رواية احفاد ابليس الفصل الثاني والثلاثون 32 بقلم رشا منصور
#الجزءالثاني_والثلاثون
#أحفادإبليس
حسام….
كنت فين ومع مين وليه بعدت سيلين عنك انت والبشري!!!
برك….
بصيت ل سيلين وقولت لها مش قبل ما تزعجيe حسام بكلامك كنتي انتظرتي لما أخلص وابلغك ولا لما اخدتي شكل البشر اخدتي هرمونات الستات معاهم…
وقولت ل حسام أنا كنت قربت من نقطه مهمه جدا كانت هتنفعنا لولا تسرعكم في استدعائي ومش عارف إذا كنت هعرف أرجع تاني لهم ولا لأ…
حسام…
اتكلمت كتير وبردو مجاوبتش ع سؤالي!!!!؟
برك…
أنا اخدت شكل بشري يرتدي عبائه بيضاء وعملت نفسي لسه خارج من دار العبادة بتاع البشر وانتظرت وأول ما شوفت رجل الكل بيلقي له التحية عرفت أنه الكبير بتاعهم وروحت له بحجه إني وصلت متأخر وملحقتش كلامه وإني محتاج أسمع منه واتعلم من خبرته في عالم الجن..
وبعد ما اخدت وقت في اقناعه وافق إني أكون ضيفه في البيت وسيلين ظهرت وأنا ماشي معاه وطبعاً لو كانت حاولت تغريه. أو تقول أى كلام غير اللي أنا قولته كانت هتبوظ الخطة اللي رسمتها علشان كدا أشارت لها تفضل بعيد…
حسام…
ع الرغم أن اللي عملته ده في خطورة، إلا أنها خطوة. شجاعه منك
ياتري قالك إيه عن عالمنا.. قدرت تعرف منه التعويذة،..
برك..
كان بيحاول يشربني. اى حاجه لكني رفضت بحجه إني مريض. وأول ما ابتدي يحكي ويجيب سيرة الجن. طلبتوني أحضر..
وطبعاً الست سيلين هى السبب. انبسطي بقي أنا بقيت مش عارف اقول له إيه.. أنا اخدت جهد لأقناعه يعلمني وأول ما كان هينطق تركته وجيت!!!!..
حسام…
يعني إيه…. لأ يا برك حاول تاني معاه . وانتي يا سيلين خليكي بعيد عن برك لحد ما نوصل لسر. قوة، البشرr
أنا مبهور بتفكيرك يا برك وهبلغ مجهودك للأمير.المخلد..
يلا مضيعش وقت روح له تاني وقول له أى حجه….
برك…
هو رجل شديد الذكاء سأحاول غداً التقرب منه مرة أخرى…
وتركتهم وانصرفت وفضلت ماشي لحد ما وصلت عند بيت العبادة. وقعدت بالقرب منه ابص عليه وافكر في كل كلمه سمعتها من البشري خالد..
وانتظرت حتى بدأ الإنس بالذهاب إليه وابتدي يقول الصلاة يا مؤمنين وشوفت أغرب حاجه جنn بجناحات، من نور يدخلون دار العبادة. بسهولة دون أن يحدث لهم شئ وقفت وحاولت أقرب وأنا مش فاهم ازاى قادرين يعملوا كدا وببص لقيت جن،مضئ بالكامل واقف بجواري وبيبتسم لي وقالي مش معنى أنك مش عارف تدخل أنك مينفعش تصلي… شاور لي اقترب اكتر وبعدها قالي قف ووجهك في هذا الاتجاه ونحن سوف نصلي أمامك وافعل مثلنا..
ولقيت صفوف أمامي معرفش جت منين كان شكلهم جميل جدا ومن نور واخدت شكل البشر احراجا من منظري بالمقارنة معهم..
وبدون اي جهد مني لقيت نفسي بعمل زيهم بدون خوف،. وبعد ما انتهوا القوا التحية عليا واختفوا.. وبعدها شوفت الشيخ خالد بيقولي ازيك يا بطل… صليت الفجر معانا..
قولت له مش عارف أنا عملت….. قصدى مش عارف الحركات دى اسمها إيه.. وكالعادة ابتسم وقالي هنتظرك اليوم بعد صلاة المغرب واستئذن للأنصراف. قولت له
خليني معاك اوصلك حمايه. لك.. قالي أنا في أمان من الله وانصرف. ورجعت للبيت ولأول مرة أنام في هدوء….
سوزان…
قررت من تاني يوم أركز في دراستي واذاكر زى ما بابا محمد وطنط منال كانت بتطلب مني دايما وأنا في المدرسة سمعت مدرسة الدين بتقول أننا لما ندعي للمتوفي. بتوصل له الدعوة والصدقة ومجرد خروجي من المدرسة فضلت مركزة طول الطريق لحد ما لقيت واحدة ست شكلها غلبان. قربت منها واديتها مصروفي كله وفضلت تدعيلي وأنا طول الطريق بدعي ل يوسف وطنط منال
وظهر بابا مهموز قدامي وقالي هتفضلي متمردة، عليا كدا كتير.
