رواية حورية نوح الفصل الرابع 4 بقلم مصطفي جابر

رواية حورية نوح الفصل الرابع 4 بقلم مصطفي جابر

أنا مش مصدق أبويا يطردني أنا عشان مين عشان البنت الشحاتة دي. 

شاهندا بغضب: سابني عشانها يا بابا دي خلت نوح يهزقني انا خلاص فاض بيا. 

شريف بغِل: أنا هوريه مش كفاية الفلوس ربعها هتروح لنوح دلوقتي كمان عايز يحرمنا من اسم العيلة

شاهندا بقسوة: الأرض دي مش هتصرف علينا لو نوح هو اللي ماسكها دلوقتي كمان الجد بيحبها لازم تخليها تختفي بأي طريقة

شريف بأستغراب: تختفي  إزاي طيب؟ 

شاهندا بشر: نخلص عليها لأن وجودها في القصر خطر علينا... هي الوحيدة اللي ممكن تخليهم كلهم يدوها كل حاجه 

شريف بصدمها: قصدك نق'تلها؟ لا مينفعش. 

شاهندا بابتسامة باردة: لا هينفع نوح دلوقتي مشغول بجدي أنا عارفة واحد مسجل خطر هكلمه وهو هيخلص عليها ويخليها تختفي من علي وش الارض من غير ما حد يحس

شريف بيقعد تاني: تمام يا شاهندا اعملي اللي يريحك بس انا هكون بعيد في الموضوع ده

شاهندا بتطلع تليفونها وترن عليه

شاهندا بغيظ:  تليفونه مقفول اكيد بيخلص مصلحه هبعت له رسالة اول ما يخلص يكلمني. 

.. في اوضة الجد... 

الجد بيفتح عينه ببطء: نوح أنا أنا غلطت

نوح بدموع: مفيش غلط يا جدي المهم تبقى كويس

الجد عينه بتتحول لحورية: حورية الأصيل مش اللي بالفلوس إنتي اللي تستاهلي ابني انا قلبي وجعني اوي. 

حورية بدموع: سلامتك قلبك يا جدي. 

الجد بيجمع قوته: اسمعني يا نوح أنا رجعت في كلامي متتجوزش متتجوزش شاهندا. 

نوح بصدمة: بجد يا جدي . 

الجد بتعب : هي هي معندهاش أصل يا نوح وعدني إن حورية تفضل جنبك مراتك العمر كله. 

نوح بيضم حورية بعزم: وعد يا جدي وعد عمري ما هسيبها عمري. 

باب الاوضة بيُفتح بهدوء المحامي الخاص بيدخل. 

المحامي: أنا آسف حضرتك طلبتني يا فندم. 

الجد بصوت حاسم: تعال يا أستاذ نوح حورية دلوقتي لازم تطلعوا برا . 

نوح بتردد: بس يا جدي

الجد بابتسامة أخيرة: مفيش بس اخرجوا دلوقتي استمتعوا بالشمس. 

نوح بيسحب حورية وبيخرجوا المحامي بيقفل الباب

مصير الثروة على المحك الجد بيكتب وصيته النهائية.. 

.. في حديقة القصر الواسعة ... 

نوح وحورية بيخرجوا نوح بيقف فجأة وبيضم حورية

نوح بهمس حنون: سمعتي أنا حر احنا أحرار احنا لبعض

حورية دموع فرحة: ربنا يخليه لينا يا نوح. 

نوح بياخد نفس عميق:  تعالي معايا يا قلب نوح. 

نوح بيسحب حورية وبيجري بيها وسط الشجر.. 

حورية بتضحك: اي دا يا نوح رايحين فين اهدأ شوية. 

نوح بيقطف وردة وبيديها لحورية.. 

نوح بابتسامة واسعة: الوردة دي قيمتها إنها اتقطفت عشان خاطرك انتي. 

حورية بكسوف: الله حلوة أوي يا نوح. 

نوح بيغمز لها: مش أحلى من اللي شايلها بيمد إيده ناحية خرطوم ري وبيشغله فجأة. 

حورية بتصرخ بضحك: نوووح إيه دا. 

