رواية الحب المفاجئ الفصل الثاني عشر 12 بقلم امل بكر
روحنا وغيرت ولبست بيجامه مريحه ونمت علي السرير وانا بفكر ان خالتو هتمشي هو انا اه متكتفه وبلبس الاسدال طول الوقت علشان أمير وجوز خالته بس كنت حابه الوقت معاهم ولمتنا الي بقالها كتير جداً حضنت المخده جامد لما افتكرت الراجل الي دخلي الحمام قفلت عيني جامد وحمد ربنا ان سُليمان لاحظ واجالي
<<تاني يوم فطرنا كلنا وبعدين كل واحد راح يشوف الي هيعمله وبليل طلعنا نقعد علي السطح بس الرجاله مكنتش قاعده معانا قعده ستات بس
همس تلفونها رن وبعد لما ردت قالتلي ،
-أبرار سُلميان عايزك تحت
باستغراب ،
-عايزني !!! في اي ؟!
-مش عارفه هو قالي اقولك كده! هو في حاجه؟!
-معرفش زي زيك
-طب تحبي انزل معاكي
رديت عليها وانا بقف،
-اه ياريت
مرات عمو اتكلمت ،
-خدي ياهمس مفتاح البيت وهاتي صنيه الكيكه وانتي طالعه
راحت اخدته ونزلنا وانا قلبي عمال يدق ومش فاهمه هو عايز مني اي لقينا سُليمان واقف عند بيتنا
وهمس قالت هتنزل البيت تجيب صنيه الكيكه وهتيجي
هزيتلها راسي وبصتله باستغراب وانا بسأله،
-في اي ؟!
اتكلم بنبره جاده،
-الراجل بتاع امبارح اتحبس
-ازاي؟!!! مين عرف؟ انت قولت ليزن مش كده؟!
اتنفس بضيق من طريقتي ،
-انتي قولتي متقوليلهوش وانا مقولتش انا الي حبسته
بلعت ريقي ،
-انت! طب لي اقصد يعني مش ممكن يإذيك
-هو محجوز دلوقتي بتهمه التعدي بس محتاجك تيجي وتقولي الي حصل
بخوف وانا بنفي براسي ،
-لا استحاله انـ انا مش هخش قسم!!
اتكلم بسرعه وهو بيحاول يهديني ،
-متخافيش هبقي معاكي مش لوحدك
نفيت براسي ،
-لا حتي ولو انا برده مش هطمن معاك
بصلي شويه حسيته اندهش وانا ندمت علي كلامي ازاي اقوله كده وهو ابن عمي والي انقذني وكمان عايز يجبلي حقي دلوقتي !!!
اتكلمت تاني بندم وبلاعبكه ،
-مش قصدي كده انا بس
قاطعني ،
-مش مهم خلاص هعرف اخوكي وهو ياخدك وتعملي محضر علشان يتحبس
خلص كلامه وكان هيمشي وقفته وانا بتكلم بصوت واطي وبغيظ ،
-انت يعني بتلوي دراعي !!!قولتلك بلاش يزن ممكن يقتله يزن متهور وانا مش عايزا يتأذي!!
اتنفس بهدوء ورد،
-انتي عايزه اي دلوقتي ؟!!
اتكلمت بخوف ،
-مش عايزه حاجه طلع الراجل ده من الحبس وخلاص
برفض حاد،
-استحاله مش هسيب حقكك
اتنفست بضيق وانا بحط ايدي علي وشي
اتكلم من تاني ،
-شوفي انتي عايزه اي اقول ليزن ولا تيجي معايا؟!!براحتك اهم حاجه انه يتحبس وبس
بصتله ببرود واتكلمت ،
-طيب
رفع حواجبه بعدم فهم ،
-طيب اي ؟!!
بتنهيدة ،
-هاجي معاك بس امتي ؟!!
-بكره العصر علشان دلوقتي متأخر يعني مش هينفع اخدك لوحدك
اتكلمت بسرعه،
-هو لوحدنا مش هناخد همس ؟!!!
-همس!!! وهمس هتعمل اي في القسم
رفعت حاجبي بضيق ،
-تقصد اي !!!يعني وانا كمان هعمل اي في القسم
مسح علي وشه بنفاذ صبر وبعدين بصلي ،
-انتي عبيطه يابنتي انتي الي هتتكلمي وهتقولي اي الحصل لكن همس هتعمل اي !!!
-طب ينفع اتكلم بس من غير قسم
-ياربي ياربي الصبر
-طب خلاص واطي صوتك الله !!!
-بكره العصر تكوني جاهزه هطلع من الشغل وهقفلك تحت البيت
-وانا هعرف ازاي انك تحت هشم علي ضهر ايدي
-لسانك ده !!!!
