رواية كبرياء انثي الفصل التاسع 9 بقلم جمال المصري
بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
#كبرياء_انثي
#الحلقه_التاسعه
ناهد .. ريهام وحطة ايدها علي قلبها
ريهام .. تقرب منها خير مالك يا طنط
ناهد .. لا يا بنتي مفيش
احمد .. ارتاحي يا ناهد
محمد .. واقف متنح ومركز مع ريهام
سمر .. محمد يا محمد انا بكلمك
محمد .. ايوه يا سمر اسف ما خدتش بالي
رافت .. السلام عليكم
الكل .. وعليكم السلام ورحمة الله وبركاته
رافت .. حمدالله بالسلامه يا احمد
احمد .. الله يسلمك يا رافت ازاي ابن اخوك يكون في العنايه المركزه وحضرتك تروح وتنام في البيت
زينب .. القعده ملهاش لازمه رافت موصي مدير المستشفي علي مصطفي وطول الليل حتي ما عرف ينام من الزعل
سالي .. حمدالله علي السلامه يا عمي
احمد .. الله يسلمك يا بنتي
سالي .. حمدالله بالسلامه يا طنط ناهد
ناهد .. الله يسلمك يا سالي
الدكتور .. السلام عليكم
الكل .. وعليكم السلام ورحمة الله وبركاته
الدكتور .. الحمد لله اخيرآ مصطفي فاق من الغيبوبه مين فيكم ريهام
ريهام .. انا يا دكتور
الدكتور .. مصطفي من اول ما فاق ومش بيقول غير اسمك وعايز يشوفك
ريهام .. يشوفني انا
سمر .. اه عشان الموقف الي حصل في الشركه يا ريهام من وقتها وهو حاسس بالذنب وعايز يعتذرلك ممكن يا دكتور ادخل معاها
د منير .. اكيد.طبعآ بس بلاش تتعبوه بالكلام الكتير
سمر .. بتمسك ايد ريهام يلا يا ريهام
ريهام .. ماشي يا سمر
سمر .. بتدخل حمدالله بالسلامه
مصطفي .. انا
سمر .. تقاطعه احنا مش عايزين نسمع حاجه انت تعبان دلوقت اول ما تقوم بالسلامه هنتكلم
مصطفي .. انا اسف يا ريهام
ريهام .. بصتله وسكتت ووشها احمر من العصبيه وطلعت لبره علي طول
سمر .. هسيبك ترتاح دلوقت وبتطلع ريهام استني
ريهام .. معلش سامحيني انا انسانه مش ملاك ومش قادره انسي الي كان عايز يعمله
سمر .. انا مش زعلانه بالعكس انا مستنيه يقوم بالسلامه ووقتها مش هكلمه ولا هيكون في بينا اي كلام كاننا ما نعرفش بعض أصلا
ريهام .. ازاي انتي كنتي هتموتى من الخوف عليه
سمر .. اه ومن جوايا عايزه اخده في حضني و ابكي وقوله اني كنت هموت من غيره لكن لازم يكون فيه رد فعل للي عمله ومش هيعدي مرار الكرام كده والحمد لله ان ربنا تقبل دعواتي يلا عشان نقعد معاهم وفردي وشك
ريهام .. ابتسمت ماشي يا سموره
رافت .. بيقرب من احمد صدقت كلامي مصطفي خلاص النسوان والخمره لحست دماغه
احمد .. ايه الي بتقوله ده
رافت .. دي الحقيقه ولازم تعملي توكيل بي بالاداره
احمد .. لا ده وقته ولا مكانه نطمن علي مصطفي الاول وبعد كده لينا قعده
رافت .. ما الدكتور طمنا يا احمد وخير البر عاجله
احمد .. قولتلك ده مش وقته
ناهد .. مالك يا محمد من اول ما وصلنا وانت ساكت
محمد .. ريهام يا ماما حاسس اني اعرفها من سنين من اول ما شوفتها
