رواية حورية نوح الفصل الخامس 5 بقلم مصطفي جابر

رواية حورية نوح الفصل الخامس 5 بقلم مصطفي جابر 

بالنسبة لتوزيع الورث والأملاك فا القصر وجميع الأسهم الرئيسية للشركات تؤول إلى حفيدي الغالي نوح  

شريف ببرود:  ده المتوقع منه

المحامي بيكمل بهدؤء: أما فيلا الإسكندرية وشقق التجمع والمصانع يؤول إلى السيدة حورية زوجة حفيدي نوح. 

 شريف بصدمة:ايييييي؟؟؟ إيه اللي بتقوله دا نص الثروة تروح لمييين؟ لحورية؟ دي مين دي اصلا عشان تاخد نص فلوسنا وازاي كله يروح للاتنين دول طب وانا مليش حاجة في ملك ابويا. 

شاهندا بجنون: كداب إنت كداب جدّي مستحيل يعملها

المحامي ببرود: انا لسه مكملتش كلامي يا حضرات...بالنسبة لحضرتك يا أستاذ شريف يؤول إليك ملكية قطعتين أرض زراعية وأخري مباني ومصنع سين وهذا كل ما ورد لاسم سيادتكم في الوصية. 

شريف بغضب:  هو بيرمي لي الفتافيتتت؟ انا ابنه يسيبني ويدي كل حاجه لحفيده. 

المحامي ببرود:  حضرتك اخدت ورثك زمان ولا نسيت و الثروة دي بتاعت والد نوح الله يرحمه 

شريف بتوتر:  ايوا بس انا ليا حق. 

شاهندا بغضب : وأنا أنا فين أنا حفيدة ابنه أنا بنت العيلة فين نصيبي. 

المحامي ببرود: للأسف يا مدام شاهندا لم يذكر اسم سيادتكم في الوصية بأي شكل من الاشكال. 

شاهندا بتجري بجنون ناحية حورية بتصيح: هموتك دلوقتي قدام الكل انتي سرقتي حياتنا وسرقتي فلوسيي. 

شاهندا بتحاول تضرب حورية نوح بيتحرك بسرعة بيزق حورية وراه وبيوقف شاهندا بعنف.. 

نوح بصراخ وهو ماسك شاهندا: إبعدي عنها لو قربتي منها هرميكي بره القصر ده زي الكلب. 

شريف بيجري ناحية حورية بيزعق بإهانة: إنتي إيه إنتي إيه يا بنت الشارع جيتي في ليلة وضحاها وخليتي أبويا يكتبلك أملاك أكتر مني مين إنتي عشان تاخدي تعب سنين عمري ردي عليا. 

حورية بدموع وصوت ضعيف: أنا أنا معرفش حاجة والله معرفش حاجة أنا مكنتش عايزة حاجة. 

نوح بيقف جنب حورية وبيواجه شريف بتحدي: إخرس لو جبت سيرة مراتي تاني الوصية اللي في إيدك هتطير هي كمان دي حورية هي اللي وقفت جنب جدي وإنتوا كنتوا بتطلبوا الموت عشان الثروة مراتي تستاهل كل جنيه. 

شريف بغل وحقد:  بقا ماشي واقسم بالله لهندمكم. 

..سابهم وخرج هو وشاهندا وراه...

 شريف بغل: لازم نخلص عليها الزفت دا مردش عليكي. 

شاهندا بحقد ماسكت تليفونها بتطلب رقم: اهو رد ألو أيوه أنا.. بتبص لشريف بخبث... اعمل حسابك انه المبلغ زاد لأني مش عاوزة تخطفها بس انا عاوزة  لا البت دي  تختفي نهائيًا. 

شريف بيهمس: قولي له قولي له لو عاوز الضعف لازم لازم تخلص عليه دلوقتي. 

شاهندا بقسوة: اسمعني كويس دي لو خلصت بسرعه هتاخد الضعف. 

