رواية الحب المفاجئ الفصل الثاني 2 بقلم امل بكر
لبست الاسدال ودخلت البلاكونه الي خليتها مكان للقاعد وقفت وسند علي السور وانا بطلع دماغي ولكني معرفتش اشوف حد سامعه صوت وبس وبصراحه الصوت كان تحفه اللهم بارك نفسي اوي اخد خطوه حفظ القرأن بس مفيش وقت او انا الي بتحجج بكده وبأن مفيش حد بيشجعني بضايق اوي من نفسي من النقطه دي
الصوت سكت وسمعت صوت قفل البلاكونه فكرت ممكن يكون سُليمان ولا أحمد اخو دعيتله بالثبات اي يكن مين دخلت انا كمان وقفلت البلاكونه ونمت
تاني يوم صحيت علي المنبه قومت اخد شاور ولبست علشان الكليه اخر سنه الحمدلله جهزت وطلعت كنت عايزه يزن يوصلني ولكنه مشا
نزلت وروحت الكليه قابلت شيرين وحضرنا المحاضرات كلها وبعدها واحنا طالعين من الكليه علشان نروح شوفت أحمد ابن عمي ومكنتش متأكده اوي ان هو ولا لاء لاني معرفهوش اوي ولقاءنا مع عمي وولاد عمي ده بالذات بيبقي في المناسبات ولو حد تعبان بنزورو وبنتقابل بس
لقيته بصلي وانا لفيت وشي ومشينا علطول
روحت البيت وغيرت وطلعت اقعد مع بابا وماما في الصاله
بابا اتكلم ،
-اخويا حسن قالي هتتغدو عندنا بكره
ماما ردت عليه وهي بتقوم علشان تطبخ البطاطس الي قطعتها،
-طيب مفيش مشكله ربنا يسهل
-بابا عمو حسن الي تحت مش كده ؟!
ابتسم ،
-كمان متعرفيش اسم عمك!!!
ضحكت انا كمان وانا بنفي براسي ،
-مش كده بتأكد بس
-ايوا… المهم كنت عايز اقولك تتقربي من بنت عمك وتصاحبيها ياأبرار
-ا احم هو في بنت عم ليا تحت ؟!!
ضحك جامد،
-لا بقي ده انتي عايشه في كوكب لوحدك كده
اتعدلت في قعدتي علي الكنبه وانا بقول ،
-ماهو انتو يابابا الي بعاد وخلتونا بعاد كمان فابالتالي معرفش اي حاجه انا حتي شوفت انهارده احمد وكمان مش متأكده اصلاً ان كان هو
-في الكليه بتاعتك مش كده وبعدين احنا اهو هنرجع عيله تاني
-ان شاء الله .. اه في الكليه عرفت ازاي
-ماهو بيدرس في كليتك اظن ..كنت بسلم عليه من يومين وسألته بتعمل اي دلوقتي فاقالي انه لسه بيدرس
-بجد في سنه كام
-تالته مش فاكر بالظبط والله ياأبرار
-امم
مكملناش كلامنا علشان ماما ندهتلي وكنت بساعدها وسيف اجي من الدرس ودخلنا المطبخ
سيف،
-ماما عامله اي انهارده
ماما بابتسامه،
-الحمدلله ياحبيبي
سيف بابتسامه طفوليه لايقه علي وشه،
-اقصد اكل اي ياماما
-رز وفراخ وبطاطس ياحبيبي
-تعالي ياسيف هنا
قرب عليا وهو بيبصلي الي هو اخلصي ،
-بقولك هو انت لي معتش بتروح الدار تحفظ القرأن
-بروح بس مش زي الاول
-اشمعنا
-علشان الدروس
-القرأن اهم حاول تنظم وقتك وانا هساعدك
-طب ماتيجي تلعبي معايا خلاويص
رفعت حاجبي باندهاش،
-يابني انا بقول اي وانت بتقول اي !!!
