رواية الحب المفاجئ الفصل السابع عشر 17 بقلم امل بكر
يزن كان متابعها بعيونه وهي في عالم تاني مش مصدقه ان دعوتها استجابت معقول الي بيحصل حقيقي !!
عمو رد بضحكه،
-انا عن نفسي موافق الرأي راي العروسه
بابا قال،
-ماشي واحنا مستنين الرد همس حبيبتي تاخذ الوقت الي تحبه
أحمد قال ليزن بضحكه،
-لو سمحت دي توأمي ده قرار مشترك
يزن ضحك ،
-انت حبيبي اكيد هتقولها وافقي
نهي كلامه وهو بيبص لهمس الي بلعت ريقها بتوتر
أحمد،
-طبعاً بس هي تفكر براحتها
سُليمان ادخل ووجه الكلام ليزن،
-ا احم وانت يايزن عندك شقه
يزن رد عليه بابتسامه وهو فاهم صاحبه ،
-هشتري الي مكان الي تحبو هي
سُليمان ابتسم برضا
همس اتكلمت بصوت واطي،
-انتي كنتي تعرفي ومقولتليش ؟!!
-يزن اصر مقولش كان عايزها مفاجأة
بصتلي وقالت بارتباك ،
-طب اي شكلي مظبوط ؟!
ضحكت وقولت ،
-زي القمر ا احم شكلك هتوافقي
بعدت نظراتها بخجل ،
-ل لا يعني م معرفش
ضحكت عليها ،
-طالما مكسوفه يبقي موافقه
ماما سمعت كلمتي من هنا وزغرتت وهي بتقول ،
-مبروك ياحبيبتي
همس ابتسمتلها وبعدين بصتلي بغيظ
قرئنا الفاتحه ا احم اصل فكرو ان همس موافقه ومحرجه تقول انا خايفه من همس موت هتموتني والله
يزن طلب ان يقعدو لوحدهم ولكن سُليمان قال ،
-في الخطوبه ياحبيبي
كنت مبتسمه علي غيره احمد وسُليمان الي واضحه زي عين الشمس سُليمان عينه اجت عليا وقالي،
-مش هنشرب قهوة ولا اي؟!
رفعت حاجبي الي هو نعم انا كنت عايزه اقعد واسمع الكلام
همس بشماته،
-يلا قومي ياحبيبتي المطبخ علي الشمال
بصتلها بقرف وبعدين قومت مرات عمو قالتلي هعمل انا بس قولتلها خليكي مستريحه
دخلت عملت القهوة وانا عاملا اتنفس بغيظ مبحبش حد يقولي اعملي حاجه انا اعععع عصبني عصبني ابتسمت بشر لما عيني اجت علي الملح
طلعت بره وانا ماسكه الصنيه هو انا مكتوب عليا اشتغل حتي في المناسبات ياربي !!
مديت ايدي بالصنيه لكل واحد وقصد احط بتاعته ورا علشان محدش ياخدها قعد وانا فرحانه بعملتي الي عملتها للحظه حسيت بالذنب بس لاء يستاهل معرفش هو انا مضايقه منه وخلاص
عيني كانت متابعا مستنيه ردت فعله اتخضيت لما تف القهوة فجأة والكل بصله باستغراب وانا ابتسمت جوايا الكل سأله باستغراب
- في اي ؟!
عينه اتحولت عليا وانا بعد نظري عنه بتوتر اتكلم بضيق مكبوت ،
سُليمان ،
-شرقت فجأة هقوم اغسل البنطلون
قام فعلاً وانا فرحانه من جوايا موت شعور حلو والله
القعدة خلصت وطلعنا البيت يزن واضح عليه انه مبسوط جداً وهمس الي اتصدمت في الاول بس ملامح وشها واضح برده عليها انها فرحانه
غيرت هدومي ونمت علي السرير وانا بفكر البس اي في الخطوبه ياتري
———————————
"همس"
قعد علي السرير بعد ماغيرت هدومي ولغيت دلوقتي مش مصدقه الحصل يزن اتقدم بجد !!
