رواية حورية نوح الفصل الثالث 3 بقلم مصطفي جابر
جدي وافق اني اتجوز شاهندا وحورية معا بعض في يوم واحد.
شريف بصدمة: اييييي؟ ده ازاي ده مستحيل انت مش هتتجوز غير بنتي انا وبس.
نوح ببرود: انا بنفذ كلام جدي...وجدي نفسه اللي حكم اني اتجوز حورية وبنتك هتقدر تعترض؟
شاهندا بانتصار : يا سلاااااام اخيرا يا نوح هتجوزك .
شريف باستغراب: إيه الكلام دا يا شاهندا انتي مستوعبة هو بيقول اي؟ده هيتجوز حوريه معاكي
شاهندا بخُبث وبتقرب من حورية: مش مهم المهم اني هتجوز حبيبي اخيرا أهلاً بيكي يا ضرتي الغالية
حورية بترفع راسها بتبصلها بحزن ووجع نوح بيراقب المشهد بغضب..
شاهندا بمكر وهي بتلمس خد حورية: لأ استني مش ضرتي الضرة ليها كلمة انتي هنا هتكوني الخدامة بتاعتي
حورية بصدمة: إيه اللي بتقوليه ده.
شاهندا بغرور: هتعيشي هنا في القصر عشان تعرفي قيمتك هتخدميني انا شاهندا هانم وهتكوني أقل واحدة في البيت دا كله اه ولما يجوا صحابي انا هخليكي تخدميهم كمان.
حورية بجمود: لو نوح طلب هاخدمه بعيني.
شاهندا ببرود: نوح ملهوش دعوة يا خدامتي ودا شرطي عشان اوافق عليه.
نوح بيوصل لقمة الغضب بيشد حورية ناحيته وبيقف في وش شاهندا..
نوح بغضب مكتوم: اخرسي يا شاهندا كلمة زيادة وهنسا إنك بنت عمي أنا هتجوزك عشان دي وصية جدي ولو علي شرطك القذر دا فهمو ميلزمنيش من الاساس فاهمه.
شاهندا بانتصار: اعمل اللي تعمله يا نوح المهم إنك بتاعي أنا في الآخر واللعبة دي أنا اللي كسبتها.
نوح بيمسك حورية من دراعها وبيشدها بعيد.
نوح: يلا يا حورية مفيش دقيقة زيادة هنقعدها هنا.. .. شاهندا واقفة في الصالة بتضحك ضحكة هستيرية
شاهندا تهمس بتهديد: هتتمني الموت يا حورية هتتمني الموت ومش هخليكي تطويله. ..
بعد شويه...
في اوضة الجد كان نايم لكن عينه مفتوحة..
الجد بتعب: مياه حد يناولني مياه.
مفيش رد الجد بيكررها بصوت أضعف: يا أولاد كوباية مياه هموت من العطش حد سامعني.
شاهندا بتعدي قدام الباب ببرود..
الجد بيجمع قوته: شا شاهندا تعالي يا بنتي ناوليني الميه عاوز اشرب.
شاهندا ببرود: خير يا جدي مش فاضية دلوقتي عندي ميعاد مهم جدًا انت كويس الممرضة هتجيلك كمان شوية وتديك المياه.
الجد صدمة: مش فاضية أنا بطلب منك اشرب عطشان.
شاهندا بملل: يوه وانا مالي بيك سلامتك من العطش انا رايحه اسهر مع اصحابي باي.
شاهندا بتدير ضهرها الجد بيغلق عينه بيأس
الجد شبه همس: يا يا خدمة حد يسمعني والنبي عطشان.
صمت الباب بيتفتح بسرعة حورية بتدخل متوترة
حورية بتجري ناحيته: جدو إيه اللي حصل عايز حاجة في اي والممرضة فين.
الجد يشاور: المياه عطشان.
حورية بتجري بسرعة وتجيب عشان يشرب..
حورية بحنان : اتفضل بالراحة يا جدي بالراحة..
الجد يبتسم بصدق: شكرًا ليكي يا بنتي شكرًا تعبتك.
حورية بحنان: مفيش تعب إنت زي بابا الله يرحمه ممكن تنام دلوقتي أنا هنزل أجيب لك الأكل والدوا.
الجد بابتسامة: ماشي يا بنتي اللي تشوفيه.
حورية بتطلع بسرعة الجد بيفضل باصص على الباب
الجد همسة لنفسه: دي بنت أصول اللي علي حق انما التلنية اللي عندها فلوس وكرامة معندهاش انسانية ولا دم و بتيجي لي جري عشان مصلحة بتطبطب عليا عشان تاخدها انم الفقيرة هي أحسن ألف مرة من شاهندا.
الجد بيغمض عينه بهدوء..
..في مطبخ القصر حورية واقفة بتسخن أكل خفيف..
شاهندا بصوت حاد: إيه اللي بتعمليه هنا ازاي تدخل مكان من غير ما تستاذنيني.
حورية بخوف: بعمل بعمل أكل لجدي لازم ياخد دوا.
شاهندا بسخرية: أكل ولا سم بتعملي إيه بالظبط يا نصابة عاوزة تخلصي عليه بسرعة.
حورية بغضب: إنتي بتقولي إيه إنتي مجنونة أنا بعمل له أكل عشان ياكل.
شاهندا بغل وهي بتمسك حورية من شعرها: مجنونة أنا هوريكي الجنون بجد مين إنتي عشان تلعبي دور البنت الطيبة.
