رواية رقية الجزء الحادي عشر 11 بقلم أميرة خالد

 رواية رقية الجزء الحادي عشر 11 بقلم أميرة خالد رقيةرواية رقية الحلقة الحادية عشر وعدى يومين وجه يوم الاحد وصحيت رقيه الساعه 7:30 وخرجت من الاوضه شافت سلوى خارجه من الاوضه وقالت لها صباح الخير يا ماما ردت عليها صباح النور يا حبيبتي ايه اللي مسحتي بدري النهارده اجازتك ردت رقيه ما فيش يا امي رايحه مشوار

ردت سلوى طب يا حبيبتي تحبي تتغدي ايه ردت رقيه اي حاجه رد السلوى ايه رايك نعمل صينيه رقاق ولحمه محمره ردت رقيه ماشي يا امي ودخلت الحمام بيستحمت خرجت دخلت اوضتها طلعت هدومها وحطيتها في شنطه والحاجات اللي هي محتاجاها في الكليه ولبسه العبايه وعليها الطرحه

ومنه صحيت من النوم وقالت لها صباح الخير يا رقيه ردت عليا صباح النور يا حبيبتي ايه اللي مصحيكي بدري كده ردت منه ما فيش عندي محاضره الساعه 9:00 فالحق اقوم البس واجهز عشان اروح قالت لها طيب محتاجه فلوس ردت عليها تسلمي يا حبيبتي ماما لسه مدياني المصروف قالت لها طيب

وخرجت وحطت فلوس على الترابيزه لسلوى ونزلت ودخلت المخزن وطلعت التليفون واخذته ومشيت واتصلت على نور وقالت لها انتي فين ردت نور انا مستنياك من بدري قالت لها طيب انا خارجه لك دلوقتي وبعد وقت صغير ركبت رقيه العربيه مع نور ورقيه بدات تغير هدومها وفضلوا يتكلموا ويهزروا

اما منه خرجت من الحمام ودخلت اوضتها وقالت يا ماما صح يا عبودي عشان اخده معايا رده سلوى حاضر يا حبيبتي ومنه بدات تلبس هدومها وحجابها وسلوى لبست عبودي وحضرت الفطار ومنه مسكت التليفون واتصلت على حياه وقالت لها انت فين ردت عليها انا مستنيه وائل هيعدي عليا ردت منه طيب انا هسبقكم على الجامعه ومعايا عبودي ردت حياه ماشي يا حبيبتي انا جايه لك على طول وقفلت معاها

وبعد وقت في بيت الهلالي صحي خالد دخل الحمام خد شاور وخرج وبدا يلبس هدومه سرح شعره ورش برفانه اخذ مفاتيح والموبايل وخرج من الاوضه شاف امل قاعده قال لها صباح الخير يا ماما ردت عليك صباح النور يا حبيبي قال لها ايه اللي مصحيكي بدري ردت عليه مفيش يا حبيبي عندنا عزومه النهارده وعايزاك تيجي بدري رد خالد حاضر يا ماما وبص في التليفون لقى اوبر وصل لازم امشي عشان عندي المحاضره الاولى

اما عند رقيه وصلت هي ونور ودخلوا المدرج وحضر اول محاضره وهنا ما جتش واتكلمت نور احسن ان هي ما جتش كانت هتقعد تقرفنا ضحكه رقيه وقالت لها يا ستي سيبك منها دي عيله تافهه ردت نور على رايك صحيح بابا بيسال عليك ردت رقيه انا عارفه ان انا مقصره معاك وما بسالش عليك بس انتي عارفه الظروف

ردت نور انا عارفه يا حبيبتي بس بابا بيسالك هتعملي ايه في موضوع جابر هيفضل محبوس ولا هتعملي ايه رده رقيه والله ما عارفه بس انا عايزاه يا حرم انه يعمل اي حاجه غلط عشان خاطر عياله مش عشان خاطري انا اقدر اقفله بس عياله هيعملوا ايه ولا منه اللي ممكن تتظلم منه ردد نور معاكي حق

اما عند منه وصلت الكليه ومعاها عبودي ودخلوا وحياه وائل وصلوا بعديهم بشويه وعبودي اول ما شاف حياه جري عليها وحياه حضنته وقال لها وحشتني قوي قوي يا حياه اتكلم وائل ولا اظبط وايه الحضن اللي انت بتحضنه لها ده رد عبودي بغيظ وانت مالك دي خطيبتي انا انت عايز ايه

