نبدأ بالصلاه على النبي ☺️
أمل بصدمه: يا نهار اسود
آيات : هما ناوين على ايه كده ان شاء الله
حبيبه : يا ربي ده النهارده وقفه العيد مفيش رحمه خالص
شمس : بس احسن ما هولاكو ينفخنا ده معندوش يا اما ارحميني
وفجأه سكت الجميع عندما بدأ سيف كلامه
سيف بصوت رجولي حاد جعل الجميع يتنفض من الخوف:
دلوقتي ده اخر تدريب ليكم تدريب ولازم الكل يعدي منه هما 4 تدريبات يلا هنبدا
في اوضه مقفوله كانت واقفه شمس ومستنيه الوقت يعدي علشان تفتح الباب بس حست بهواجس من الماضي
......................
كان في بنت عندها 16 سنه بتاخد نفسها بصعوبه بسبب الألم اللي في جسمها كله بصت قدامها علشان تشوف أخواتها
بنت٢ ببكاء: انا خايفه من الضلمه اوي
بنت٣: اهدي أن شاء الله هنخرج من هنا
ظهر صوت شاب وهو بيقول بنبره شيطانيه
مفيش خروج فيه الم
وبدأ في العذاب من جديد ليهم هما التلاته
بنت٣ بصراخ: كفايه بقى كفااااااايه
......................
شمس حاطه ايدها على ودانها تمنع الصراخ اللي في عقلها وبدأت تترعش بشده ووقعت على الأرض وصرخت بشده لدرجه اني كل اللي في المبنى حتى الشباب من برا سمعوا ده بس مقدروش يحددوا منين ماعدا سيف اللي قلق جدا لأنه عارف اني ده صوتها
شمس بصراخ: بس بقى كفايه
البنات كانوا كل واحده في اوضه مستنيه نص الوقت يعدي علشان يفتحوا الباب بس لما سمعوا الصرخة عرفوا اني شمس دلوقتي بتعاني من هواجس الماضي فبدأ يفتحوا الباب بسرعه جدا اما شمس ففتحت عنيها وكانت حمراء جدا وقامت وهي لسه بتتنفس بقوة وبدأت تفتح الباب علشان تخرج
اما برا سليم قال باستغراب:
هو حد سمع الصوت ده غيري
فهد : ايوه وده صوت بنت بس جاي منين
سيف كان يتاكله القلق من الداخل اما على ملامحه فلا يبين شئ
شمس قدرت تفتح الباب وجريت لبرا المبنى كله ولما بعدت قعدت علي الارض وبدأت تتنفس بعنف وهي بتترعش ومغمضه عنيها بقوه بس لقيت حد بياخدها في حضنه وبيملس على رأسها بحنان وده ماكانت الا حبيبه والبنات حواليها وقاعدين قدامها
حبيبه بحنان: خلاص يا شمس كل حاجه خلصت
شمس بخفوت: عاوزه اشرب
آيات راحت علشان تجيب ليها وليهم مايه واديتها ليها وقالت: يلا بنات اشربوا علشان الفجر قرب
البنات شربوا لأنهم متعودين يصيموا وقفه عيد الأضحى
روان : ها يا شمس احسن ولا نجيب إسعاف
شمس بهدوء: لا تمام..... وضربتها على دماغها وقالت:وبعدين ما احنا دكاتره ليه إسعاف ها
أمل: طيب يا جماعه هنكمل ولا لأ
حبيبه: لا لازم نكمل محتاجين اجازه بكره
شمس: ايوه يلا
اما عند الشباب فهما عرفوا اني اللي صرخت دي شمس دي
مالك: هي حصلها كده ليه
فهد بتفكير: يمكن عندها فوبيا
عدي : وانت عرفت منين
فهد بحزن: لاني يحيى كده برضو
سليم بمرح علشان يخرجوا من الحاله دي:
ابقى قول ليحيى يشد حيله علشان يشرفنا هنا
مالك باستغراب: هو مش يحيى ادبي
فهد: اااه وثانيا هو لسه في سنه تانيه
سليم بص لعدي وقال: يبقى هيثم
عدي بسخرية: انا اكتر واحد هشتغل على اني هيثم ميجيش هنا
فهد باستغراب: ليه؟؟؟
عدي : مش كفايه انتوا علينا قال ايه بنشوفوا سخن ولا لأ
سيف جيه وقال: كفايه كلام يلا
..........................................