حورية صرخة وجع: آااه سيبيني شعري.
شاهندا بتشد شعرها أقوى وبتلوي راس حورية ناحية البوتاجاز زيت سخن علي الاخر.
حورية صرخة رعب: لأااااا انتي هتعملي اييي حرام عليكيييي نوووووووح الحقووني لااا والنبي.
شاهندا بغل: مفيش نوح هينقذك دلوقتي إيديك دي مش هتنفع تلمس حاجة تاني ولا وشك هحرقك حرق.
باب المطبخ بيتفتح بقوة نوح بيشوف المنظر
نوح صرخة مدوّية: سيبيهــــــــا يا شاهندا..
شاهندا بتتلخبط وبتزق حورية بعيد حورية بتقع على الأرض بتتألم نوح بيجري ناحية حورية وبيشدها بعيد
نوح صرخة قوية: إنتي إيه إنتي مجنونة كنتي عاوزة تحرقيها.
شاهندا بتحاول تتصنع الهدوء: أنا أنا شفتها بتحط حاجة غريبة في الأكل كنت بدافع عن جدي اكيد عاوزة تسمه.
نوح بيهز حورية بوجع وبيزعق في وش شاهندا: كدابة أنا عارفك إنتي غل وحقد بيمشي على الأرض هتتجوزك غصب عني بس عمري ما هبصلك.
شاهندا تصرخ: أنا بنت عمك أنا اللي تستاهل تكون جنب نوح.
نوح بقرف : لانه هي أحسن منك ومن عيلتك إنتي شفتي إزاي جدي بيبصلك وإزاي بيبص ليها أصلك أسود يا شاهندا وأقسم بالله لو لمستيها تاني هتنسي إنك في القصر دا وهدفنك حيو.
نوح بيضم حورية المنهارة وبيمشي بيها خارج المطبخ
شاهندا تصرخ: نوووووح استنا هنا انا لسه مخلصتش كلام معاك.
حورية برعب: ابعدني عنها يا نوح والنبي انا خايفة منها.
نوح بحنان: متخفيش طول مانا جنبك فاهمه ولا لا.
شريف جاه ببرود: في اي اللي بيحصل هنا.
شاهندا بغضب هستيري: شفت يا بابا اللي عمله نوك بيزعق لي عشان الشحاتة دي.
.. باب اوضة الجد بيتفتح بقوة الجد خارج منه والغضب مدّي له قوة وهو ماشي بضعف..
الجد صوت عالي موجه لشاهندا: مين اللي شحاتة يا قليلة الأدب انتي.
شاهندا بتتصدم: جدي إيه اللي خرجك وإزاي إزاي بتزعق لي أنا عشانها.
الجد بغضب وقرف : عشان إنتي معندكيش أصل حورية بتخاف عليا وإنتي بتفكري في السم والشر أنا سمعت اللي عملتيه في المطبخ إنتي متستاهليش اسم العيلة دي يا شاهندا.
شريف بيقاطع الجد بغضب مُهين: كفاية يا بابا إيه اللي بتقوله دا هتبيع بنتي عشان حتة خدامة جاية تعمل دور الملاك هنا وتاخد كل حاجه لحقت غيرتك في كام ساعه.
الجد بيواجه ابنه بنظرة قاسية: سيبني يا شريف إنت اللي معندكش عقل نهائي لا إنت ولا بنتك ليكوا كلمة في البيت دا تاني اطلع علي اوضتك.
شريف بعصبية: أنا مش طالع مش هسيب بنتي تتهان كدا واسكت...الجد بيحط إيده على صدره فجأة تنهيدة موجعة عينه بتتسع بوجع...
الجد مخنوق: نوح أنا مش قادر يا ابني ااه.
الجد بيقع على الأرض.
نوح صرخة: مالك يا جدي جدوو.
نوح بيحاول يسنده..
نوح بصراخ وغضب مجنون موجه للكل: اطلعوا بره كلكم بره إنتو السبب إنتو اللي هتخلصوا عليه غورواااا.
شريف مرعوب: أنا أنا مكنتش أقصد اتعبه.
نوح بيشد شريف بعنف..
نوح بغضب : بسس لو جرا لجدي حاجه انا مش هرحمكم.
نوح بيرمي شريف بعيد ويعدل جده
نوح لجده بدموع: جدي أنا آسف قوم معايا.. ..
بعد شويه...
في الصالون...
شريف قاعد ماسك راسه شاهندا بتمشي رايحة جاية...
شريف بغضب: أنا مش مصدق أبويا يطردني أنا عشان مين عشان البنت الشحاتة دي.
شاهندا بغضب: سابني عشانها يا بابا دي خلت نوح يهزقني انا خلاص فاض بيا.
شريف بغِل: أنا هوريه مش كفاية الفلوس ربعها هتروح لنوح دلوقتي كمان عايز يحرمنا من اسم العيلة
شاهندا بقسوة: الأرض دي مش هتصرف علينا لو نوح هو اللي ماسكها دلوقتي كمان الجد بيحبها لازم تخليها تختفي بأي طريقة
شريف بأستغراب: تختفي إزاي طيب؟
شاهندا بشر: نخلص عليها لأن وجودها في القصر خطر علينا... هي الوحيدة اللي ممكن تخليهم كلهم يدوها كل حاجه
شريف بصدمها: قصدك نق'تلها؟
#يتبع
#بارت_3
#حورية_نوح
#الكاتب_مصطفي_جابر