رد عليه لا لغايه الحته بتاعتي وتبعد ضحكه حياه وقالت له بس يا وائل عبودي لسه صغير وانا بحبه ردت منه بركاتك يا عبودي العيال هيسيبوا بعض بعد حب 12 سنه رد عبودي بغمزه عشان تعرفي ان اخوك بيعرف يوقع البنات ضحك وائل وهو بيشيله من التيشرت بتاعه وقال له بجد يعني انت بتعرف توقع البنات طب روح قول لي البنت دي هاتي كوبايه العصير اللي في ايديها رد عبودي طب نزلني وانا هروح وهوريك ان انا مش هاخد العصير بس ده انا هجيبها معايا رد وائل ماشي وانا هديك 100 جنيه لو عملت كده

ردت منه ايه اللي انت بتعمله ده الواد صغير ايه اللي انت بتقوله له ده رد عبودي بس انتي يا منه ما لكيش دعوه وحياه قالت له وانا كمان 100 جنيه عبودي هيكسب ردت منه حتى انتي يا حياه ما حدش ليه دعوه باخويا

اما عبودي وراح ناحيه ترابيزه البنت وقال لها القمر اسمه ايه ضحكه البنت ومسكت خدوده وقالت له اسمي نهى انت اسمك ايه رد عليها عبودي بس بالنسبه لك انتي يا قطه بغمزه بسيطه بودي ضحكه البنت وقالت له انت جاي مع مين قال لها مع اختي قالت له هي فين قال لها هناك اهي ومسكت ايديه وراحت ناحيه الكافتيريا وجابت له عصير وخدته وراحت ناحيه ترابيزتهم عبودي غمز لوائل وحياه ضحكه

واتكلمت البنت اخوك ده زي العسل ردت منه معلش انا اسفه على التطفل اللي عمله ردت البنت ابدا والله ده زي العسل وبسيته من خده ومشيت رد عبودي هات بقى ال 100 جنيه وطلع وائل الفلوس واديها له

واتكلمت منه ينفع اللي انتم عملتوه ده بوظتوا الولد ويلا بينا عشان المحاضره كلمت منه عبودي هنخش المحاضره ما تعملش صوت عشان الدكتور ما يزعقش قال لها حاضر بس اديني الموبايل العب عليه قالت له طيب ودخلوا مدرج وقاعده في اخر صف ودخل خالد وبدا المحاضره

اما في بيت الهلالي صحي عاص من النوم ودخل الحمام اخذ شاور وخرج ولبس هدومه ومسك مفاتيحه وموبايله ونزل على شقه جدو والكل كان قاعد بيفطروا وقال صباح الخير ردوا عليه صباح النور وقعد يفطر واتكلم متولي ما تنساش تطلب الاكل يا عاصي رد عليه حاضر يا جدي هروح المعرض وهطلب الاكل وانا هناك ردت عيشه وانا هعمل الاكل هنا انا والحريم

اتكلمت عيشه انا هرتب كل حاجه مع الحريم هنا رد متولي ماشي يا حاجه رد عاصي خلاص يا تيته انا هبعت الناس اللي هتعمل البوفيه عشان يخدموا علينا ردت عيشه ماشي يا ابني وقام عاصي هو وياسين وخرجوا ركبوا العربيه وراحوا على المعرض اما في فيله محمد الاسيوطي هنا كانت بتعمل ماسكات وقاعده على التليفون بتكلم ندى وبتقول لها عملت ايه في الجامعه

وردت عليها ما فيش الجامعه وحشه قوي النهارده من​‌‍⁠ رواية رقية - الفصل 11 | مكتبة الروايات غيرك وضحكت هنا وقالت لها طبعا يا بنتي رده ندى عارفه مين اللي جات النهارده ردت عليه اكيد رقيه هانم ضحكه ندى وقالت لها عرفت منين ردت عليها ما هي ما بتجيش غير كل يوم الاحد مش ملاحظه كده رده ندى صدقي صح انا مستغربه برده اشمعنا يوم الاحد ردت عليها سيبك منها خليكي معايا انا بعثت لك صور للفساتين اللي عايزه اختار منهم وانا رايحه العزومه النهارده وقولي لي رايك