وعند روان
فهي كانت خايفه تنزل البحيره رعبا من الثعابين قرب منها سليم وقال بصوت هادئ: متخافيش منها خليكي قويه
روان برعب: انا بخاف منها اوي
سليم بحنان: متخافيش
روان بصت لعيونه الزرقاء وحست بطمئنان وقالت: ماشي هحاول
روان نزلت وكانت مرعوبه من الثعابين وكانت مغمضه عنيها بس وصلت للنص ووقفت
سليم وقف من الناحيه التانيه للبحيره وقال بتحفيز: متخافيش منها
اما روان فكانت بتفتكر الماضي
.....................
من 10 سنين
بنت برعب: لا لا لا لا بلاش تعابين بلاش
التعبان قرص البنت دي وهي صرخت بقوه وكان في طفل عنده 13 سنه بيصرخ علشانها
الطفل بصراخ: ابعدوا عنها حرام عليكم بقى
البنت بوجع : اااااااااااااه
الطفل مسك البنت دي وشالها وطلعها برا وبيصرخ علشان حد يلحقها بس ولا حياه لمن تنادي ما بين قلوب مفيش فيها غير البرود
.....................
روان فاقت على صوت سليم وبصتله ولقيته بيبص ليها بتشجيع متعرفش ليه حست بالأمان وراحت خرجت من البحيره بسرعه وقعدت على الأرض
سليم بقلق: انتي كويسه
روان وهي بتبص للتعابين: كويسه بس عندي ذكريات وحشه معاها
..........................................
اما عند حبيبه
فهي بعد ما عدت الحواجز وخدت علبة الإسعافات راحت علي المريض علشان تنفذه وهي بتقول: 5 دقايق بس اقتله أسرع وأسهل والله اوووف
عدي من وراها: بس مطلوب منك تنقذيه يا دكتوره
حبيبه بضيق وهمس: إلهي ما يقوم علشان يرتاح الموت راحه برضو
عدي سمعها وضحك عليها في سره وقال: خلصي قاعد 3 دقايق
عدي بغيظ: حاضر
عدي مشي وهو بيعترف هو بيستمتع بغضبها اوي
..........................................
بعد ما البنات نطوا من المبنى المفروض يطلعوا على الساحه يجروا
آيات بخبث: بقولكم ايه ايه رايكم اما نعمل سباق
روان بمكر: حلوة الفكره دي ونشوف مين الأسرع
حبيبه : انا طبعا
أمل : لا والله
شمس : باااااس احنا نعمل سباق ونشوف اوك
البنات بحماس: Ok
..........................................
بعد ساعه
سيف وعدي ومالك قربوا من فهد وسليم اللي بيتابعوا الطلاب
سيف : ها قاعد في الوقت كام
فهد: تلت ساعه بس في حاجه غريبه
مالك: ايه؟؟؟
سليم: البنات دول سابقين الكل
عدي بلا اهتمام: طيب عادي ممكن يكونوا.....