ناهد .. البنت بسم الله ما شاء الله زي الملايكه واضح انها طيبه عشان كده ممكن تحس انك تعرفها وهي في سنك تقريبا و اختك ريهام لو عايشه كانت في سنها دلوقت
محمد .. ياريتها عايشه كنا انا وهي توام غير متجانس اكيد كانت هتطلع طيبه زيك يا ماما
ناهد .. استغفر ربك يا محمد والحمد لله علي كل حاجه
محمد .. استغفر الله العظيم اسف يا ماما انى فكرتك
ناهد .. انا عمري ما نسيت من اول ما اتخطفت و قلبنا عليها الدنيا وفي الاخر لقينا الطاقيه بتاعتها علي شط البحر وحتي معرفتش ادفنها وبدات تبكي
محمد .. يحضنها اهدي يا ماما
سالي .. البت اللي اسمها ريهام مش نزللي من زور
زينب .. ولا انا مش عارفه من اول ما شوفتها وانا مش طيقاها
سالي .. حاسه ان فيه حاجه بينها وبين مصطفي
زينب .. ده انا كنت اخليها تكره اليوم الي اتولدة فيه بنت بتاع البوفيه
سمر .. بتيجي هي وريهام
احمد .. طمنينا يا بنتى
سمر .. الحمد لله يا عمي
ناهد .. الف حمد وشكر ليك يا الله ربنا يحفظكم من كل سوء يا بنتي
سمر .. تسلمي يا طنط والله وجودكم فرق معايا كتير
ناهد .. عارفه اننا مقصرين معاكي انتي و مصطفي بس انتي عارفه ان كل حاجه هنا بتفكرني بيها
سمر .. عارفه يا طنط بس هي دلوقت عند ربنا عزه وجل
ناهد .. ونعم بالله هو فين الحمام عايزه اغسل وشي عشان افوق من تعب السفر
ريهام .. اتفضلي يا طنط انا هاجي معاكي
ناهد .. مش عايزه اتعبك يا حبيبتي
ريهام .. تعبك راحه يا طنط اتفضلي
ناهد .. انا استغربت ان سمر اخيرا بقي ليها صاحبه
ريهام .. ابتسمت اه يا طنط وانا كمان ما عنديش اصحاب بس سمر دي اكتر من اختي
ناهد .. بس مصطفي لا
ريهام .. ليه بتقولي كده
ناهد .. اول ما دكتور قالك انه مصطفي عايزك وشك اتغير ١٨٠ درجه
ريهام .. فعلا انا وهو ما مفيش عمار بينا
ناهد .. مصطفي طيب اووي بس كان متعلق اووي بمامته وخصوصا بعد وفاة باباه
ريهام .. سمر قالتلي نفس الكلام بس ده مش مبرر
ناهد .. انا حاسه ان في حاجه عايزه تقوليها
ريهام .. فعلآ مش عارفه انا اول مره قلبي يتفتح لحد من اول ما شوفته
ناهد .. وانا كمان مش بيقولوا القلوب عند بعضها قوليلي بقا ايه اللي مزعلك من مصطفي
ريهام .. بس ده يفضل سر بينا
ناهد .. عيب عليكي سرك في بير
بدأت ريهام تحكى كل حاجه لناهد وناهد كانت متأثرة بكلامها ومنفعله وريهام وهى بتحكي فضلت تبكي بحرقه
ناهد .. مصطفي يعمل كده بس يقوم بالسلامه وانا ليا معاه كلام
ريهام .. بالله عليكي يا طنط دي حكايه وخلصت
ناهد .. ماشي يا بنتي وبتحضنها والحمد لله ان سمر وصلت في الوقت المناسب
سمر .. تقرب منهم يا سيدي يا سيدي ايه الدلع ده كله في ايه يا ريهام بسرعه كده اخدتي طنط ناهد مني
ناهد .. تعالي يا لمضه انتي وحضانتها اووي ربنا يحفظكم ويكتبلك الخير ديمآ