رده ندى ثواني هفتح الوتس وندى فتحت الوتس وشافت فستانين وقالت لها الثاني اشيك ردت هنا وده اختيار ماما خلاص هلبسه ردت عليها تمام وبعد ما تخلص العزومه ما تنسيش تتصلي بيا وتحكي لي التفاصيل ردت هنا من عيني وقفلت معاها

ما عند منه المحاضره خلصت وكانت خارجه وهي ماسكه في ايديها عبودي وشافها خالد ونده على وائل وقال له مش رايحين المستشفى النهارده ولا ايه رده حياه لا يا دكتور احنا روحنا الجمعه والسبت وقلنا ناخد النهارده اجازه وكمان عشان افسح خطيبي

استغرب خالد وقال لها خطيبك فين ده قرب عبودي منه وهو بيمد ايده معاك عبودي كي جي 2 ضحك خالد وقال له وانا الدكتور خالد اتشرفت بيك هو انت خطيب حياه رد بغمزه ايوه بس بيني وبينك عشان وائل هيولع ضحك خالد وقال لها اخوك يا وائل

رد عليه لا طبعا يا دكتور ده مصيبه حياتي اخو منه ضحكه حياه وقالت له بذمتك القمر ده مصيبه ده زي القمر رد عبودي عشان تعرف انا البنات بتجري ورايا قد ايه مش زيك لطخ ضحك خالد وقال له طب انت فاهم معنى الكلمه اللي انت قلتها ديت رد عبودي يلا يا منه انا جعان الدكتور فاضي

ردت منه عيب يا عبودي كلم بادب رد خالد ما فيش مشكله هو دمه خفيف بس بيجيب الكلام ده منين رد عبودي اكيد من الشارع بس اوعى تقول لابله رقيه رد خالد ما تخافش مش هقول لها حاجه بس انت ما تقعدش في الشارع كثير فاهم ولا لا رد عبودي حاضر ونتكلم وائل يلا يا جماعه عشان نفطر وخرجوا وراحوا الكافتيريا اما خالد كان بيضحك على كلام عبودي

اما في كليه فنون جميله ندى وايات كانوا قاعدين في المدرج واتكلمت صاحبتهم انا سمعت ان في دكتور جديد هيجي يدينا النهارده ردت ندى احسن بدل الدكتور ابو كرش ردت ايات حرام عليك ده كان شرحه كويس ضحكه ندى انتي الوحيده اللي كنت بتفهمي منه اما انا ما بفهمش منه خالص

ردت حنان معاكي حق وبعد وقت صغير دخل عز المدرج وقرب من المايك وقال لهم معاكوا الدكتور عز هديكم الماده تصميم داخلي البنات كانوا مبهورين بوسامته واتكلمت حنان شايفه الدكتور زي القمر ازاي ردت ندى عادي يعني تعالي شوفي عاصي اخويا وانتي تعرفي يعني ايه رجاله

وضحكه ايات واتكلم عز البنات اللي بتتكلم ورا ردت حنان اسفين يا دكتور ما كناش نقصد رد عز يا ريت ده اخر مره ليه كنتوا الثلاثه عشان ما بحبش الكلام اثناء وجودي اتفضلوا اقعدوا واقعدوا البنات وقالت ندى كتك داهيه في ثقل دمك وضحكه ايات وحنان على كلامها اما عند رقيه كانت قاعده مع نور وبيتكلموا عن المحاضره ورده نور بقول لك ايه انا زهقت تعالي نروح نجيب اكل ضحكه رقيه وقالت لها طيب يا ستي

اما منه كانت قاعده في كافتيريا مع وائل وعبودي وحياه وبيتكلم وبيضحكوا ووائل كان متغاظ من عبودي انه واخد حياه منه واتكلمت منه يلا يا جماعه عشان المحاضره الثانيه ما نتاخرش عليها رد وائل يلا واتكلمت منه زي ما قلت لك يا عبودي ما فيش كلام الله حاضر ودخل معاهم المدرج وقعدوا ورا

اما في المعرض عند عاصي كان ماسك التليفون وطالب الاكل واتفق مع المطعم انه ما يعملوا بوفيه ويهتموا بالتفاصيل ويبعتوا اثنين عشان يخدموا عليهم وقفل مع المطعم واتكلم ياسين لازمتها ايه يعني العزومه ديت ضحك عاصي وقال له اصل انت مش فاهم محمد الاسيوطي بيلعب على كبير رد ياسين ازاي رد عليه بعدين هبقى اقول لك