فهد بمقاطعة:سابقينهم ب 4 دورات يا عدي
َمالك باهتمام: لا بجد مين دول
سليم شاور: دول
الشباب بصوا واتذهلوا لأنهم كانوا البنات وفعلا كانوا سريعين وكان باين انهم عاملين سباق مع نفسهم من كلام البنات مع بعض لأن الشباب بيفهموا حركه الشفايف
اما عند البنات
كانت شمس في المقدمه وجمبها حبيبه وآيات ووراهم امل وروان
حبيبه سبقت شمس وقالت بضحك: شدي يا شمس
آيات من الناحيه التانيه بنهجه: ومش هقول غير منه لله اللي كان السبب في مجيتنا هنا
أمل من الناحيه التانيه: روح يا زين إلهي اللي فينا يجي فيك انت السبب
روان من ناحيه حبيبه: يا لهوي هموت واكل
حبيبه سبقتهم وقالت: اللفه الاخيره شدوا
شمس وآيات بضحك: وراك يا كبير وانا اللي هسبق وسرعوا في الجري
روان : ملناش غير بعض
امل: شدي يا بت عبد الرحمن هيسبقونا
في آخر اللفه حبيبه وصلت الأول ومالت وحطت ايدها على ركبها وابتدات تضحك وتقول: انا الأول
شمس وصلت وحطت ايدها على قلبها وابتدات تتنفس بقوه وبتتضحك: التاني على طول معرفش ليه
آيات وصلت وقعدت على الأرض وقالت بلغه صعيديه: وااااه يا بوي نفسي انقطع خلاص
أمل وصلت وقالت بنفس اللغه: قعدنا جمبك يا واد عمي لأحسن هموت فيها
روان وصلت وحطت ايد وراه ضهرها والتانيه على قلبها وقالت: اشمعنا انا الأخير ها
شمس: اخير ايه ده احنا سبقنا ب4 لفات يا اختي
حبيبه قعدت بتعب وقالت: يا لهوي هموت
روان وهي بتقعد: ومين سمعك يا عوضين اااااه يانا ياما
شمس قالت وهي بتقعد جنبهم: على فكره قاعد ربع ساعة على الوقت
أمل: حلو..... وسندت بدماغها على كتف شمس
اما روان وآيات سندوا على كتاف حبيبه
حبيبه بغيظ: اكونش مخده وانا مش عارفه
روان : احلى مخده دي ولا ايه
أمل:هضايقك يا اختشي
شمس بملل: لا يختي خليكي قاعده
وبعد 5 دقايق
روان بغناء: 🎶كان مال الحزن انا ومالي 🎶
أمل بتكمله:🎶 منك لله يا اللي فبالي🎶
آيات: 🎶على قد ما كنت معاه طيب🎶
روان: 🎶كرهتني فيك من اللي جرالي🎶
أمل :🎶 قلبي... قلبي🎶
روان وآيات 🎶 قلبي🎶
أمل : ااااه يا بطني
روان وآيات : بطن....لحظه بطن ايه
أمل بغيظ لاني شمس ضربتها في بطنها
'' ايه يا شمس بتضربي ليه طاه ''
شمس: اخرسوا جبتولي صداع
أمل كشرت بطفوله اما آيات وروان مهتموش
آيات:🎶 يا دنيا طفاتي شمعي🎶
حبيبه : بس يا آيات
روان:🎶 يا ناس كتروتوا دمعي🎶
حبيبه بزهق: بس يا روان
آيات: اهي اهي🎶 والعمر راح هدر🎶
حبيبه بعدتهم بغيظ: بس يا جذم جاتكم نيله
آيات: طلقني لو مش عاجبك طلقني
حبيبه بكوميديا: انتي طالق يا سماح
آيات : ااااه يا واطي يا زباله
البنات: ههههههه
الطلاب خلصوا جرى وراحوا للبنات
علاء وهو بينهج: انتوا سبقتونا ازاي
البنات: زي الناس يا دكتور عيلاء
علاء بقرف: عيلاء متتكلموش تاني
الوحوش قربوا منهم والبنات قاموا والكل وقف بنظام
سيف بصوت عالي: كده خلصنا التدريبات تقدروا تاخدوا راحه الفطار قبل ما تروحوا المستشفى
سيف والشباب مشيوا اما الباقي قعدوا علشان ياخدوا نفسهم
وبعد 10 دقايق
الطلاب راحوا علشان الفطار
أحمد باستغراب: أيه يا بنات مش هتفطروا؟؟
شمس بهدوء: لا يا احمد احنا صايمين
يحيى: طيب ما تعالوا اقعدوا جوا بدال هنا
روان: عاوزنا نقعد جوا علشان نتنقط
علاء: خلاص براحتكم
مريم بابتسامه: صيام مقبول ان شاء الله يلا احنا يا شباب
بعد ما مشيوا
أمل بحسره: اهي اهي هياكلوا واحنا هنتشوي هنا
شمس بغموض: آيات جهزتي اللي قلت عليه
آيات بجديه: ايوه يا شمس كله تمام
شمس: وانتي يا أمل كله تمام
أمل: ايوه يا كبير كله تمام
حبيبه: شمس انتي هتاخدي مين معاكي
شمس بغموض: آيات اللي هتروح
روان: امممم اكيد في سبب صح
شمس بخبث: ايوه استعدي يا آيات
آيات بنفس الخبث: مستعده دايما
..........................................
