دخلت المدرسه لقت سحاب تجري لها
سحاب ب صراخ:عذوووره اشبك تاخرتي
عذاري :معليش تاخرت ب النوم
سحاب :طيب يلا افصخي عباتك ويلا ندخل القاعه بسرعه
عذاري :طيب الا تعالي وش حكم البيع مع الدليل(فقه)؟
سحاب :الحكم مباح والدليل واحل الله البيع وحرم الربا وش تعريف البيع؟
عذاري:مبادله المال ب المال بما فيه مصالح لكلا الطرفين
سحاب :طيب يلا مشينا
ودخلوا لقاعه وخلص الاختبار الساعه تقريبا 9 ونص وطبعا اخر يوم من الاختبارات البنات حذفو كتبهم و الشنط ورقص ولعب اغنا وهبال وعارفين جو البنات اخر ايام الاختبارات خلص الدوام احضان وتوديع و المتخرجات يبكون ويودعون بعضهم البعض المهم جاء السواق ورجعت عذاري للبيت وتوها بتدخل البيت سمعت صرااخ دخلت البيت
عذاري:اسلام عليكم
شافت الكل يضربون راكانت
خالد:يااااهووو ما توقعتك ابد
الوليد :يذييييب مين قدك
سعود وهو يضرب ع ضهر راكان:قويه ي رجال و كمان اخر وحده توقعتها تكون منى
فهد:ايه
عذاري :وش السالفه ؟؟
وصايف :ااه هلا اسمعي اسمعي سالفه خطيره راكان بيخطب
عذاري ب تفاجؤ:امااا !!!!
وصايف :قسمم
عذاري ب فرحه ومزح:مين ذي الا امه داعيه عليها
تخصرت وصايف:نعم نعم نعم له وش فيه اخوي اسم الله عليه وش زينه الف وحده تتمناه الا انتي الصادقه داعيه لها ف رمضان ف ليله القدر الساه 12 الليل
عذاري:طيب اعوذ بالله اكلتني كنت امزح ترا المهم مين هي؟
فهد :منى
عذاري ماهي مستوعبه:مين منى؟
فهد :بنت عم ابراهيم
عذاري مصدومه وتطالع راكان :...........
ابو راكان :اقول اتركو الولد فحاله ذا وهو توه قالي اجل لو خطب وخلص وش بتسوون
الوليد بخبث:والله ل اذله زي ما ذلني
راكان بتحدي و براء:ف وش ذليتك انا ؟
خالد :ف وش ذلك ؟
الوليد يطالع راكان ب صدمه وراكان ي ضحك
وصايف :بس السالفه حريقه
فهد :لا فيه احرق منها
الكل :وش؟
فهد:انا وسعود بنكمل دراستنا برا السعودي هزي باقي اخواني
ع طول الوليد التفت ل عذاري شاف ف عيونها حزن (عذاري ملثمه)
خالد:اووه كويس
وصايف :طيب انا عندي خبر اططلق من كل سواليفكم
ابو راكان :خير ان شاء الله اليوم كل شي اخبار
وصايف :عمه هديل حامل
الكل :وووووش!!!!!!
وصايف :بشويش
راكان :لا جد
وصايف :والله
سعود:ف أي شهر ؟
وصايف :ف الثالث
الكل :ما شاء الله
تسريع الاحداث
خطبو منى و وافقت وبعد خطوبه راكان ب اسبوع دق جوا ل خالد
خالد :هلاااا ب رويشد هلا ب القاطع
راشد :هلا بيك كيفك
خالد:تمام يالخوي و انت
راشد :ب نعمته
خالد :امر بغيت شي ؟
راشد :والله ي خوي مستحي منك
خالد:وشو تستحي مني احنا اخواني تبي سلف قول ؟
راشد:اقول انقلع انت وسلفك خلني اكمل الموضوع
خالد:كمل طيب
كمل راشد:هو يكون المفروض ي امي او ابوي يكلمكم بس لانك خويي و الميانه طايحه بينا؟؟؟
قاطعه خالد :يولد الحلال خرعتني وش فيك
عصب راشد:ينعل شكلك ما تخلي احد يكمل
خالد :طيب خلاص كمل
وهو كمان معصب راشد:ابي اخطب اختك وصايف
انصدم خالد :اختي انا؟
راشد:لا اختي انا
خالد :لا من جد تتكلم ؟
هداء راشد:ايه
خالد :طيب ي الخوي استشيرها واكلم ابوي واردلك خبر تمام؟
راشد:تمام يلا مع السلامه
خالد:مع السلامه
دق خالد ع وصايف
خالد :الو
وصايف :هلا
خالد :اسمعي وينك انتي
وصايف :بغرفتي
خالد طيب عندك احد
وصايف :لا
خالد:طيب انا ب اجيك ابي اكلمك ف موضوع مره مهم
وصايف :طيب تعال
راح خالد غرفه وصايف دق الباب و دخل شاف اخته جالسه ع اللاب توب
خالد:اول شي قوليلي الصدق انتي تكلمي اولاد ؟
وصايف :لا والله ما اكلم واذا منت مصدق خذ جوالي و فتش
خالد :لا حبيبتي انا واثق فيك ما انك قلتي لا يعني لا طيب خليني اقلك شي
وصايف :هلا؟
خالد:طيب ي وصايفف والله فيه واحد من خويااي يبي يخطبك
وصايف انصدمت وانحرجت :.....