-طيب خلاص حاضر هحفظ بس انا عايز العب وياريت لو تخلي يزن يلعب معانا هتبقي حلوه اوي
رفعت كتافي ،
-مظنش صعبه دي انت عارف يزن ملهوش في كده
-علشان خاطري يابري وهعملك الي عايزا
-ماعلينا من دلعك ده بس ماشي روح غير هدومك بقي وانا هفكر هعوز منك اي
يزن اجي وحطينا الغدا وبدأنا ناكل بعد الاكل واحنا قاعدين في امان الله بينتكلم في مواضيع عشوائيه
يزن بصلي وقال بزهق طفيف،
-ماتبصي يابنتي لاخوكي عمال يغمض في عينه ويرفع ايده وانتي عاميه الله اكبر عليكي
بصيت علي سيف كان بصصلي بقرف وبعصبيه
-احم معلش ياسيف كنت مندمجه في اي ؟!
قرب عليا وقال،
-يلا نلعب
بصيت ليزن،
-ا حم يزن اخويا الكبير العسول ممكن تلعب معانا خلاوووويص
-اقعدي علي جمب ياأبرار روحي العبو انتو
سيف وهو بيشد في بنطلون يزن.
-علشان خاطري يايزن بحبك اوي والله
ضحكت علي كلمات سيف الطفوليه اوي
بصيتله انا كمان وانا بترجاه بعيني وهمستله،
-معلش يايزن اخونا الصغير يلا متزعلهوش
قام وقف ،
-والله شكلك انتي الي عايزه مش هو
قمت وقفت انا كمان وانا ببتسم بانتصار
لعبنا وانا فعلاً الطرف الاكثر حماساً وحسيت ان يزن كان فرحان بس الي هو عامل فيها الشاب الكاريزما بقي وكده بس في اي لما نخرج من شخصيتنا شويه هيحصل اي ؟ ولا حاجه
خلصنا لعب وهبطنا وقعدنا وسيف من التعب نام علي نفسه
اتكلمت وانا مبسوطه،
-بكره هنتغدا عند عمك تعرف؟!
بصلي بانتباه وقال،
-عمك مين حسن ؟!!!
هزيت راسي بأه
ملامح وشه اتغيرت للضيق،
-واي السبب يعني؟!
-معرفش هو بابا لسه قايل الصبح قبل لما تيجي من الشغل بس مظنش ان فيه مناسبه عادي يعني يايزن عمرنا ماتجمعنا اصلاً فأي المشكله
اتنفس وهو بيقول بانفعال ،
-انا عندي مشكله …خلاص انا مش هنزل باكل في البيت
عقد حواجبي باستغراب ،
-طب ولي ده كله وبعدين مينفعش اكيد عمك هيزعل
-عادي بقولو كان عندي شغل ولا اي حاجه
-كل ده علشان الشد الي بينك وبين سُليمان يعني!!!
-في حاجات تانيه
-طب واي هي ماتعرفني
-اقفلي الموضوع لو سمحت ياأبرار
-هو في اي للدرجه مش عايز تقولي !!
بصلي واتنفس بتعب واتكلم ،
-انا لما ابقي عايز احكي بقولك علشان خاطري متضغطيش عليا ياأبرار
هزيت راسي وانا شايفه ان شكله مش قادر يحكي سببته علي راحته
-طيب خلاص هسيبك دلوقتي بس هتقولي اكيد مش كده ؟!
بصلي وبعدين بص بعيد وكأنه بيفكر
-طب بقولك هو انت تعرف ان لينا بنت عم اخت سُليمان وأحمد ؟!
بصلي وهز راسه وحسيت من عيونه الحزن،
-اكيد عارف
-هي اسمها اي؟! نسيت اسأل بابا
بصلي وقالها بهدوء وهو مش باصصلي خالص،
-همس
-اممم هو انت كويس؟!