البنات راحوا عند الشباب بس كالعاده في أوقات مختلفه
نبدأ عند شمس
شمس راحت لسيف علشان تسأله هو عمل كده ليه وصلت قدام المكتب وخبطت ودخلت لما سمح ليها
سيف كان شغال على ملف سمع صوتها:احمممم معلش يا فندم ممكن أسألك سؤال
رفع عنيه ليها وقال بهدوء: اتفضلي
شمس قعدت وقالت: هو انت عملت كده ليه
سيف بهدوء: علشان انتى مريضه وكان خطر عليكي صحيح من امتا السكر عندك
شمس بشرود: من يوم ما تولدت
سيف بغموض: هو ده السؤال
شمس بتذكر: لأ في سؤال تاني هو انا والبنات صايمين النهارده ووجبه العشاء بعد المغرب فيعني ممكن يعني
سيف بابتسامه: خلاص ماشي و كل سنه وانتي طيبه
شمس بطفوله:وانت طيب فين العيديه بقى
سيف ضحك عليها وقال: انتي عندك كام سنه على العيديه
شمس: يا عم اعتبرها سبعه أو اقولك اعتبرني بنتك وقالت بطفوله: ها بقى فين العيديه يا بابي
سيف بصلها قليلا هو فعلا بيعتبرها بنته هو معملش كده قبل كده وهو اصلا مش بيحب يتعامل مع الستات اما عند دي فهو بيعتبرها بنته بس ثقه صاحبه هو لسه مقلوش عن حاجه لحد دلوقتي بس هو عمره ما كسر ثقته
شمس اتوترت من نظراته ليها فقالت بتلعثم:
ههههو يعني لو هتتضايق بلاش أو مضايق من كلامي انا مش هاجي تاني
سيف بسرعه: لا مش مضايق...... اااااه يا غبي قولت كده ليه
شمس ابتسمت وقالت: طيب مجيبتش العيديه
سيف ضاربا كل شئ وحصونه وقواعده في الحائط قال: ايوه جبتها
سيف جاب كيس كبير وقام وقعد قدامها وحطه على الترابيزه من قدام وقال: اتفضلي يا بنوتي
شمس فتحت الكيس وصرخت بفرحه طفله:
دبدوب
وطلعته من الكيس وحضنته جامد كانت طفله بمعني الكلمة
شمس بفرحه: كمان لونه ابيض شكرا اوي ده احلى من العيديه
سيف بعشق حاول يخبيه: كل سنه وانتي طيبه
شمس بصت لعنيه وقالت: وانت طيب
وحضنت الدبدوب جامد لأنه كان كبير
سيف بضحك: الدبدوب هيموت خلاص
شمس حطته في الكيس وقالت: نتكلم بجد بقى
سيف بشك: اممممم ماشي
شمس بهدوء: اولا انت جبته ليه انا مكنتش بتكلم بجد على العيديه وانا يعني مش هينفع اخدها
سيف بنبره هاديه: اولا انا جبته كشكر ليكي على الاكل اللي كنتي بتجيبيه وكنت بترفضي تاخدي تمنه وكمل بنبره غير قابله للنقاش
وثانيا بقى هتاخديه
شمس بتفكير: طيب فرضا انا اخدته هطلع به ازاي من هنا
سيف بهدوء: بنفس الطريقه اللي دخلت به بالشنطه بتاعته ودي محدش هيعلق عليها
شمس بتفكير: امممم ماشي هقبله منك ما انت اخويا
سيف برفعه حاجب: اخوكي
شمس هزت رأسها بايوه
سيف قام وقرب منها وهو بيقول: وانا معنديش اخت اسمها شمس وده اولا
شمس قامت ورجعت للوراء وهي بتقول بتوتر:
ط ط طيب عادي رب اخ لك خير من ولدته امك
سيف قرب اكتر وقال: ثانيا بقى هتاخديها وكأني مسمعتش حاجه ماشي