وبعد وقت كلمت رقيه ياه اليوم كان طويل قوي يلا يا نور عشان نروح ردت عليها يلا يا اختي خلي بالك عايزين يوم نخرج مع بعض ردت عليها حاضر بعد الامتحانات هاخذك يوم ونخرج مع بعض من اوله رده نور واعملي حسابك انك تيجي تتغدي عندنا عشان ماما ما تبهدلش الدنيا ردت رقيه من عيني الاثنين وركبه العربيه ورقيه قعدت في الكنبه اللي ورا غيرت هدومها

اما عند منه خرجت من الكليه وعبودي كان ماسك ايد حياه ووائل قال لها بقول لك ايه يا منه اقطعي علاقتك بينا ضحكت منه وقالت له معلش هو النهارده بس رد وائل ما انا مستحمل من الصبح والهانم مطنشاني وقاعده معاه يرضيكي كده ردت منه لا ما يرضينيش وانا هاخده ونروح لوحدنا

رد وائل انتي عبيطه يا بنتي انا مش قصدي حاجه انا بهزر ايه يا رمضان ما بتهزرش واصلا ما بحب عبودي ما اقدرش ازعل منه ردت منه انا عارفه بس برده انا عايزه اتمشى معاه ونجيب ايس كريم رد وائل والله ما يحصل هنركب كلنا سوا ولاقوا الدكتور خالد مستني الاوبر وراح لوائل وقال له ايه يا دكتور موقفك كده رد خالد ما فيش مستني الاوبر

رد وائل يلا يا دكتور تعالى نوصلك في طريقنا رد خالد مش هينفع اصل انا طالع على المستشفى اتصلوا بيا وبعد كده هرجع على البيت رد وائل ماشي يا دكتور محتاج حاجه قال له لا شكرا مشي وائل وركب هو والبنات وخالد راكب العربيه وطلع على المستشفى وبعد وقت وصل ودخل اوضه العمليات

اما رقيه وصلت البيت ولقت سلوى مجهزه الاكل ودخلت رقيه غيرت هدومها ولبست بيجامه وخرجت وسالتها على منه وعبودي قالت لها لسه ما جوش بس انا اتصلت بيهم وقالوا لي ان هم في الطريق قالت لها طيب زياد فين قالت لها بيذاكر جوه قالت لها ماشي وقعدت تقلب في التلفزيون

ومنه كانت وصلت وعبودي جري على رقيه وحضنها وضحكت رقيه وبسيته من دماغه وقالت له انت اتبسطت ردت منه ده اتبسط وبس ده كان ناقص يخلي وائل يعلقنا في ميدان عام ضحكت رقيه وقالت لها ليه ردد منه ثواني هخش بس اغير واجي احكي لك

قالت لها طيب يلا يا عبودي خش اغسل ايدك وغير هدومك وتعالى رد عليها حاضر وقامت رقيه حضرت الاكل مع سلوى وخرجت منه بعد ما لبست البيجامه وعبودي برده وقعدوا وندهت رقيه على زياد وحكت منه اللي حصل في يومها كله والكل كان بيضحك وكان جو عائلي لطيف

وبعد وقت طويل في فيله محمد الاسيوطي الكل كان جاهز عشان يروحوا العزومه ما عدا عز اللي كان في الشركه مع صاحبه واتكلمت عبير يلا يا محمد احنا جاهزين رد عليها يلا يا حبيبتي وخرجوا ركبوا العربيه اتكلم محمد صحيح يا هنا اي تصرفات هناك ما تعلقيش عليها ردت عليه حاضر يا بابي وعبير فضلت تتكلم مع هنا

اما اعاصي كان في البيت هو والعيله مستنيين الضيوف واتكلمت عيشه هو ده الاكل اللي هم بياكلوه ضحك عاصي وقال لها ايوه يا تيته مش عاجبك صح ردت عيشه وانت تفهم يعني ايه في الاكل يا ابني الاكل اللي احنا بنعمله ده اكل البشوات مش اللي انت جايبه ضحك الكل