نوح بيضحك بصوت عالي وبيوجه الخرطوم عليها: تعالى هنا كفاية نكد عايزين نفرح. 

المايه الباردة بتيجي على حورية حورية بتصرخ وبتجري

حورية: نوح كفاية هدومي اتبلت عايز تغرقني. 

نوح بيقرب منها وبيمسح قطرات الميه من على خدها

نوح بهمس حنون: إيه الجمال دا يا حورية الميه طلعت ملامحك أكتر إنتي لما بتتكسفي كده بتبقى أحلى من أي حاجة. 

حورية خجل حقيقي: نوح إيه الكلام دا بطل تكسفني. 

نوح بيسمك وشها: كلام صادق أنا بحبك يا حورية عمري ما حسيت بالحرية دي غير وإنتي جنبي إنتي بتنوريلي الدنيا

حورية مبتردش بس بتبتسم في خجل.. 

.. بعد شوية.. 

سيارة أجرة بتقف بسرعة بينزل منها فتحي جوز أم حورية وشه غاضب.. 

.. دخل بغضب لاقهم بيلعبوا... 

فتحي بغل : إنتي هنا كنتي فين يا ست هانم مين دا اللي معاكي

نوح بيلف وش ناحية فتحي ببرود حورية بتحاول تشد نوح لورا.. 

حورية بهمس خائف: نوح ارجع ملكش دعوة بيه. 

فتحي بيصرخ في وش حورية: مين دا يا بنت الكلب شرفنا رايح في الأرض عشان واحد من ولاد الأكابر دول. 

نوح بيزق فتحي بعنف: إياك إياك تجيب سيرة شرفها على لسانك الوسخ دا تاني مين إنت أصلاً عشان تتكلم. 

فتحي بغل : وإنت مين عشان تدافع عنها دي ملكي أنا قومي يلا معايا يا بنت الـ. 

شاهندا بتظهر فجأة ومعاها شريف.. 

شاهندا بسخرية: أهلاً يا أستاذ فتحي يا خسارة مكنتش أعرف إن اليت حورية بتخالف الأوامر. 

شريف بغضب: نوح إيه القرف دا مين دا كمان. 

نوح بيسحب حورية خلفه وبيحاوطها بدراعه. 

نوح حسم نهائي: اللي يتكلم عن شرفها تاني هدمر حياته وهي مش مجرد بنت..  نوح بياخد نفس عميق بيعلن الكلمة اللي هتفجّر الكل.. 

نوح ببرود حاسم: حورية  تبقا مراتي. 

الصدمة بتسيطر على الكل  فتحي و أبو شاهندا بيفتح بقه شاهندا بتصيح بجنون.. 

شاهندا بجنون: إيه بتقول إيه لأ انت بتكدب. 

شريف بيزعق: إزاي تتجوزها إمتى إنت مجنون يا نوح

نوح ببرود بيمسك إيد حورية اللي وشها مليان دموع وفرحة: وإيه المشكلة كنت جاي أطمن على جدي وفي الطريق كتبت على حورية هي مراتي شرعًا وقانونًا دلوقتي الكل يرجع مكانه. 

فتحي  بيصرخ: يعني إيه فلوسي اللي كنت مستنيها. 

نوح  بقرف : الفلوس هتوصلك بس لو شفت وشك هنا تاني هيكون موتك على إيدي. 

فتحي جوز الأم بيجري ناحية العربية الأجرة وهو مهزوز من الخوف والصدمة شاهندا بتتصرف بجنون. 

شاهندا بتصرخ و بتضرب الأرض برجليها : لأ لأ نوح دا بتاعي أنا هتدفعي التمن يا حورية. 

نوح بيضم حورية وبيسندها وبيبعدوا شاهندا بتصرخ .. 

فجأة صوت صراخ مدوٍ بيجي من داخل القصر صراخ الخادمة كله فزع

الخادمة من الداخل صراخ: يا نووووح بيه يا شريف  بيه الحوقنااا  الباشا الكبير مبينطقش. 