اتنطط علي السرير بانبساط وانا بهمس
يزن بيحبني !! اعععععع انا مبسوطه
بس هو يزن وسُليمان اتصالحو بس امتي وفين !!غريبه محستش خالص
قعد مكاني بسرعه لما الباب خبط
-ا احم ادخل
الباب اتفتح وطلع سُليمان دخل وقرب قعد قدامي بصلي واتكلم بنبره رزينه ،
-همس انا عارف اني غلط لما مسمعتكيش من الاول بس برده انتي المفروض كنتي تيجي تحكيلي وتقوليلي الي حصل معاكي
بصتله وانا مش مستوعبه ،
-سُليمان هو يزن حكالك
-قالي الي حصل
-متزعلش مني والله مكنتش عايزه يحصل مشاكل
-متزعليش مني انتي حقك عليا اني متفهمتش من الاول
خلص كلامه وهو بيقرب مني وبياخذني في حضنه
تبت في حضنه وانا دمعتي بتنزل بعد عنه لما احمد دخل
-الله الله علي الاحضان
ضحكت عليه احمد اتكلم وهو بيقعد جمبنا علي السرير. ،
-اي رائيك في يزن ابن عمك موافقه
اتكلمت بخجل ،
-هصلي استخاره الاول
سُليمان اتكلم بتصنع الجديه ،
-انا حاسس انك مش هتستريحي
احمد رد عليه بزيطه،
-مش انا توأمك مش مرتاح
بصتلهم هما الاتنين وانا بسألهم بجديه ،
-بجد انتو شايفين اي ؟!
احمد رفع ايده في الهوا ،
-انا قولت كلمتي
سُليمان ضحك ،
-بس يابني دي بتصدق
كمل بنبره جاديه،
-بصي ياحبيبتي يزن راجل بمعني الكلمه ومن معاشرتي ليه فا مفيش احسن منه اقدر أطمن عليكي معاه
احمد كمل بتأثير متصنع ،
-اه والله هو جدع فعلاً قبل كده اداني القميص بتاعه الجديد
ضحكنا عليه وفضلنا نتكلم شويه وكل واحد راح لاوضه ابتسمت براحه كبيره واخيراً الحمل والحزن اختفي فعلاً ربنا كريم ومجيب للدعوات حسيت او عايزه انام والنفس الوقت عايزه اصلي ركعتين شكر والشيطان مساعدني علي النوم
ولكن قومت واتكلمت بصوت مسموع للشيطان
لا هصلي يلا اتحرق
اتوضيت وصليت وفضلت احمد ربنا ودعيت ان لو زوج صالح نتجمع في عفو وعافيه يارب
""""""""""""""""""""""""""""""
""بعد يومين همس وافقت رسمي والحقيقه انا الي كنت بقولها اتقلي ولكن زن يزن خلاها تقول موافقه
الخطوبه اتحددت هتبقي بعد اسبوع يالله انا ميته من الفرح بجد بقي
مع علينا انها في ايام الامتحانات بس مش مهم كله يهون نزلنا اجرنا فساتين وجبت فستان احمر معرفش ازاي بس هو خطفني وشكله يهبل عليا كنت محرجه وقولت لا بلاش بس رد فعل همس شجعني
-بيري يجنن عليكي موت بجد
ابتسمت وبصيت عليه لاخر مره وقولت تمام هاخده
وهمس جابت فستان لونه بيج منفوش من عند الوسط شكلها واو عامله زي الاميرات
خلصنا لف وجبنا كل حاجه واحنا مروحين جبنا عصير قصب بصتلها وانا بضيق عيوني
-هموسه اي الاخبار فرحانه
ضحكت بخجل ،
-انا متوتره اوي بس هو شعور حلو اوي برده
ضحكت عليها وانا بضرب كتفي في كتفها ،
-ايوا بقي مش قادره اقولك يزن كل يوم يوريني بدله شكل من فرحته وراني بدله لونها اخضر
ضحكنا جامد وقالت ،
-مش قادره اخد نفسي من الضحك
وقفنا ضحك لما وصلنا تحت العماره ويزن الي لسه نازل،
-اي كل ده انتو مش شايفين الساعه ؟!!!
اتكلمت ،
-الساعه ١١ لسه كنا بنشوف الفساتين
-طب يلا اطلعو
همس مقدرتش تمسك نفسها من الضحك وشكلها تخيلت البدله الخضرا علي يزن
يزن ضحك بعبط وهي بيسأل،
-هو في اي ؟!!