بصتله بسماجه اتكلم ،
-ماهو مش هاخد رقمك بصي من البلاكونه وشوفيني واقف ولا لاء
اتكلمت بصوت واطي ،
-يادي شغل ايام زمان ده
-تمام؟!!!
-طيب ماشي بس هقول لهمس تيجي معانا
كان هيتكلم قولت بسرعه،
-تقعد في العربيه علي الاقل
-طيب
همس طلعت وهي شايله الصنيه بصتلي وهي بتغمز ،
-اي ياقطه الصناره اتصادت ؟!
بصتلها بقرف ،
-اسكتي بالله عليكي ياهمس
اتكلمت واحنا طالعين علي السلم ،
-اي ده هو مش عايزك علشان يقولك انه معجب وكده ؟!!
عقد حواجبي من كلامها ،
-اي الي بتقولي ده بالله عليكي
-امال كنتو بتتكلمو في اي
-هقولك نطلع نقعد بس
طلعنا وبعد اكل الكيك حكتلها علي امبارح وكل لما اقول حرف تشهق وانا ابرقلها علشان محدش ياخد باله من صوتها ده
خلصت كلامي بخوف ،
-انا بجد خوفت اوي ياهمس خوفت اوي
حضنتني،
-بس انا غلطانه اني مروحتش معاكي الحمام
ضحكت ،
-اسكتي ياهمس عادي كان هيمسكنا احنا الاتينين
وبعد كلام كتير نزلنا كلنا ودخلت نمت وانا بفكر في بكره وهقول اي
بعد سااااعات المنبه رن 3:00 طفيته وقومت اخد شاور ولبست چيبه سودا وجاكت خفيف ابيض وطرحه سودا اتصلت بهمس وقالتلي انزل
نزلت لقيتها واقفه في البوابه مستنياني طلعنا وسُليمان كان قاعد في العربيه مستني ركبنا ورا احنا الاتنين وصلنا وانا قلبي عمال يدق برهبه من المكان ومن الي هقولو سُليمان نزل وهمس بصتلي وهي بتمسك ايديا
-حبيبتي متخافيش سُليمان معاكي قولي كل حاجه علشان معتش يتجرأ ويعمل الي عمله
هزيت راسي بهدوء ونزلت كان ماشي جمبي كان فيه ناس وزعيق وده خلاني اتوتر اكتر
وقفنا عند الباب خبط وبعدين دخلنا قعدنا انا وهو علي كنبه كبيره قدام الظباط
اتكلم الظابط وقال لسُليمان ،
-لو سمحت اتفضل علشان اقدر ابدء اسألها
سُليمان فعلاً كان هيطلع بس انا اتكلمت بسرعه ،
-لا بلاش خلي هنا
سُليمان لف بصلي وقرب مني وهو بيقول بهدوء ،
-انا بره هو هيسألك اي الي حصل وانتي هتقولي كل حاجه
نفيت براسي وانا مش مطمنه خوفي اني مع راجل انا وهو لوحدنا بيرعبني ،
-لاء لو سمحت خليك موجود انت قولتلي من الاول هتبقي معايا !!!
الظابط ،
-مش هينفع لازم تكوني لوحدك
نفيت براسي زي الطفله انا حاسه اني جالي تروما من الرجاله بس ما سُليمان برده راجل!!!! ولكن ده ابن عمي وانا عارفا تفرق طبعاً قولت كده لنفسي
سُليمان قال للظابط بهدوء ،
-طيب انا هقعد علي الكرسي الي هناك ده
الظابط هز راسه وقال ،
-ماشي اتفضلي ياانسه اقعدي
قعد وانا براقب سُليمان وهو بيقعد وبيصلي وهو بيهز راسه اتنفست بارتياح وبدأت اقول كل حاجه
-تمام كده كلامك هيتعرض علي النيابه وحقكك هيجيلك
قومت وقفت وخرجنا انا وسُليمان سألني بحده،
-لي مقولتيش انه ضربك بالقلم ؟!!!!
بلعت ريقي بتوتر ،
-ماهو مجاش في بالي
-ازاي يعني مجاش في بالك هي دي حاجه تتنسي !!
بضيق من صوته العالي ،
-انت بتعالي صوتك لي وبعدين انت اي الي مضايقك وانا قولت للظابط خلاص !!!