قام وقف وهو بيمسح علي وشه،
-انا داخل انام
دخل وانا زعلانه عليه وشكل في حاجه بينهم مش صغيره او زي ماقال في حاجات تانيه معرفهاش كنت في الاول زعلانه ولكن دلوقتي قدرت ان ممكن الكلام مش سهل عليه برده مش شرط انه مش عايز يقولي زي ماكنت مفكره
دخلت نمت وصحيت تاني يوم متأخر وملحقتش اروح الكليه دخلت اخد شاور وقولت احسن علشان هننزل لعمي فميكنش ورايا حاجه وقفت قدام المرايا وانا بحط مرطب وبلاشر خفيف خلصت وصليت وبعدين قعد شويه لما يجي وقت الغدا وننزل بقي
ماما دخلت الاوضه وهي بتقول ،
-يلا قومي ياأبرار البسي خلينا ننزل لمرات عمك لو عايزه مساعده او حاجه
سببت الموبايل وقومت،
-طيب هلبس
لبست الاسدال وطلعت لماما الي كانت جاهزه ولابسه اسدال هي كمان ومستنياني علي الباب
بصيت اخر بصه في المرايا الي في الصاله ،
-اي ياماما الحماس ده عايزه تنزلي اوي كده
ضربتني في كتفي بخفه وهي بتشدني،
-بطلي تأليس وكفايه بص في المرايات هتتلبسي
قفلت الباب بايدي ولبست الشبشب بتاعي البينك يوغتي بحبه اوي والله ا احم مع علينا
-طب بلاش تتكلمي عن العفاريت بخاف ياماما
بس قوليلي انتي مش محرجه كده ليه !!!؟
بصتلي وهي نازله قدامي ،
-وانا هتحرج لي مرات عمك صحبتي عادي وكنا بينكلم بس بعدنا فتره مش معني كده نقاطع بعض يعني
-اممم صح برده
وصلنا قدام الباب وماما خبطت وانا الصراحه كنت متوتره ومتحمسه في نفس الوقت بحب اوي جو العيله وانو كده نقعد مع بعض ونقضي وقت وكده
واحده فتحت واظن دي همس
واتأكد اما ماما حضنتها وهي بتقول
-ازيك ياهمس ياحبيبتي وحشتيني اوي ياصغننه
بادلت ماما الحضن وهي بتضحك،
-وانتي كمان والله يامرات عمو ادخلي اتفضلي
قربت عليها وانا بحضنها ،
-ازيك ياهمس
ردت بابتسامه،
-الحمدلله بخير أبرار مش كده ؟!
ضحكت
-ايوا
ضحكت هي كمان وهي بتسألني،
-بتضحكي علي اي
-غريبه اننا بنتعرف علي بعض دلوقتي
هزت راسها ،
-عندك حق بس اما جينا هنا مشوفتكيش مرات عمو نزلت لوحدها
-وقتها كان عندي امتحانات شهر وحاجات في الكليه فامعرفتش اني انزل بس متعوضه ان شاء الله
-ان شاء الله اتفضلي نتكلم جوه
دخلت سلمت علي مراتٍ عمو ودخلنا قعدنا في أوضه همس وفضلنا نتكلم كتير ونضحك بصوت عالي دمها خفيف اوي وحسيت اننا ولا أكن متربين مع بعض
سألتها ،
-انتي في سنه كام صح ؟!
-أنا في تالته كليه وأحمد توأمي
فتحت بوقي بدهشه،
-بتهزري مكنتش اعرف
ضحكت اكتر وهي بتقول ،
-ده علي اساس كنا نعرف بعض
ضحكت معها،
-عندك حق بس انا بحب الاخوات التؤام علشان كده اتفأجات مكنتش اعرف
-بس أحمد مش شبهي نهائي ولاء كمان بيحسسني انه اكبر مني
-للدرجه ؟!!
