وفي شقه يزيد صحيت تقى على صوت التليفون بتاع يزيد ولقيت اسم عبد الرحمن الاتصال خلص
وصحي يزيد وقال لها مين اللي بيتصل
ردت عليه ده عبد الرحمن شكله بيطمن عليك عشان هو قال لي هيتصل بيك
رد يزيد طيب هات التليفون واخذه واتصل على عبد الرحمن
ورد عليه بسرعه هيا تقى يزيد عامل ايه دلوقتي
رد يزيد انا كويسه يا صاحبي
رد عبد الرحمن متاكد يزيد ان انت كويس
رد عليه ايوه الحمد لله خلي بالك انت بس من الشغل وانا يومين وهرجع
رد عبد الرحمن طيب يا صاحبي ابقى طمني عليك على طول
قال له ماشي واقفل معايا
وقامت تقى وبصت في الساعه وقالت له ده ميعاد الابره الثانيه يلا عشان تاخدها
رد يزيد مش عايز علاج انا بقيت كويس
ردت تقى شكلك كده ما بتحبش الابر وبتخاف منها
ضحك يزيد بقوه وقال لها ولا بخاف ولا حاجه انا راجل
ردت تقى يبقى تاخد الابره وتوريني ابتسم يزيد
وقال لها طيب يا تقى وراحت جابت الابره واديتها له
وقالت له حسيت بحاجه
رد عليها لا طبعا ايديك خفيفه
قالت له اي خدمه يلا بقى عشان تقوم تاكل
رد يزيد انتي اكلتي يا تقى
قالت له لسه
قال لها خلاص انا نفسي اكل مكرونه بالقوطه وبطاطس محمره زي اللي امي كانت بتعملها لنا
ردت تقى من عيني الاتنين قوم بس انت خش خد دش اكون روقت بره واخش اعمل الاكل
رد يزيد ماشي يا تقى وقام دخل الحمام وتقى خرجت لمه القزايز اللي في الصاله وحطتها في الباسكت وكنست الصاله
ودخلت على المطبخ طلعت القوطه من الفريزر وحطيتها في ميه سخنه وراحت على اوضه يزيد طلعت له ترنج من الدولاب ومعاها غيار وخرجت للمطبخ تكمل شغلها
ويزيد خرج من الحمام ولقى الهدوم على السرير والسرير متروق ولبس هدومه وراح ناحيه المطبخ

وقال لها ممكن يا تقى تعملي لي فنجان قهوه من ايديكي
ردت عليه مش هينفع تشرب قهوه اليومين دولت بس هعمل لك كوبايه يانسون تروق لك صدرك
رد يزيد حاضر يا تقى وخرج قعد في الصاله وشغل التلفزيون وجنبيه علبه السجاير ولسه هيطلع واحده
قربت منه تقى وقالت له ما ينفعش خالص السجائر اليومين دولت اسمع مني
رد عليها هو كل حاجه ممنوعه كده ابتسمت تقى وقالت له عشان صحتك وخاطر ولادك اللي مستنينك
حزن يزيد وقال لها طيب يا تقى واخد منها كوبايه اليانسون وبدا يشرب فيها
وهي دخلت المطبخ تكمل الاكل
اما في شقه اخوات تقى تامر كان بيعمل نسكافيه ليه ودينا وتليفونه رن باسم ممدوح
ورد عليه وقال له ايه يا ابني وحشتك قوي للدرجه دي ما انا كنت معاك طول النهار في الجامعه وفي الشغل
رد ممدوح ما فيش يا سيدي قلت اطمن عليك
ضحك تامر وقال له كده انا هخاف منك
رد ممدوح لا يا عم ما تخافش المهم اخواتك عاملين ايه
رد تامر اهو بنشرب نسكافيه انا ودينا المهم تقى عامله ايه دلوقتي اصلها النهارده كلمتني الصبح ما كلمتنيش ثاني
رد ممدوح كويسه بس هي نايمه مع الاولاد جوه
رد تامر طيب يا سيدي لما تصحى اقول لك كلمنا
قال له حاضر وقفل معاه وبص لمصطفى
وقال له تقى مش عند اخواتها
رد عليه هتكون راحت هي فين هي كمان
رد ممدوح بقول لك ايه ممكن تكون سابت اخواتها ويزيد ومشيت
وضحك مصطفى وقال له يا ابني اللي شفته يوم ما قابلت اخواتها مستحيل تبعد عنهم
رد ممدوح طب هتقول ايه لمنار