ورد محمود معاكي حق يا امي ده اكل عيانين خلينا ناكل احنا اكلنا وهم ياكلوا اكلهم ده ردت عيشه تصدق معاك حق ملناش دعوه وامل نازله وهي لابسه عبايه شيك ولابسه ذهب واكنها رايحه فرح واتكلم كامل هو انتي رايحه فرح ولا ايه ردت امل لا بس عشان الضيوف تعرف ان احنا قدهم واحسن منهم كمان رد كامل طب يا حبيبتي

واتكلمت عيشه خالد لسه ما جاش ردت امل مش عارفه اتاخر ليه بس هو وعدني انه هيجي قالت لها طيب يا امل لو اتاخر ابقي اتصلي عليه قالت لها حاضر يا ماما اما ندى وايات كانوا لابسين فساتين وقاعدين مخنوقين من العزومه ديت وكل واحده معاها الموبايل بتاعها وايات كان بيتكلم رامي وبتضحك وبعد

وقت صغير وصل محمد الاسيوطي ويستقبلهم العيله وطلعوا كلهم الروف والحريم قعدوا مع بعض وامل اول ما شافت هنا اتبسطت وشافتها بنت مناسبه لخالد ابنها وفضلت امل تتكلم مع عبير وهم مندمجين مع بعض وهنا عينيها كانت على عاصي

واتكلمت ايات الحقي يا ندى البنت عينيها من اخوك ردت عليها اكيد يا بنتي ده انا اخته وبكرش عليه ضحكه ايات واتكلمت عيشه ايه يا بنات قاعدين لوحدكم ليه خذوا هنا تقعد معاكم ردت هنا لا انا مبسوطه بالقعده معاكم كلكم وفضلوا يتكلموا ويهزروا اما الرجاله كان متولي بيتكلم مع محمد واولاده وجوز بنته وفضلوا يتكلموا كتير واتكلمت عائشه يلا يا جماعه عشان نتغدى رد متولي حاضر يا حاجه وقاموا وهنا اول ما شافت اكلهم اتصدمت

واتكلم عاصي اتفضلي يا جماعه الاكل اهو ومحمد قال لهم لا انا هاكل من الاكل ده اصل وحشني ضحكوا الرجاله واتكلمت عبير قصدك ايه يا محمد اني ما بعملش الاكل ده رد محمد مش قصدي حاجه بس انا بقى لي سنين ما اكلتهوش فيا ريت تسيبيني على راحتي

ردت عبير حاضر وراحت قالت هي وبنتها من الاكل الهلسي ومحمد كان معاهم والكل كان مبسوط وبعد وقت خلصوا الاكل وتقدم الشاي والقهوه والفاكهه وبعد وقت دخل خالد واتكلمت امل كده يا خالد اتاخرت ليه قال لها معلش يا امي المستشفى اتصلوا بيا وكان في حاله حرجه مسكه ايده وراحت ناحيه هنا و عبير

وقالت لهم ده بقى الدكتور خالد ابني ردت عبير اهلا وسهلا يا دكتور رد عليهم اهلا بيكم استاذن وراح عند الرجاله واتكلم والده ده الدكتور خالد ابني وده الباشمهندس محمد الاسيوطي سلم خالد وقعد معاهم ومحمد كان معجب بشخصيه خالد

وفضلوا يتكلموا وبعد وقت طويل بص محمد في الساعه وقال لهم ياه الوقت اتاخر قوي رد متولي ولا اتاخر ولا حاجه رد محمد معلش يا جماعه عشان ورايا شركه الصبح وكمان انتم عارفين ظروفي رد متولي ان شاء الله تشرفونا تاني رد محمد لا المره الجايه عندنا احنا

وبعد وقت​‌‍⁠ مش الجماعه وهنا كانت متضايقه انها ما اتكلمتش مع عاصي وفي العربيه قال محمد شفت خالد دكتور كويس ازاي ردت عبير بصراحه احسن من عاصي ده مغرور كده اما خالد متواضع ومحترم رد محمد بس احنا مصلحتنا مع عاصي ردت عليه معاك حق

اما متولي قال برافو عليك يا عاصي العزومه شرفت اتكلم ياسين على فكره انا صاحب الفكره مش عاصي رد متولي انتم كلكم عندي واحد وما تزعلش انت كمان شرفتني وضحك الكل وكل واحد طلع على شقته دخل اوضته ونام على السرير …..

تابع الفصل التالى من هنا