حاولت مضحكش وانا بقول ،
-لا مفيش حصل حاجه مضحكنا عادي
همس هدت من الضحك واخيراً يزن بصلها وقال باستفسار ،
-الفستان ضيق ولا حاجه ؟!
همس بصتلي لانه ضيق فعلاً من عند الصدر قالتله بصوت هادي ،
-يعني مش اوي من فوق بس
اتنفس بصوت مسموع وقال ،
-طب لو سمحت رجعي او شوفي حاجه تانيه
اتكلمت ببرائه بطفله،
-بس ده حلو اوي مش هلاقي زيه
-اي حاجه هتبقي حلوه عليكي دوري هتلاقي
ابتسمت باحراج وهي بتنزل عنيها للارض اتنحنحت٠،
-احم طب اي ماتاخد القصب بتاعي وتشربه معها
بصلي بقرف وهو بيبرقلي الي هو اسكتي
رفعتله حاجبي الي بقي كده ماشي
مسكت همس من دراعها ،
-طب يلا ياهموسه نمشي
طلعنا ويزن علي نار مني هتلاقي كان عايز يقف كمان قليل الادب
اتصلت علي شيرين اعزمها
-الو ازيك ياشيرين
-الحمدلله وانتي
-الحمدلله
-أبرار انا عايزه احكي معاكي جدًا
-انتي كويسه في اي ؟!
-بعدين اما اشوفك متقلقيش انا كويسه
-قولي الحقيقه ياشيرين
-صدقيني انا كويسه محتاجه اتكلم معاكي بس مش اكتر
-طب خلاص شوفي اليوم وتقابلك بس الاسبوع ده صعب شويتين خطوبه اخويا اخر الاسبووع
-ماشاء الله مبروك ياحبيبتي
-الله يبارك فيكي هستناكي هتيجي اكيد يبعتلك العنوان
-ان شاء الله بس اعذريني لو مجتش
-شيرين هتيجي مفيش نقاش
ضحكت ،
-طيب خلاص حاضر هتلبسي اي ؟!
-ا احم تخيلي جبت لون اي
-اصفر ولا اي
-لون انا بتحرج منه وقلت مستحييل البسه
سكتت شويه وهي بتفكر وبتقول بدهشه ،
-لا متقوليش احمرررر!!!
-ايوا بس بصراحه هو يشكله يجنن
-مش شاكه في كده اكيد هيبقي حلو عليكي
-حبيبي يبعتلك العنوان علي الواتس لاني معرفش اسمه اي لغيت دلوقتي
-خلاص تمام انا كده لازم اجي علشان اشوف الاحمر
ضحكت عليها ،
-هعجبك
-خلي بالك من نفسك باي
-باي
قفلت وانا مبتسمه بس لي حاسها متغيره عن كل مره بكلمها للحظه حسيت اني بكلم واحده تانيه وشخصيه تانيه خالص بس انا ارتحت لشخصيتها دي دعيتلها ربنا يهديها ويصلح حالها ويهدي بنات المسلمين جميعاً يارب
"""""""""""""""""""""""""""""
<<يوم الخطوبه>>
الميكب بتاعت همس اجت البيت وانا كنت جمبها خلصت وبدائنا نلبس
بصيت لنفسي في المرايا الطويله وبلعت ريقي وبصيت لهمس ،
-همس انا بفكر اتراجع لونه حلو وملفت وانا محرجه
ضحكت وهي بتبصلي من فوق لتحت ،
-بيري شكلك حلو بشكل مميز
بصيت في المرايا من تاني وانا بقول،
-ماهو ده الي مخليني محرجه
-فكك متفكريش بصيلي بس كده كله تمام ؟!
