رواية الظرف الاصفر الفصل الخامس 5 بقلم مصطفي محسن
لكن وأنا في الطريق سمعت صوت بكاء جاي من ناحية الزراعات. قربت، ولقيت نفس البنت اللي أنقذتها الصبح. كانت قاعدة على الأرض، ضامة نفسها وبتعيط. قربت منها وقلت: "متخافيش... هو جوزك ضربك؟" هزت راسها وهي بتبكي. مسكت إيديها، ونفس الإحساس الغريب رجعلي. قلتلها: "خلاص، إنت مش هترجعي له الليلة دي. هتيجي معايا بيت العيلة، وهتقعدي في أوضتي، وتقفلي على نفسك لحد الصبح." رفعت عينيها وقالت بصوت واطي جدًا: "لا... بيتكم فيه عفريت." بصيتلها باستغراب وقلت: "عفريت إيه؟" ارتبكت، وبصت حواليها بخوف، وقالت: "أنا لازم أمشي." مسكت إيديها وقلت: "مش هتمشي. لو رجعتي، إبراهيم مش هيسيبك." أخدتها معايا، ولحسن الحظ ما كانش فيه حد في المندرة. طلعتها أوضتي بسرعة، وفتحت الشنطة وأخرجت هدوم أقدر أنام بيها في أي مكان تاني. قبل ما أخرج قلتلها: "اقفلي على نفسك كويس، وما تفتحيش الباب لأي حد." هزت راسها وهي لسه مرعوبة. كنت لسه خارج من الأوضة، ولسه بإيدي مقبض الباب، سمعت صرخة هزت البيت كله. فتحت الباب بسرعة، وتجمدت مكانى...
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم اسطورة الروايات