صوت الشاب : المبلغ دا كبير أوي بس تمام الموضوع دا هيتنفذ الليلة دي اديني تفاصيل خروجها بالظبط. 

شاهندا بابتسامة شريرة: مفيش خروج هي لسه في القصر نوح هيطلع في أي وقت أنا محتاجة تدخل جوة القصر  وتخلص عليها  جهّز رجالتك أنا هبعتلك دلوقتي خريطة المداخل الخلفية. 

شريف بيطبطب على كتف بنته بشر: كدا صح يا بنتي كدا صح لازم نرجع اللي لينا المال دا مش هيروح للشحاتة دي. 

شاهندا بانتصار: خلاص يا بابا الساعة الصفر هتكون الليلة دي نوح هيندم على اليوم اللي فكر فيه يعملنا فضيحة ويهين اسمنا عشان واحدة زي دي هينهار لما مراته تموت

شريف بيضحك بشر ... 

في اوضة نوح.. 

باب الحمام بيتفتح حورية بتخرج لابسة روب بتنشف شعرها ومش واخدة بالها من نوح. 

نوح قاعد على طرف السرير بيبتسم بيهمس: يا سلام على الجمال اللي يجنن الواحد. 

حورية بتتكسف: نوح  انت قاعد كده ليه مكنتش أعرف إنك هنا. 

نوح بيقرب منها بينشف شعرها : كنت مستنيكي قعدت أفكر  في حاجه وأنا آسف يا حورية. 

حورية بحب : على إيه يا حبيبي. 

نوح بيبص في عينيها بندم: على كل حاجة على الفرح على كل بنت بتحلم بليلة زي دي وإنتي كتبنا الكتاب في عجالة وفي عزاء أنا آسف إني اتحرمتي من فرحك دا بسببي. 

حورية بتمسك إيده بحب: بس إيه الكلام دا يا نوح أنا مش عايزة فرح أنا عايزة أنت وجودك جنبي وحمايتك ليا دا عندي بالدنعة والدنيا أنت عملت المستحيل عشاني واللي حصل دا كان قدر أنا أسعد واحدة في الدنيا. 

نوح بيضمها بحب: حبيبتي أنا أنا هوعدك بحاجة واحدة عمري ما هسمح لأي حاجة تأذيكي أنا هحافظ عليكي يا حورية. 

نوح بيبعد عنها. 

حورية بتطلب: نوح أنا عايزة أطلب منك طلب

نوح بحب: دا انتي تؤمري  يا قلبي. 

حورية  بابتسامة:  عايزين نخرج دلوقتي نخرج من القصر دا شوية الجو هنا تقيل أوي يا نوح خلينا نطلع من الأوضة دي ومن الحزن دا شوية عايزة أشوف الشارع أشوف الناس. 

نوح بحماس: عندك حق كفاية حبس الدنيا بتنادي علينا خلينا نروح أي مكان بعيد عن القصر يلا روحي البسي بسرعة. 

حورية بتجري بفرح نوح.. 

... تاني يوم.. 

حورية صحيت ملاقتش نوح جنبها استغربت.. 

حورية بتبص في الصالة بتنادي بهدوء: نوح يا نوح انت فين يا بابا. 

الخادمة نفيسة بتدخل بتوتر.. 

حورية بقلق: نفيسة شفتي نوح راح فين. 

نفيسة بتهمس: أصل أصل يا مدام حورية هو هو في أوضة المدام شاهندا. 

حورية بتتجمد من الصدمة:  ايي أوضة  مين انتي بتقولي إيه. 

نفيسة بتشاور بخوف: أيوه هو هناك من بالليل بعد اما نمتي كدة خرج بتلفت حولين نفسه ودخل عندها. 

حورية بتجري بسرعة ناحية أوضة شاهندا.. 

و بتفتح الباب بقوة بتتصدم شاهندا نايمة جنب نوح نوح نايم بعمق حورية بتنهار بصمت.. 

شريف بيدخل فجأة وبيمثل الصدمة.. 