رد مصطفى والله ما عارف انا تعبت وخايف على منار المشاكل كلها جايه مره واحده انا هقول لها انها قاعده مع اخواتها وخلاص وما يجي يزيد يبقى يشوف الموضوع ده
رد ممدوح ماشي تحتاجني في حاجه
رد مصطفى تسلم يا حبيبي قوم ذاكر ولا انام شويه انت تعبان من الصبح
رد ممدوح والله معاك حق يلا تصبح على خير ودخل ممدوح الاوضه
ومصطفى قاعد مستني منار تطلع من عند ابوها تحت
وفي شقه يزيد خلصت تقى الاكل
وطلعت وهي بتقول له تعالى بقى قل لي رايك في المكرونه من ايدي عامله ازاي
رد يزيد ريحتها حلوه وقعدوا ياكلوا وتقى كانت حاطه له طبق الشوربه وفي حته الفرخه وبدا ياكل وهو مستطعم المكرونه والبطاطس
وافتكر ايام زمان لما كان قاعد مع امه وابوه في الشقه الصغيره وابتسم
وتليفونه رن باسم الدكتور بتاع المعمل وكان خايف انه يرد
وقالت تقى تليفونك بيرن يزيد
قال لها انا عارف
قالت له طب ما ترد
قال لها خايف ارد
قالت له ليه
قال ده دكتور المعمل مسكت تقى التليفون وفتحت السكه وحطيته على السبيكر
وقالت ايوه يا دكتور
رد الدكتور مش ده تليفون الاستاذ يزيد
ردت عليه ايوه يا دكتور هو سمعك دلوقتي
رد الدكتور تمام هي نتيجه الاوليه للتحاليل ظهرت
ردت تقى والنتيجه ايه يا دكتور
رد عليها في تطابق بنسبه 70% والاكيد هيكون بكره ان شاء الله بس انا حبيت اطمنه مراعاه لظروفه كانت امبارح
ردت تقى شكرا جدا يا دكتور وان شاء الله بكره هناخد النتيجه النهائيه
رد عليها العفو والاكيد ان هم اولاده
ردت عليه ماشي يا دكتور وقفلت معاه وبصت على يزيد اللي كان دموعه على خده
وقالت له اهدى بس اتاكدت ان هم عيالك
رد عليها انا كنت خايف واول مره احس بالخوف و صاعب عليا منظر العيال امبارح وهم خايفين
ردت تقى ما انت اللي غلطان انك ما سمعتش باقي الكلام ومشيت على طول
رد يزيد هو كان في بقيه كلام بعد اللي هي قالته
ردت تقى طبعا كان في بقيه كلام هي حكت ان مرات ابوك كانت بتحط لهم موانع الحمل ومش ليها بس لا ولوختك وكمان بعد اتجوزت نيفين هي اللي كانت بتحط ليهم
اتصدم يزيد وقال لها انتي متاكده من الكلام ده
ردت عليه لو مش مصدقني اتصل باختك وانت هتعرف
رد عليها يعني هيام كملت كلامها وقالت كده
ردت عليه ايوه طبعا سكت يزيد
وقال لها انا تعبان ونفسي انام
ردت تقى اللي انت بتعمله ده هروب لازم تقوم عشان خاطر اخواتك وابوك اللي غلبان اللي خايف عليك وعيالك
رد يزيد معاكي حق بس انا مش قادر اقف دلوقتي قصاد حد
ردت عليه ليه مش قادر تقف
قال لها انا محتاجك تقفي جنبي وتبقي معايا في مشواري حتى الولاد بيحبوكي وبيقولوا لك يا ماما وننسى اي حاجه انا عملتها معاكي وخلينا بكره
ردت تقى سيبها للايام يا يزيد واللي انت عملته مش قليل معايا
رد عليها انا عارف بس صدقيني انا اتغيرت للاحسن وبحبك بجد وقلبي ده عمره ما عارف يعني ايه حب غير لما شافك حتى حوار الوصولات انا عملته عشان اتجوزك اتبقي لي لوحدي انا بحبك يا تقى
سكت التقى وبصت في عينيه ولقت صدق كلامه وقالت له انا موافقه يزيد ان ندي لحياتنا فرصه ثانيه
رد عليها بفرحه بجد يا تقى
ردت عليه بجد يزيد بس لازم تشوف هيام وتتاسف لها الا هي عشته معاك وتشوف هي عايزه ايه وتعمله لها
رد يزيد حاضر المهم ان انتي وافقتي تبقي معايا