اتنهد بضيق طلعنا بره وركبنا وروحنا
غيرت هدومي وبليل عملت كوبايه قهوة وطلعت السطح ومقولتش لهمس كنت محتاجه اقعد لوحدي قعد وانا بحط الكوبايه جمبي علي الأرض ضميت رجليا ليا وانا حاسه بشعور بالذنب ان محدش يعرف بس فعلاً انا عارفه ان لو يزن عرف مش هيسيبه ابداً حتي بعد لمًا يطلع من السجن هو متهور ومظنش انه شبه سُليمان كان هيتصرف كده يمكن علشان هو مش هيخاف عليا زي يزن بس هو ضربه جامد وحسيت بخوفه فعلاً
اتنهد تنهيده كبيره وانا متلخبطه في افكاري سمعت حد طالع فضلت ابص علي السلم لغيت لما ظهر كان سُليمان تقريباً هو مكنش شايفني من الضلمه لان مكنتش فاتحه النور قرب من السور وهو بيسند عليه
اتكلمت ،
-هترمي نفسك ولا اي ؟!!
لف بصلي واخد باله مني ،
-بتعملي اي لوحدك هنا؟!!
-مفيش قاعده عادي.
هز راسه ولف يبص علي الشارع من تاني
اتنفست بخنقه جوايا وانا بسأله،
-انا حاسه بالذنب علشان محدش عارف وخصوصاً يزن لو عرف هيزعل مني جامد من معرفتك بيه يعني شايف انه هيعمل اي ؟؟؟
سألته وانا محتاره ومش عارفه اعمل اي ومحتاجه اي اجابه
جاوبني وهو علي وضعه،
-براحتك لو عايزه تقوليلو قولي مفيهاش مشكله
-بس هو كده هيزعل منك برده انك مقولتلهوش او عرفته يعني
-مش هتفرق لو هيزعل مني
بفضول،
-هو اي الي حصل بينكو؟؟؟؟
-ميخصكيش
غمض عيني لولهه من رده القليل الزوق
قولت اي حاجه الم بيها احراجي
-هو اخويا علفكره !!
-خلاص اسألي ده لو قالك
بغيظ من كلامه ،
-اه يزن بيحكيلي كل حاجه
بنبره سخريه ،
-علشان كده عارفه !
نفخت بعصبيه من طريقته ومردتش عليه
ومسكت القهوة وشربت منها كان الجو هادي ومفيش نور غير نور القمر
"سُلميان"
وهي بتقولي خليك معايا في القسم وانها مطمنه اني جمبها وخايفه من وجود ناس تانيه ده حسسني وكأني مثلاً مبسوط بس ده احساس عادي اي حد بيفرح بكده يعني تقريباً!!!رغم انها قالت امبارح انها مش هتطمن معايا
وردي عليها بإنه ميخصهاش ده طلع فجأة بحس بانتصار لما بدايقها بس عادي يعني حتي مع همس كنا بنرازي في بعض!
الي مش فاهمه لي بضايق من امير ومبسوط انهم هيسافرو من تاني بس كلامه ييستفزني يعني مثلا اي "بيرو" دي !!ده دلع!!! وحش اوي بيضايقني بيستفزني واي مصاصه بالفراوله وبيجبلها ومش عارف اي دي ذكريات حلوه !!!انا شايف انها وحشه جداً طب والله
<<<<<<<<<<<<<
اخد كوبايه القهوة الفاضيه ونزلت كملت القرأن الحفظ بتاعي ونمت بعدها
فات تلت ايام وقالو ان بكره هنروح الشاليه من الصبح اتحمست جداً وانه اجي في وقتو فعلاً كنت محتاجه الوقت ده جهزت شنطتي
همس طلعتلي البيت بليل الساعه 8:20،
-بيرو انتي عندك مايو
نفيت براسي ،
-مايو!! لاء انا اصلاً مش بنزل البحر
-ازاي ده البحر تحفه وانا كمان معنديش اي رائيك ننزل نجيب دلوقتي
-ماشي هنزل بس مش هجيب جيبي انتي
-طيب طيب نشوف الموضوع ده
لبسنا ونزلنا فعلاً وجبنا مايو اسلامي بتاعي لونه اسود في خطوط بينك رقيقه وده طبعاً بعد زن همس وبتاع همس لونه اسود وعليه فرشات شكله سكر
روحنا بعد فرهده لان الاستاذه همس مكنتش عارفه المحل كويس وعماله تخلينا نلف حوالين نفسنا
نمت وتاني يوم الصبح صحيت بنشاط رهيب اتفأجات بنفسي والله اخد شاور وطلعت لقيت ماما وخالتو في المطبخ بيجهزو الأكل ويزن كان بيجهز وبابا وجوز خالته جاهزين ومستين تحت وطبعاً سيف وسيدرا ومعتز لابسين من امبارح الفجر فرحانين بقي
<<<<<<<<<<<<<<<<<<<<<<<<<<
#الحب_المفاجئ 12
#أمل_بكر🎀