رواية احببت طفلة الفصل الخامس 5 - بقلم ندى علي

مراد بصدمة: لقي نور مغمى عليها على الأرض. جري عليها مراد: نور نور نور اصحي. نور: ... مراد: شالها وركبها العربية على المقعد اللي ورا وراح على المشفى. وصل مراد. مراد بزعيق: انتو هنا يا عالم اللي جو معايا حالة. الممرضة: تمام يا مراد باشا. وراح دخلها الأوضة. الممرضة: اسفة بس حضرتك لازم تخرج برا. مراد بخوف: تمام. ... عند مراد وندى. استيقظت ندى من سريرها. بصت على السرير ملقيتش فهد.

ندى: كويس إنه مشي، لأن معنديش قلب للكلام معاه وإهاناته. واتجهت إلى المرحاض. أخدت شور وطلعت. لبست بجامة ونزلت تحت. ندى: راحت المطبخ لقت داده سميحة. دادة سميحة: عايزة حاجة يا هانم. ندى بابتسامة: هانم إيه يا دادة، أنا اسمي ندى. دادة سميحة: طيب يا بنتي، أعملك فطار. ندى: شكراً يا دادة، أنا هعمل. سميحة بابتسامة: شكلك طيبة يا ندى. ندى: حبيبتي يا دادة، يلا قوليلي أنتِ بتعملي إيه. سميحة: أنا بعمل الغدا قبل ما فهد بيه يرجع.

ندى: ماشي، يلا خليني أعمل معاكي. سميحة: لا مينفعش، أنتِ اقعدي جوا وأنا هعمل علشان فهد بيه ميزعلش يا بنتي. ندى: وفهد ماله، أنا اللي عاوزة أطبخ معاكي، محدش غصبني. سميحة باستسلام: خلاص، قطعي الخضار أنتِ. وفعلاً بدأوا في عمل الغدا. ... في المشفى. الدكتور طلع. مراد راح جري عليه: ها يا دكتور، أخباره إيه؟ إيه سبب الإغماء ده؟ الدكتور: اطمن يا مراد بيه، ده سبب قلة أكل وسبب صدمة حصلتلها، وكمان جسمها ضعيف جداً، محتاجة تغذية.

مراد: تمام يا دكتور، شكراً. ممكن أدخلها؟ الدكتور: طبعاً اتفضل. دخل مراد على نور. مراد: حمدالله على السلامة. أفهم الهانم مبتكلش ليه؟ نور: أنا آسفة بجد، عارفة إن عملتلك مشاكل، بس أول ما أطلع من هنا همشي على طول. مراد بعصبية مش عارف إيه سببها: أنتِ مش هتمشي من هنا غير لما أعرف إيه حكايتك، تمام؟ نور بخوف: تمام، هحكيلك. ... فجأة. نور رجعت من الجامعة لقت أبوها جايب مأذون. نور بخوف: بابا، فيه إيه من الناس دول؟

الأب بعصبية: علشان النهاردة كتب كتابك، يلا علشان هنكتبه دلوقتي. نور: لا يا بابا، أنا مش عايزة أجوزه، ده قد جدي، مستحيل أتزوجه. الأب: نزل ضرب في نور لدرجة الدم. نور: دخلت أوضتها ومعدش عندها غير إنها تهرب. ... باااااااااك. نور بدموع: دي كل الحكاية، بابا كان عايز يجوزني لتاجر مخدرات وكمان عنده 40 سنة. مراد: يعني اتكتب كتابك ولا لأ؟ نور: لأ، متكتبش، قبل ما يتكتب كنت هربت. مراد: تتجوزيني؟ ... في شركة فهد. فهد بعصبية.

السكرتيرة:​‌‍⁠ مراد لسه مجاش. سلمى بخوف من عصبيته: لأ يا فهد بيه، لسه مجاش. فهد: ما شاء الله عليه، تمام، برا أنتِ. سلمى: طلعت تجري. فهد اتصل بيه: الو يا مراد، إيه يا عم، مش ناوي تيجي تزورنا يا حبيبي؟ مراد: خلاص، كلها نص ساعة وهكون عندك. فهد: تمام، بس انجز، ورانا شغل كتير. وقفل معاه. ... في فيلا مراد. مراد: أنا هسيبك تفكري النهارده وردي عليا بليل، تمام؟ وسابها ونزل. نور قعدت على الكنبة: طيب أعمل إيه؟

لو وافقت أبويا ممكن يعمل معاه حاجة، ولو موافقتش أبويا هيجوزني لراجل ده. يارررب، أعمل إيه؟ أنا تعبت. وفجأة الجرس رن. راحت فتحت. نور بصدمة وخوف: بابا.

تابع الفصل التالى من هنا