ردت عليه يا ريت بقى تكمل اكل وتاخذ العلاج عشان بكره لازم نروح عشان الاولاد لوحدهم
رد يزيد تمام وبدا ياكل بفرحه
اما في شقه مصطفى دخلت منار في الشقه وقال مصطفى اتاخرت كده ليه
ردت عليه معلش اصل صفا كانت عماله تعيط هي ومؤمن وعايزين تقى
رد مصطفى ما هي قاعده مع اخواتها اول ما الدنيا هتروق هتلاقيها رجعت
ردت منار انا عارفه بس انا قلت لسمر تاخد صفا تنام عندها النهارده ومؤمن نام جنب ابويا
رد عليها طب تعالي ارتاحي عشان بكره نروح للدكتور بدل كل يوم موضوع بيتاجل
ردت عليه يعني انت شايفني فاضيه قوي ما البيت في مشاكل كثير وربنا يستر على يزيد
رد مصطفى يزيد راجل وهيقدر يحل مشاكله كلها
ردت عليه معك حق يلا عشان ننام انا تعبانه جدا
رد عليها يلا يا حبيبتي ودخلوا الاوضه ونامت منار على السرير في نوم عميق ومصطفى نام جنبها
اما عند سمر في اوضتها كانت قاعده ومعاها صفا بيلعبوا مع بعض وصفا بتضحك وبتقول لها دي اول مره يا عمتو نلعب مع بعض
ردت سمر ليه يا قلب عمته مش انتي اللي بتخافي تيجي عندي
ردت صفا ما انتي يا عمتو بتزعقي لي دايما لما كنت بخش اوضتك
ردت سمر ما تزعليش يا قلبي مش هيحصل تاني وقلت خشيها وقت ما انتي عايزه فرحه صفا وحضنت سمر قوي
وقالت لي انا بحبك قوي يا عمتو
ردت عليها وانا كمان يا قلب عمته يلا بقى عشان ننام عشان انتي وراكي مدرسه بكره وانا كمان ورايا كليه
ردت صفا طيب يا عمتو وراحت نامت على السرير وسمر مسكت التليفون وفتحت الفيسبوك وجالها صفحه دينا وبعتت لها طلب صداقه ودينا وافقت
وبعد كده جالها في الاقتراحات صفحه تامر ودخلت الصفحه وبصيت على الصور بتاعته والكلام اللي بيكتبه وعجبها طريقته وبصت في الصوره قوي وبعد كده قفلت التليفون ونامت على السرير
هو في شقه يزيد كان نايم على السرير وهو حاضن تقى دافن راسه في رقبتها وتقى نايمه من التعب وهو عينيه عليها
وبيقول بصوت هادي انا اسف على اي حاجه عملتها في حقك وراح في نوم عميق
وبعد دقائق فتحت تقى عينيها وفضلت تبص عليه وهي سرحانه في ملامحه الهاديه
وبتقول يا ترى اللي انا بعمله ده الصح ولا الغلط كل حاجه هتبان مع الايام ونامت هي كمان بعد تفكير طويل
وثاني يوم صحيت دينا من النوم وراحت الحمام تغسل وشها وخرجت راحت ناحيه اوضه تامر وخبطت على الباب
وتامر فتح لها وقالت له يلا عشان نروح الجامعه
رد تامر بس انا محاضراتي بعد الظهر
ردت عليه طب خلاص هنزل انا عشان محاضراتي هتبدا الساعه 9:00
رد تامر طب يا حبيبتي خلي بالك من نفسك ولو احتجتي حاجه اتصلي عليا
قالت لي شكرا يا حبيبي ودخلت الاوضه تلبس ومسكت التليفون لقت رساله من صاحبتها في الجامعه ردت عليها
وشافت سمر اون لاين وقالت لها صباح الخير
ردت عليها صباح النور
قالت لها انتي رايحه الجامعه
ردت سمر ايوه عندي محاضرات الساعه 9:00
ردت دينا وانا كمان انا نازله دلوقتي تحبي تروحي معايا عشان رايحه لوحدي
ردت سمر تمام هلبس واقابلك على اول الشارع هكون راكبه اوبر
ردت دينا تمام بس هدفع بالنص
ضحكت سمر وقالت لها طيب يا ستي ان شاء الله يلا بقى اقفلي خليني اكمل لبسي
ردت دينا تمام وقفت تكمل لبسها وخرجت عملت سندوتشين وحطيتهم في شنطتها

اما سمر خرجت من اوضتها بعد ما خلصت لبس وقعدت على السفره