خالد يضحك:وشبه وجهك قامط العافيه هههه
وصايف بصدمه :هااا
خالد :طيب تراه هو مره كويس ف عمري هو ومشاء الله عليك محترم وولد ناس ويشتغل ف الطوارئ ترا انا ما امدحه لانه صديقي الا والله من جد يستحق ذا المدح والا هو شوي عصبي
وصايف:.......... (مستحيه منزله راسها تحت
ابتسم خالد:طيب انا اخليك تفكري وانا رايح اعلم ابوي
وصايف :اوكي
وخرج خالد متوجه ل غرفه ابوه ما لقاه راح مكتبه وما لقاه برضو رجع لغرفته
قلب ف الجوال حط عينه ع رقم ودق عليه
خالد :الو
البنت:الو هلا كيفك
خالد :هلا بيك تمام وانتي كيفك؟
البنت :تمام هلا بغيت شي ؟
خالد:اوف خلود اشبك
خلود:ما فيني شي الا انت وش تبي ؟
خالد :ولا شي ابي اسمع صوتك اشتقتلك
خلود:الصبح مكلمني !!
خالد:طيب يعني ما اقدر اشتاقلك !
خلود ب انفعال :اصلا انت متى يمديك تشتاقلي اذا انت تكلمني ب اليوم ل3 او 4 مرات المكالمه الوحده تقريبا ساعه او اكثر ذا وانا صديقتك اجل لو حبيبتك وش ب تسوي
خالد :كنت انا وهي سوا ب بيت واحد و بغرفه وحده كمان
خلود :طيب يلا باي
خالد :صبر صبر ليش وين ؟؟؟
خلود :صديقاتي وبنات عمي واخوالي بيجون عندنا
خالد :اها اوكي اكلمك بعديل الليل تمام
خلود بحنيه ملحوضه:اوكي تم
قفلو عن بعض
خالد :صوتها كان حنون والا يتهيئلي (وبصراخ:ي عرب احبها والله احبها
باقي اسبوعين ع الدراسهيوم الاثنين يوم ملكه راكان كانت العروس تتجهز و الملكه كانت عائليه (ماراح اوصف كيف كان لبس البنات الا تبي تعرف كيف لبسهم ف الكومنت تسال)
طبعا بعد عقد القران و الكل جالس ع راس منى بدت اليببه و الزغاليط والغونا والحفل بمعنى الكلمه كانت هدى و ريم جالسين مع منى ريم تهدي منى و هدى تخوفها
ريم:حياتي منى مالو داعي ذا الخوف كله
هدى:ايه صح بس بتدخلي المجلس عنده وتلبسو بعض الدبل وتاكلو بعض الحلا و نترككم مع بعض وشوي ونخرب عليكم وزي كذا يعني
منى ب خوف:ريوم تكفين ذي لا تدخل ابد والله ل تخرب ملكتي
ريم:هدى اخرجي ابي اكلم منى بكلام بيننا
هدى :طيب اصلا ابي انزل اشوف امي باي
خرجت هدى والتفتت ريم ل منى شافت عليها ملامح التوتر الخوف جلست جنبها
ريم :وشبها عروستنا ؟
منى:خايفه
ريم :المفروض انتي ما تخافين خصوصا انك بتتزوجي الا تحبيه
منى :كيف عرفتي ؟
ريم :كان باين عليك
منى وتقطي وجهها بيدينا :ي فشلتييي
ريم :لا تخافي ماراح يلاحض الحب الا بينكم الا العشاق الا يحبون
منى:هااا (استوعبت:يعني انتي ي ريم تحبي !!!
