رواية حورية نوح الفصل السادس 6 بقلم مصطفي جابر
إيه اللي حصل انطق مراتي عاملة اي؟
الدكتور بهدؤء: الطلقة كانت قريبة جداً من القلب هي نزفت كتير بس إحنا قدرنا نوقف النزيف العملية نجحت الحمد لله لكن هيا حاليا في غيبوبة مؤقته بسبب البنج وهتصحي بكرة بإذن الله
نوح بصدمه: طب اقدر ادخل اقعد معاها جوا؟
دكتور : حاليا صعب هي في العناية المركزة هتفضل تحت الملاحظة 24 ساعة دي أهم فترة لازم نراقب أي مضاعفات.
نوح بحزم : بقولك أنا عايز أشوفها دلوقتي ومش هعمل صوتولا هتحرك حتي.
دكتور بهدوء: تمام اتفضل
بعد شويه... في العناية المركزة .
نوح بيدخل غرفة العناية حورية نايمة بهدوء متوصلة بأجهزة كتير بيشوف شاشات المراقبة نبضها ضعيف
نوح بيقرب منها بالراحة بيخاف يلمسها
نوح بهمس موجوع : أنا آسف يا قلبي كل ده حصل بسببي أنا اللي ورطتك معا عيلتي القذرة..
.. نوح بيطبطب على إيدها بالراحة بياخد الفوطة اللي جنبها بينشف بيها الدم اللي لسه في هدومه..
نوح لنفسه : أنا هوعدك يا حورية هخلي اللي عمل فيكي كده يتمنى الموت..
.. نوح بيخرج من العناية عينه بتلمع بشر..
... بيطلع تليفونه بيطلب رقم محامي جده...
نوح بصوت واثق وغاضب : جهز كل الأوراق يا أستاذ ادم دلوقتي عايزك تعمل خطوة قانونية فورية ضد شريف وشاهندا مش بس جريمة قتل عمد إحنا عايزين نلغي كل جزء ليهم في الوصية.
المحامي بقلق : بس يا نوح بيه
نوح بيقاطعه بحدة : مفيش بس دورلي على أي بند في الوصية يسمح بإسقاط حقوق الورثة لو ارتكبوا جريمة ضد وريث آخر.
المحامي بتركيز : بند الإسقاط بسبب الخيانة والضرر موجود يا نوح بيه الوصية فيها بنود قاسية جداً.
نوح بابتسامة شريرة : تمام ابدأ فوراً بكره الصبح مفيش حاجة هتبقى باسمهم فاهم.
.. نوح بيقفل التليفون بيبص للسما الدنيا ليل هادي بس جواه نار..
نوح بتهديد : خسارة الفلوس مش زي خسارة الدم يا شريف.
نوح بيخرج من المستشفى بيسيب حارسين قدام غرفة حورية.
نوح للحراس : أي حركة غريبة تحصل تتصلوا بيا فوراً لو حد قرب من هنا حسابكم هيكون معايا.
نوح بيمشي بسرعة بيركب عربيته متجه على القسم شريف محبوس فيه..
... بعد شويه...
نوح بيوصل القسم بيطلب يشوف شريف بيقف قدام الزنزانة شريف باين عليه الرعب هدومه متبهدلة.
شريف بيتوسل : نوح ابوس إيدك أنا عمك طلعني من هنا دي كانت غلطة لحظة شيطان.
نوح ببرود : عمي آه فاكر دلوقتي إنك عمي بعد ما ضربت مراتي بالرصاص.
شريف بعياط : والله ما كنت أقصد كنت عايز أخوفك بس هي اللي جت قدامي.
نوح بغضب وغيظ : أنت هتعلم عليا إزاي أترفع عن اللي عملته مراتي دلوقتي بين الحياة والموت بسببك أنت و بنتك.
شريف بخوف : أنا آسف يا نوح والله آسف أرجوك طلعني
نوح بيقرب من الزنزانة بيبص له بقرف : عايز تطلع مفيش مشكلة بس في شرط واحد.
شريف بأمل : إيه هو أي حاجة هعملها.
نوح ببرود مميت : تاخد شاهندا وتغوروا من وشي علي طول و القصر دا مش عايز أشوف فيه ريحتكوا تاني فاهم.
شريف بيتفاجئ : نغور من بيتنا.
نوح بيقرف : آه تغوروا مش عايز أشوفكوا في أي حتة ليها علاقة بيا وبحورية.
شريف بتردد : طب والفلوس اللي ورثناها.
نوح ببرود : الفلوس اللي جدّي كتبهالك هتوصلك كاملة أنا مش باكل حق حد جدّي علمني كده بس كل حاجة تانية هتطير منكوا هي وبنتك مقابل حريتك دلوقتي.
شريف بيوافق بكسرة : خلاص يا نوح موافق هغور أنا وبنتي أرجوك طلعني دلوقتي.
نوح بيدي إشارة للحارس الحارس بيفتح الزنزانة شريف بيخرج بسرعة نوح بيبص له نظرة أخيرة كلها احتقار.
نوح ببرود : روح دلوقتي جهز نفسك أنت وبنتك عشان تغوروا لو شفت وشكوا تاني هتندموا عمركم كله مفهوم.
شريف بخوف : مفهوم مفهوم يا نوح بيه.