وكانت منار خلصت السندوتشات الاولاد عشان يروحوا المدرسه هي وهند
وسمر قالت منار انا عايزه فلوس اشغل الفلوس اللي معايا خلصت
ردت منار بقول لك ايه يا سمر انتي ليكي مصروف في الشهر خلصتيه في ايه
ردت عليها ما انتي عارفه ان انا بركب اوبر ومعيش عربيه ولا بركب مترو حتى
ردت منار طيب يا ستي وطلعت الفلوس واديتها لها
وقالت لها خلي بالك من نفسك
ردت عليها حاضر يا ماما منار ضحكه منار
وقالت لها ماشي يا ستي مالك مستعجله كده ليه
ردت عليها ما فيش اصل دينا مستنياني عشان نروح الكليه سوا ما انتي عارفه اني ما ليش صحاب
ردت منار طب يا حبيبتي
وقال ممدوح وانتي هتركبي اوبر ليه تعالي اركبي معايا عربيه مصطفى
ردت سمر لا شكرا وخرجت كان الاوبر مستنيها وركبت وبعد دقائق اتصلت على دينا اللي
قالت لها انا واقفه على الشارع
ردت سمر انا داخله عليك اهو وقفلت معاها
وقالت السواق ممكن تقف على جنب عشان اختي تركب
رد عليها حاضر يا فندم وفعلا واقف على جنب ودينا ركبت
وقالت لها صباح الخير ردت عليها صباح النور
وطلعت دينا ساندوتش جبنه رومي وقالت لها اتفضلي
ردت سمر انا لسه واكله في البيت
ردت دينا ما ليش دعوه ده سندوتش بسيط
ابتسمت سمر واخذت منها الساندوتش ودينا طلعت السندوتش الثاني وبداوا ياكلوا وبعد كده دينا طلعت علبتين عصير
وضحكت سمر قالت لها هي الشنطه دي فاتحه على سوبر ماركت ولا ايه
ردت عليها الشنطه دي فيها حاجات كثيره ما تصدقيش حجمها من كثر الحاجه اللي فيها
ردت سمر فعلا معك حق وابتسموا وبعد وقت وصلوا الكليه
وقالت سمر انا هروح محاضراتي وقالت دينا وانا كمان ونتقابل في الكافتيريا
ردت سمر تمام خلينا على تلفونات
قالت لها ماشي وكل واحده راحت ناحيه كليتها
وبعد وقت في شقه يزيد صحيت تقى من النوم وبصت في الساعه لقيتها 12 الضهر قامت دخلت الحمام غسلت وشها
وخرجت لقت يزيد قاعد على السرير وقالت له صباح الخير
رد عليها صباح النور
قالت له يلا قوم اغسل وشك وتعالى عشان نفطر وعشان ننزل نروح على البيت
رد يزيد تمام ودخل الحمام وتقى راحت المطبخ حضرت الفطار وكمان الشاي بلبن وخرج يزيد من الاوضه وقاعده يفطروا
وقالت تقى انا عايزه اروح لاخواتي النهارده
رد يزيد ماشي روحي لهم بس اعملي حسابك ان اخواتك هيجوا يقعدوا معانا في البيت
ردت تقى بلاش احسن
رد عليها خلاص بقى يا تقى انا هفرش شقه جديده واخليهم هم يقعدوا فيها واحنا هنقعد في الشقه اللي فوقيهم ويبقوا جنبك على طول
ردت تقى هشوف كده لو وافقوا ماشي بس تفتكر اهلك هيوافقوا
رد عليها ما تخافيش اهلي كويسين وما حدش فيهم هيعترض
ردت تقى طب نحل مشاكلك الاول وبعد كده نفكر في نقلهم
رد يزيد لا يا تقى هم هيجوا يعيشوا معانا وكل حاجه هتتحل
ردت عليه طيب يا يزيد
قال لها يلا طب يكملي فطارك عشان نقوم نمشي ونقفل الشقه
ردت عليه تمام وبعد دقائق خلصوا فطار وقامت تقى شالت الاكل وروقت الشقه
ولبست العبايه ويزيد لبس طقم وخرجوا بعد ما قفلوها وركبوا عربيه يزيد


اما في شقه سميه كانت نيفين قاعده بتكلم المحاميه على التليفون اللي
قالت لها ان الورق اتحرك والاعلان هيوصل لهم بكره
ردت نيفين بفرحه شكرا جدا تعبتك معايا
