رواية الحب القديم الفصل الثاني عشر 12 بقلم هند ايهاب
بصدمه قالت:
- واحده زيي!! أنتَ بتقولي الكلام ده ليّ يا فارس!!
الباب خبط ودخلت حماتي بعد ما فارس سمح لها بالدخول، فضلت عيوني عليه وقالت:
- يلا يا فارس يا حبيبي أدخُل نام في الأوضه التانيه وسيبني مع مراتك
بستغراب قالت:
- ينام في الأوضه التانيه ليه!!
- معلش يا حبيبتي بقى أحنا كدا، نومتك هتبقى معايّ
سابني وطلع برا من غير حتى ما يفهمني أيه اللي بيحصل، قفلت الباب ومددت على السرير عشان تنام ولا حتى أهتمت هي هتنام ولا لاء.
قعدت على كُرسي مُقارب من السرير وهي حاسه أن أيديها بتترعش.
فضلت صاحيه خايفه لحد ما الشمس نورت الأوضه، صحيت من نومها وقالت:
- هو أنتِ لسه بالفُستان، ما تقلعيه ولا مش مصدقه نفسك أنك أتجوزتي فارس
فضلت ساكته وقالت:
- يلا قومي عشان ورانا حاجات كتيره أوي
بستغراب قالت:
- حاجات!! حاجات أيه!!
بحِده قالت:
- هو البيت ده مش هيبقى محتاج يتروق!! مش فيه أكل المفروض يتطبخ، مالك في أيه
- أيوه يا ماما بس أنا عروسه
- يا شيخه بلا كلام فارغ، عروسة أيه وكلام فارغ أيه يلا ورانا شُغل كتير
فارس دخل وقالت:
- ولا أيه يا فارس!!
بص بستغراب وقالت:
- بقول لهدير تساعدني بس بتقولي أنها عروسه
هز راسه وقال:
- روحي أنتِ يا أُمي وأنا شويه وجايلك
هزت راسها ومشيت، كانت لسه هتتكلم وبعدين قال:
- وحشتيني
- ده بجد!!
ابتسم وقال:
- مش مصدق أنك بقيتي مراتي يا هدير
- آه عشان كده سبتني ليلة فرحنا وكُل واحد فينا نام بعيد عن التاني صح
بضيق قال:
- يعني عايزاني أعمل أيه، أرفُض كلام أُمي!!
- لاء بس مستنيه أنك تعرفهُم أني عروسه ومن حقي أن يبقالي خصوصيه
بعصبيه وصوت عالي يُكاد مسموع قال:
- جرا أيه يا هدير أنتِ عايزه مُشكله وخلاص
ضرب بأيديه على كتفها وقال:
- عيشي وأسكُتي بدل ما قسماً بالله أرجعك بيت أهلك
رفعت حواجبها من الصدمه وقالت:
- ترجعني تاني يوم فرحنا، أنتَ جرالك أيه يا فارس!! أنتَ مكُنتش كدا معايّ، فين حنيتك عليّ بتاعت زمان، فين لما كُنت تقولي أن نفسك يتقفل علينا باب، راح فين حُبك!!
شوح بأيديه وقال:
- يووه بقى
مشى وطلع ورزع الباب، عينيها راحت ناحية المرايّ وهي لسه لابسه فُستان الفرح، دمعت وقالت:
- يا تري الأيام مخبيالي أيه بس
طلعت من الأوضه بعد ما غيرت، بضيق قالت:
- ما لسه بدري يا هدير
- معلش يا ماما بس كُنت
قاطعتها وقالت:
- بس خلاص خلاص، المُهم أن مش هسمح بتأخير تاني، ومن بُكرا تصحي من الساعه ٧، أحنا بنحب نخلص كُل حاجه بدري بدري
بصت لفارس اللي قاعد بياكُل على الطبليه ولا فارق معاه حاجه.
- يلا يا ساره عشان تلحقي صُحابك، وأنتِ يا هدير يلا أدخُلي المطبخ هتغسلي المواعين وهتعمليلنا غدا النهارده
طلعت وراحت قعدت على الكنبه، رفعت رجليها على ترابيزة الأنتريه وساره دخلت عشان تلبس.
فضلت دقايق واقفه وبعدين حست أنه لا مفر.
دخلت المطبخ ولقت أن المواعين في كُل مكان.
