سكريبت مروان وجميلة الفصل الثاني 2 والاخير بقلم وعد محمد
فايقه انهارده ومستعده لليوم بحماس مش طبيعي ..بقيت بحب اشوفه ..واشوف لمعة عيونه ..ولهفته وانبهاره بيا
حقيقي حبيته ..
قومت لبست طبعا متأنقه زي كل مره منا هشوف حبيبي بقي ونزلت ..لقيته واقف قدام باب العماره
ببصله بنظرات صدمه واندهاش بجد متوقعتش الاقيه قدامي كده يبقي اول حد اشوفه في يومي
ـ صباح الخير يا ست البنات
– انت بتهزر معاياا
ـ فيه اي بس؟
– هو طبيعي اني انزل من بيتنا الاقيك قدام العماره ؟
ـ مفاجأة مش كده
ختم جملته وهو بيبصلي وبيضحك ..بجد يجماعه ضحكته طلعت حلوه اوي والا انا اللي عيوني فيها حاجه انهارده والا ايه بالظبط؟
– انت عايز تجنني صح قول متتكسفش
ـ يا ستي والله لا بس كل الحكايه حبيت ابقي اول حد تشوفيه انهارده ونروح الشغل سوا وندردش حبه مع بعض
– هعديهالك المرادي …يلاا بقي عشان متأخرين يا استاذ مروان
ـ قلب الاستاذ من جوه والله يولاد
– اول حاجه عشان نوصل بالسلامه مفيش كلام معسول من اللي بتقوله دا
ـ ليه بس
– كده ياخي انا حره الله
ـ طب منا كمان حر اقول اللي انا عايزه بقي الله
– اللهم طولكك ياروح يلا يا مروان يلا
المرادي السكوت ملقاش مكان مابينا مروان فضل يتكلم في حاجات كتير مهمه ومش مهمه وساعات كنت بشاركه الكلام بس اكتر الوقت كنت ساكته حبه اسمعه واعرف دماغه اشوف فعلا بيحبني والا لا هتقولي انت لسه جايه تعرفي دماغه بعد سنتين من صحبيتكم هقولك اصل الوضع الوقتي يختلف كان الاول اخويا وصاحبي دلوقتي بيحبني واناا ….بحبه
– امتي عرفت انك بتحبني ؟
سألته السؤال دا من غير مفكر ثانيه واحده قاطعته في نص كلامه ومنكرش اني اتصدمت من السؤال زيه بالظبط
اصل مروان لما سألته يعيني دخل في حالة زهول لا متناهي
ـ جايز كلامي يبقي غريب بس عايزك تتأكدي ان كل كلمه هقولها انا فعلا حاسسها وحقيقيه بجد
– سمعاك
ـ اول مره بدأت احس بشاعر مختلفه نحيتك كانت من سنه …متستغربيش كده ايوا من سنه
– طب ومقولتش من بدري ليه ؟
ـ خوفت اخسرك …
الصمت المرادي عرف يدخل بينا انا كنت في صدمه بجد فيه حد ممكن يفضل يحبك ويكتم في قلبه لمجرد انه خايف يجي يوم ويخسرك بسبب مشاعره دي ..دي حاجه تصدم بجد
قطع سكوتنا وبدأ يتكلم تاني يكمل الكلام اللي المفروض كان يكمل من سنه!
ـ ساعتها حسيت اني مقدرش اعيش من غير وجودك في حياتي .. كنتي الوحيده اللي بتسمعيني وبتشاركيني كل حاجه… دايما جمبي ببقي مبسوط بقربك ..من ساعة مادخلتي حياتي وهيا بقت احسن ..حبيتك بطريقه انتِ متتخيليهاش ..بقيت بستني اشوفك من اليوم لليوم ..بركز مع كل تفصيله تخصك بقيت عايز اعرف عنك كل حاجه
انتِ بجد يا جميله اجمل واحن بنت انا قابلتها في حياتي وتستاهلي دايما اللي شبهك وبجد نفسي اقضي بقيت عمري اللي جاي جمبك .
