رواية كبرياء انثي الفصل السادس 6 بقلم جمال المصري
بسم الله ولا حول ولا قوه إلا بالله العلي العظيم
#كبرياء_انثي
#الحلقه_السادسه
سمر .. انا متاكده اني انا شوفتك قبل كده بس مش فاكره فين
ريهام .. خلاص يا سمر يخلق من الشبه اربعين
سمر .. معاكي حق يا ريهام اتفضلي اقعدي يا ميساء وقفتي ليه
ميساء .. معلش افتكرت معاد مهم هنتقابل تاني ممكن رقمك يا ريهام
ريهام .. اه طبعا اتفضلى
ميساء .. تمام هرن عليكي و سجلي الرقم وان شاء الله نتقابل بكره
ريهام .. ان شاء الله
ميساء .. سلام
الكل .. سلام
سمر .. مش عارفه يا ريهام انا متاكده اني شوفتها بس هتجنن وعرف فين
ريهام .. حرام عليكي ده انتي عامله زي وكيل النيابه و خلتيها مش علي بعضها
سمر .. انا من اول ما شوفتها من بعيد وان حاسه اني شوفتها قبل كده بس انا مش مرتحالها
ريهام .. سيبك منها خلصني محاضرات
سمر .. ايوه ايه رايك تيجي النادي معايا
ريهام .. لا طبعآ ما ينفعش ما قولتش لبابا
سمر .. لو علي عم عادل انا هكلمه مالكيش دعوه
ريهام .. بس
سمر .. بتقاطعها مفيش بس انا عندي بطوله النهارده وكلمة مصطفي و مشغول ولازم تيجي تشجعيني
ريهام .. بطوله ايه
سمر .. صاحبتك بتلعب كارتيه يعني وانتي معايا ما تقلقيش من حاجه
ريهام .. بجد انتي كل يوم بتفاجئيتي بحاجه جديده
سمر .. اى خدمه مش حرامكى من حاجه اهو
ريهام .. ربنا يوفقك اذا كان كده انا هرن علي بابا و استاذن منه وتطلع التليفون وبترن عليه
عادل .. السلام عليكم
ريهام .. وعليكم السلام ورحمة الله وبركاته
عادل .. روحتي يا حبيبتي
ريهام .. لا يا بابا انا مع سمر وكنت عايزه استاذنك اروح معاها النادي عشان عندها بطوله وهنخلص وهروح علي طول
عادل .. ماشي يا حبيبتي و سلميلي عليها وقولي لها بالتوفيق
ريهام .. ماشي يوصل يا بابا مع السلامه
عادل .. سلام
سمر .. ايه عمو عادل وافق
ريهام .. ايوه وبيدعيلك كمان
سمر .. يس وبتخبط ايدها في ايد ريهام
ريهام .. يلا يا سموره
وبيركبه العربيه وبيروحه علي النادي وبتدخل سمر تغير وبتاخد ريهام وبيقعده وبتبداء المسابقه وريهام بتكون متحمسه اووي وسمر بتكون مبسوطه بوجود ريهام وتلعب بقوه وبعد وقت طويل من القتال تفوز سمر وتجري علي ريهام و بتحضنها وهما الاتنين طيرين من الفرح وبتقوم ادارة النادي بتكريم سمر وبعد كده سمر بتاخد دش وبتغير وبتاخد ريهام وبتتحرك
ريهام .. يلا بقا نروح ونحتفل سوا بفوزك
سمر .. بس انا هموت من الجوع
ريهام .. هعملك تصبيره لحد ما جهزلك احلى اكل عشان احلى بطله
سمر .. اذا كان كده ماشي وتتحرك علي شقة ريهام
ريهام .. بتفتح الباب و بتدخل اتفضلى
سمر .. انا شكلى هعيش معاكي هنا بحس براحه كبيره اول ما بدخل
ريهام .. بس كده ده انتي تنوري يا قلبي تعالي اختاري اللبس الي يعجبك عشان تدخلي معايا المطبخ
سمر .. اختارت اللبس وغيرت
ريهام .. هي كمان بتغير وبتمسك السلسله الي لبساها عشان تدخلها جوه الهدوم
سمر .. استني ايه السلسله الحلوه دي وبتقرب وبتمسكها الله جميله اووي واسمك عليها
ريهام .. اه دي من وانا صغيره وعمري ما قلعتها بابا قالي اوعي تقلعيها
سمر .. لا هي بجد جميله اووي دي تحفه فنيه
ريهام .. بتحاول تقلعها
سمر .. بتعملي ايه
ريهام .. دي هديه مني ليكي مفيش حد اغلى عندى منك
سمر .. لا طبعآ دي شكلها ذكره من مامتك
ريهام .. ايوه بس ما تغلاش عليكي
سمر .. لا والله ما هخدها كفايه انها ذكره من مامتك ولازم تحافظي عليها
ريهام .. وانا وانتي ايه
سمر .. ربنا يعلم لو عندي اخت مش هحبها زيك وكفايه وجودك في حياتي
ريهام .. ربنا ما يحرمنا من بعض هعملك تصبيره لحد ما اجهز الاكل
سمر .. لا انا حابه اكل وانا جعانه عشام اتمتع باكلك الجميل الي انا ادمانته
ريهام .. يلا يا ست البنات
وبيجهزه الاكل سوا وريهام بتعمل اكل من حلاوته ريحته جايبه اخر الشارع