-اه والله يابنتي كل ده علشان اتولد قبلي بخمس دقايق
-لا لا خمس دقايق كتير برده من حقه الله
-ده بيذلني بيهم كل شويه مش معقول والله
-هما الرجاله كده بتحب تعرض نفسها
اتكلمت بهمس وخوف مزيف،
-طب وطي صوتك بس علشان اخاف حد يسمعنا
-متقلقيش انا معاكي
-طب اسكتي بس.. المهم دلوقتي انا ازاي مكنتش اعرفك ولا بينتكلم انتي بجد لذيذه اوي
ابتسمت ،
-حبيبتي والله انتي الي خفيفه اوي .. بس علشان كنا ساكنين بعيد عن بعض فامكناش بنشوف بعص غير للضروره انا الي كنت اعرفه "سُليمان "لانه كان صاحب يزن جداً كان بيزل معا ديماً بس دلوقتي معدوش طايقين بعض وكأنهم اعداء وبصراحه مش فاهمه في اي لدرجه الزعل الي بينهم ده؟!
بصتلها وانا بسألها،
-انتي تعرفي السبب يعني اخوكي سُليمان قالك حاجه ؟!
هزت راسها با لاء وملامحها اتبدلت للحزن وعينها حستها هتبدء تدمع
سألتها بقلق،
-همس انتي كويسه في اي ؟!
بصت بعيد وكأنها بتهدي من نفسها مستريحتش ابداً لحزنها او ضيقها المفاجئ
-مفيش انا تمام بس ممكن يكون شد عادي ياأبرار
هزيت راسي،
-ممكن ربنا يهديهم ويجمعهم من تاني
ردت بهدوء،
-يارب يارب
خلصنا كلام ودخلنا المطبخ علشان لو محتاجين اي مساعده ومرات عمو كانت يعتبر مخلصه الاكل بدائنا نحط الاكل علي السفره والباب خبط وبعدين حد فتح بالمفتاح وكان عمو روحت لعنده وحضنته
-ازيك ياعمو
بادلني الحضن ،
-الحمدلله ياحبيبه عمو
بعد عنه وقال،
-محدش لسه اجي ؟!
همس ردت عليه ،
-لا لسه
-طب كلمي اخواتك وانا هكلم عمك ويزن
-حاضر
بصلي وسألني،
-فين سيف حبيب عمو ؟
-في الدرس اظن ان دلوقتي جاي في الطريق
-بالسلامه ان شاء الله
ابتسمت ،
-ان شاء الله
السفره جهزت وبابا اجي وهمس قالت ان اخواتها جاين وعمو كلم يزن واظن انه هيجي ومعرفش يحرج عمو
الكل اجي وسلمت علي احمد وسُليمان وقعدنا وبدائنا ناكل ولحظت نظرات سُليمان لهمس الي حسيتها فيها حاجه مش مظبوطه اندمجت مع الاكل والصراحه كان جميل
اتكلمت بعفويه بعد لما بلعت صباع البتنجان،
-تسلم ايدك يامرات عمو الاكل خطير والله
كلهم اتنبهو ليا وبصولي ولاحظت ضحكه أحمد اما سُليمان فكان مكشر وكان بياكل وهو ساكت خالص
اتحرجت من صوتي الي علا فاجئ
مرات عمو ابتسمت بلطافه،
-حبيبتي الف هنا كلي كويس بس
عمو بابتسامه ،
-هي كده مرات عمك بتعمل الاكل حلو بس لمًا يجلنا حد
مراتٍ عمو بصتله بدهشه واتكلمت باستنكار،
-بقي كده امال مين الي لسه قايلي امبارح علي المحشي جميل اوي ومش عارف اي !!!
أحمد اتكلم بضحكه،
-وانا اشهد بكده
عمو بصله برفعه حاجب أحمد رفع ايده،
-معلش ياحج كلمه الحق واجب برده
مرات عمو ،
-حبيبي ياحموده
أحمد بعتلها بوسه في الهوا ضحكت عليه وكأنه طفل كبير ولكن مش عيب ولا تقليل ابداً
عمو بصلي وقال بعد لما حط حتت فرخه في بوقه ،
-عاجبك كده يا أبرار عاملين منظمه عليا؟!!