شريف بصوت عالي: إيه دا إيه اللي بيحصل هنا نوح بنتي

حورية بتبص لنوح ودموعها بتنزل.. 

نوح بيصحى بدوخة بيحاول يفهم هو فين.. 

نوح بتعب: إيه أنا فين إيه اللي جابني هنا

شريف بغضب : إيه اللي جابك هنا الشر هو اللي جابك بتعمل إيه مع بنتي في أوضتها إنت متجوز هتودي شرف بنتي فين يا نوح. 

نوح بيقوم بسرعة بيبص حواليه بصدمة وبيشوف حورية: أنا أنا مش فاهم حاجة أنا معرفش إزاي جيت هنا أنا كنت كنت في مكتبي والله. 

شريف بصوت عالي: مكتبك إيه عيب عليك يا نوح دي بنت عمك بعد كل اللي عمله أبويا ليك تعمل كده في بنتي إنت لا عندك أصل ولا عندك كرامة. 

حورية واقفة بانهيار صامت. 

شاهندا بتمثل العياط بتمسك نوح: نوح أنا أنا كنت بحبك وإنت جيت لي هنا بالليل هو دا حصل يا نوح دلوقتي وانت لازم تتجوزني زي ما جدك قال في الأول لازم تعوضني عن شرفي اللي راح. 

نوح بيشد دراعه بغضب بيبص لحورية: إنتي كدابة يا شاهندا أنا عملت إيه أنا معرفش أنا هنا ليه حورية صدقيني. 

حورية بتبص لنوح صمتها بيوجعه أكتر من صراخها.. 

 حورية بتتحرك بتقف قدام شاهندا

حورية بتضرب شاهندا كف قوي: اخررسي انتي واحدة كدابة. 

شاهندا بتتصدم من رد الفعل.. 

حورية بثقة: أنا مش زيك أنا مش هصدق لعبة قذرة زي دي أنا واثقة في نوح واثقة في عينه وقلبه واكيد دي خطة منكم. 

نوح بيبتسم بحب عميق ثقتها أهم من أي دليل.. 

شاهندا بغضب: يا وقحة إزاي تمدي إيدك عليا يا نوح شوف مراتك. 

حورية كدرع قدام نوح: اللي حصل هنا لعبة وحاولتوا تدمروا سمعة نوح بيها بس نوح أشرف من أي قذارة بتعملوها. 

شريف بيفقد السيطرة بيقرب من نوح بعنف: هتتجوزها يا نوح غصب عنك شرف بنتي يا هتتجوزها يا هتخسر كل حاجة. 

نوح بيشد هدومه من شريف بقوة: أسيبكوا عشان ريحتكوا رخيصة وقذرة شرف إيه إنت وبنتك رخاص عمري ما هتجوزها. 

شريف بينهار بيطلع مسدس وبيوجهه لنوح الكل بيصرخ

شريف بصوت جنوني: يا هي يا الموت اختار يا نوح. 

نوح ببرود:  وريني اخرك يا عمي انا نفسي تفوق من قرفك انت وبنتك. 

شريف بغضب اعمي' بقا كدا طب ابقا سلم لي علي جدك بقا.. 

حورية بتصرخ بتندفع بسرعة بتقف قدام نوح: لأاااااااااااااااا نوووح. 

صوت إطلاق نار الطلقة بتيجي في حورية.. 

حورية بتغمض عينيها وبتقع بين دراعات نوح نوح بيصرخ بيمسك حورية.. 

نوح بصرخة مدوية تحطّم الغرفة: حووووووورييييييييييييييييييييييييييية لاااا انت عملتتت ايييي حورية ردي عليا يا حبيبتي متسبنيش والنبي. 

شريف وشاهندا مصدومين من اللي حصل.. 

نوح بيصرخ للحراس:يا حراااااااااااااس انتووو يا بهاااايممم. 

الحراس بيدخلوا نوح بيجري بحورية وبيشاور على شريف بإيده المتبهدلة بالدم .. 

نوح بحسم للحراس: خدوا الراجل دا على البوليس حالا أي محاولة للهرب خلصوا عليه فورا. 