أنا أمرك ترجعي تحت طوعي، بصيت له وكملت طريقي وأنا مستمرة في الدعاء…
وشوفت شاب واقف قرب مني. قلقت في البداية لكنه قالي معلش أنا تائهة اوصفيلي بس ازاى أروح لأي محطه أركب منها…
قولت له أنت عاوز تروح فين… قالي الجامعة أصل أنا أختي بتدرس هنا وعايشه في السكن الجامعي إنما إحنا أصلا مش من هنا
قولت له تقدر تمشي قدامي أنا راحه في اتجاه المحطه
وبدأ يسألني أنا في سنه كام ونفسي اطلع إيه لما أكبر وايه سور القرآن اللي حفظاها…
قولت له أنا مش حافظه حاجه في الامتحان كانت الإجابة بتظهر ليا وأنا انقلها بخطي في الورقة…
قالي يا خسارة دى آية الكرسي لوحدها لو حفظتيها وفضلتي تقوليها هتحميكي،. من الإنس.والجنn كمان… جربي كدا.
قولت له هجرب احفظها وشاورت له ع المحطه وأنا دخلت الشارع اللي فيه بيتي… وقولت جوايا ليه لأ وما احفظها. يمكن مهموز يبعد عني شويه بدل ما كل شويه يظهر لي كدا ويزهقني..
جمال…
بعد كلامي مع البنت حسيت اني اديتها فكرة تنقذها… شكلها بتخطط لحاجه…
وورجعت تاني ل أحمد وحكيت له اللي حصل وعرفته اني مقدرتش أفهم البنت دى بتفكر في إيه ولا ناويه تكون في صف مين..
أحمد نبيل…
أول ما جمال بلغني اللي حصل اتنقلت ل رشا وقولت لها الطفلة سوزان عرفت ازاى تحمي. نفسها لكن هى مش معانا للأسف..
رشامنصور…
تمام ع العموم أنا معايا ناس تطوعت. لحمايتهم بالقدر المستطاع عند اللزوم.. ورجع أحمد الكليه وأنا فضلت أفكر
كدا إحنا معانا تاليا وشريف طب باقي الأطفال هيستمروا في الخرrاب.. واضح أن الحرrب. هتبتدي بدري أوى…
الجن.مهموز…
ظهرت ل سوزان وقولت لها أنا عارف إنك زعلانه علشان عاوزة تكوني زى أطفال الإنس تلعبي كتير وأنا ع الرغم من تمردك، عليا مستعد اخليكي تلعبي بس بشرط. دبري حاجه جديده تكون أقوي من كل اللي فات وساعتها تنالي رضايا واسمحلك باللعب…
سوزان…
فضلت مثبته نظري ع بابا مهموز وساكته تماماً وبعد ما انتهي من كلامه قولت له خلصت…
هو أنت تطلع مين أصلا.. علشان تسمح ولا متسمحش أنت حته جن، خيبان.. مش عارف تعمل حاجه وعاوزني أنا اللي أفكر واعمل.. بقولك ايه بعد كدا متظهرش إلا لما اطلبك غير كدا ياريت تحرمني من منظرك ده…
وكمان ألعب ولا لأ ده يخصني أنا لوحدي… أنا مش منتظره أمرك.. أنت اللي منتظر مني أفكار ومصا'يب..
ولقيت لون عينه تحولت للون الدم!! وشوفت نار🔥 محاطه بجسده تمسكت علشان ميظهرش خوفي.. وبعدها افتكرت كلام الشاب ودورت وشي اتجاه الدولاب وكأني بطلع ملابس ليا وابتديت أقول آية الكرسي واتحرك للسرير اضع عليه الملابس وارجع للدولاب ولاحظت أن النار بتنطفئ!! تأكدت ساعتها أن كلام الشاب صحيح وكملتها للآخر وبصيت لقيت بابا مهموز ماسك جسده. ويقول في إيه … إيه اللي بيحصل…
قولت له اللي بيحصل أنك زعلتني ولا أنت متعرفش أن الطفل الهجين بيكون أقوي من ابوه، الجنn نفسه…
بطل تزعلني لو عاوز ترجع بقوتك🤣🤣🤣 واختفي من قدامي وابتديت ابحث ع النت ازاى أكون اقوي، من الجن،.. وابتديت أقرأ آيات كتير من القرآن واحفظها.. وكمان بعض الأذكار…
هوريك يا بابا ازاى تتحداني….
الأمير سلسال…
جالي حسام وقالي أن برك قرب من رجل من الإنس وهيقدر يتعلم منه قو'تهم. وقد'رتهم في التغلب علينا..
وسعدت بهذا الخبر وقررت انتقم، من الطفله اللي تحدتني. أمام ابنائي من الجان…
وجاء لي مهموز وقال لي ما حدث قولت له صحيح الهجين. أقوي، مننا لكن واضح أن اللي حصلك هو نفس اللي حصلي…
واضح أن بنتك بدأت تتعلم. السحرr من وراك…
الجن،مهموز…
لأ لأ استحالة. بنتي وأنا عارفها قو'يه. ومتمردة، وللأسف أنا اللي عملتها الكبرr والتمرد…
الأمير سلسال….
إذا ظلت هكذا.. يبقي يجب التخلص منها…
الجن.الاحمر…
سمعت نداء عبدالرحمن وظهرت له ولقيته بيقولي أنا عاوز اقابل الأمير.المخلد إبليس.. في امرآ عاجل…
يتبع….
تفتكروا عبدالرحمن ناوي ع إيه…
بقلم. #رشامنصور