شمس خبطت في الحيطه وقالت وهي بتغمض عنيها بخوف ووشها احمر جدا: ططططيب تمشي معاك معاك بنتك
سيف ابتسم على شكلها وقرب منها ومال لمستواها وقال بهمس: تمشي يا بنوتي
شمس قلبها بيدق جدا لدرجه انها شكت اني سيف سامعه وأول ما حست بانفاسه قريبه من وشها حطت ايديها على شفايفها تحميها منه
سيف قرب منها اكتر تكاد شفتيه تلمس بشرتها وقال: انا لو عاوز اعمل كده ايديكي الصغيره دي مش هتمنعني بس انا مش هعمل كده علشان انا قولتلك مش هعمل كده تاني وكمل بغموض:انا مستحيل اخونه مهما حصل
سيف بعد عنها وقال: فتحي عنيكي
شمس فتحت عنيها وبصتله هي فهمت الجمله الأولى بس التانيه لأ
سيف طبب على دماغها وقال: شاطره يا بنوتي وكمل بخبث: بس انتي معطتيش لبابا شكرا فأنا هاخد
سيف مال عليها واقتنص قبله من خدها اليمين سريعا جدا وبعد ورجع مكانه وهو بيضحك على وشها اللي أصبح مثل حبه من الطماطم
شمس بعدت ايدها عن شفايفها وهي بتقول بصدمه: ااااانت انت انت
سيف قعد وراء المكتب وهو بيقول: انا ايه
شمس دبت برجلها الأرض وهي بتقول: انت قليل الادب
سيف بمكر: طيب تحبي ارجع واروح شمال
شمس مستوعبتش الا بعد ثانيه اثنتان ثلاثه..... لحظه انه يقصد شفتاها
شمس شهقت بغضب: هاااااااااااا
سيف لما عرف انها فهمت ضحك بشده على وشها اللي بيذداد في الاحمرار اما شمس بصتله بشرار وقالت وهي بتقرب منه: انت فاكر نفسك مين انا مسمحلكش
سيف بمكر: بس انا معملتش كده
شمس بصتله وتشعر انها تكاد تحطم راسه اما سيف هو يعشق رؤيتها غاضبه ومقدرش يكتم ضحكته عليها فضحك عليها بصوته الرجولي هي الوحيده اللي بيبقى معاها سيف مش الوحش
اما شمس فبصت حواليها وملقيتش حاجه تتضربه بيها فحطت ايدها في وسطها وابتدات تترعش جدا من الغضب سيف شافها جدا عرف انها ممكن تنفجر في أي وقت فقرب منها وشدها ودفن رأسها في صدره وهي أول ما عمل كده انفجرت في صدره بالصراخ بس طلع مكتوم وابتدات بايدها تضرب فيه بغضب اما سيف فجاهد حتى لا يضحك وتنفجر مجددا شمس بعد ما خلصت صراخ بعدت عنه وكان وشها احمر جدا بس سيف معرفش يحدد ده غضب ولا خجل بس اللي يعرفه كان شكلها مغري جدا خدودها حمراء وانفها كمان وذامه شفتيها وبتبصله بغضب طفولي من شكلها ده
سيف بعدها وقال: ارتاحتي دلوقتي
شمس بصتله وقالت بهدوء مصطنع: تعرف هرتاح ازاي ومن غير ما تزعل
سيف باستغراب: ازاي؟؟؟
شمس ضربته في بطنه ببوكس جامد:كده
سيف وللحق تألم لكن لم يبين وقال وهو حاطط ايده على بطنه وبيضغط على أسنانه: ايه اللي عملتيه ده
شمس بكبرياء: علشان اللي عملته وعلشان الحضن وكملت بغيظ وعلشان لو مكنتش انا عملت كده كانت اعصابي فرقعت
سيف بنبره مرعبه: وانتي قد ده