ريم انقفطت :ها لا لا لا لااحب ولا شي
منى :لاااا مين الا قال ما يلاحض الا بينكم الا العشاق هااا
ريم :يووه ايه احب ارتحتي
منى بحماس و سرعه:مين هيييي لا يكون الوليد ؟
ريم ب تفاعل :لااااا ابد
منى :اجل مين؟
ريم :ماراح اقلك اببببببد
قاطعتهم هديل :سلام بنات كيفك ي عروسه
البنات :وعليكم السلام
منى بخجل:تمام
ريم :عمه كيف البيبي ؟
هديل :اههه مره متعبني
منى :ف أي شهر يعمه الحين ؟
هديل :السابع
ريم:حياااتي
هديل :منى خايفه ؟
منى تهز راسها ب ايه
هديل :لا حياتي اصلا مالو داعي انك تخترعي وتخافي ف البدايه صح راح تخافي يعني بس بعدها ما راح تخافي كلنا معاك وكمان تراه ولد عمك وكمان يحبك ما انساها لما سالني عنك ف السيار ذاك اليوم
ريم ومنى مستغربين :أي يوم؟؟؟
هديل :ذاك اليوم اول يوم لعذاري بيننا لما كنا راجعين البيت مو راكان قال يبي يقولي شي
البنات :ايه
هديل ب ابتسامه :ذاك اليوم سالني عنك واستفسر كذا كم شغله بعدها قالي انو ناوي يخطبك
منى بخجل :وش الا استفسر عنه يعني ؟
ريم و هديل ضحكو
هديل :بعد الزواج والا الملكه اساله اقل شي يكون عندكم شي تسولفون عنه
جت نوف و شيماء :يعروس يلا الزفه
هنا دق قلب منى و انزفت لزوجها لبسها الدبله و البنات بدو يحرجونهم وهدى ونوف و وصايف ووبنات خاله منى يصرخون : kiss her... kiss her... kiss her In her cheek or forehead(بمعنى :اعطها بوسه ي على خدها ي فجبهتها
وام خليل (ام منى)تسكتهم:بناات اسكتو عيب
ام نايف (عمتهم اسماء):بنات بلا قله ادب اخرجو خلو العرسان لحالهم
انحرجو منى و راكان من شغل البنات ب المررره خلصت الليله و يوم الاثنين كان ملكه راكان و يوم الخميس كانت خطبه وصايف (البارت ذا مليااان ب المناسبات )
ف مكان ثاني يوم الخميس
الام:خلود يلا ي بنتي بنتاخر ع الناس
خلود :طيب ي امي اكلم صديقتي خمس دقايق و انزل ((وترجع للجوال :الو اسمع خالد اكلمك بعديل ذالحين لازم امشي اوكي
خالد :وين رايحين ؟
خلود: رايحين عند ناس
خالد :يلا وانا كمان مشغول
خلود :معاد انك مشغول الا انك تخصص وقت تدق علي يااا الله
خالد :ي ختي اغليك لك معزه فقلبي غير عن باقي البنات
انحرجت خلود وبقت تمشي السالفه:الا انت وش معك مشغول
خالد :صديقي جاي هو واهله بيخطبون اختي
خلود:من جد مبروكييين الله يتمملها ع خير
خالد :امين
خلود :احنا رايحين ن.......قاطعتها امها
الام :خلود الخمس دقايق خلصت يلا ي بنت ابوك و اخوانك معصبين يلا
خلود :يلا ذالحين وراك (وترجع للجوال :يلا باي
قفل خالد من عند خلود ودق ع راشد
خالد :الو راشد انت وينك تاخرتو ي رجال
راشد :هلا الحين مسافه الطريق انشاء الله وانكون عندكم عاد يخوي وش اقولك حريم اهلي اخرونا يلا شوي ونكون عندكم
خالد :يلا مع السلامه
يتبع
++++++++++++++++++++++++
البارت ذا كله ب رعايه خالد &&&
تتوقعون مين ذي خلود ؟
وش بيصير بسالفه سفره سعود و خالد للدراسه برا؟
ومين ذا الشخص الا ريم تحبه ؟
وهل راشد هو الشخص الا كان يطالع وصايف ف القصر ؟
وذا السوال اكرره مره ثاني
وش تتوقعون الكلام الا قاله ابو راكان ل هديل يوم زواجها ؟
وش رايكم ب الروايه وكمان اختارو روايه ثانيه أألفها من التصويت ف كتاب ثاني صوتو ع الروايه الا تبوني انزلها
ولا نتسون قدرو تعبي ب تصويت وتعليق ونشر
تابع الفصل التالى من هنا