ردت عليها ما فيش تعب ولا حاجه ده شغلي بس انتي خلي بالك عشان لازم بعد ما تاخدي الشقه نعمل محضر بعدم التعرض ليكي بايه شكل من الاشكال
ردت نيفين ماشي وقفلت معاها التليفون
وقالت سميه يا بنت كفايه اللي انتي بتعمليه ده
ردت نيفين بقول لك ايه ممكن تسكتي شويه خليني اعرف اخذ حقي منهم
ردت سميه حق ايه انتي اللي غلطتي باللي عملتيه
ردت نيفين وغلطت في ايه مش كله كانت تخطيط اختك وانتي كنت موافقه عليه
ردت سميه يا بنتي انا خايفه عليك الطريق اللي انتي ماشيه فيه ده اخرته وحشه ويزيد مش هيسمى عليك
ردت عليها وانا الحكومه في صفي واقدر اخد حقي زي ما انا عايزه وخليكي في حالك مش هقولها لك ثاني ولا الفلوس خلصت معاكي وعايزه فلوس ثاني
ردت سميه حد الله ما بيني وبين فلوسك مش عايزه منك
ردت نيفين وده من امتى ان شاء الله
ردت سميه من ساعه ما عرفت ان انتي بعتي نفسك للشيطان وخلاك تخوني جوزك وده عمري ما كنت هقبل بيه فاهمه ولا لا
سكت نيفين وسابتها ودخلت الاوضه وسميه قعدت تدعي لبنتها ان ربنا يعدي الايام على خير
اما في البيت يزيد منار كانت قاعده مع هند بيحضروا الاكل
وهند قالت لها هي تقى فين
ردت عليها عند اخواتها واول ما يزيد هيرجع هي هترجع
ردت عليها بصراحه تقى كويسه وكانت مخليه بالها من عيال يزيد عن امهم كمان
ردت منار فعلا والعيال يتعلقوا بيها وحبوها جدا يلا ربنا يهدي لها حالها
ردت هند هي هيام لسه مصممه على الطلاق
ردت منار ايوه ربنا يصلح حالها هي كمان ويرزقها بالراجل اللي يعرف يحافظ عليها ويديها السعاده والخير كله
ردت هند يا رب والباب خبط وقامت هند عشان تفتح واتفاجئت بيزيد ومعاه تقى
وقالت منار مالك يا هند واقفه عندك كده ليه
رد يزيد مش عارف يا منار قامت وقفت اول ما سمعت صوته وجريت عليه وحضنته
وقالت له بقى ينفع اللي انت عملته ده يزيد تسيبنا طول الوقت ده
رد عليها ده هم يومين اللي بعدتهم عن البيت
ردت عليه واليومين دولت قليلين دول بالنسبه لي سنين ابتسم يزيد و بسها دماغها
وقال لها حقك علي يا حبيبتي مش هعمل كده تاني
ردت عليه ما هو فعلا انت مش هتعمل كده تاني عشان انا هربط رجلك بحبل يوم ما تفكر تبعد عني اوقعك بيه
ضحك يزيد وقال لها قلت لك خلاص مش هبعد عنك تاني اهدي بقى
قالت له طيب وقالت له تقى هو انتي لسه جايه من عند اخواتك دلوقتي وقابلتي يزيد على الباب
رد يزيد اخواتها ايه دي كانت معايا من امبارح استغربت منار
وقالت له ازاي مصطفى قال لي ان هي بايته عند اخواتها
رد يزيد مش مشكله ممكن كان خايف انك تقلقي عليها
ردت منار مش مهم المهم ان انتوا رجعتوا بالسلامه ودخلوا
ومؤمن اول ما شاف تقى جري عليها وحضنها وقال لها وحشتيني يا ماما ابتسمت تقى
ويزيد قرب من مؤمن اللي اخاف منه وحضنته جامد
وقالت تقى مالك يا مؤمن يا حبيبي ده بابا
رد عليها بدموع بابا عايز يديني ابره تاني
رد يزيد لا يا قلب بابا ما فيش ابر تاني وانت حلو
رد مؤمن بطفوله بجد يا بابا
رد عليه بجد يا روح قلب بابا وشالوا حضنه وفهمت منار انه اتاكد ان هم عياله
وقالت له تعالى يلا خش ارتاح شويه وشك شكله اصفر كده ليه
رد عليها انا كويس المهم هيام فين
ردت عليه في شقتها فوق بس بالله عليك بالراحه عليها البت غلبانه
رد يزيد انا عارف وسابهم وطلع.