سمر .. انا خلاص مش قادره يلا
ريهام .. خلاص خلصت وبتحط الاكل علي السفره
سمر .. واوو ايه الجمال ده انتي ولا الشيف شربيني
ريهام .. مش للدرجه دي
سمر .. واكتر كمان
عادل .. بيفتح الباب وبيدخل الانسه سمر عندنا وانا بقول البيت نور
سمر .. منور بيك يا عمو وبصراحه انا هموت من الجوع اقعد قبل ما اخلص الاكل ده كله
عادل .. بيقعد الف هنا يا بنتي مطرح ما يسري يمري
ريهام .. مش هتبارك لسمر يا بابا
عادل .. الف مبروك يبقا فوزتي
سمر .. طبعا يا عمو عادل انا صاحبة المركز الاول
ريهام .. وعقبال ما تاخدي بطولة العالم
سمر .. يارب يا عمو عادل يارب الحمد لله انا حاسه اني هموت من الاكل
عادل .. وانتي اكلتي حاجه
سمر .. ده كله وما اكلتش بس بصراحه اكل ريهام ما يتشبعش منه اكيد طلعه لمامتها الله يرحمها
عادل .. مامتها اه اه طلعلها انا هقوم اريح شويه وانته خدو راحتكم يا بنات
سمر .. اتفضل يا عمي
عادل .. يدخل اوضته ويفتح الدولاب وبيطلع صندوق قديم وبيفتحه وبيمسك الحلق الدهب اللي فيه وبيقول ياريت كنت اعرف اهلك يا ريهام من سنين لقيتك لوحدك علي الارض و السلسله الي عليها اسمك علي رقبتك والحلق ده كان في و دانك وحاولت اوصل لاهلك بس ما عرفتش ومن اول ما دخلتي الشقه وحياتي اتغيرة ووقتها كتبتك باسمي مع ان مراتي كانت لسا متوفيه بس ظبط كل حاجه عشان تبقي بنتي انا وما يجيش يوم و تحسي فيه ان مالكيش اهل ومش عارف اللي عملته صح ولا غلط بس انا والله حاولت بكل الطرق اوصل لاي طرف خيط يوصلني لاهلك وبعدها بكام سنه كنتي سبب السعد وربنا كرمني وشتغلت مع محمد بيه وبعد ما كان الرزق قليل ربنا وسع رزقي وكل الي بتمناه اني اطمن عليكي قبل ما اموت ويحط الحلق في الصندوق و بيقفله ويحطه في الدولاب
وبيعدي ثلاث ايام وكل يوم ميساء ترن علي ريهام وتقعد معاها وتقرب منها لحد ما جه اليوم الي ميساء خططت لكل حاجه فيه لما عرفت ان سمر هتتاخر في المحاضر ودي كانت فرصتها وبيكونوا قاعدين في الكافتريا
ميساء .. انا زهقانه تعالي نتمشي شويه لحد ما تيجي سمر
ريهام .. مفيش مشكله يلا بينا
ميساء .. لحظه هجيب حاجه نشربها
ريهام .. ما احنا لسا شاربين
ميساء .. هجيب عصير فراوله نشربه واحنا بنتمشي
ريهام .. ماشي
ميساء .. بتروح علي البوفيه وتطلب واحد عصير فراوله لي لريهام وتطلب لنفسها عصير مانجه
المتر .. اتفضلي
ميساء .. شكرا وبعد ما تتأكد ان مفيش حد شايفها بطلع حبايه من شنطنها وبتحطها في العصير بتاع ريهام وبتاخد العصير اتفضلي يا حبيبتي
ريهام .. شكرا يا ميساء
ميساء .. الف هنا
وبيتمشو لبره وهما بيشربوا العصير لحد ما بيوصله البوابه
ريهام .. مش عارفه دماغي تقيله ليه وبتوقع منها الكبايه
ميساء .. مالك يا ريهام اسندي عليا
ريهام .. حاسه الدنيا بتلف بيه
ميساء .. بتشاور لتاكسي
الامن .. في حاجه يا انسه
ميساء .. لا بس شكلها اغمي عليها هاخدها علي المستشفي
الامن .. عايزه اي مساعده
ميساء .. ياريت تساعدني نركبها التاكسي
الامن .. حاضر وبيركبها الف سلامه عليها
ميساء .. الله يسلمك يلا يا اسطى
وبيتحرك التاكسي الي هي اصلآ مظبطه معاه وبيطلع علي المنطقه اللي فيها شقة مصطفي
ميساء .. بترن علي مصطفي
مصطفي .. الو
ميساء .. الطير وقع في المصيده
مصطفي .. بجد انتي فين دلوقت
ميساء .. في التاكسي رايحه علي الشقه
مصطفي .. تمام وانا ربع ساعه وهكون هناك وبيطلع من المكتب جري وبياخد عربيته وبيطلع علي الشقه
ميساء .. بس هنا يا سطا خد الفلوس الي اتفقنا عليها وبتنزل وبترن علي مصطفي
مصطفي ..انا في الشقه انتي فين
ميساء .. انا تحت انت تعالي عشان تشيلها معايا
مصطفي .. بينزل وبيشيل ريهام وبيطلع بيها في الاسانسير وبيدخل الشقه ومعاه ميساء وبيقفل الباب وراه
إلي اللقاء في الحلقه السابعه
#عباد_الله_وحده_الله