شمس ببراءه: بصراحه يعني لأ
سيف لسه هيتحرك يمسكها راحه هي جريت ومسكت الدبدوب وحطته قدام وشها وقالت بخوف: اهدي يا حضرت المقدم احنا ما بينا كشري ودباديب
سيف مقدرش على دي وضحك عليها وقالت شمس بغناء: ضحك يبقى قلبه مال
س
يف قال: خدي الدبدوب واخرجي يا شمس لاني مش مسؤل لو خرجتي وحاجه نقصاكي
شمس اخدت الدبدوب وقالت:
طيب هخرج به كده
سيف حطه في الشنطه وأعطاه ليها وقال: خدي
شمس اخدته وخرجت بس قبل ما تفتح الباب قالت: على فكره قدها ونص
وطلعت برا بسرعه اما سيف ابتسم على طفولتها وجنونها وقال: بارده ومجنونه ازاي معرفش
..........................................
باقي البنات الشباب جابولهم دباديب بس بأشكال مختلفه
حبيبه .... دبدوب باللون البينك وكبير
روان...... دبدوب باللون البنى وكبير
امل...... دبدوب باللون الأزرق الفاتح كبير
آيات...... ارنوب باللون الرمادي كبير
البنات حصل معاهم نفس اللي حصل مع شمس بفرق الجمله التانيه بتاعه سيف لشمس
..........................................
في الساحه الخارجيه
الطلاب كلهم تجمعوا في الساحه
أمل وهي سانده على آيات: هما هيعملوا فينا ايه تاني انا خلاص جيبت أخرى
روان: ااااه والله انا فصلت شحن ومحتاجه املأ التنك
آيات : اااه يابا منه لله اللي كان السبب
علاء: هو انا ليه حاسس اني احنا هنلبس في مصيبه مش عارف ليه
يحيى بسخريه: احنا لسه هنلبس ما احنا لبسنا من زمان
أحمد بخوف: انا عارف اني حظي اسود دا انا أخرى كنت هدخل طب اطفال مش عسكري اااه يا حظك الأسود يا احمد
حبيبه بزهق: في ايه يا ياض مالك شبه المرأة اللي جوزها طلقها ورماها هي والعيال برا الشارع متنشف كده
علاء: الله يكسفك يا أخي على اللي بتعمله ده
أحمد بتذمر: انتوا هتحفلوا عليا اكمني لابس نضاره ما تشهدينا يا شمس
شمس ببرود: معاهم حق علي فكره
البنات: هعهعههعهعهه
أحمد: روحوا منكم لله هلاقيها منكم ولا من جماعه ابو لهب اللي واقفين بنبساط دول ها
البنات بصوا على الوحوش
كان مالك بيتكلم مع سليم اما عدي كان بيبص لحبيبه وهي لما شافته واتكسفت اوي وخصوصا من اللي عمله في المكتب
فهد قرب من عدي وقال: انت يا عم النحنوح كفايه بص ههههه والله ووقعت يا عدي
عدي بزهق: في ايه عم فهد ما تقعد على جمب بدال ما اطلع التمساح عليك
فهد بجديه: يعني انت عاوز تقنعني انك معتبرها واحده بتدربها وبس
عدي بهدوء: مش عارف لما ببصلها بحس انها بنتي مش بعرف اشيل عيني من عليها وحاجه غريبه كمان مش عارف ايه هي
سليم من وراه بضحك: واخيرا عدي قلبه دق لأ وايه من اول نظره
عدي بغضب: بس ياض انت والا
مالك: خلاص يا شباب نكمل بعدين حمزه وصل اهو
ملحوظة........