فضلت عيونها تلف في المطبخ كُله وأتفاجئت أنهُم أستخدموا حاجتها، اتنهدت بضيق وزعل وبعدين شمرت هدومها وبدأت تغسل.
خلصت وبعدين راحت تدخُل تجيب تليفونها من الأوضه أتفاجئت أن ساره أُخت فارس في الأوضه، لابسه هدومها الجديده.
بضيق قالت:
- أيه ده!!
ابتسمت وقالت:
- أيه رأيك حلوه مش كدا!!
- حلوه أيه وبتاع أيه، هو أنتِ لابسه هدومي ليه!!
هزت كتفها وقالت:
- وأيه المُشكله يعني، هخرُج بيها
- تخرُجي بهدومي!! ده اللي هو أزاي يعني، دي جديده وأنا لسه ملبستهاش، ده غير أصلاً أنك المفروض تستأذنيني
بحِده قالت:
- نعم يا اختي!! ده بيت أبويّ واللي فيه يخُصني، أنتِ سامعه ولا مش سامعه
فارس قرب علينا وقال:
- هو في أيه!!
- مراتك مش عايزاني أدخُل الأوضه
بصت لها وبعدين بصت له وقالت:
- محصلش، أنا بقولها أزاي تلبسي هدومي من غير ما تستأذنيني
رفع حاجبه وقال:
- تستأذنك في أيه!! وأيه المُشكله يعني لما تلبس، هو أيه أسلوبك ده أصلاً
عينيها وسعت وقالت:
- أسلوب أيه يا فارس، دي هدومي وجديده أنا لسه ملبستهاش
دخل الأوضه وفتح الدولاب وطلع هدومي وقعد يقطع فيها، بعصبيه قال:
- عشان تحرمي بعد كدا تتكلمي معاها كدا
طلع وهدير دخلت الأوضه وقعدت على الأرض وفضلت تعيط، ساره ربعت أيديها وقالت:
- تستاهلي عشان بعد كدا لما تيجي تتكلمي معايّ تعملي حساب لكُل كلمه بتطلع منك
خدت بعضها ومشيت، بعد شويه الباب خبط، وأول ما الباب أتفتح دخلت حماتي بزغروطه هزت البيت كُله.
مسحت دموعها بسُرعه، وبعد دقايق دخل فارس وقال:
- قومي البسي وأمسحي دموعك دي، ولا عايزه تفرجي علينا الناس
قامت من سُكات لبست وطلعت، حماتي فضلت تزغرط حماتها قالت:
- خلاص يا حبيبتي عندي صُداع
سكتت وفضلت تحضُن هدير وقالت:
- أنتِ كويسه يا حبيبتي!!
- هيكون مالها بس يا أُم تميم مهي كويسه قُدامك أهي
بضيق قالت:
- متأخذنيش يا أُم فارس من حقي أتطمن على بنتي، تعالي يا هدير عشان عايزاكي
خدتها ودخلوا الأوضه، وقالت:
- أيه اللي بهدل الأوضه كدا
- لاء أصل أكتشفت أن البچامات حطاها بعيد فى كُنت بظبط مكانها
هزت راسها وقالت:
- أنتِ عامله أيه مع الناس دي!!
- الحمدلله
فضلت تبُص في عينيها وقالت:
- وفارس
- بخير يا ماما
- تميم باعتلك السلام ومخليني أجيلك أطمن عليكي
- فيه الخير
- طيب يا حبيبتي همشي أنا وهنبقى نجيلك في السبوع
بقلق قالت:
- طب ما تخليكي قاعده معايّ شويه
- لاء مينفعش، أنتوا لسه عرسان يعني لازم تقعدوا مع بعض قبل ما الدُنيا تلهيكوا
ابتسمت وبعديها حماتي قامت ومشيت، فارس شدها من أيديها ودخلوا الأوضه وقال بقلق:
- هي أُمك كانت بتقولك أيه!!
بضيق قالت:
- بتسأل ليه
- عشان أنا جوزك ومن حقي أعرف أيه اللي بيتقال لمراتي ولا هي جايه عشان تعمل مشاكل بينا
- أنا أُمي مبتعملش مشاكل يا فارس
حماتها دخلت الأوضه وقالت:
- يبقى قُلي له أُمك قالت أيه بقى
بصدمه قالت:
- هو أنتِ بتتصنطي يا حماتي!!
كف أيديه نزل على وشها وقعها في الأرض.
#أسميته_تميم
#هند_إيهاب_الحبال