ضحكت وانا برد عليه،
-خالص بس متنكرش ياعمو ان اكل مراتك حلو
لقيت سُليمان بصلي الي هو حسيتها برود شويه وبعدين بص في طبقه انا مش فاهمه هو انا كلمته!!
-دي حقيقه والله
مراتٍ عمو ابتسمت بكسوف
بصيت علي همس الي جمبي وقولتلها بصوت يكاد تسمعه،
-هو انتي كويسه ؟!!
بصتلي بانتباه وكأنها مكنتش معانا،
-ا اه تمام
-امال مش بتاكلي ليه
مسكت المعلقه وهي بتاخد حته من طبق البشاميل واكلته بتوتر اخد بالي من طريقتها وحركتها
مش عارفه لي حاسه ان في حاجه بس قولت بلاش اضغط عليها ممكن تكون مش حابه تحكي او حاجه
خلصنا اكل والرجاله قعدو في الصالون الكبير وانا وهمس شيلنا الاكل وماما ومرات عمو دخلو يصلو المغرب حطينا كل الاكل في المطبخ وانا روحت انضف السفره واكنس اي حاجه وقعت او كده
لقيت ساعه علي السفره مسكتها وانا مش عارفه دي بتاعت مين بس استنتجت انها يابتاعت أحمد يا سُليمان لاني عارفه ساعات يزن كلها ودي شكلها شبابي فامش بتاعت عمو ولا بابا
خلصت تنضيف السفره وروحت المطبخ علشان اسأل همس او اديهلها هي اكيد عارفه بتاعت مين ولكني ملاقتهاش
طلعت من المطبخ ولسه هروح الصاله لقيت أحمد عمال يبص علي السفره وكأنه بيدور علي حاجه
بصلي وقال وهو بيوقفني ،
-معلش ياأبرار هي فين همس
رفعت كتفي بتوتر لاني مليش كلام معاه وانا طبيعتي في اول حوار مع حد ببقي ملاعبكه في كلامي ربنا يهديني من الربكه دي
-مش عا ا رفه روحت المطبخ مش لاقيها
هز راسه بتفهم،
-طيب معلش بقوليلها ان الساعه نستها علي السفره لتكون رمتها في الزباله مش هتبقي غريبه عليها
خلص كلامه بهزار وضحكه خفيفه
ضحكت غصب عني وانا بقول،
-حاضر هقولها
كان هيتكلم بس عينه اجت علي ايدي بصيت علي ايدي الي ماسكه الساعه وقولت بكل غباء ،
-في حاجه ولا اي ؟!
اتحمحم وحسيته بيحاول يكتم ضحكته،
-تقريباً كده الساعه بتاعتي
مديت ايدي بسرعه ليه بالساعه بعد مااستوعبت واتكلمت بتوتر،
-انا اسفه جداً والله مخدش بالي انا اصلاً كنت عايزه همس علشان ادهلها ولما انت سألتني عليها مخدش بالي انه علي الساعه و و
قاطعني وهو بياخدها مني واتكلم ببساطه ،
-بس بس مفيش حاجه حصلت شكراً لآنك لقيتيها والله
بلعت ريقي باحراج وموقف زي الزفت الصراحه،
-العفو مفيش حاجه
كان هيتكلم بس سُليمان ندهله بنبره حاديه شويه ،
-أحمد تعالا الشاي هيبرد
بصله لان الصالون مفتوح علي مكان السفره ومفيش حاجز قاله ،
-ماشي
راح عندهم وماما ومرات عمو كانو قاعدين معاهم معتش غير همس واتحرجت اروح اقعد وروحت المطبخ تاني اشوفها يمكن بتعمل حاجه بس ملاقتهاش روحت الحمام وانا محرجه جداً وكأني عامله جريمه
كان الباب مقفول والنور مفتوح خبط براحه وانا بهمس ،
-همس انتي جوا ؟!!