عيني لمعت بالدموع ودقات قلبي زادت بطريقه رهيبهه…
مستنيني ارد لا لا .. متستنوش لساني مش هيعرف ينطق كلمه بعد كمية الحب اللي سمعها وحسها دي ..هو فيه حد كده ..دا طلعت اغاني ام كلثوم حقيقيه يولاد والروايات كمان مروان بجد يستاهل اني احبه ..يستاهل كل حاجه حلوه
كنا وصلنا خلاص عند الشغل فقولتله
– اشوفك واحنا مروحين ان شاء الله
وخدت بعضي وجريت مش هستحمل اسمع كلمه كمان منه انا بجد عايزه اعيط
طول اليوم في الشغل مكنتش مركزه نهائي مش عارفه اعمل كده اصلا كلامه مش مفارقني لاحظه واحده كل اللي حواليا لاحظوا دا حتي هوا ..بس هوا كان عارف اي اللي مش مخليني مركزه
فضلت علي الوضع دا لحد ماخلاص خلصنا شغل انهارده وخارجين …كنت خدت قرار اني هقوله كفايه هو ضيع سنه واحنا مش مع بعض مش هضيع الباقي !
لقيته بيقرب مني وجاي عشان نمشي سوا توتري زاد وكإن فيه حرب اشغلت في قلبي وعقلي .
– ماتيجي نتمشي شويه علي البحر..لو حابب يعني
ـ اكيد حابب
ختم كلامه بإبتسامه جميله شبه ملامحه
كنت ماشيه جمبه وحاسه اني مش هعرف اقول حاجه من كتر التوتر اللي انا فيه ولا من دقات قلبي اللي بتسابق في المارثون
الهدوء المرادي كان صعب عليا اوي الصراع اللي بين قلبي وعقلي لسه منتهاش …قطع الهدوء دا وقال
ـ مالك
– كويسه ..
ـ يعني انا تايه عنك يجميله
– واحد لسه معترفلي بمشاعره الصبح وبفكر ارد عليه ازاي وكده يعني
ابتسم ابتسامه خفيفه….حاول يهديني بأسلوبه
ـ مهما كان قرارك انا هفضل جمبك ..حطيها في دماغك كويس
بصيتله وابتسمت بهدوء زييه وقولت
– طب ولو كان قراري اني بحبك هتعمل ايه؟
علامات الصدمه ظهرت عليه كإنه مش مصدق اللي سمعه ..بيحاول يستوعب انه حقيقي
ـ انتِ قولتي ايه؟
– هتعمل ايه
ـ متستعبطيش يا جميله .. قولتي ايه قبلها
بصيت في الارض بكسوف وقولت بهمس…
– بحبك
ـ انتِ بتكلمي بجد والا بتهزري معايا
– مش هقولها تاني …تبقي بتحلم هيا مره وكفايه عليك
ضحك علي اسلوبي وشكلي منا خلاص يا جماعه احمريت وببص في كل الاتجاهات الا وشه
ـ ينفع احضنك
هزيت راسي بالموافقه
شدني لحضنه كإنه بيقول لنفسه اللي انت فيه دا حقيقه مبتحلمش خلاص بقت معاك شدد علي حضنه جامد كنت سامعه دقات قلبه ..فضلنا اكتر من خمس دقايق علي نفس الوضع
ـ انا اسعد انسان في الدنيا …انا بحبك اوي
الواد يعيني من الصدمه معتش عارف يقول اي والا يعمل اي بس الحضن دا كان كفيل يقول كل حاجه جوانا
ـ عايز رقم والدك مش هقدر استني اكتر من كده ….اخيرا هتبقي ونسي في الدنيا
اخيرا ياجماعه صبرت ونولت بجد ..جالي بختي وحظي من الدنيا في ابهي صوره ..الحب
– بحبك يا نصي الحلو
"وفي نهاية الطريق.. وجدنا أنفسنا في المكان الذي كان يجب أن نبدأ منه منذ البداية."
تمت ♡.
"حواديت_مروان_وجميلة."
وعد_محمد
#Waad_Mohammed
تمت