في شقه هيام كانت قاعده بتشرب كوبايه العصير والباب خبط وقامت فتحت ولقت يزيد
وقال لها بابتسامه ممكن اخش
ردت هيام اتفضل ده بيتك ودخل يزيد وقعد على الكرسي
وقالت له اعمل لك شاي ولا قهوه
رد عليها مش محتاج حاجه اقعدي بس يا هيام عايزه اتكلم معاكي كلمتين
ردت هيام اسمعني يا يزيد انا اسفه على الكلام اللي انا قلته بس انت ما سبتنيش اكمل كلامي
رد يزيد انا عارف كل حاجه وتقى حكيت لي كل الكلام اللي حصل بعد ما انا مشيت انا اللي اسف اني دخلتك البيت ده وكان في عقربه
ردت هيام ما تتاسفش يا يزيد ايه اللي حصل ده ما كانش بايدينا وكان تخطيط من مرات ابوك والحمد لله ان الدنيا عدت على خير وانك عرفت الحقيقه هي متاخره اه بس احسن ما منك ما تعرفهاش ابدا
رد يزيد طلباتك يا هيام
ردت عليه انا عايزه اتطلق وارجع اعيش في بيت ابويا تاني
رد يزيد وانا موافق ومن دلوقتي انت اختي وبنت عمي ومقامك عندي زي منار بس كان نفسي تراجعي نفسك الاول عن القرار ده ونبدا صفحه جديده مع بعض
ردت هيام مش هينفع يزيد مش هقدر اعيش معاك وانا شايفه الحب اللي في عينيك ده كله لتقى هموت او هيجرى لي حاجه انا كنت موافقه اعيش معاك و نيفين موجوده عشان كنت متاكده انك عمرك ما حبيتها بس دلوقتي بعد ما انا شايفه عيونك وحبك لتقى مش هقدر اعيش وهتعذب اكتر
رد يزيد خلاص يا هيام هعمل لك كل اللي انتي عايزاه بس انتي ليكي فلوس في ذمتي هحطها لك في البنك نص مليون جنيه وهكتب لك بيت باسمك للزمن
ردت هيام مش محتاجه حاجه
رد عليها مستحيل يا هيام ده حقك وانتي لو احتجتي اي حاجه هتلاقيني في ظهرك دمعت عينيها
وقالت له ممكن اطلب منك طلب قبل ما امشي
رد يزيد اؤمري يا هيام
قالت له ممكن حضن ابتسم يزيد
ووقف وفتح لها ايديه واترمت هيام في حضنه والدموع بتنزل من عينيها
وقالت له انا ما حبتش حد في الدنيا دي قد يزيد واتمنى لك كل خير وانك تلاقي الراحه مع تقى بسها من دماغها
وقال لها وانتي كنت ونعم الزوجه واتمنى لك حياه افضل وسعاده وعيال تبقى حواليك خرجت من حضنه وهي بتمسح دموعها
وقالت له ممكن بقى قبل ما امشي اخذ اوضه الاطفال ديت
رد يزيد العفش كله هيروح معاكي يا هيام شقتك الجديده
قالت له لا انا هرجع شقه ابويا القديمه
قال لها ما فيش منه الكلام ده
قالت له شكرا قال لها العفو وخرج يزيد من عندها وهو مبسوط انه هيبدا صفحه جديده في حياته وعلى ميه بيضاء من غير سواد اللي كان فيها
وهيام قعدت تعيط
ونزل يزيد وقال لمنار انا وهيام هنتطلق النهارده والعمال هيجوا يلموا العفش عشان يودوها لها الشقه الجديده
ردت منار ربنا يهدي الحال
قالها طيب انا رايح الشغل
ردت عليه طب اقعد ارتاح يا حبيبي قال لها لا خليني اروح اشوف شغلي واقف على ايه
قالت له طيب خلي بالك من نفسك وخرج يزيد من البيت وراكب عربيته
تابع الفصل التالى من هنا