ردت بسرعه وانا سامعه صوت المايه الي اتفتحت،
-ا ايوا بغسل وشي بس
-طيب انتي كويسه
-ايوا كويسه
-طب هستناكي محرجه اروح اقعد لوحدي
-ماشي دقيقه بس وهطلع
اتنفست وانا حاسه انها مش تمام وفيها حاجه هو انا لي كل الي حواليا حاسهم مش تمام معدا أحمد مفيش اي اعراض عليه اي الي بقولو ده بس !!!هو مريض
فضلت واقفه مستنياها وحطيت ايدي علي قلبي من الخضه لما شوفت سُليمان جاي فجأة ومحتسش بخطوات او اي حاجه
-اووف اي الخضه دي مش تعمل صوت !!!
بصلي وقال ببرود ،
-با هجيب مكيرفون حاضر
بصتله بقرف ولفيت وشي
سألني بهدوء واستفسار،
-هي البصه دي ليا !!!
بلعت ريقي بخوف هو انا خايفه ليه اصلاً اتكلمت من غير ماابصله ،
-دي بصه طبيعيه مفيهاش حاجه !!!
سمعت صوت نفسه وبعدين دخل اوضه جمب الحمام بمسافه وماهو لو دي اوضه يبقي اكيد ملبوس طبيعي يعني
همس طلعت من الحمام بصيت علي وشها الي محمر سألتها بقلق ،
-انتي كنتي بتعيطي مش كده!؟
نفت براسها وهي بتبعد وشها عني وبتمشي ،
-لا يلا خلينا نطلع
مسكت ايديها وانا بقف قدامها ،
-بس انا حساكي مش تمام ابداً ياهمس
عدلت طرحه الاسدال وقالت واتكلمت بنبره واضحه متأكده انها بتحاول تجيبها بالعافيه ،
-صدقيني انا تمام يلا خلينا نطلع
خلصت كلامها بابتسامه لطيفه وانا مقدرتش اضغط عليها وقولت ،
-ماشي يلا
طلعنا وقعدنا وكانو بيتكلمو شويه في شغل وشويه في ايام زمان وشويه في الامور العائليه وهكذا
يزن قام وقف وحسيته بيحاول يهرب بعينه من حاجه مش فاهمها ،
-هستأذن انا ياعمو
عمو مسكه من ايده ،
-مينفعش كده احنا لسه مقعدناش وبعدين بقالنا كتير اوي مشوفناش بعض
ابتسم بهدوء ،
-معلش مره تانيه ورايا شغل
عمو اتكلم بضحكه ،
-يابني قول حاجه تتصدق ماسُليمان قاعد اهو معانا ومفيش شغل
سُليمان اتكلم حسيتها سخريه اكتر ماهي مدح،
-لا ماهو يزن بيحب الشغل اوي وشاطر فيه كمان
يزن بصله ببرود ولف وشه عنه ووجه كلامه لعمو ،
-معلش ياعمو همشي انا متعوضه
-خلاص ماشي ياحبيبي خد بالك من نفسك
يزن مشا .. وبابا وعمو بيتكلمو وماما ومرات عمو برده وسُلمان ماسك الموبايل وأحمد سرحان وسيف اخويا نام علي نفسه من تعب الدروس بصيت لهمس،
-ماتيجي نعمل حاجه بدل الملل ده
كانت هترد بس أحمد سبق قال وشكله سمعني،
-تعالو نسأل اسأله نعمل اي حاجه بدل القاعده الساكته دي
سُلميان بصله بعدم موافقه فهمت كده من نظراته اتكلمت انا بحماس وانا يوافقه الرأي،
-وانا بقول كده والله يلا بينا
همس بموافقه،
-تمام يلا وانا كمان موافقه
أحمد بابتسامه ،
-تمام يلا ياسُليمان قرب مننا
هز راسه برفض وقال بعدم نفس ،
-لاء مش عايز
-اي ياعم بس ماتيجي ولا علشان يزن مش هنا مش عايز
خلص كلامه بمناكشه
اتكلم بضيق ،
-لاء ياخفه انا الي مش عايز
-خلاص ياعم براحتك
ياباي عليه الولا ده شكله كائيب اعوذ بالله عليه
همس دخلت تجيب ازاره فاضيه وأحمد لف الازازه وقفت عند أحمد يسأل همس وشوفت سُلميان الي متابعنا بعينه
يتبع …
>>>>>>>>>>>>
-اي أحلامك ياست همس ؟!