الكل بيتجمد نوح بيبعد حورية بسرعة الذعر بيسيطر عليه الكل بيجري ناحية اوضة الجد.. 

نوح بيجري زي المجنون بيصرخ: جدي لا. 

الكل بيتجمع عند اوضة الجد نوح بيدخل الأول وبيشوف الجد ممدد على السرير الممرضة ماسكة إيديها والغطا الأبيض بينزل على وشه. 

نوح بيقرب من الجد بيشد الغطا عن وشه بيشوف الجد هادي مفيش حركة بينهار: جدي لأ متسبنيش أنا عملت اللي طلبته اتجوزتها يا جدي قوم أنا أنا محتاجك إنت السند الوحيد اللي فاضلي متعملش كدا فيا وتسيبني والنبي قوم.. 

نوح بيضم الجد لجسمه بيعيط بكل وجع  وبيصرخ.. 

نوح وهو منهار: ليه دلوقتي يا جدي ليه سبتني دلوقتي مين اللي هيدافع عني في البيت دا أنا أنا آسف على كل لحظة زعلتك فيها يا ريتني ما سيبتك سامحني. 

في قلب هذه الفوضى والألم شاهندا بتقف عند الباب مفيش أي دمعة بتطلع تليفونها بهدوء بتتكلم بصوت عملي وبارد. 

شاهندا في التليفون أمام الكل: أيوه يا مدام سارة عاوزة منك ديزاين فستان أسود يكون فاخر جدًا حاجة كلاسيكية آه طبعًا عزاء الجد بسرعة عشان ألحق أجهز

حورية بتسمعها بتتصدم من الجحود الرهيب بتتقدم ناحية شاهندا بغضب.. 

حورية بصوت حاد وغاضب: إنتي إيه إنتي إيه يا شاهندا جدك ميت قدامك وإنتي بتطلبي فستان إنتي معندكيش قلب. 

شاهندا بتبص لحورية بنظرة ملل بتنزل التليفون ببرود: إنتي مالك منظري أهم من أي حاجة العزاء دا مكان مهم لازم أبدو لائقة كحفيدة للمرحوم وبعدين بتشاور على حورية بتهكم مش يمكن أعملك موديلات أسود تلبسيها معايا انتي دلوقتي بقيتي من العيلة. 

العم فتحي أبو شاهندا بيوصل لأقصى درجات الغضب بيزعق في بنته: شاهندا احترمي نفسك دا أبويا دا جدك إيه البرود دا

شاهندا بترد على أبوها ببرود تام: ومات دلوقتي لازم نفكر في اللي جاي.. بتتجاهلهم... يلا عن إذنكم

شاهندا بتدير ضهرها وبتخرج ببرود من الاوضة سايبه وراها صدمة الجميع من قسوتها.. 

نوح لسه قاعد جنب الجد بيعيط في صمت مؤلم حورية بتشوفه بتنسى الصراعات بترجع ناحية نوح.. 

حورية بترفع نوح بالراحة بتتكلم بحنان: نوح كفاية يا حبيبي كفاية هو دلوقتي في مكان أحسن إحنا جنبه أنا جنبك

نوح بيقوم بيبص لحورية مش قادر يتكلم بيمد إيديه وبيحضن حورية بعنف بينهار في حضنها بكاءً موجعًا حورية بتشده لحضنها بتعيط معاه في صمت بتحس بالوجع اللي فيه قوم يا حبيبي عشان خاطري . 

نوح بص لها بدموع..

 بعد أسبوع من العزاء.. 

نوح وحورية قاعدين جنب بعض نوح صامت حزنه عميق حورية ماسكة إيده بتحاول تقويه.. 

حورية بصوت هادي وحنون بتشد على إيده: نوح كفاية لحد كده جدك دلوقتي مرتاح هو مكنش عايزك تزعل كده لازم تبقى قوي عشان هو هو خلاك تتجوزني عشان تبقى قوي

نوح بصوت مبحوح بيشد إيده: أنا آسف يا حورية أنا حاسس إني لوحدي هو كان كل حاجة أنا.. 

