر محصلش حاجه خلاص يلا نمشي
- بالظبط الموضوع بسيط
اسر مهتمش ليها وبصله فعينه: الى هو ايه بقي؟
رفع كتافه بسلاسه: خبط فيها امبارح وجيت اكرر اعتذاري انهارده واطمن عليها مش أكتر
أسر مخلهوش يكمل و زقه جامد وهو بيزعق: خبط ف ايييه؟؟؟؟ هو انت الى بهدلتها كده ؟؟
وقفت قدامه بسرعه: أسر!!!!
جابني على جمب و قربله مره تانيه و بصله: اية اتعميت ولا ايه عشان توقعها و تبهدلها كده؟؟؟
خالد ببرود: تمام.. انا هعتبر ده كمان سوء تفاهم ومش هرد عليك عشان واضح ان عندك مشاكل ودماغك تعبانه
" نهي كلامه وهو بيطبطب على كتف أسر بسخريه وقتها أسر زق ايده و صْربة بونيه في وشه جامد وقعه على الأرض "
زعقت بخصْه: أسر بس !!!!!
"ساعتها الجامعه كلها اتلمت لأنهم عارفين أسر وسلكوا بينهم ومنهم ادهم صاحب أسر الى مرضاش يفلته .."
أسر بعصبيه: اوعي يا أدهم سبني
أدهم مسكه: قولتلك بس ياض انت خلاص !!! عايز العميد يجي يلمنا!!!!
" وهو كذالك.. الدكاترة خدونا كلنا على اوضة العميد وانا كانت دموعي بتنزل بهدوء بعد ما حصلت كل المشكله دي بسببي كنت محرجه ابص في عين اي حد "
العميد بزعيق: اي قلة الأدب الى حصلت دي فاكرين نفسكم فين ها !!!!!
أسر بحده: فاكرين نفسنا في حرم جامعي لحد ما واحد اتعرض لابنت عمي و مد ايده عليها
خالد بسرعه: محصلش حتي اسألها حضرتك كل الموضوع اني خبطت فيها بالغلط و وقعت
أسر بصله بغضب: انت اصلا مش في كلية تربية اي الي مخليك تروح هناك !!!
العميد رزع على مكتبه: بس اخرسوا كلكوا
بص لخالد: هات الكارنيه بتاعك
"خالد اداله الكارنيه"
- حضرتك انا في كلية هندسه سنة خامسه
العميد: يعني فاضلك سنه و تتخرج و بتعمل مشاكل ؟؟ محدش قالك انوه هيتكتب في الملف بتاعك مشاغب!
= وليه ؟ انا اساسا معملتش الى بيقوله ده انا كنت رايح كلية تربية لواحد صحبي عادي وفعلا مكنش قصدي وخبطت فيها بالغلط ولا مديت ايدي ولا غيره هي وقعت من الخبطه
" بعد ما كان هيتسحب مننا الكارنيهات دكتور ادخل وحل الموضوع و أسر و خالد اترفدوا اربع ايام . "
" خرجت من الأوضة لقيت أمنيه مستنياني طبطبت عليا وكانت بتطمن انا كويسة ولا لاء "
اتكلم بنرفزة: يلا عشان نروح
" مردتش عليه سلمت عليها ومشيت معاه بهدوء وركبنا العربية "
" كنت مستنيا يتكلم يقول اي حاجه ولكن مكلمنيش كمان هو الى هيعمل زعلان ! "
"وصلنا الفيلا نزلت من العربية لقيته بيدور وهيطلع لكن مسألتوش رايح فين ؟؟؟"
>>>>>>>>>>>>>>>>>>>>>>>>>>>>>>>>>>
|| في الجامعه ||
بسمله: مين ده اول مره اشوفه!
اميرة: تقصدي الي اسر عجنه
- هو في غيره!
= تيجي نتعرف عليه؟
- ومالو
= بس هو كاريزما كده و شكله حلو اصلا معرفش راح اتلزق في حبيبه أسر ليه
اميره بنفسنه: متقوليش حبيبته
- ايوه معاكي حق بعد الخناقة دي مفروض اقول مراته
- سخيفه تعالي نروح نشوفه يلا
" دخلوا كأنهم رايحين صدفه و قعدوا مع خالد و واحد صاحبه و اتعرفوا عليهم.. "
صلي على محمد
>>>>>>>>>>>>>>>>>>>>>>>>>>>>>>>>>>
|| في ساحه السباقات ||
- أدهم
= ايه يا مفتعل المشاكل منور
- في سباقات انهارده صح
= ناوي ولا ايه؟
- أها حطني في الترتيب
= طب مبلاش وتريح انت عندد تصفيات اصلا
- عيب عليك حطني بس بليل انا قاعد حبه
" أدهم راح يعرفهم ينزلوا أسر في الجدول الى اول لما دخل بس كله بدأ يتكلم عنه وعيونهم كانت عليه و بيسألو مين المسكين الى هينزل قصاد أسر مهران."