الميكب كان شكله فظيع والفستان سيمبل وحلو اوي مكذبتش لما قولت زي الاميره
-زي الاميركية ياهموسه بجد
بعد شويه يزن اجي الولا هيغمي عليه بلع ريقه بصعوبه هو بصراحه عنده حق البت موزه
نزلنا وصحاب يزن كانو واقفين علشان الزفه وماما ومرات عمو والكل كنا في الشارع وهنركب العربيات
كنت مبتسمه بفرحه رهيبه احساس الي بتحبيهم مبسوطين اخويا الي فرحان وهمس الي بقت اختي واضح انها مبسوطه ده شعور حلو
ساعد همس تركب بسبب الفستان كان منفوش نفشه بسيطه قفلت الباب وركبت انا قدام والي كان بيسوق كان خلاص بيدور العربيه
بس اتفأجات يسُليمان الي وقفه وقال حاجه خلا الراجل يبتسم وهو بيزل وبيقوله
-مفيش مشكله
ركب سُليمان مكان الراجل ضربات قلبي عيليت من شكله الوسيم ياربي علي الحلاوي لابس بدله كاچوال بيج الشاكت والبنطلون بيج ىتحته اندر شيرت ابيض
يزن بضحكه ،
-مش قادر علي البعاد نزلت الراجل وقعد مكانه
رد عليه بضحكه بسيطه ،
-اه والله مقدرتش اسيبوكو انا اولي برده
خلص كلامه وهو بيبصلي ودور العربيه واتحركنا وانا عاملا افرك في ايدي بتوتر
في نص الزفه طلعت ايدي وانا ماسكه الموبايل علشان اصور الزفه الي ورانا
سمعت صوته جمبي اتكلم بأمر،
-دخلي ايدك مش شايف وهتتخبطي كده
بعند وانا مكمله بانبساط ،
-مش هيحصل حاجه
اتنفس بضيق ،
-ممكن تسمعي الكلام انا ادري
نزلت الموبايل وانا بتنفس بخنقه اوف كان لازم ينزل الراجل هيبقي احسن منه بدل ماهو بيقف علي الواحده كده !!
اتكلم بعدم صبر وهو باصص قدامه ،
-كفايه زغاريط الناس واخده بالها
بصتله وانا بنفخ،
-ناس مين احنا في العربيه
كل ده ويزن وهمس مشغولين بيتصورو ومعرفش بيعملو اي ومش سامعنا من الاغاني
رفع حاجبه وهو بيرد عليا ،
-فيه رجاله والله بتعدي اي مش شايفهم
رمشت كذا مره بغيظ
-كفايه تسقيف بجد الناس واخده بالها
-انزل
-نعم!!!
-انزل وخلي الراجل ده يسوق مكانك بجد صدعتني بكلامك ده
-عايزه الراجل يقعد مكاني ويبص عليكي!!!
برقت بدهشه ،
-اي يبص عليا دي!!!! اظبط الكلام
-انتي الي كلامك مش مظبوط ووو
موبايله رن ورد وصلنا قدام المكان وسط البلد كافيه مفتوح وشكله سيمبل وتحفه مووت
ركن العربيه ونزلت ساعد همس تنزل دخلنا وهمس ويزن كانو بيتصورو من غير لمس ابتسمت علي خجل همس الي واضح جداً بس شكلهم حلو اوي مع بعض بجد
بدء فقره تلبيس الدبل وبرده من غير لمس عمله حركه الشريط الستان شكلها حلو اوي بصيت تحت في مستوي سيف الي قال بفرحه،
-بيري انا هنام في اوضه يزن بعد كده !!
ضحكت عليه ،
-سيف حبيبي ده بيخطب مش بيتجوز
بحزن وهو بيرم شفايفه ،
-وهيتجوز امتي ده؟
-معرفش ده لسه بيخطب يعني ياسيف
-انا ماشي احزننتيني
بصيت علي اثره بدهشه ،
-احزننتك !!! احنا لازم نمنعك من التلفزيون علفكره
خلصو لبس الدبل وهمس شاورلتلي اجي اتصور قربت منهم بحماس وانا بقف جنبهم وبتصور سُليمان كمان قرب علشان يتصور وكنت هنزل بس وقفني
-خليكي
رجعت وقفت مكاني وهو واقف ورايا بعد مساحه ولكن حسيت انه قـريب مني من ريـحه البرفيوم الي وترتني اكتر خلصنا تصوير والباقي بدء يتصور معاهم بصتلهم وانا عنيا يدمع
مسحتي دمعتي الخفيفه الي نزلت بسرعه لما سُليمان وقف جمبي ،
-مش هيسافر و يعني
بصتله ،
-نعم!!
شاورلي بعينه علي يزن وهمس وهو بيبصلي من تاني ،
-علشان بتعيطي
-دي دموع الفرحه وبعدين انت مركز معايا لي ؟!!
