سكريبت محمد وعائشة (كامل) بقلم بسمه ابو العلا

سكريبت محمد وعائشة (كامل) بقلم بسمه ابو العلا

 _ انا اسفه يا محمد مش هينفع نكمل مع بعض 

دي جمله البنت اللي المفروض هتجوزها هتسبني كدا بسهوله 

و السبب هتسبني عشان ماما مش بتشوف و قولتلها أن احنا هنعقد مع ماما عشان ماينفعش اسيبها هيا و اختي الصغيره لوحدهم و غير كدا انا ماليش الا هما بعد موت بابا و اختي الكبيره الله يرحمهم في حادثه حصلت من تسع سنين ماما اتعمت و بابا و اختي ماتوا 

و هيا قالتلي هفكر كدا و هرد عليك بعد يومين بس ازاي دا يكون ردها دا المفروض أنها بتحبني زي منا بحبها 

 دي اول حب و كان نفسي تبقى اخر حب بس هيا اللي اختارت رديت عليها بهدوء:

_ تمام يا سلمى 

و قومت مشيت و انا سامع صوت قلبي و هو بيتكسر مليون حته دي اول حب في حياتي و يعتبر حب عمري يا خساره حبي ليها 

ــــــــــــــــــــــــــــــــــــــــــــــــ

دخلت البيت لقيت ماما قاعده بتسمع قرآن لقيتها بتقولي : 

_ انت جيت يا محمد 

قعدت جنبها و قولتلها: 

_ اه يا حبيبتي 

_ مالك يا محمد صوتك في حاجة 

نمت على رجلها و لقيتها بتلعب في شعري رديت بعد شويه: 

تعبان و مخنوق اوي يا ماما 

_ من اي يا حبيبي 

_ من الدنيا كلها ليه كل حاجه اقول انها بتاعتي خلاص و في الاخر تروح مني  

_ يمكن عشان مش بتاعتك﴿وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ﴾ ماتزعلش و صدقني هتفرح قريب 

 حضنتها و قولتلها بابتسامة : 

ربنا يباركلي فيكي يا ست الكل 

_ الله الله انتوا بتعملوا اي 

و طبعاً دا صوت المزعجه اللي في حياتنا 

_ بحضن ماما فيها حاجه دي 

_ اه بتحضنوا بعض من غيري انا سحلانه 

_ لا طبعاً ازاي دا تعالي

فتحتلها دراعتي و هيا  جريت حضنتني 

_ يلا بقى روحي غيري هدومك عشان تاكلي 

_ حاضر 

_ ربنا يخليك لينا يا حبيبي 

_ ويخليكي لينا يا ست الكل 

و قومت عشان اعمل الاكل بعد شويه لقيت حد بيخبط و طبعاً قبل اما افتح هند اختي فتحت لقيت بنت أول مرة اشوفها ماسكه طبق في أيدها  

_ السلام عليكم مين حضرتك 

البنت اول ما شفتني اتكسفت و هند رديت و قالتلي : 

_ دي عائشه جارتنا 

_ امم طب اتفضلي 

_ لا شكرا انا بس عامله بسبوسه و عارفه أن خالتو بتحبها اتفضل 

_ تمام و شكرا يا آنسه عائشه 

مشيت و قفلت الباب و رجعت تاني المطبخ عشان اكمل الأكل 

ـــــــــــــــــــــــــــــــــــــــــــــــ 

رجعت من الشغل لقيت عائشه قاعده مع ماما و هند 

_ السلام عليكم ورحمه الله وبركاته 

_ وعليكم السلام ورحمه الله وبركاته 

دخلت اوضتي و رميت نفسي على السرير بس لحظه كدا جات في دماغي عائشه معقول اكون حبيتها بس ازاي دا انا لسه عارفها من يومين لا لا مستحيل يكون حب دا 

ــــــــــــــــــــــــــــــــــــــــــــــــ 

_ مش ناوي يا حبيبي تفرحني بيك و تتجوز 

_ كنت لسه هكلمك في الموضوع دا إن شاء الله نويت اتجوز 

رديت ماما بفرحه: 

_ بجد خلاص يبقى ادورلك

_ لا منا اختارت العروسه 

_ طب مين هيا 

قولتلها بتوتر: 

_ عائشه جارتنا 

_ زين ما اختارت يا حبيبي عائشه دي بنتي التانيه والله 

بعد اسبوع روحت و شوفتها و اتخطبنا و قولنا بعد شهر هنكتب الكتاب بصراحه هيا انسانه محترمه جداً و كويسه و حبيتها 

ــــــــــــــــــــــــــــــــــــــــــــــــــ

بعد مرور شهر 

انهارده كتب كتابنا و هيبقى في بيتهم 

لقيتها خارجه من الاوضتها و لابسه فستان ابيض و خمار و كانت بسم الله ماشاء الله حوريه من الجنه 

﴿ بارك الله لكما وبارك عليكما وجمع بينكما في خير ﴾ 

بصيت ليها و قولتلها: 

_ ندمانه يا عائشه 

 قالت باستغراب: 

_ على اي 

_ عشان هتعيشي يعني مع ماما و كدا 

قالت بابتسامه: 

_ لا طبعاً أنا بحب خالتو جداً اقولك كمان على سر خطير 

قولتلها باستغراب: 

_ قولي 

_ انا بحبك من زمان اوي علفكره 

_ بجد 

_ ايوا 

قولتلها بحب : 

_ انتي رزق من ربنا ليا بشكر ربنا على الرزق دا يا عائشه 

تمت ♥️ 

ـــــــــــــــــــــــــــــــــــــــــــــــــ 

بقلمي: بســــمه أبو العلا 

#محمد_عائشة 

تمت