ريهام .. اول مره تحس الاحساس ده وهي في حضن ناهد احساس جميل فيه دفئ وحنان لدرجة انها مش عايزه تسيب حضنها
ناهد .. هي كمان حبت ريهام اووي يلا يا حبيبتي اغسلي وشك وبتمسحلها دموعها بايدها
ريهام .. حاضر يا طنط واسفه ان كنت ازعجتك
ناهد .. ما تقوليش كده يا ريهام احنا لسا لينا قعده كبيره انتي والعفريته دي
سمر .. انتي وحشني اووي يا طنط
ناهد .. وانتي كمان يا حبيبتي يلا يا ريهام روحي انتي وباباكي عشان ترتاحي سمر قالتلي انكم معاها من امبارح ولازم ترتاحي يا حبيبتي
ريهام .. حاضر يا طنط
زينب .. الشركه بقت سايبه يا رافت عادل ده من امبارح هنا ولا كانه واحد من العيله
رافت .. بص لعادل انت بتعمل ايه هنا واستاذنت من مين
عادل .. انا بس كنت مستني اطمن علي مصطفي بيه يا رافت بيه
رافت .. وخلاص اطمنت ولا احنا فاتحين الشركه عشان حضرتك تروح وتيجي برحتك
عادل .. مفيش داعي للكلام ده يا رافت بيه انا ماشي
احمد .. استنا يا عادل اللي انت وريهام عملتوه ده جميل هيفضل في رقبتنا العمر كله وانت يارافت كلمه وحده تاني وما تلومنيش علي الي هعمله
زينب .. ايه يا احمد هتوقف قدام اخوك عشان حتة عامل بوفيه لا راح ولا جه
احمد .. اولا الشغل عمره ما كان عيب ولا عايزه الكل زي جوزك ينام و ياخد راتب اول كل شهر ثانيا عادل من امبارح ما سبش سمر لكن حضرتك انتي وجوزك سبتو سمر وحدها ومشيتو
زينب .. احنا
احمد .. بيقاطعها مش عايز اسمع ولا كلمه تاني
ناهد .. بتوصل هي والبنات خير مالك يا احمد بتزعق ليه
احمد .. مفيش حاجه يا ناهد وانت يا عادل انا بشكرك اووي انك ما سبتناش في الموقف ده
عادل .. ما تقولش ده مصطفي وسمر كبره علي ايدي ربنا يحفظهم
سمر .. ربنا ما يحرمنا منك يا عمو عادل
ريهام .. يلا نستاذن احنا يلا يا بابا
زينب .. بتبص علي ريهام بغيظ
ناهد .. ماشي يا حبيبتي وهستناكي تزوريني
ريهام .. اكيد
عادل .. السلام عليكم
الكل .. وعليكم السلام ورحمة الله وبركاته
زينب .. بتطلع وراهم و بتنده علي ريهام
ريهام .. بتبص لها و تبص لباباها وقف تاكسي يا بابا علي ما اشوفها
عادل .. ماشي يا بنتي
ريهام .. بتقرب منها حضرتك عايزه حاجه
زينب .. انا بامور بس ولا هتنسي نفسك يا بنت بتاع البوفيه
ريهام .. انا فعلآ بابا عامل بوفيه بس جزمته بناس كتير فاكرين نفسهم حاجه وهما ولا حاجه
زينب .. تقصدي مين يا بت انتي
ريهام .. اكيد مفيش غيرك ولا فاكره انى مش واخده بالي من نظراتك الي كلها كره من اول ما شوفتيني
زينب .. انتي اتجننتي وبترفع ايدها عشان تضربها بالقلم
ريهام .. بتمسك ايدها انا عمري ما حد ضربني قبل كده عشان انتي تعمليها وبتزقها لي وره
زينب .. بيوقع تليفونها علي الارض
ريهام .. بتاخد التليفون من الارض والسلسله بتطلع من الهدوم خدي تليفونك
زينب .. اول ما شافت السلسله اتسمرت مكانها
إلي اللقاء في الحلقه العاشره
#عباد_الله_اذكره_الله