رد بانكار وهو بيرفع كتفه ،
-وانا هركز معاكي لي انتي الي واقفه في وشي
رفعت حاجبي ،
-لا والله بجد طب انا هقف في مكان تاني وو
قبل لما اكمل كلامي كان بيبص ورايا وقال برفض ،
-اثبتي مكانك
خلص كلامه وهو بيقف من الناحيه التانيه ومديني وشه هو بيعمل اي !!! لف وشه وكأنه بيراقب حاجه
مهتمتش ليه وفضلت متابعه يزن وهمس وفتحت موبايلي وانا بصورهم بعشوائية
-انا مش فاهم حد يلبس احمر ؟!!!
بصتله وانا برد عليه ،
-انت عايز اي وبعدين انت ليه واقف جمبي وعامل زي البودي جارت
خلصت كلامي بعدم رضا
رفعلي حاجبه وقال،
-عايزني ابعد علشان الي بيبص عليكي يشقطك
-يشقطني !!!
طنش كلامي ،
-ماهو فستانك ملفت وعلفكره ضيق
-اي ده !! بـجد ضيق ؟!
هز راسه ،
-ايـوة فاسكني وخليني واقف كده معأن مش مداري حاجه
-نعم نعم هو اي الطريقه دي وبعدين انا بسألك لي انت بتكذب وهو مش ضيق اصلاً
عض علي شفايفه وهو بيبص ورايا لفيت لقيت واحد عادي بيبص ووو خضني
-لفي وشك ومتبصيش
-اوف بقي انا ماشيه
مشيت خطوة ولقيت شيرين داخله بدور بعيونها اظن عليا انا شوفتها وهي لاء وقفت قدام احمد وهي بتقوله حاجه وهو لف بعينه ولما شافني شاور عليا اظنها كانت بتسأل عليا
هزت. راسها وقربت مني وهي بتحضنني ،
-وحشتيني جداً شكلك حلو اوي علفكره
ابتسمت ،
-فعلاً ؟! محرجه جداً
-ولا تاخدي في بالك هياكل منك حته بجد
بصيت علي فستانها البيبي بينك ،
-مفيش احلا منك
اتصورنا انا وشيرين وبعدين كملنا تهيصه واجي الوقت اننا نروح كل واحد ركب زي الصبح وسُليمان الي ساق كنت فصلانه ومش قادره افتح عيني سند راسي علي الشباك لغيت لما شويه شويه ومحستش بحاجه
سُليمان وقف قدام المطعم الي حجز ليهم يتعشى فيه وكانت مفأجاة منه
يزن اتكلم بضحكه وهو بيضرب كتف سُليمان ،
-قول انك بتهزر
-ياعم والله حجزلكم
-دافع الحساب يعني !؟
-لا مش للدرجه
-انا اصلاً عايز انام و
-ادخل ياحبيبي دافع
-طب يلا ياحبيبتي انا ميت من الجوع
همس ضحكت بكسوف علي كلمه حبيبتي
-اي حبيبتي دي وعيني عينك مفيش اكل انت هتروح
فتح باب العربيه ،
-ياعم والله مايحصل احلا مفاجاة دي ولا اي
-افور شويه
بدراما وهو بيسند ضهره وبيحط ايده علي قلبه ،
-قلبي الحقني مش مصدق
ضحكو عليه
-طب خلاص انزلو يلا ومتتأخروش
يزن قبل لما ينزل بص علي ابرار الي في سابع نومه ،
-طب وابرار هتوصلنا البيت
-اه متقلقش
-طب روحها وتعالي هاتلي عربيتي
-طيب
-تشكر ياصاحبي اه صح رجع لمازن عربيته عايزها
-عنوان بيته فين
-ماشي هبعتله رقمك يكلمك
يزن نزل وفتح لهمس الباب ودخلو المطعم كانت اجوائه هاديه والديكور كمان سحابلها الكرسي وقعدت قعد قدامها
اجي الجرسون استقبلهم قالهم ان الاكل مش هيتاخر في خلال الوقت ده يزن اتكلم
-همس متزعليش مني علي الطريقه السخيفه الي كلمتك بيها
"همس فهمت انه يقصد لما كانو في الشاليه"
<<<<<<<<<<<<<<<<<<<<<<<<<<<<<
كل سنه وانتم طيبيين ومتنسونيش في الدعاء ولكم بالمثل 💗💗💗💗💗💗💗
#الحب_المفاجئ17
#أمل_بكر🎀