(الشباب مقلوش لبعض عن علاقتهم بالبنات كل واحد بيببن عكس كده قدام اي حد وخصوصا سيف اللي مش بيبان عليه أي حاجه)
الطلاب كلهم اجتمعوا في الساحه الخارجيه حتى الطلاب اللي كانوا مع المقدم حمزه
حمزه بسخريه: اومال فين المقدم سيف ايه اتأخر ولا ايه
مالك بهدوء: لا هو.....
قاطعه صوت سيف الرجولي وهو بيقول ببرود:
لا يا حضرة المقدم انا هنا
سيف بصوت حاد: الكل يقف مكانه بدون اي حركه أو كلام مفهوم
شمس بهمس للبنات: انا الراجل اللي اسمه حمزه ده مش نازلي من زور
البنات: ولا انا
سيف بصوت جهوري:
دلوقتي انتوا كملتوا هنا 3 شهور واتدربتم على أغلب التدريبات البدنيه حتى في المستشفى وده كله كان بدرجات
حمزه بصوت حاد:
دلوقتي أسماء الطلاب الحاصلين على أعلى الدرجات بالترتيب من الاول للأخير
1- شمس حسن
2- حبيبه جمال، روان عبد الرحمن
3- أمل شريف، آيات عادل
4- عدنان سويلم، جمال السيد
5- يحيى سليم
6- علاء عدلي
7- شهد سلامه
8- مريم إسماعيل
9- أحمد شاكر
10- اسامه مندور
وفجأه جه عسكري وهو بيجري باتجاه سيف ووقف واداء التحيه العسكريه وقال: اللواء إسماعيل الشاذلي هيوصل بعد 5 دقايق يا فندم
سيف : ماشي
حمزه باستغراب: هو اللواء إسماعيل جاي ليه؟؟!
سيف بعدم اهتمام: لما يوصل هنعرف
..........................................
شمس بمرح: الناجح يرفع ايده
البنات:هااااااااااي
علاء بضحك: الحمد لله السادس حلو
أحمد: والله العظيم الواحد كان فاكر نفسه هيطلع الأخير بس رقم 9 تمام اوي
وفجأه صمت الكل عندما دخل اللواء إسماعيل بزيه العسكري
اللواء إسماعيل بصوت جهوري:
مبروك لكل الطلاب ودلوقتي كله انصراف ماعدا العشره الأوائل وكمان نص ساعه والاوائل يكونه في غرفه الاجتماعات مفهوم
الطلاب: مفهوم يا فندم
اللواء إسماعيل: هنا خلص دورك يا مقدم حمزه وكمان لازم ترجع لكتيبتك دلوقتي حالا
حمزه ادأ التحيه العسكريه ومشى
واللواء إسماعيل وجه كلامه للشباب وقال: كمان 10 دقايق وتجيبوهم على اوضه الاجتماعات وتكونوا هناك الموضوع مهم جدا
عدي :حاضر يا فندم
..........................................
الطلاب مشيوا وفضل الأوائل بس
روان بصراخ: مهو المنحوس منحوس ولو عمل ايه
أمل : انا قولت من اول يوم انه نصيب اسود
شمس: مخلاص الله يخربيتكم كفايه ولوله مريم مش انتي اسمك مريم إسماعيل الشاذلي يعني ابوكي اللواء ده
مريم: ايوه
روان ضربتها على قفاها وقالت: وابوكي لواء ومتكلمتيش انت حماره يا باه
علاء بصدمه: ابوكي لواء يا مريم
مريم بتذمر: مهو انا لو اتكلمت مكانش عبرني ده في الشغل مش بيرحم والله
يحيى: في ناس كده فعلا بس ايه نظامه زي هولاكو ولا ايه
مريم: متقولش كده على بابا هو طيب والله بس هنا حاجه تانيه
آيات: طب دلوقتي بالنسبه للفطار أيه
حبيبه: بعد المشوار ده هنعمل ايه بقى
آيات: اااااه ياني الواحد خلاص جسمه اتكسر
جمال بضحك : لا والله اومال انتي الأولى ازاي
يحيى باستغراب: نعم يا كابتن بتقول حاجه
عدنان: لا يا كابتن مفيش حاجه احنا كنا عاوزنا نتعرف بس لأننا بقينا دلوقتي فريق واحد ولا ايه يا جمال
جمال بهدوء: ايوه صح
علاء بابتسامه: انتوا اللي قال عليكم المقدم حمزه انا علاء
عدنان: وانا عدنان وده جمال
شهد بابتسامه: وانا شهد احنا كنا مع المقدم حمزه في الكتيبه التانيه
يحيى: وانا يحيى وده أحمد وده اسامه
مريم: وانا مريم ودي أمل وروان
آيات: وانا آيات
قاطعهم العسكري وهو بيقول بصوت عالي: ممكن بقى تتفضلوا قدامي على الاوضه الاجتماعات
..........................................