" أدهم رجعله لاقاه سرحان "
- خير الباشا ماله
= الواد الى اسمه خالد ده وراه حوار
- رسيني
= افتكر معايا كده ................. صح ؟
- تصدق صح !!!!! وهتعمل ايه؟
= هنشوف بقا
>>>>>>>>>>>>>>>>>>>>>>>>>>>>>>>>>>>
|| في فيلا حسين مهران ||
" دخلت من الباب لقيت جدو في وشي "
- جدو!
= حمد الله على السلامة فين أسر امال؟
- ءءءء أسر خرج مع صحابه
= امممم جاي في اليوم الى محتاجه فيه
- فيه حاجه ولا ايه
= عايزه في اجتماع مهم في الشركه بليل
اتنهدت: اممم أكيد مش هيتأخر يعني
" طلعت اوضتي وبعتله مسدج يجي بدري لأن جدو عايزه بس مردش عليا "
" فات تلت ساعات لسه مردش و لا حتي جه على الغدا و لا العشا! جدو كان مضايق جدا وطلع ينام اما انا فا نزلت استنيته في الجنينه.. "
>>>>>>>>>>>>>>>>>>>>>>>>>>>>>>>>>>>
|| على طريق السباق ||
" أسر كان واقف علي الخط بعربيته وكله بيترقب مين الى هيتجرأ وينزل قصاده.. عشان يتفاجئ ب خالد بيتقدم بعربية جمبه على الخط "
أدهم راح عند شباك عربية اسر: انا لقيت حد مسجل بأسم خالد الورداني قصادك بس متخيلتش انوه هو
- مش قولتلك؟
= طب ايه
أسر بثقه: سيبه اعلم عليه
- أسر!
= متقلقش ابدأ يلا
"أسر بص لخالد بعدم اهتمام وبعدين بص قدامه"
"أدهم وقف في النص"
- جاهزين؟؟؟
"أسر دور و صوت عربيته طربت المكان"
= ابدؤا
" السباق بدأ و أسر كان متقدم خالد حاول يكسر عليه معرفش وحاول يتقدم عنه لكن أسر كان بيمشي قدامه و بيعمله عرقله و يزاوله "
" خالد اتقدم عليه اخيراً و داس بنزين وقتها أسر ابتسم بسخريه و داس بنزين على آخر سرعه.. و عدا خالد بمنتهي السهوله وكسب. "
" نزل من العربية و الكل كان متجمع حوليه اما خالد فا فضل في عربيته و صْرب الدركسيون بعصبيه "
بتقرب عنده بنت بشعر قصير و بتصْرب كفها في كفه: مبروك يا ايسو رجعت فجأة يعني
أسر ابتسملها: محدش يتوقعني
قربت منه بتحدي: طب ايه متيجي تسابقني؟
- مش بسابق بنات وانتي عارفه يا سارة
ضحكت: هتنكر اني كسبتك قبل كده
= كانت مره و كنت سايبك جدعنه مني يا صرصور
- انت عارف انا ايه فا بلاش عنصريه
= بصراحه بالنسبة لأنك بنت بس أها انتي موهبة نادره اشهد بكده
ابتسمت: حبيبي شهادة اعتز بيها طب هتيجي تكمل السهره معانا
- لا كفايه كده انهارده هروح ممكن اجي قريب
= اشطا
- باي .. سلام يا أدهم
= سلام يا حبيبي
>>>>>>>>>>>>>>>>>>>>>>>>>>>>>>>>>>
استغفروا.
" فضلت مستنيا لحد ما الساعه بقت 2 بليل و اخيرا سمعت صوت عربيته المميز وعرفت انوه داخل كان في طريقه للباب ولما شافني عند المرجيحه في الجنينه لقيته جاي وقعد جمبي "
- أهلا
"مردتش عليه وفضلت مربعه ايدي وباصه قدامي"
- جدو كان عاوزاني في ايه
= معرفش ابقي اسأله هو
- طيب
" فضل ساكت المستفز فا قومت وكنت ماشيه قبل ما يقف قصادي و يوقفني"
- انتي مستنياني كل ده عشان تقومي تمشي من غير ما تتكلمي؟
= انا مكنتش مستنياك اصلا
- كدابه اوي.. دي زي كدبه الوقعه كده صح
= متفتحش الموضوع احسن!
- لا افتحه معنديش حاجه اخاف منها!