حورية بتبتسم ابتسامة مليانة ثقة بتقرب منه وبتسنده على كتفها: مين قال إنك لوحدك أنا جنبك وإحنا دلوقتي أسرة إحنا هنبني كل حاجة من أول وجديد يا حبيبي شوف الشمس طلعت إزاي يلا نطلع للنور

نوح بينظر لها الإبتسامة بترجع لوشه ببطء ابتسامة امتنان وحب: إنتي إنتي هدية من جدي بيمسك وشها بين إيديه بيقرب منها وبيديلها قبلة سريعة وحنونة يا بختي بيكي

نوح بيحضنها بحب 

باب الاوضة بيخبط بسرعة الخادمة نفيسة .. 

نفيسة بتوتر: أستاذ نوح مدام حورية المحامي وصل

نوح بيستغرب: محامي اي دلوقتي هو ده وقته؟ 

نفيسة: أيوه يا بيه قال لازم الكل يتجمع عشان فتح الوصية

نوح بيفهم بيقوم وهو حاسم: تمام يلا يا حورية

في مكتب كبير في القصر المحامي راجل خمسيني بملامح جادة قاعد بهدوء على مكتب كبير شريف وشاهندا قاعدين أمامه وشاهندا بتغلي. 

شاهندا بتزعق في وش المحامي صوتها كله اعتراض: أنا مش فاهمة مين دي اللي لازم تكون قاعدة معانا حورية دي مين دي كانت خدامة إنت فاكرنا أغبيه

العم فتحي بيتدخل بحدة: يا حضرة المحامي هيا بتتكلم صح ده شأن عائلي إيه اللي يخلي واحدة غريبة زي دي تحضر فتح وصية العيلة

المحامي ببرود تام بيمد إيده يمسك الأوراق اللي قدامه: أنا آسف يا فندم دي تعليمات الوصية نفسها "يجب أن يتجمع كافة الورثة الشرعيين والزوجة المعلومة للحضور" ومدام حورية هي زوجة الأستاذ نوح شرعًا

شاهندا بصوت شبه صرخة: زوجة إيه دا جواز باطل

المحامي بيرفع عينه بملل: هذا شأن الأستاذ نوح أنا مهمتي الآن تنفيذ وصية المرحوم

باب المكتب بيتفتح نوح وحورية بيدخلوا وهو وماسك إيد حورية بقوة الكل بيجلس في صمت.. 

شاهندا بتبص بكره وبتتأفف.. 

نوح بهدؤء: جاهزين يا أستاذ  ادم اتفضل افتح الوصية. 

المحامي بيفتح الظرف الأحمر الكبير.. 

المحامي برسمية: بعد الحمد لله والصلاة على النبي  صلي الله عليه وسلم تبدأ الوصية بما يلي أولاً يؤول اسم العائلة بالكامل ومسؤولية إدارة الشركات إلى الحفيد نوح فقط وهو المسؤؤل عن كافة شؤؤن العائلة. 

نوح بيهز رأسه بهدوء شريف وشاهندا بيبصوا لبعض بغيظ.. 

المحامي بهدؤء: اما ثانياً بالنسبة لتوزيع الثروة والأملاك.. 

شاهندا مقاطعه : اتفضل يا أستاذ سمعنا انا عاوزة اغير عربيتي واشتري شالية في الساحل وابعد عن الاشكال دي. 

المحامي بجمود: ف التوزيع ك الاتي نصف  إجمالي الثروة بما فيها القصر وجميع الأسهم الرئيسية تؤول إلى ابني وحفيدي الغالي نوح والمذكور ب ابني هو نوح فقط لانه ابني. 

شريف بيتنفس بصوت عالي نوح بيهز رأسه متوقع دا.. 

المحامي  بهدؤء:  اما النص الثاني من الثروة المتبقي بالإضافة إلى ملكية فيلا الإسكندرية يؤول إلى السيدة حورية زوجة حفيدي نوح. 

 شريف بصدمة: ايييييي

#يتبع

#بارت_4

#حورية_نوح

#الكاتب_مصطفي_جابر

       الفصل الخامس من هنا 

لمتابعة باقي الرواية زوروا قناتنا على التليجرام من هنا