وبعد 10 دقايق
وصل الطلاب إلى قاعه الاجتماعات وكانت في مبنى 312 في الدور التالت آخر الممر وقفوا كلهم قدام باب باللون الأسود جمال خبط واستنا الأذن
أمل : بت يا مريم هو ابوكي بياكل عامه الشعب ولا ايه
آيات : انا رأي اننا نتشاهد قبل ما ندخل علشان نموت مؤمنين
روان بغيظ: ناكل الأول وبعدين نموت
شهد بضحك: والله انتوا عسل
عدنان بهدوء: طيب يلا علشان ندخل
الكل دخل وكانت قاعه كبيره جدا وبها طاوله كبيره في المنتصف وحولها كراسي ولابتوب كتير قدام كل كرسي وشاشه عرض كبيره
أمل: واااااااااه يا بوي هو في كده يا جدع
يحيى بانبهار: هو مصر فيها كده
جمال: لا وفي اكتر من كده بس علشان انتوا مدخلتوش طب عسكري من الاول علشان كده متعرفوش حاجه وبعدين احنا أفضل كتيبه في مصر كلها
أحمد بصدمه: يا راجل
دخل سيف والشباب وقال سيف بصوت جهوري:
كل واحد يقعد مكانه دلوقتي
علاء: يعني احنا لينا مكان هنا يا فندم
سليم بهدوء: ايفيوه واقعدوا علشان تفهموا دلوقتي
الكل قعد على الكراسي المريحه دي ماعدا جمال وعدنان وشهد
أمل بهمس: هما مقعدوش ليه
آيات: معرفش بس الكراسي مريحه يا صلاح
روان: ااااه والله جدا
عدنان وجمال وشهد مقعدوش ولا اتحركوا لأنهم عارفين اني في قواعد ونظام لازم الكل يتبعه
توجه سيف الكرسي من ناحيه اليمين بجوار الكرسي الذي في المقدمه وبجانبه مالك اما من اليسار جلس وبجانبه فهد وسليم
جمال وشهد وعدنان قدموا التحيه العسكريه وبعدها جلسوا
أمل بصوت منخفض لشهد: هو انتوا عملتوا كده ليه
شهد بهدوء: ده النظام والقواعد هنا والمفروض انتوا كمان تعملوها
روان: ليه يعني ده انا معمالتهاش لابويا ولا حتى لزين
حبيبه وهي مغمضه عنيها: اانا مش هقول غير ربنا يسامحك يا زين على المرمطه اللي احنا فيها دي
البنات : اااه والله
آيات بصت في الساعه وقالت: لو أذن انا مش مسؤله عن اللي هيحصل ماشي
شمس: ربنا يحلها أو يفرجها أيهما أقرب
آيات وأمل وروان:الاكل طبعا
البنات كانوا بيتحاشوا النظر للشباب من اللي حصل منهم النهارده اما الشباب فكانوا بيفكروا ليه اللواء إسماعيل جيه مخصوص اكيد في حاجه مهمه وجدا وبيحاولوا يمنعوا نفسهم من التفكير في البنات
..........................................
(السلام عليكم ورحمة الله وبركاته)
تابع الفصل التالى من هنا