مكنتش بصاله فا بصلي هو: ها كدبتي عليا ليه؟؟
" عيونه بتلخبطني!! انا مبعرفش اكدب وهو باصصلي بتوتر ومببقاش مدركه الكلام الى طالع مني ! وانا اصلا مش بحب اكدب عليه "
- انا مكدبتش يا أسر قولتلك اني وقعت انت مسألتش وقعت ازاي
= والله؟ ده لعب بالكلام حلو اوي
- مكنتش عايزه اقولك عشان انت بتاع مشاكل وطلع معايا حق انت عملت مشكله
= عشان هو يستاهل هو انتي فاكره انوه فعلا خبط فيكي بالغلط؟ انتي متعرفيش دماغ الولاد
- ماشي
= متقلبيش وشك عليا يابت!
- ملكش دعوه بيا وبعد كدا بقي يبقي كل واحد يروح لوحده انا كمان عندي عربية وبعرف اسوق
بص قدامه بعيد على عربيتي الى مركونة بقالها فتره: اروح ادعْدعْها دلوقتي؟ بعدين هي مين دي الى بتعرف تسوق!!!
- والله لو انا مبعرفش اسوق تبقي عيبه في حقك
" أسر سكت شوية و وبصلها بنص عين استوعب الجمله بتاعتها معاها حق فعلا.. ازاي ؟ "
= ما علينا مش موضوعنا دلوقتي
- صح موضوعنا انت كنت فين؟ ومردتش ليه
= متقلبيش وشك وهقولك
- هاا أنجز
= صالحيني الأول عشان كدبتي
- أسر انا الى مضايقه!! انت عملت مشكلة بسببي و احرجتني!! مش معقول الجامعه كلها بتخاف تقربلي بسببك
= طب ما حلو ده
صْربته بعصبيه: بكرهك
ضحك: تؤ لا بتحبيني
- بكرهك صدقني
رفع حواجبه وبصلي: والله بتحبيني
زقيته وضحكت: بس ! متهزرش معايا
غمزلي: طب هقولك كنت فين
= قول يا بارد
- في السبق
بدهشه: أيه!! من وراه جدك !
- لا من قدامه ما اكيد من وراه هو مديني فرصه اتنفس! عشان يبقي قدامه
= طب و ليه كده! وبعدين ماهو هيعرف
- مش هيعرف لو اي حد نزل فيديو حتي كنت لابس خوذه و انتي عارفه انا بحب العربيات والجو ده قد ايه ؟
= انا عارفه يا أسر بس مش فاهمه ؟؟
أسر غير الموضوع: و تعرفي يا حلوة علمت على مين انهارده تاني في السبق ده
= اتحفني يا أسر مين على اساس اني هعرف
- الحلو الى صْربته في الجامعه
= أيه! لا لحظه مش فاهمه
- الواد ده بيسابق من زمان و انتي عارفه ان دي اكتر حاجه بحبها و شاطر فيها فا انا اكيد عارف المجال كله و عارف كل الى بيدخلوا سباقات اول لما شوفته وكنتي بتشديني عشان نمشي عرفت شكله و رجعتله اشوفه عايز ايه
= يعني دلوقتي هو كمان عارفك
- أكيد عارفني سجل اسمه قصادي في السبق انهارده مش صدفه
= و عايز منك ايه.؟
- داخل في نفس البطولة الى انا داخلها
= أها البطولة الكبيره الى حكيتلي عنها وبرضو جدو ميعرفش عنها حاجه صح
- ولو عرفتيه هنفخك انا بقولك انتي بس
اتنهدت شوية وبصلي بهدوء: عشان بثق فيكي
" فضلت سرحانه في الجمله وساكته "
شاور قدام وشي: نانسي!! مش هتقوليله حاجه!
= ماشي يا أسر
- اوعدي
= مخلاص بقا قولنا مش هقول حاجه انا طالعه انام عشان تعبانه و سهرانه بقالي كتير تصبح على خير.
" طلعت اوضتي ومكنتش عارفه انا فعلا هخبي على جدو؟؟ هو خايف على أسر! وانا كمان مبقتش مرتاحه وخايفه عليه.. "
>>>>>>>>>>>>>>>>>>>>>>>>>>>>>>>>>>
|| تاني يوم | الساعه 7 الصبح ||
" صحيت على مشبك بيتحدف على راسي قومت بصيت حواليا لقيت أسر في بلاكونة اوضتي "
- أنت نطيت من بلاكونتك لعندي ؟
= أها في امر غاية في الاهمية..!
= أيه؟
- تيجي معايا نتسابق!؟
بصتله برفعه حاجب: أيه.!!
تابع الفصل التالى من هنا