شريف بيجري بسرعة خارج القسم نوح بيفضل واقف بيبص في الفراغ..
نوح لنفسه : حسابك لسه جاي يا شريف ويا شاهندا.
.. عند شاهندا...
شاهندا بتوصل المستشفى زي الشبح لابسة نضارة سودا.
شاهندا بتشوف الحارسين قدام غرفة العناية بتبتسم بشر.
شاهندا للحارسين : عايزة أدخل دلوقتي.
الحارس الأول بصرامة : ممنوع الزيارة بأمر نوح بيه.
شاهندا بتطلع ظرف سميك من شنطتها وبتمده للحارس : ده فيه 100 ألف جنيه وتنسوا إنكوا شفتوني
الحارس الأول بيبص للظرف بيرجع لورا : إيه اللي بتقوليه ده احنا مش بياعين نوح بيه مش سهل.
الحارس التاني بخوف : شغلنا يطير يا مدام نوح بيه لو عرف هيطير رقابنا.
شاهندا بتضحك بسخرية : رقابكوا ولا فلوس ضعف المبلغ ده.
شاهندا بتطلع ظرف تاني ضخم : 200 ألف جنيه دلوقتي و100 ألف جنيه أول ما أخرجها من هنا.
عيون الحارسين بتلمع الطمع بيسيطر عليهم.
الحارس الأول بتردد : المبلغ ده كله لينا.
شاهندا بسرعة : موافقين ولا أدخل أنا ومش هتشوفوا مليم.
الحارس الأول بيبلع ريقه ببطء : موافقين بس نوح بيه لو عرف.
شاهندا ببرود وهي بتفتح الباب بهدوء : مش هيعرف دلوقتي يلا ساعدوني.
شاهندا بتدخل غرفة حورية حورية نايمة الأجهزة حواليها الحارس الأول والتاني بيساعدوها يفكوا الأجهزة بسرعة
شاهندا بتهديد للحراس : لو حرف واحد طلع منكم هتبقوا إنتوا اللي في الزنزانة بدال أبويا فاهمين.
الحراس بخضوع : فاهمين فاهمين يا هانم.
شاهندا بتشيل حورية بين إيديها الحارس بيغطيها بملاية عشان متتكشفش بيخرجوا بسرعة من مخرج الطوار
بعد شويه نوح بيوصل المستشفى
..
نوح دخل المستشفى وراح علي جوز الحراس اللي واقفين قدام الاوضه : هاا مراتي صحيت ولا لسه.
الحارس الأول بتوتر : لسه يا نوح بيه زي ما هي جوا
نوح بيفتح الباب وبيقف بصدمه لما مش بيلاقي حورية عالسرير:
نوح بخضة : حورية حبيبتي انتي فين؟ انتي في الحمام؟ نوح بيفتح الحمام مش بيلاقيها فا بيرجع للحراس تاني بغضب.
نوح بصراخ : حوريه راحت فييين انطقوا مراتي راحت فين.
الحارس بخوف : إيه اللي بتقوله ده يا بيه هي كانت جوا
نوح بيضربه بالكف يوقعه عالارض وبيمسك التاني من لياقة هدومه : انطقووو مراتي راحت فين بدل ما اخلص عليكم
الحارس التاني بفزع : معرفش والله معرفش.
نوح بيضربه وبيزعق والامن بييجي وبييجي وراهم المحامي آدم
آدم بهدوء : نوح بيه اهدى بس كده مينفعش.
نوح بانهيار : أهدى إيه مراتي اتخطفت من تحت عين الحراس دول كلهم خونة.
آدم : طيب مفيش وقت الغضب دا مش هيرجعها إحنا لازم نتحرك دلوقتي ونشوف راحت فين ..
نوح بيشاور على أمن المستشفى : الكاميرات تتفرغ دلوقتي حالاً عايز أشوف كل دقيقة من امبارح لحد دلوقتي.
نوح بيلف على حراسه الشخصيين اللي لسه واصلين مع المحامي
نوح بغضب : أمسكوا الخاينين دول وودوهم المخزن لحد ما أرجع.
الحارس الأول والتاني بيتجمدوا من الرعب..
الحارس الأول بدموع : نوح بيه أرجوك اسمعنا احنا منعرفش حاجه وال..
نوح بصراخ مرعب : على المخزن مش عايز أسمع صوت حد فيكم.
حراس نوح بيمسكوا الحارسين الخائنين بيجروهم بعنف الحارسين بيصرخوا بفزع نوح وآدم بيجروا ناحية غرفة المراقبة..
نوح لآدم : لو مراتي حصلها حاجة هولع في البلد دي كلها فاهم..
آدم بسرعة : رجع الشريط من وقت ما نوح بيه خرج
شاشات المراقبة بتعرض لقطة حارس نوح وهو بياخد الحارسين الخاينين ورايح بيهم المخزن
نوح بحدة : لا قبل كده عايز اللقطة اللي بعد ما طلعت من هنا..
اللقطة بتيجي شاهندا داخلة المستشفى متنكرة لابسة نضارة سودا نوح بيضغط على إيده
نوح بصدمه : شاهندت هيا اللي عملت كدا؟
#يتبع
#بارت_6
#حورية_نوح
#الكاتب_مصطفي_جابر