همس فكرت ثانيه وردت،
-اختم القرأن معاك ونبقي ديماً كلنا بخير وفي صحه كويسه وو بس كده لغيت دلوقتي
مش عارفه لي حسيتها كانت عايزه تقول حاجه كمان ولكنها وقفت كلام وكأنه تقيل علي قلبها بالشكل ده
أحمد ،
-ربنا يسعد قلبك ياحبيبتي يارب
همس ابتسمتله ،
-يارب
ولفينا الازازه تاني ووقفت علي إن انا أسال أحمد،
-في حاجه حصلت زمان زعلتك ولسه فاكرها ؟
أحمد ضحك بصوت عالي خلا سُلميان يركز ويبصلنا،
-اه انتي من الناس الي بتيجي علي الجرح بقي وكده!!!
ضحكت انا كمان ورديت ،
-لا والله صدفه طب خلاص اغيرو لو مش عاجبك ؟
-لا خلاص ياستي نرد بصي هو موقف كده طفولي كنت في اعدادي وكنت بحب واحده كانت قدي فاهي مره كانت زعلانه مني وشغل الاطفال ده راحت قالت لاخويا سُليمان وهو جاي ياخدني وكانت صدفه كمان انه يجي ياخدني من المدرسه حظ مهبب المهم قالتله اني بضايقها وابعد اخوك عني
كنت مركزه اوي معا وعيني اجت علي سُليمان الي عيونه كانت عليا ببرود وكأنه بيقولي اي الأوفر ده
طنشت نظراته وقولت،
-كمل اي الي حصل ؟!!
ضحك وهو بيكمل ،
-فا سُليمان راح اخدني من قفايا وركبني العربيه وفضل يزعقلي ويقولي اي الي انت بتعمله ده وان مينفعش انت عندك اخت وكلام من هكذا وراح قال لبابا وبابا زعقلي برده وقال شبيه الكلام بتاع سُليمان وقالي لو عرفت بكده تاني هتتعاقب ياأحمد ورفع صباعه كدهووو
خلص كلامه وهو بيضحك وانا دمعت وكمان همس كانت متأثره وشكلها مكنتش تعرف
-بس بعدين بقي بابا وسُليمان عرفو ان الطريقه دي غلط كنت سمعت ماما اتكلمت معاهم واجو همًا الاتينين واتكلمو معايا بهدوء وقالولي انهم بس كانو مش عايزين اعمل حاجه حرام وده خلاهم ينفعلو بالشكل ده
-طب كويس وانت دلوقتي لسه زعلان؟!
هز راسه بنفي،
-ابداً انا بس فاكر ولكن مش زعلان
سُليمان ضبطب علي شعره بعنف لانه كان قاعد في الكنبه الي ورا واحنا قاعدين علي السجاده في الارض
-بقي كده كل ده في قلبك
ضحك وقال وهو بيوجهلي الكلام،
-اهو شوفتي كنت عارف انه هيفهم غلط
سُلميان،
-عيب عليك تحب ادورلك علي البت دي؟!!
-لا ياعم شكراً مش عايز
يتبع…
<<<<<<<<<<<<<<
#الحب_المفاجئ 2
#أمل_بكر🎀