شريف برعب: لأ نوح اسمعني دي غلطة. 

الحراس بيقربوا من شريف بجمود وقوة شاهندا بتصيح من الرعب.. 

شاهندا بدموع كاذبة: نوح متعملش كده دا أبويا هتحبس عمك. 

نوح بيتجاهل شاهندا وبيقرب من شريف ويهمس بتهديد: أنا مش هرحمك يا شريف أنا هدمرك وهخليك تتمنى الموت الطلقة دي هتتحاسب عليها بأغلى ما تملك

شريف الخوف شل لسانه الحراس بيمسكوا شريف

نوح بيجري بحورية وبيصرخ: العربية بسرعة على المستشفى يا حورية متغمضيش عينك خليكي معايا

... نوح بيجري وبيختفي من القصر بيسيب شريف مع الحراس وشاهندا بتصرخ بجنون.. 

بعد شويه...في المستشفى... 

نوح بيجري زي المجنون في طرقة المستشفى الطويلة حورية في حضنه هدوم نوح كلها دم كل خطوة صرخة.. 

نوح بيصرخ'  دكاااترة بسرعة الحقوووني مراتي بتموووت. 

ممرضات ودكاترة بيتفزعوا بيجروا ناحيته نوح بيحس إن جسمه كله بيتفكك. 

نوح بهلع: حورية ردي عليا

الدكاترة بيحاوطوه بيشدوا حورية منه نوح مش عايز يسيبها بيتمسك بيها زي طفل.. 

دكتور بهدوء:  سيبها يا نوح بيه لازم ندخلها العمليات سيبها ارجوك. 

نوح بيزق الدكتور بعنف: مش هسيبها لو حصل لها حاجة هخلص عليكم كلكوا. 

دكتور تاني: اهدى يا نوح بيه اهدى إحنا لازم نشتغل بسرعة. 

نوح بيشوف حورية بتختفي في غرفة العمليات الباب بيتقفل كابوس نوح بينهار على الأرض بقوة بيضرب إيده في الحيطة.. 

نوح في نفسه: يا رب ما تروح مني.. 

حارس أمن ضخم بيقرب منه بخوف بيتكلم في التليفون.. 

الحارس بتردد: نوح بيه المدام شاهندا اغمى عليها في القصر بعد ما سحبنا شريف بيه. 

نوح بيلف ناحيته زي الأسد الجريح عينه بتطير بالشر:  يغمى عليها تولع تولع هي وأبوها مش وقت تفاهة دلوقتي حسابها لسه جاي وأنا مش ناسي كله هيتحاسب بالدم ده روح شوف شغلك. 

نوح بيرجع يركز على باب العمليات قلبه بيدق بسرعة مميتة تليفونه بيرن. 

نوح بصوت مخنوق:  ألو مين معايا.. 

الصوت على الخط شريف بيتوسل

شريف بعياط: نوح ابوس إيدك أنا غلطت طلعني من هنا بنتي بتموت من الرعب. 

نوح بيبص على باب العمليات بيقفل التليفون في وش شريف بكل قوة 

نوح لنفسه وهو بيبص لباب العمليات: دلوقتي مفيش غيرك يا حورية إنتي بس يارب .. 

.. دقايق طويلة بتمر زي سنين نوح قاعد على الأرض و الدكاترة بيفتحوا الباب.. 

نوح بيقوم بسرعة البرق: طمنوني هي عاملة اي. 

دكتور بارتباك: للأسف نوح بيه إحنا.. 

نوح بتهديد : إيه اللي حصل انطق مراتي عاملة اي. 

الدكتور  بهدؤء: الطلقة كانت قريبة جداً من القلب هي نزفت كتير بس إحنا قدرنا نوقف النزيف العملية نجحت الحمد لله لكن هيا حاليا في غيبوبة. 

نوح بصدمه:  

#يتبع

#بارت_5

#حورية_نوح

#الكاتب_مصطفي_جابر

          الفصل السادس من هنا